Telegram-канал "AGROBLOGER" — @agrobloger

AGROBLOGER

5 Nov, 09:34

ИССИҚХОНАЛАРДА САБЗАВОТ ЭКИНЛАРИ УЧУН ҲАРОРАТ ТАРТИБОТИ

Иссиқхоналарда сабзавот экинларини етиштириш усулларини ҳисобга олиб ҳароратга муносабатига кўра уч гуруҳга бўлинади:

1. Иссиқсевар ўсимликлар (мақбул ҳарорат 23±5°С). Уларга қовоқдошлар, итузумгулдошлар оиласига мансуб сабзавотлар киради.

2. Мўътадил ҳароратни талаб қилувчи ўсимликлар (мақбул ҳарорат 12±2°С). Уларга карамсимонлар оиласига кирувчи сабзавот ўсимликлари, уруғ билан ва кўчат услуби билан етиштириладиган салат, исмалоқ, укроп киради.

3. Паст ҳароратни талаб қилувчи ўсимликлар (мақбул ҳарорат 4±2°С). Уларга барча етилтириб олинадиган экинлар ва помидордан ташқари барча ўстирилмай ушлаб туриладиган ўсимликлар киради.

Иссиқхоналарда кечасидаги юқори ҳарорат натижасида ўсимликлар бўйига чўзилади ва нозиклашади, уларнинг ўсиши тезлашади, аммо шохланиши сусаяди, ўсимликлар тез қарийди. Яхши ёритилганликда, етарли намлик ва унумдор тупроқларда иссиқликка талаб ошиб боради.

Ёруғлик пасайганда иссиқликка талаб ҳам камаяди. Тунда фотосинтез жараёни тўхтайди, аммо нафас олиш давом этади, ҳарорат қанчалик юқори бўлса, у ҳам шунча юқори бўлади. Тунги паст ҳароратда ўсимликлар органик моддаларни ўсиш ва мева органларида тўплаш учун кўпроқ сақлайдилар. Шу сабабларга кўра булутли кунларда ҳам ҳароратни пасайтириш керак.

Тунги ва булутли кун ўртасидаги ҳарорат фарқи 7°С, қуёшли кунда 14°С атрофида бўлиши лозим. Илдиз учун тунги мақбул ҳарорат, ўсимликларни ер устки қисмидагига қараганда 2-3°С юқорироқ бўлади. Ҳар бир ўсимлик ўсув даврининг турли босқичларида иссиқликка талаби бир хил бўлмайди.

Уруғининг униб чиқиши ҳарорат вақтида вегетатив ўсишдаги мақбул ҳароратдан 4-7°С юқори бўлганда яхшироқ ўтади.

Ўсимликларнинг вегетатив ўсиши кучайганда ҳароратнинг юқори бўлишига муҳтож бўлади. Яна ҳам юқори ҳарорат ўсимлик гуллаганда ва ҳосилга кирганда зарур.

AGROBLOGER канали:
@agrobloger

389 0 4 11

AGROBLOGER

5 Nov, 09:34

Репост из: ANGUZAL AGROSERVIS

🔈ДУНЁНИНГ ЭНГ КАТТА АГРОКЎРГАЗМАСИГА ОТЛАНДИК!

Марказий Осиёда ягона бўлган микробиологик препаратлар ишлаб чиқарувчи "Anguzal Agroservis" компанияси Туркиянинг Анталия шаҳрида 20 ноябрдан 23 ноябргача ўтказиладиган анъанавий "GROWTECH-2024" кўргазмасида қатнашади.

Унда компаниямизда ишлаб чиқарилаётган юқори самарали ва рақобатдан ҳоли бўлган "Плантастим", "Бактомин", "Фосфомакс", "Максиплант" биостимуляторлари, "Спорагин", "Лавирон" биофунгицидлари ҳамда "Престиж", "Ан Био" биоинсектицидлари бутунжаҳон фермерларига намойиш этилади.

15 ЙИЛДАН БУЁН ЎЗГАРМАС СИФАТ!

БИРГАЛИКДА СОҒЛОМ МАҲСУЛОТ ЕТИШТИРАМИЗ!

Бош офис манзили: Тошкент шаҳри, Олтин водий кўчаси, 1-уй.
📍Локация: htt ps://t.me/AnguzalAgroservis/2259

Компания телефонлари:
+998994300064
+998941150064

Телеграмдаги расмий каналимиз:
@AnguzalAgroservis
Телеграмдаги мулоқот учун гуруҳимиз:
@AnguzalAgroservis_guruhi

289 0 0 13

AGROBLOGER

5 Nov, 09:02

ҚАЙСИ МЕВАЛИ ДАРАХТ ЁКИ РЕЗАВОР ЭКИНЛАР ҚУЁШ НУРИГА ТАЛАБЧАН ЁКИ АКСИНЧА?

🔹Олма нисбатан сояга чидамли дарахтдир. Бироқ, шох-шаббаси қалин бўлиб, сояда қолган мевалари ўзига хос рангни яхши ололмайди ва ёмон ривожланади.

🔹Нок ёруғсевар ўсимлик. Шох-шаббасининг ичи сийрак, ён томонлари қалин бўлади.

🔹Беҳи ҳам ёруғсевар. Сояда кам гуллайди ва кам ҳосил беради, ўсишдан орқада қолади, заифлашади ва қуриб қолади.

🔹Ўрик, шафтоли ва гилос ҳам ёруғсевар ўсимликлардир. Ўрик ёввойи ҳолда очиқ, ёруғ жойларда ўсади. Шафтоли ўрикка нисбатан анча ёруғсевар ҳисобланади ҳамда унинг шох-шаббаси қалинлашиб кетганда сояда қолган шохчалари тез қурий бошлайди.

🔹Олчанинг кўпгина навлари сояга чидамли ўсимликлардир. Томорқа майдонларида улар қалин ўсиб, яхши ҳосил беради лекин, ёруғлик етарли бўлганда янада мўл ҳосил бериши мумкин.

🔹Олхўрининг Ғарбий Европа навлари ёруғсевардир, қолган навлари ёруғликни камроқ талаб этади.

🔹Ёнғоқ ёруғсевар ўсимликлар билан сояга чидамли турлари ўртасидаги оралиқ ўринни эгаллайди, бироқ ёруғлик етарли бўлганда мўл ҳосил бўлади.

🔹Қулупнай бир оз сояпарвар, аммо ёруғ жойда яхши ҳосил беради. Йилнинг иссиқ вақтларида барглари қуёш таъсирида куяди.

🔹Малина сояга чидамли ўсимлик. Девор олдида, кўпинча мева дарахтларнинг тагида ўсади ва ҳосил беради. Қуёш кучли қиздирса, барглари куяди.

🔹Қора смородина ва крижовник мўътадил ва тарқоқ ёруғликка мойил, сояни ёқтирмайди, кучли иссиқда смородина барглари куяди.

🔹Анжир, анор, бодом, зайтун ёруғсевар ўсимликлардир. Чилонжийда ҳамда писта жуда ёруғсевар ўсимликлар ҳисобланади.

🔹Мевали дарахтлар тиним даврида ёруғликни талаб қилмайди. Қаламча ҳамда кўчатлар қоронғи ертўлаларда ёки кўмилган ҳолда сақланади ва улар ҳеч қандай салбий таъсир кўрмайди.

AGROBLOGER канали:
@agrobloger

543 0 8 11

AGROBLOGER

5 Nov, 05:52

⚡️ФОТОРЕПОРТАЖ: Олтиариқда кунига 150 тонна хурмо экспорт қилинмоқда.

Мева ва сабзавот етиштириш ва унинг экспортида Фарғона вилояти мамлакатимизда доим етакчилардан бўлган. Вилоятда мева ва сабзавотларнинг барча турлари етиштирилади, сақланади ҳамда йил бўйи экспорт қилинади. Айни кунларда вилоятда узум, беҳи, олма ва хурмо экспорти жадал давом этмоқда.

Вилоятнинг деярли барча ҳудудларида хурмо етиштирилади. Учкўприк, Ўзбекистон, Фарғона ва Тошлоқ туманлари ҳамда Қувасой шаҳри бу борада пешқадам. Деҳқон хўжаликлари билан бир вақтда аҳоли томорқаларида ҳам хурмо етиштириш яхши йўлга қўйилган. Сентябрь ва октябрь ойларида пишиб етилган ҳосил териб олиниб, музлатгичли омборларга жойланади. Хурмо экспорти сентябрь-октябрь ойларидан бошланиб, келаси йилнинг май ойларига қадар давом этади.

Рақамларга эътибор берадиган бўлсак, ўтган 2023 йилда вилоят божхона бошқармаси томонидан умумий қиймати 4 миллион 500 минг АҚШ долларига тенг бўлган жами 6 минг 458 тонна хурмо Польша, Россия, Беларусь, Қирғизистон ва Қозоғистон давлатларига экспорт қилинган. Хурмо экспорти билан 2023 йилда жами 67 нафар тадбиркор шуғулланган.

Бу йил вилоятда хурмо ҳосили мўл. Унинг экспорти ҳам жадал давом этмоқда. Экспорт мавсуми бошланганига ҳали кўп бўлмаган бўлса ҳам экспорт ҳажми катта. Жорий йилда умумий қиймати 8,5 миллион АҚШ долларига тенг бўлган 13 минг 126 тонна ҳосил экспорт қилиниши кўзда тутилган.

Вилоят божхона бошқармасининг “Водий” ташқи иқтисодий фаолият божхона постининг Олтиариқ туманидаги “Экспортга кўмаклашиш маркази”да кунига ўртача 700 тонна қишлоқ хўжалиги маҳсулотлари экспортга расмийлаштирилаётган бўлса, шундан 150 тонна қисмини хурмо меваси ташкил этмоқда.

Божхона қўмитаси томонидан амалиётга жорий этилган “Экспорт уч қадам” дастури орқали “даладан экспортга” тамойили асосида экспорт товарларини тўғридан тўғри чегара божхона постларида расмийлаштирилаётгани тадбиркорлар учун жуда қулай бўлмоқда. Ҳозирга қадар расмийлаштирилган хурмонинг 20 фоиздан ортиқ қисми ёки 2700 тоннадан зиёди чегара божхона постида соддалаштирилган тартибда божхона расмийлаштирувидан ўтказилиши таъминланган, дейилади хабарда.

AGROBLOGER канали:
@agrobloger

1.1k 2 8 15

AGROBLOGER

5 Nov, 05:02

ЎЗБЕКИСТОНДА БУГУН ҚАНДАЙ ОБ-ҲАВО КУТИЛМОҚДА?

"Ўзгидромет" бугун, 5 ноябр, ҳафтанинг сешанба куни кутилаётган об-ҳаво маълумотини эълон қилди.

Тошкент шаҳрида ҳаво булутли бўлиб, вақти-вақти билан ёмғир ёғиши кутилади. Шамол ғарбдан 3-8 м/с тезликда эсиши, 10-12 м/с гача кучайиши мумкин. Ҳарорат кечаси +10...+12, кундузи +15...+17 даража илиқ бўлиши кутилади.

Қорақалпоғистон Республикаси ва Хоразм вилоятида ҳаво бироз булутли бўлиб, баъзи жойларда ёмғир ёғиши кутилади. Шамол ғарбдан 7-12 м/с тезликда эсиши мумкин. Ҳарорат кечаси +2...+7, кундузи +10...+15 даража илиқ бўлиши кутилади.

Бухоро ва Навоий вилоятида ҳаво бироз булутли бўлиб, баъзи жойларда ёмғир ёғиши, айрим жойларда кучли бўлиши мумкин. Шамол ғарбдан 7-12 м/с тезликда эсиши эҳтимоли бор. Ҳарорат кечаси +7...+12, кундузи +13...+18 даража илиқ бўлиши кутилади.

Тошкент, Сирдарё, Самарқанд ва Жиззах вилоятларида ҳаво бироз булутли бўлиб, баъзи жойларда ёмғир ёғиши, айрим ҳудудларда кучли бўлиши мумкин. Шамол ғарбдан 7-12 м/с тезликда эсиши, баъзи жойларда 13-18 м/с гача кучайиши мумкин. Ҳарорат кечаси +7...+12, кундузи +13...+18 даража илиқ бўлиши кутилади.

Қашқадарё ва Сурхондарё вилоятларида ҳаво бироз булутли бўлиб, баъзи жойларда ёмғир ёғиши кутилади. Шамол ғарбдан 7-12 м/с тезликда эсиши эҳтимоли бор. Ҳарорат кечаси +12...+17, кундузи +20...+25 даража иссиқ бўлиши кутилади.

Андижон, Наманган ва Фарғона вилоятларида ҳаво бироз булутли бўлиб, баъзи жойларда ёмғир ёғиши кутилади. Шамол ғарбдан 7-12 м/с тезликда эсиши мумкин. Ҳарорат кечаси +7...+12, кундузи +12...+17 даража илиқ бўлиши кутилади.

Республиканинг тоғли ҳудудларида ҳаво бироз булутли бўлиб, вақти-вақти билан ёғингарчилик (ёмғир, қор), баъзи жойларда кучли бўлиши мумкин. Шамол ғарбдан 7-12 м/с тезликда эсиб, айрим ҳудудларда 13-18 м/с гача кучайиши мумкин. Ҳарорат кечаси ва кундузи +5...+10 даража илиқ атрофида бўлиши кутилади.

БОШЛАНГАН ЯНГИ КУН БАРЧАМИЗГА ҲАЙРЛИ ВА БАРАКОТЛИ БЎЛСИН!

AGROBLOGER канали:
@agrobloger

994 0 3 3 11

AGROBLOGER

3 Nov, 16:04

00:58

Видео недоступно для предпросмотра

Смотреть в Telegram

⚡️УЗУМНИНГ БУГУНГИ БОҒБОН НАРХИ 13000 СЎМ.

🔹Олтиариқ тумани.

AGROBLOGER канали:
@agrobloger

3.4k 0 27 5 28

AGROBLOGER

3 Nov, 16:03

⚡️ҲУРМАТЛИ МЕҲМОНДЎСТ ЎЗБЕКИСТОН ХАЛҚИ! АЗИЗ БОҒБОНЛАР ВА САБЗАВОТ ЕТИШТИРУВЧИЛАР ДИҚҚАТИГА!

🥇 7 йилдан ортиқ вақт давомида аграр сектори учун ускуналар ва турли техникаларни ишлаб чиқариш билан шуғулланиб келаётган Озарбайжоннинг «Agrosistems» компанияси энди ўз маҳсулотларини Ўзбекистонга етказиб бера бошлади !

✅ Компания соатига 6000 - 10000 кг ҳажмдаги гидрокулерларни ишлаб чиқаради, бу ускуналар маҳсулотнинг сақлаш муддатини узайтиради ва уни турли микроб ва бактериялардан тозалайди. Шу билан сиз маҳсулотингизни узоқ масофаларга муваффақиятли ташишингиз мумкин бўлади, бу эса ўз навбатида сизнинг агробизнесингизнинг самарадорлигини оширади. Шунингдек, ускуналар маҳсулотнинг табиий таъми ва кўринишини сақлаб қолишга ёрдам беради, бу эса маҳаллий ва халқаро бозорларда жуда муҳим.

📌Гидрокулерлардан ташқари, компания маҳсулотларни ҳаво ёрдамида олдиндан совитиш учун ускуналар, мева ва сабзавотларни йиғиш учун гидравлик платформалар ва агрокоплекс ҳудуди бўйлаб маҳсулотни осонроқ ҳаракатлантириш учун аравачалар ишлаб чиқаради.

📈 Компания ўз ускуналарининг биринчи партиясини Ўзбекистонга муваффақиятли етказиб берди ва ҳозирда янги ҳамкорликларга очиқ!

Тақдимот: https://bit.ly/4dOYlGD

Батафсил ахборот учун:
📲 Телефон: +994504441701 (Watsapp / Telegram)
📲 2-телефон: +994507195979 (Watsapp / Telegram)
✍️: E-mail: info@agrosystems.az
🖥 Сайт: www.agrosystems.az

2.8k 0 2 15

AGROBLOGER

3 Nov, 15:48

ОЧИҚ ДАЛАДА ЭКИНЛАРДА ОЗИҚ ЭЛЕМЕНТЛАРИНИНГ ЎЗЛАШТИРИЛИШИГА ҲАРОРАТНИНГ ТАЪСИРИ

Ҳар бир қишлоқ хўжалиги экини уруғининг униб чиқиши учун мақбул ҳарорат мавжуд (масалан, арпа учун +20°, сули, буғдой учун +25°, маккажўхори ва оқ жўхори учун +32°С).

Ғалла экинлари ҳарорат +23..+25°С бўлганда азот ва фосфорни яхши ўзлаштиради. Канакунжут, соя, ловия ва ғўза каби ўсимликлар +30..+35°С ҳароратда озиқ моддаларни яхши ўзлаштиради.

Ўсимликлар илдиз тизимининг ривожланиши учун бирмунча пастроқ ҳарорат керак. Нисбатан паст ҳароратларда NH4 шаклдаги азот NO3 га нисбатан кўпроқ ютилади.

Ҳароратнинг +5..+7°С га қадар пасайиши калийнинг ўзлаштиришига таъсир қилмайди, лекин илдиз томонидан азот, фосфор, кальций ва олтингугуртнинг ютилишини кескин камайтиради.

Экинлар меъёрида озиқлантирилганда ҳароратнинг +10°С дан пасайиши озиқ элементларининг ўзлаштирилишига салбий таъсир кўрсатади.

Озиқ элементларининг ўзлашиши ҳароратга мос камайиб боради. +12°Сдан паст ҳароратда илдиз тизими фаоллиги тўхтайди.

AGROBLOGER канали:
@agrobloger

2.8k 0 12 15

AGROBLOGER

3 Nov, 08:34

⚡️АНА ХОЛОС: ҲОКИМЛИК ТАДБИРКОРГА БЕРГАН ЕРНИ ВАЗИРЛИК АУКЦИОНДА СОТИБ ЮБОРГАН!

Тоғ-кон саноати ва геология вазирлиги аукцион орқали қум-шағал қазиб олиш учун сотиб юборган ер аслида Шофиркон туман хокимлиги томонидан тадбиркорга 49 йил муддатга ижарага берилган эди.

Давлат геология ва минерал ресурслар қўмитаси (ҳозирги Тоғ-кон саноати ва геология вазирлиги) томонидан 2021 йил 11 май кунги №17-1855-сонли хат билан Бухоро вилоятидаги 78 та кон участкаларининг рўйхати шакллантирилиб, келишиш учун вилоят ҳокимлигига юборилган.

Мазкур участкаларининг ҳудудлари Кадастр агентлигининг Бухоро вилоят бошқармаси томонидан ўрганилганда, 30-тартиб рақамдаги бурчак координаталари жойлашган ер майдони “Нурли боғ-2020” МЧЖга тегишлилиги аниқланган ва бу ҳақда дарҳол Давлат геология ва минерал ресурслар қўмитаси (ҳозирги Тоғ-кон саноати ва геология вазирлиги)га тегишли маълумот тақдим қилинган.

Тумандаги Ер участкаларини ажратиш масалаларини кўриб чиқувчи комиссиянинг 2020 йил 25 ноябрдаги йиғилиш баённомаси асосида Шофиркон туман ҳокимининг “Нурли боғ-2020” МЧЖга янгидан интенсив мевазор ва узумзор ташкил этиш учун ер майдони ажратиш тўғрисида”ги 724-сонли қарори билан “Нурли боғ-2020”га 200 гектар ер ажратилган эди.

Мазкур қарор асосида Шофиркон туман хокимлиги билан “Нурли боғ-2020” МЧЖ ўртасида 49 йил муддатга ерни ижарага олиш шартномаси имзоланган.

Шунга қарамасдан, Тоғ-кон саноати ва геология вазирлиги ушбу маълумотни инкор қилиб, қишлоқ хўжалиги ерлари тоифасига киритилган ушбу 15,5 гектар ер майдонини қум-шағал қазиб олиш учун аукционга чиқариб юборган.

Оқибатда, Президентнинг 2019 йилдаги “Қишлоқ хўжалиги ер ва сув ресурсларидан самарали фойдаланиш чора-тадбирлари тўғрисида”ги ПФ-5742-сонли қарори талаблари бузилган.

Ерни аукционда ютиб олган “Тechno-crusher stone” МЧЖнинг бирламчи ҳужжатларида ер қаъри участкаси номи “Осиё кони 1-участкаси” дея аталган ҳудуднинг аниқ манзили, чегара координаталари аниқ белгиланмаган.

Давлат Геология ва минерал ресурслар қўмитаси хузуридаги Кон-Геология фаолиятини назорат қилиш инспекциясининг 2022 йилдаги 1-01/1718-сонли хатида “Теchno-crusher stone” МЧЖ томонидан конда қазиш ишлари бошланишидан олдин, суғориладиган ерлар тоифасига мансублиги ҳамда қишлоқ хўжалигида фойдаланиладиган ер турига кирадими ёки йўқлиги тўғрисида маҳаллий хокимликлардан тегишли хулоса олган ҳолда ишлаш тавсия этилиши” баён қилинган бўлса-да, бу ишлар амалга оширилмаган.

Юқоридаги ноқонуний холатлар туман прокуратураларида ўрганилиб, Тошкент туманлараро Маъмурий судида кўрилган.

Мазкур суднинг 2023 йил 19 декабрдаги ҳал қилув қарори билан Геология ва минерал ресурслар қўмитасининг 2022 йил 14 март кунги қарорининг “Nurli bog`-2020” МЧЖга тегишли 15,46 гектар ер майдонини аукционга чиқариш тўғрисидаги қисми ҳақиқий эмас деб топилган.

Шундан сўнг, суднинг ушбу қарорига нисбатан аукционда ер майдонини ютиб олган “Тесhno-crusher stone” МЧЖ томонидан апелляция шикояти келтирилган.

Тошкент шаҳар маъмурий суди апелляция инстанциясининг 2024 йил 14 февралдаги қарори билан Тошкент туманлараро судининг ҳал қилув қарори ўзгаришсиз қолдирилиб, шикоят рад қилинган.

Шундан сўнг вилоят ва туман прокуратуралари томонидан аризани ўрганиш натижасига кўра, ушбу низоли ер майдони “Тесhno-crusher stone” МЧЖ номига давлат рўйхатидан ўтказиш имкони мавжуд эмаслиги тушунтирилган.

Вазирлар Маҳкамасининг “Ер қаъри участкаларидан фойдаланиш ҳуқуқи учун рухсатномалар бериш тартибини янада такомиллаштириш чора-тадбирлари тўғрисида”ги 133-сонли қарорида ер қаъри участкаларидан фойдаланиш ҳуқуқи учун рухсатнома бериш билан бир вақтда, ушбу соҳадаги ваколатли орган ва ер қаъридан фойдаланувчи ўртасида участканинг ижара шартномаси тузилади.

Шундай бўлса-да, “Тесhno-crusher stone” МЧЖ ва Тоғ-кон саноати ва геология вазирлиги ҳузуридаги «Ер қаъридан фойдаланиш маркази» давлат муассасаси ўртасида ер участкасининг ижара шартномаси тузилмаган.

Ҳозирги кунда ушбу ер майдонидан 3 гектар ҳудудида ноқонуний равишда қум-шағал ковлаб сотилмоқда, дейилади хабарда.

AGROBLOGER канали:
@agrobloger

2.4k 0 8 3 17

AGROBLOGER

3 Nov, 05:20

⚡️САВОЛ-ЖАВОБ: Қуёш панеллари ўрнатмоқчиман. Уни ўрнатиш учун қандай талаблар қўйилади?

🔹ЖАВОБ: Мамлакатимизда қайта тикланувчи энергия манбаларидан фойдаланиш анча самарали. Қуёш энергиясидан асосан икки хил усулда фойдаланилади.

Биринчиси: қуёш коллектори ёрдамида сув 150 даражагача қиздирилади, сўнг бинони иситиш ёки иссиқ сув таъминотида фойдаланилади.

Иккинчи усул: қуёш энергиясидан электр энергияси олишда ярим ўтказгичли фотоэлемент – қуёш панеллари (қуёш модули)дан фойдаланилади. Панелларни қуёш нури кўп тушадиган бино томларига ўрнатиш самарали ҳисобланади.

Панеллар қуёшдан келаётган радиацияни электр энергиясига айлантиради. Кўп миқдорда энергия олиш учун қуёш радиацияси панель юзасига максимал даражада тик тушиши лозим.

Республикамизда аҳоли хонадонларига кичик қувватли, яъни умумий қуввати 50 кВтгача бўлган қуёш панелларини ўрнатишни рағбатлантириш бўйича «Қуёшли хонадон» дастури амалга оширилмоқда. Сиз уйингизга қуёш панели ўрнатиш учун ушбу дастурдан фойдалансангиз, ютқазмайсиз. Ушбу дастур доирасида аҳоли томонидан қуёш панеллари орқали ишлаб чиқарилган ортиқча электр энергиясининг ҳар бир киловатт соатига 1000 сўмдан субсидия ажратилади.

🔹Саволга «Colar Energi Company» МЧЖ мутахассиси Умид Узоқов жавоб берди.

AGROBLOGER канали:
@agrobloger

2.7k 0 12 1 14

AGROBLOGER

3 Nov, 05:20

Репост из: ANGUZAL AGROSERVIS

00:27

Видео недоступно для предпросмотра

Смотреть в Telegram

🏅ИССИҚХОНАДА ПОМИДОР ВА БОДРИНГ ЕТИШТИРИШДА ЭНГ ТЎҒРИ ЙЎЛ-БИОЛОГИК ПРЕПАРАТЛАРНИ ЎЗ ВАҚТИДА ҚЎЛЛАШДИР!

🖊 ПОМИДОР ЕТИШТИРИШ:

✅Аввалги экин олиб чиқиб кетган озиқанинг ўрнини тўлдириш мақсадида экишдан олдинги тупроқни тайёрлашда маҳаллий гўнг, Фосфорли ва Калийли ўғитлар киритилади. Бунда тупроқнинг кимёвий таркибини эътиборга олиш муҳимдир.

❕ДИҚҚАТ: Микробиологик препаратларни қўллашда хлорланмаган сув ишлатилади. Минерал ўғитлар билан биргаликда ишлов бериш мумкин.

1). Помидор кўчатларини экиш вақтида стакан ёки кассетадаги кўчатларни "Плантастим" биостимуляторининг сувдаги аралашмасига ботириб экилади (10 л сув/150 мл). Бу ишловлар илдиз чиришидан сақлайди ва илдиз тизимини кучайтиради.
Ҳар 14-15 кунда томчилатиб суғориш тизими орқали 100 л сув/1,5 л "Плантастим"ли сув билан суғорилади.

2). Помидор кўчатлари экилгандан 8-10 кун ўтгач, барг орқали "Престиж Плюс" биоинсектициди билан (10 л сув/150 мл), бир ҳафтадан сўнг, "Спорагин" биофунгициди (10 л сув/150 мл) билан пуркаш ишлари олиб борилади. Бу тадбирлар зараркунандаларга ва замбуруғ касалликларига қарши профилактика бўлади.
Ушбу ишловлар ҳар 10-12 кунда такрорланади.

3). Помидор кўчатлари экилгандан бошлаб, ҳар 15 кунда вирус касалликларига қарши "Лавирон" вирулициди билан ишлов бериб борилиши зарур. Бунда сарф меъёри 10 л сув/15-20 мл.

4). Помидорнинг гуллаш даврида (10 л сув/50 мл) "Бактомин" билан, жами 2 марта, 14 кун фарқи билан пуркалади. Энг пастки 2 та мевашодаси шаклланиб бўлгандан бошлаб, (10 л сув/80 мл) "Максиплант" биостимулятори билан ҳар 14-15 кунда бир марта, жами 4-5 марта барг орқали пуркаш ишлари қилинади. Бу - мева йириклашиши ва барг массаси ҳамда поя ривожига хизмат қилади.

5). Иссиқхонада кечаси ҳарорат +12°С даражадан пастлаши кузатилганда ҳар 5-6 кунда бир марта "Антифроз" антистрессант препарати билан пуркаш ишлари олиб борилиши зарур. Бу ишловлар экинларда модда алмашинувини +2°С да ҳам давом этишини таъминлайди.

🔹🔹🔹🔹🔹

🖊БОДРИНГ ЕТИШТИРИШ:

✅Аввалги экин олиб чиқиб кетган озиқанинг ўрнини тўлдириш учун экишдан олдинги тупроқни тайёрлашда маҳаллий гўнг, Фосфорли ва Калийли ўғитлар киритилади.

1). Экиш вақтида уруғларни "Плантастим" биостимулятори аралаштирилган сувда 4-5 соат сақлаш (1 л хлорланмаган сувга 10 мл) ёки стакан ҳамда кассетадаги кўчатларни "Плантастим"ли аралашмага ботириб экиш (10 л хлорланмаган сувга 150 мл). Бу ишловлар илдиз чиришидан сақлайди ва илдиз тизимини кучайтиради.
Ҳар 10-12 кунда томчилатиб суғориш тизими орқали 100 литр сувга 1,5 литр "Плантастим"ли сув билан суғориш ишлари олиб борилади.

2). Бодринг кўчатлари экилгандан 7-8 ўтиб ёки уруғ экилгандан 16-17 кун сўнгра, барг орқали аввал "Престиж" биоинсектициди билан (10 л хлорланмаган сувга 150 мл), 3 кун ўтказиб, "Спорагин" биофунгициди (10 л хлорланмаган сувга 150 мл) билан пуркаш ишлари олиб борилади. Бу тадбирлар зараркунандаларга ва замбуруғ касалликларига қарши юқори самара беради.
Ушбу ишловлар ҳар 10 кунда бир мартадан такрорлаб борилади.

3). Бодринг кўчатларининг 7-8 та барг ҳосил қилгандан бошлаб, ҳар 15 кунда вирус касалликларига қарши "Лавирон" вирулициди билан ишлов бериб борилиши зарур.

4). Бодрингнинг қийғос гуллаш давридан бошлаб, 10 литр хлорланмаган сувга 50 мл "Бактомин" ва 80 мл "Максиплант" биостимуляторлари билан ҳар 18-20 кунда бир марта, жами 3 марта пуркаш ишлари қилинади. Бу мева йириклашиши ва барг массаси ҳамда поя ривожига хизмат қилади.

5). Иссиқхонада кечаси ҳарорат +12°С даражадан пастлаши кузатилганда ҳар 5-6 кунда бир марта "Антифроз" антистрессант препарати билан пуркаш ишлари олиб борилиши зарур. Бу ишловлар экинларда модда алмашинувини +2°С даражада ҳам давом этишини таъминлайди.

15 ЙИЛЛИК ЎЗГАРМАС СИФАТ!

БИРГАЛИКДА СОҒЛОМ МАҲСУЛОТ ЕТИШТИРАМИЗ!

Марказий Осиёда ягона бўлган биологик препаратлар ишлаб чиқарувчи: "Anguzal Agroservis" компанияси.

Бош офис манзили: Тошкент шаҳри, Олтин водий кўчаси, 1-уй.
📍Локация: https://t.me/AnguzalAgroservis/2259

☎️ Компания телефонлари:
+998994300064
+998941150064

📨 Расмий каналимиз:
@AnguzalAgroservis
📨Мулоқот учун гуруҳимиз:
@AnguzalAgroservis_guruhi

1.4k 0 27 16

AGROBLOGER

3 Nov, 05:19

КУЗДА МЕВАЛИ КЎЧАТЛАРНИ ЭКИШ ТАДБИРЛАРИ

@AGROBLOGER

Батафсил:
👇👇👇
https://telegra.ph/-11-03-1687

...

Боғбоннинг кузги тадбирларидан бири янги боғ яратиш, яъни мевали кўчатлар экишдир. Уруғли мева кўчатлари экилган ерда пакана ўсувчи пайвандтагда 18–20 йил, ўрта ўсувчи пайвандтагда 25–30 йил, кучли ўсувчи пайвандтагда эса 40–60 йил муқим ўсиб, мева беради. Шунинг учун ҳам кўчат экиладиган майдон жуд...

1.9k 1 11 12

AGROBLOGER

3 Nov, 05:19

ТУПРОҚНИНГ РАНГИ УНИНГ СИФАТИНИ БЕЛГИЛАШИ ҲАҚИДА...

Республикамизнинг турли ҳудудларида тупроқ ранги турлича. Тупроқнинг ўзига хос ранги (туси) уларнинг энг муҳим морфологик белгиларидан биридир. Тупроқ бу билан она жинсидан, шунингдек, генетик қатламлар бир-биридан аниқ фарқ килади.

Тупроқнинг ранги тупроқ пайдо қилувчи она жинснинг дастлабки ранги ва тупроқ пайдо булиш жараёнига боғлиқ бўлади. Масалан: бўз тупроқ, қора тупроқ, қизил тупроқ ва бошқалар.

Тупроқнинг ранги қанчалик қора бўлса, унинг таркибида органик моддалар ва чиринди миқдори шунча кўп миқдорда бўлади.

Шу сабабдан тупроқнинг ҳайдаладиган ва ишлов бериладиган қисми қуйи қисмига қараганда тўқроқ рангда бўлади. Шунинг учун тупроқнинг рангига қараб ҳам унинг ҳосилдорлигини ўрганиш ва ошириш мумкин.

Агар тупроқдаги чиринди миқдори 10% ёки ундан юқори бўлса, тупроқнинг ранги тим қора тусда, 8-10% миқдорда бўлганда эса қорамтир ёки тўқ жигарранг тусда бўлади.

Чиринди миқдорининг камайиб кетиши оқибатида тупроқнинг ранги тўқ кулранг, кулганг, оч кулранг тусга ўтиб, жуда камайиб кетганда оқиш рангга эга бўлади.

Тупроқ унумдорлиги унга тўғри ишлов берилганда ортиб бориб, аксинча нотўғри ишлов бериш оқибатида камайиб кетади.

Намлик даражасига кўра тупроқ қатлами хўл, зах, нам, намхуш ёки қуруқ бўлади. Тупроқ қатлами орасида сув томчилари сизиб турса хўл тупроқ ҳисобланади. Тупроқни қўлга олиб сиқилганда ундан сув томса зах тупроқ дейилади.

Сиқилганда сув томмаса нам тупроқ, тупроқ зарралари тўзимасдан бир-бирига ёпишиб турса, намхуш тупроқ дейилади. Сиқилганда бирлашмаганда эса, қуруқ тупроқ дейилади.

AGROBLOGER канали:
@agrobloger

2.1k 0 19 14

AGROBLOGER

3 Nov, 02:42

⭕️⭕️⭕️⭕️
ЎЗБОШИМЧАЛИК БИЛАН ЭГАЛЛАНГАН ЕР УЧАСТКАЛАРИНИ РАСМИЙЛАШТИРИШ УЧУН ТЎЛОВ МИҚДОРИ ЭЪЛОН ҚИЛИНДИ.

@AGROBLOGER

Батафсил:
👇👇👇
https://telegra.ph/-11-02-2126

...

Тошкент шаҳри, Нукус шаҳрида ва вилоятлар марказлари, вилоятлар бўйсунувидаги бошқа шаҳарлар, аҳоли пунктларида тўловлар базавий ҳисоблаш миқдорининг тегишли нисбатида белгиланган. «Ўзбошимчалик билан эгаллаб олинган ер участкаларига ҳамда уларда қурилган бинолар ва иншоотларга бўлган ҳуқуқларни эът...

4.1k 0 47 14

AGROBLOGER

3 Nov, 02:34

ЎЗБЕКИСТОНДА БУГУН ҚАНДАЙ ОБ-ҲАВО КУТИЛМОҚДА?

"Ўзгидромет" бугун, 3 ноябр, ҳафтанинг якшанба куни кутилаётган об-ҳаво маълумотини эълон қилди.

Тошкент шаҳрида ҳаво бироз булутли бўлиб, ёғингарчилик кутилмайди. Шамол шарқдан 3-8 м/с тезликда эсиши эҳтимоли бор. Ҳарорат кечаси +8...+10, кундузи +23...+25 даража иссиқ бўлиши кутилади.

Қорақалпоғистон Республикаси ва Хоразм вилоятида ҳаво бироз булутли бўлиб, ёғингарчилик кутилмайди. Шамол шарқдан 7-12 м/с тезликда эсиши эҳтимоли бор. Ҳарорат кечаси +5...+10, кундузи +18...+23 даража иссиқ бўлиши кутилади.

Бухоро ва Навоий вилоятида ҳаво бироз булутли бўлиб, ёғингарчилик кутилмайди. Шамол шарқдан 7-12 м/с тезликда эсиши мумкин. Ҳарорат кечаси +7...+12, кундузи +20...+25 даража иссиқ бўлиши кутилади.

Тошкент, Сирдарё, Самарқанд, Жиззах вилоятларида ҳаво бироз булутли бўлиб, ёғингарчилик кутилмайди. Шамол шарқдан 7-12 м/с тезликда эсиши мумкин. Ҳарорат кечаси +7...+12, кундузи +20...+25 даража иссиқ бўлиши кутилади.

Қашқадарё ва Сурхондарё вилоятида ҳаво бироз булутли бўлиб, ёғингарчилик кутилмайди. Шамол шарқдан 7-12 м/с тезликда эсиши мумкин. Ҳарорат кечаси +7...+12, кундузи +22...+27 даража иссиқ бўлиши кутилади.

Андижон, Наманган ва Фарғона вилоятларида ҳаво бироз булутли бўлиб, ёғингарчилик кутилмайди. Шамол шарқдан 5-10 м/с тезликда эсиши эҳтимоли бор. Ҳарорат кечаси +5...+10, кундузи +18...+23 даража иссиқ бўлиши кутилади.

Республиканинг тоғли ҳудудларида ҳаво бироз булутли бўлиб, ёғингарчилик кутилмайди. Шамол шарқдан 7-12 м/с тезликда эсиши эҳтимоли бор. Ҳарорат кечаси ва кундузи +10...+15 даража илиқ бўлиши кутилади.

БОШЛАНГАН ЯНГИ КУН БАРЧАМИЗГА ҲАЙРЛИ ВА БАРАКОТЛИ БЎЛСИН!

AGROBLOGER канали:
@agrobloger

1.6k 0 2 11

AGROBLOGER

1 Nov, 18:39

ЭКИНЛАРНИ СУҒОРИШДА ТЕЖАМКОР УСУЛЛАР ХАҚИДА...

1. Ёмғирлатиб суғориш: сув бериш миқдори 20-25% гача камаяди, эгат олинмайди.

2. Ер остидан суғориш: сув бериш миқдори 25-30% гача камаяди, эгат олинмайди.

3. Томчилатиб суғориш: сув бериш миқдори 35-65% гача камаяди, эгат олинмайди.

Тупроқ ичидан суғориш- сувини турли хил намлатгичлар ёрдамида ўсимлик илдиз қатламига узатиш демакдир. Бунда, тупроқнинг фаол қатламида ҳавога тўйиниш яхшиланади ва бутун ўсув даврида тупроқнинг мақбул намлиги сақлаб турилади.

Сабзавот экинларини томчилатиб суғоришда одатдаги усулга қараганда сув сарфи жуда кам ва ўсимлик илдизининг нафас олиши ва сувдан қулай, доимо тўлиқ фойдаланиши таминланади. Бунда сабзавотларни томчилатиб суғориш хисобига ҳосилдорлиги ортганлиги тасдиқланган.

Масалан: очиқ майдонларда помидор ҳосили гектарига 130-140 т, иссиқхоналарда эса, 500 тоннагача ортганлиги аниқланган. Картошка ҳосилдорлиги 45 тоннани ташкил этган.

AGROBLOGER канали:
@agrobloger

3.6k 0 18 1 23

AGROBLOGER

1 Nov, 15:02

МЕВАЛАР УЧУН СОВУҚХОНАЛАРДА БЕЛГИЛАНГАН САҚЛАШ ТАЛАБЛАРИ

AGROBLOGER канали:
@agrobloger

3.2k 0 28 17

AGROBLOGER

1 Nov, 15:01

⚡️ҲУРМАТЛИ МЕҲМОНДЎСТ ЎЗБЕКИСТОН ХАЛҚИ! АЗИЗ БОҒБОНЛАР ВА САБЗАВОТ ЕТИШТИРУВЧИЛАР ДИҚҚАТИГА!

🥇 7 йилдан ортиқ вақт давомида аграр сектори учун ускуналар ва турли техникаларни ишлаб чиқариш билан шуғулланиб келаётган Озарбайжоннинг «Agrosistems» компанияси энди ўз маҳсулотларини Ўзбекистонга етказиб бера бошлади !

✅ Компания соатига 6000 - 10000 кг ҳажмдаги гидрокулерларни ишлаб чиқаради, бу ускуналар маҳсулотнинг сақлаш муддатини узайтиради ва уни турли микроб ва бактериялардан тозалайди. Шу билан сиз маҳсулотингизни узоқ масофаларга муваффақиятли ташишингиз мумкин бўлади, бу эса ўз навбатида сизнинг агробизнесингизнинг самарадорлигини оширади. Шунингдек, ускуналар маҳсулотнинг табиий таъми ва кўринишини сақлаб қолишга ёрдам беради, бу эса маҳаллий ва халқаро бозорларда жуда муҳим.

📌Гидрокулерлардан ташқари, компания маҳсулотларни ҳаво ёрдамида олдиндан совитиш учун ускуналар, мева ва сабзавотларни йиғиш учун гидравлик платформалар ва агрокоплекс ҳудуди бўйлаб маҳсулотни осонроқ ҳаракатлантириш учун аравачалар ишлаб чиқаради.

📈 Компания ўз ускуналарининг биринчи партиясини Ўзбекистонга муваффақиятли етказиб берди ва ҳозирда янги ҳамкорликларга очиқ!

Тақдимот: https://bit.ly/4dOYlGD

Батафсил ахборот учун:
📲 Телефон: +994504441701 (Watsapp / Telegram)
📲 2-телефон: +994507195979 (Watsapp / Telegram)
✍️: E-mail: info@agrosystems.az
🖥 Сайт: www.agrosystems.az

2.9k 0 4 16

AGROBLOGER

1 Nov, 15:01

01:27

Видео недоступно для предпросмотра

Смотреть в Telegram

ИССИҚХОНАНИ ИСИТИШНИНГ ҚОЗОҒИСТОНДА ОММАЛАШАЁТГАН ТИЗИМИ.

🔹Тошкентга қўшни Туркистон вилоятидан лавҳа.

AGROBLOGER канали:
@agrobloger

1.5k 0 32 1 14

AGROBLOGER

1 Nov, 15:01

ОШ ЛАВЛАГИ УРУҒИНИ ТЎҚСОНБОСТИ ЭКИШ МАВСУМИ БОШЛАНМОҚДА...

Ош лавлагининг маҳаллий "Диёр", "Ягона" ва хорижий "Бордо-237", "Бикорес", "Пабло F1" дурагайлари тавсия этилади. Ушбу навлардан гектаридан ўртача 220-230 ц ҳосил олинади.

Лавлаги уруғлари +4..+5°С да униб чиқа бошлайди, ўсиб-ривожланиб бориши учун энг қулай ҳарорат +20..+25°С дир. Лавлаги совуқ (-2..–3°С) ва юқори ҳароратга чидамли бўлади, тупроқда нам етарли даражада бўлганда юқори ҳосил беради.

Тўқсонбости усулида экиш муддати жанубий вилоятларида 15–30 декабрь, марказий минтақада жойлашган вилоятларда 10 ноябрь–10 декабрь ва шимолий минтақаларда 1 ноябрь–10 декабрда экилади. Уруғ сарфи тўқсонбости усулида экишда 16–18 кг. Экиш эгатлари 60–70 см бўлиб, 2–3 қаторли, ўсимлик оралари 8–10 см, 2–3 см уруғлар чуқурликка экилади. Ерни шудгор килишдан олдин гектарига 25–30 тонна чириган гўнг, 320 кг аммофос, 180 кг калий хлор ўғити солинади.

Баҳорда вегетация даврида азот ўғити иккига бўлиб берилади. Биринчи озиқлантириш ўтоқ қилиб ўсимлик сийраклаштирилгандан сўнг 240 кг карбамид ёки 550 кг сульфат аммоний, иккинчиси эса 3–4 чинбарг пайдо бўлганда юқоридаги миқдорда солинади.

Илдиз мевали сабзавотлар ўсув даврида сувни ҳар хил миқдорда талаб қилади. Уруғнинг униб чиқиш, шунингдек, баргнинг жадал суръатда ўсиши ва ҳосил тўплаш даврида экинларнинг сувга талабчанлиги бир оз ошади.

Фосфор ўғити йиллик миқдорининг 75 фоизини, калийнинг ҳаммаси ерларни асосий ишлов даврида, қолган 25% фосфорни ерни бороналаб эгат олишда бериш тавсия этилади. Азотли ўғитларнинг ҳаммаси вегетация даврида озиқлантиришда иккига бўлиб берилади. Биринчи озиқлантириш ўтоқ қилиб ўсимлик сони сийраклаштирилгандан сўнг, иккинчиси эса 2–3 тадан чин барг пайдо бўлганда ўтказилади. Ўғитлар ўсимликка яқинроқ қилиб берилади.

Шира, лавлагининг узунбурун зараркунандаларига қарши курашда биологик препаратлардан "Престиж" ва "Престиж Плюс" биоинсектициди, кимёвий усулда эса, 20 фоизли Конфидор эм.к. ёки 57 фоизли Фуфанон препаратларини пуркаш тавсия қилинади.

AGROBLOGER канали:
@agrobloger

2.7k 0 20 15

Зарабатывайте на рекламе

Многое о жизни

Надо было вчера

AGROBLOGER

Гео и язык канала

Категория

AGROBLOGER

AGROBLOGER

AGROBLOGER

AGROBLOGER

AGROBLOGER

AGROBLOGER

AGROBLOGER

AGROBLOGER

AGROBLOGER

AGROBLOGER

AGROBLOGER

AGROBLOGER

AGROBLOGER

AGROBLOGER

AGROBLOGER

AGROBLOGER

AGROBLOGER

AGROBLOGER

AGROBLOGER

AGROBLOGER

10 619

Популярное в канале

Язык сайта

Зарабатывайте на рекламе

Многое о жизни

Надо было вчера

AGROBLOGER

Гео и язык канала

Категория

10 619

Популярное в канале