Агро хаёт

Ёнғоқлардаги энг ёмон касаллик бу — ёнғоқ антракнозидир (Gnomonia leptostyla).

Касаллик, дарахт барги, меваси, ёш кўчат ва барг бандида кузатилади. Замбуруғ касалликлари тоифасига кирувчи бу касаллик мева қобиғидан меваларга ўтади. Дарахт касаллик сабабли, ёз ойлари ўрталарида баргларнинг бурчаклари қуриб, қовжираб, тўкилади. Агар, касаллик кенг тарқалса, дарахт баргсиз қолади.Касаллик мевада кичик доғлар, ёки катта қора доғлар кўринишида пайдо бўлади. Кузда ерга тўкилган барглар йиғилиб, йўқ қилиниши касаллик тарқалишини сезиларли даражада камайтиради.

Касаллик пайдо бўлган дарахтларга ҳар йили, 3% ли бордо суюқлиги ёки бошқа тайёр препаратлар билан дарахтнинг бутун танаси ва шохларига, баҳорда куртаклар бўртмасдан олдин ишлов бериш керак. Худди шу препаратни иккинчи марта мевалар фундук катталигига етганда 1% ли миқдорида тайёрланиб ишлов берилиши керак. Бундан ташқари Вектра 10% (0,3 л/га), ИСО, темир купороси 53%, (30-40кг/га дарахт куртаклари бўртгунча ва остидаги тупроққа 2-3% ли эритма) ва Фоликур 22,5% (0,25л/га) берилиши керак. Тажрибаларда Альто Супер 33% (0,3л/га), Импакт 25% (0,2л/га) препаратлари қўлланилганда самараси 90-95% гача бўлган.

➡️ Сақлаб олинг ва яқинларга ҳам улашинг.

Агро ҳаёт — сизга энг яхшиларини илинамиз!

Бизни кузатиб боринг:
💬 Telegram 📹 Instagram
📹 TikTok 📹YouTube

⭕️ Картошка ҳосилдорлиги нега пасаяди?

Қишлоқ хўжалиги экинлари ичида картошка серҳосил, харидоргир ва даромадли экин ҳисобланади. Сабаби бу маҳсулот халқимиз томонидан суюб истеъмол қилинади. Картошкани бежизга иккинчи нонга қиёслашмаган. Боиси, деҳқонлар картошкадан мўл ҳосил олишса, бозорларда маҳсулот сероб бўлиб, бошқа маҳсулотларнинг нархидаги мўтадилликни таъминлайди.

Аммо картошка етиштиришнинг ўзига яраша қийинчиликлари ҳам талайгина. Айниқса, зараркунанда ва ҳашаротлар таъбир жоиз бўлса, деҳқонларнинг кўзини очирмайди. Зараркунандалардан колорадо қўнғизи, картошка куяси, симқуртлар ва сохҳта симқуртлар, ширалар, оққанотлар, тамаки трипси, ўргимчаккана, ғовакловчи пашшалар, занг канаси кучли даражада зарар етказади.

Колорадо қўнғизи. Итузумгулдошлар оиласига мансуб экинлар билан озиқланади. Булар ичида картошка улар учун энг севимли озуқа ҳисобланади, кейинги ўринларда бақлажон ва помидор туради. Шу билан бирга тамаки, бангидевона, мингдевона, итузум каби ўсимликларни ҳам еб ривожланади. Личинка ва қўнғизи баргни еб шикастлайди. Ҳар туп картошка ўсимлигида 20-40 дона личинка ва қўнғиз мавжудлигида барглар 50-100% нобуд бўлиши мумкин.

Колорадо қўнғизини ривожланиши учун об-ҳавонинг қулай келиши бу зараркунанда сонининг йил сайин кўпайишига олиб келмоқда ва унинг зарари етиштирилаётган ҳосил сифатига жиддий таъсир этмоқда. Шу сабабли, 2025 йил мавсумида колорадо қўнғизига қарши курашда агротехник, механик ва кимёвий усул тадбирларини ўз вақтида ўтказиш зарур бўлади.

➡️ Сақлаб олинг ва яқинларга ҳам улашинг.

Агро ҳаёт — сизга энг яхшиларини илинамиз!

Бизни кузатиб боринг:
💬 Telegram 📹 Instagram
📹 TikTok 📹YouTube

🍓 Малина — юракдан тортиб, теригача фойда!

Майин таъми, нафис ифори билан танилган бу қизил мева аслида:
🍓 Юрак саломатлигини қўллаб-қувватлайди — калий ва антиоксидантларга бой
🍓 Аёллар саломатлиги учун фойдали — гормонал мувозанатни сақлашга ёрдам беради
🍓 Иммунитетни мустаҳкамлайди — C витамини ва флавоноидлар мавжуд
🍓 Тана ҳароратини туширади — қадимдан табиий “дори” сифатида ишлатилган
🍓 Тери ва соч учун фойдали — коллаген ишлаб чиқаришни рағбатлантиради

🍓 Ҳар куни бир ҳовуч малина истеъмол қилинг — нафақат танингиз роҳатланади, балки организмингиз ҳам миннатдор бўлади!

➡️ Сақлаб олинг ва яқинларга ҳам улашинг.

Агро ҳаёт — сизга энг яхшиларини илинамиз!

Бизни кузатиб боринг:
💬 Telegram 📹 Instagram
📹 TikTok 📹YouTube

Фермерлар кунига марҳамат!

Ҳосилдорликни ошириш, тупроқ унумдорлигини яхшилаш ва замонавий минерал ўғитлардан унумли фойдаланиш бўйича фойдали семинарга таклиф қиламиз!

Сана: 16 апрель, соат 11:00
Жойи: Тошкент шаҳри, Гранд Мир меҳмонхонаси (собиқ Россия меҳмонхонаси)

Бу галги учрашувда Россиядан махсус ташриф буюрган тажрибали агроном қатнашади. У киши сизни қизиқтирган барча саволларга жавоб беради. (таржимон ҳам бўлади)

Мени танийдиганлар билади — сизларни ҳеч қачон зерикарли, фойдасиз семинарларга чақирмаганман. Бу сафар ҳам:

Янги ва амалий маълумотлар
Бирга тушлик
Фермерлар ўртасида фикр алмашув
Қулай муҳит
сизни кутмоқда!

RG AGRO ва Фосагро ҳамкорлигида ташкил этиладиган ушбу семинарда фермерлар, деҳқонлар, боғбонлар ва агродўкон эгалари иштирок этиши мумкин.

Тадбир бепул!

Қатнашиш учун жой банд қилиш кифоя — шунчаки профилга ўтиб, исм-фамилиянгиз ва телефон рақамингизни қолдиринг:

Профил: @rgagro

Фойдали учрашувда қатнашиб, билим ва тажриба алмашиш имконини қўлдан бой берманг!

🍅 Помидор куяси

Помидор куяси  очиқ далаларда помидорнинг бутун ўсиш даврида, айниқса, парваришлаш агротехник тадбирлар ўз вақтида амалга оширилмаган майдонларда ўсимликларнинг ўсиш нуқтасидаги куртаги, шунингдек, барглари, поялари ва мевалари, айрим ҳолларда поянинг илдиз бўғзиларини зарарлайди. Хосилни 100 % гача нобуд қилиши мумкин!

Узунлиги 5-7 мм, қанот ёзганида 8-10 мм, туси қўнғир ёки кумушсимон, олд қанотларида характерли қора доғлари бор, мўйловлари ипсимон.

Урғочиси тухумларини алоҳида-алоҳида ёки гуруҳлаб, 250-300 тагача тухум қўяди ва йил давомида 10-12 тагача авлод беради.

Ўсимликка куянинг асосан личинкалари зарар келтириб, у баргнинг ички қисмига кириб олиб озиқланади ва икки ҳафта давомида яшаб катта зарар келтиради.

Ушбу зараркунандага қарши курашишнинг биринчи шарти – помидор экилган майдонларда итузумдошлар оиласига кирувчи ўсимликларни ёнма-ён экмасликдир. Қолаверса, сабзавотлар экилган майдонларда феромон тутқичлар ёрдамида назорат олиб бориш ҳамда кимёвий препаратлар билан уларга ишлов бериш тавсия қилинади.

➡️ Сақлаб олинг ва яқинларга ҳам улашинг.

Агро ҳаёт — сизга энг яхшиларини илинамиз!

Бизни кузатиб боринг:
💬 Telegram 📹 Instagram
📹 TikTok 📹YouTube

🥒 Айни мавсум: очиқ майдонларга бодринг экамиз!

☑ Ер тайёрлаш.
Бодрингни унумдор, гумус миқдори юқори бўз ва ўтлоқи бўз тупроқларга экиш мақсадга мувофиқ. Уруғ экиладиган майдонлар ўтмишдош экин қолдиқлари ва бегона ўтлардан яхшилаб тозаланади. 1 сотихга 200 кг (10 сотихга 2 тонна) чириган гўнг солинади. Чириган гўнг билан биргаликда минерал ўғитлар солинади. Тупроқ 30–35 см чуқурликда чириган гўнг ва минерал ўғитлар билан аралаштирилиб юмшатилади. Йирик кесаклар майдалангач, яхшилаб текисланади ва суғориш эгатлари олинади.

☑ Экиш муддати ва схемаси.
Эртаги бодринг жанубий минтақаларда очиқ майдонларда 1–10 апрелда, марказий минтақада жойлашган ва водий 27 вилоятларида 10–20 апрелда, шимолий минтақаларда 20–30 апрелда; ўртаги муддатда жанубий вилоятларда 20 апрел–5 май, марказий минтақада жойлашган вилоятларда 1–10 май, шимолда 1–15 май, кечки бодринг жанубда 10–20 июлда, марказий минтақаларда 15–30 июн, шимолий минтақаларда 15–25 майда экилади. Эртаги маҳсулот етиштириш учун 70+140/2×40 см схемада уруғ экилади. Бунда қаторлар ораси 70 см, пушталар ораси 140 см ва ўсимликлар оралиғи 40 см ни ташкил этади. Уруғлар қўлда 4–5 см чуқурликка экилади. Уруғ сарфи 1 сотихга 20–30 г (10 сотихга 200– 300 г).

☑ Парваришлаш.
Униб чиқиб ниҳоллар пайдо бўлганда биринчи ва 2-3 чинбарг пайдо бўлгандан кейин эса иккинчи марта ягана қилинади. Қатор ораларини қўл кучи ёрдамида кетмон билан 15–16 см чуқурликда ўсимлик атрофи билан юмшатиб туриш, минерал озиқа ва сув бериб бориш керак. Сувга талабчанлиги жиҳатдан бодринг сабзавот экинлари орасида биринчи ўринда туради. Найчалаш ва меваси етила бошлаган даврда бодринг сувни айниқса кўп талаб қилади. Ўсув даври мобайнида сизот сувлари яқин жойларда 8-9 марта сизот сувлари чуқур жойлашган майдонларда эса 12-14 марта суғорилади. Хар икки-уч суғоришдан кейин қатор оралари 15–16 см чуқурликда юмшатиб борилади.

☑ Ўғитлаш.
1 сотих ердаги бодринг соф ҳолда 5,8 кг сульфат аммоний, 2,2 кг аммофос, 1,5 кг калий хлор ўғитлари билан озиқлантирилади. Бодрингни озиқ моддаларга талаби юқори. Ўсув даври давомида 1-2 марта қўшимча Гуммат принт, Рослин ва Нитролин каби моддалар билан озиқлантирилади.

☑ Касаллик ва зараркунандаларга қарши курашиш.
Бодринг уруғларини 1 кг га 2 фоизли 34% Витавакс, 1,5% ли 60,7% Превикур билан ишлов беришайрим касалликларни олдини олади. Бодрингни пашшалар, ширалар, трипслар, оққанот кўпроқ зарарлайди.
Ўсимликнинг ўсув даврида 10 сотих ерга хашоратларга қарши ҳосилни йиғишдан 20 кун олдин икки марта Атилла супер 10% м.к. ёки Моспилан 20% н.кук. (25–30 г) сепилади. Антракноз, пероноспороз, аскохитоз, доғланишлар, бактериоз ва ун шудринглар касалликларга қарши Колосаль Про м.к. (200–300 г/л), Пинко 10% эм.к. (0,25 л/га), Курзат Р н.кук. (200–250 г) ёки 1 фоизли Бордо суюқлигини қўллаш мумкин. 60–70 литр сувга таёрланган аралашма ишлатилади.

➡️ Сақлаб олинг ва яқинларга ҳам улашинг.

Агро ҳаёт — сизга энг яхшиларини илинамиз!

Бизни кузатиб боринг:
💬 Telegram 📹 Instagram
📹 TikTok 📹YouTube

Гилоснинг жиддий душмани — гилос пашшаси!

Гилос пашшаси яъники (Rhagoletis ceras) зараркунандани қандай аниқлаш мумкин?

Бир кўришда гилос пашшасини аниқлаш қийин. Кўпчилик боғбонлар унинг мавжудлигини фақат меваларнинг зарарланиши ортганда ва ҳосил деярли нобуд бўлганда билади.
Гилос пашшаси жуда майда 5,5 ммли пашша бўлиб, унинг танаси ёрқин қора рангда, боши ва оёқлари сариқ, қаноти оқ-қора бўлади. Асосан личинкалар меваларни зарарлайди.
Ҳар бир пашша 150 тага яқин гилос ёки олчага биттадан тухум қўйиб зарарлайди.

Қарши курашиш чораси сифатида қишловдан чиққан пашшаларга қарши олтинкўз энтомофагининг личинкаси ва таъсир этувчи моддаси абамектин, имидоклоприд ва лямбда-сигалотрин бўлган инсектотсидлар қўлланилади.

➡️ Сақлаб олинг ва яқинларга ҳам улашинг.

Агро ҳаёт — сизга энг яхшиларини илинамиз!

Бизни кузатиб боринг:
💬 Telegram 📹 Instagram
📹 TikTok 📹YouTube

🍅 Помидор кўчатларини ўтқазиш ва парваришлаш

Помидор ҳозирги кунда ўзининг қимматли ва диетик хусусиятлари сабабли бутун дунёда энг кенг етиштириладиган сабзавот экинларидан бири ҳисобланади. Ҳозирда 1000 дан ортиқ навлари яратилган бўлиб, улар очиқ ва ҳимояланган майдонларда етиштирилади.

Юртимизда машҳур помидор навлари:
Эртапишар: Дўстлик, Сахий, Шафақ, Севара
Ўрта-эртапишар: Тошкент тонги, Баҳодир, Шарқ юлдузи, Ситора, Авиценна
Кечпишар: Намуна

Экиш муддатлари вилоятлар кесимида:
Жанубий вилоятлар:
Эртапишар: мартнинг уч ўн кунлиги
Ўрта ва кечпишар: апрелнинг 1-2 ўн кунлиги
Марказий вилоятлар:
Эртапишар: апрелнинг биринчи ўн кунлиги
Ўрта ва кечпишар: апрелнинг 2-3 ўн кунлиги

Шимолий вилоятлар:
Эртапишар: апрелнинг 2 ўн кунлиги
Ўрта ва кечпишар: апрелнинг 3 ўн кунлиги

Экиш учун нимага эътибор бериш керак?
40-45 кунлик кўчатлар танланади
Поя ва илдизлари дуркун ривожланган, барглари тўқ яшил, соғлом бўлиши лозим

Суғориш ва парваришлаш:
Экилгандан кейин дарҳол суғориш зарур
Бир сотих майдонга 300-500 дона кўчат сарфланади

10-12 кундан сўнг биринчи ишлов (тупроқ юмшатиш, бегона ўтларни тозалаш)
12-15 кундан сўнг иккинчи суғориш
Тупроқни илдиз атрофига босиш, ҳаво айланишини таъминлаш муҳим
Сувни эгат оралатиб қўйиш тавсия этилади.

➡️ Сақлаб олинг ва яқинларга ҳам улашинг.

Агро ҳаёт — сизга энг яхшиларини илинамиз!

Бизни кузатиб боринг:
💬 Telegram 📹 Instagram
📹 TikTok 📹YouTube

🍒 Нега гилос кўп гуллаб, лекин кам хосил беради?

🌾 Гилос дарахти баҳорда гуллаб, гўзал манзара яратади. Лекин баъзида шунча гул бўлса-да, хосил деярли кўринмайди. Бу ҳолатнинг бир нечта сабаблари бор.
 
🌱 Кўпчилик гилос навлари ўзини  ўзи чангалатмайди. Агар атрофда чангаланиш учун бошқа навлар бўлмаса ёки асаларилар кам бўлса, гуллар мевага айланмай қолади.

🌱 Гуллаш давридаги совуқ, ёки меёридан ортиқ иссиқ ҳаво, шамол ёки ёмғир чангаланиш жараёнини бузади. Бу эса кам хосилга олиб келади.

🌱 Фосфор, калий, бор каби моддаларнинг етишмаслиги мева тўкилишини оширади. Азотнинг ортиқча берилиши эса дарахтни фақат барг чиқаришга мажбур қилади.

🍒 Гилосдан яхши хосил олиш учун тўғри нав танлаш, пайвандланган кўчатлар экиш, чангаланувчи навлар яқинида бўлиши ва зарур агротехник чоралар кўрилиши шарт.

➡️ Сақлаб олинг ва яқинларга ҳам улашинг.

Агро ҳаёт — сизга энг яхшиларини илинамиз!

Бизни кузатиб боринг:
💬 Telegram 📹 Instagram
📹 TikTok 📹YouTube

ТУПРОҚ ШЎРЛАНИШИГА ҚАРШИ ЭНГ САМАРАЛИ ЧОРАЛАР!

Тупроқнинг шўрланишига қарши курашишнинг асосий воситалари сизот сувларининг ер юзасига кўтарилишига йўл қўймайдиган агромелиоратив тадбирларни қўллаш (дренажлар қуриш, беда экиш ва ҳ.к.) ҳамда ернинг ўсимлик илдизи жойлашган қатламидаги тузларни пастга кетказиш мақсадида шўр ювишдан иборат.

Шўрланишга қарши курашишдаги асосий мелиоратив усулларга қўшимча, кучсиз шўрланган ерларда бир қатор мелиоратив тадбирларни амалга оширгандан сўнг картошка ўстиришга имкон берувчи агротехнологик тадбирлар:
1. Экинларнинг шўрга нисбатан чидамли навларини танлаш.
2. Уруғни шўрланган ерларда ўстирилган экинлардан тайёрлаш.
3. Шўр кўтарилишгача етарли ҳосил олиш (тўплаш) учун иложи борича эрта муддатда нишлатилган уруғлик туганакларни экиш.
4. Мульчалаш ғоят самарали тадбир ҳисобланиб, намнинг буғланишига, шўрнинг кўтарилишига йўл қўймайди.
5. Экинларни зич қилиб экиш. Бунда тупроқ юза сояланиб, буғланиш камаяди.
6. Қатор ораларини юмшатиш (культивация қилиб туриш) шўрнинг кўтарилишига имкон бермайди.
7. Кам меъёрда (400-500 м²/га) тез-тез суғориш кабиларни ўз ичига олади.

Республикамизнинг кучсиз ва ўртача шўрланган
тупроқлари шароитида эртапишар картошкадан мунтазам юқори ва сифатли ҳосил олиш агротехнологик тадбирлар тизими ишлаб чиқилган ва жорий этишга эришилган.

Энг яхши агро тавсияларни бизнинг каналда кузатиб боринг!

➡️ Сақлаб олинг ва яқинларга ҳам улашинг.

Агро ҳаёт — сизга энг яхшиларини илинамиз!

Бизни кузатиб боринг:
💬 Telegram 📹 Instagram
📹 TikTok 📹YouTube

ДОВУЧАНИНГ ФОЙДАЛАРИ

Довуча — бу ҳали пишмаган, гўра ҳолатидаги ўрик меваси бўлиб, ўзининг нордон таъми ва фойдали хусусиятлари билан маълум. Ушбу баҳорги неъматни тўғри миқдорда истеъмол қилиш соғлиқ учун фойдалидир.

• С витаминига бой — иммунитетни кучайтиради, хасталикларга қарши курашади.

• Иштахани очади — нордонлиги ҳисобига овқатга майлни оширади.

• Ҳазмни яхшилайди — меъда шарбатини фаоллаштириб, овқат ҳазм бўлишини енгиллаштиради.

Эслатма:
Ортиқча миқдорда истеъмол қилиш ошқозон оғриғи, ич кетиши ёки тиш эмалига зарар етказиши мумкин. Айниқса болалар, ҳомиладор аёллар ва ошқозон-ичак муаммоси борлар эҳтиёткор бўлишлари лозим.

Ҳаддан ташқари кўп эмас, тўғри миқдорда — фойдаси ҳам, мазаси ҳам бор!

Сақлаб олинг ва яқинларга ҳам улашинг.

Агро ҳаёт — сизга энг яхшиларини илинамиз!

Бизни кузатиб боринг:
Telegram Instagram
TikTok YouTube

🧄 Ҳар куни саримсоқ есангиз
танангизга мана бундай фойдаларни оласиз:

✅ Қон айланиши яхшиланади
✅ Юрак ҳимояда бўлади
✅ Иммунитет ошади
✅ Организм вирус ва инфекцияларга қарши кураша олади
✅ Овқат ҳазми енгиллашади
Саримсоқ – арзон, табиий ва ҳар бир хонадонда бўлиши керак бўлган неъмат!

📌 Сақлаб олинг ва яқинларга ҳам улашинг.

Агро ҳаёт — сизга энг яхшиларини илинамиз!

Бизни кузатиб боринг:
Telegram Instagram
TikTok YouTube

🐇 Қуён гўшти юракка фойдали, холестерин даражаси паст — даромади эса баланд!

Кўпчилик ҳали ҳам бу гўштнинг фойдасини ҳам, бизнесдаги кучини ҳам билмайди.
Масалан, Фландр қуёнининг 1 бошидан 4 кг тоза гўшт олинади.

Бу гўшт енгил ҳазм бўлади, юрак-қон томир касалликлари учун тавсия қилинади, болалар ва кекса ёшдаги инсонлар учун айнан мўлжалланган. Бозор нархи — 1 кг учун 80.000 дан 100.000 сўмгача.

Оддий ҳисоб-китоб:
1 она қуён йилига 4-5 марта болалаб, ҳар сафар ўртача 10 та бола туғади.

Бу йилига 50 та қуёнча, яъни 200 кг гўшт дегани.

200 кг × 90.000 = 18.000.000 сўм брутто даромад.

Фақат битта онадан! Иккита она бўлса — даромад 30-36 миллион сўмгача чиқади. Харжатлардан кейин ҳам 15 миллионгача соф фойда қолиши мумкин.

Қуён гўшти фойдали, бозорда талаб юқори, боқиш осон, жой кам керак.

‼️ Сигир 9 ойда туғади. Қуён эса 28 кунда. Шунчаки фарқни ўйлаб кўринг.

➡️ Сақлаб олинг ва яқинларга ҳам улашинг.

Агро ҳаёт — сизга энг яхшиларини илинамиз!

Бизни кузатиб боринг:
💬 Telegram 📹 Instagram
📹 TikTok 📹YouTube