🇺🇿🇬🇧🇰🇷🇷🇺🇯🇵🇩🇪 MIGRATSIYA YANGILIKLAR

DIQQAT! Hujjatlarni qabul qilish muddati uzaytirildi!

"Hyundai Heavy Industries" kemasozlik kompaniyasi bilan hamkorlikda malakali kadrlar tayyorlash uchun maxsus o‘quv kurslariga saralab olish muddati uzaytirildi!

❗️ Saralash bosqichida ishtirok etish istagidagi ko‘p sonli hamyurtlarimizning murojaatini inobatga olgan holda, hujjatlarni qabul qilish muddati 4-fevral 2025-yilgacha davom etishini ma’lum qilamiz.

Saralash bosqichlarida qatnashish uchun sertifikatingizni jo‘nating va siz bilan bog‘lanamiz👇

https://xorijdaish.uz/hyundai

Batafsil

🇱🇻Латвияда ишламоқчи бўлганларнинг ҳуқуқлари давлат даражасида ҳимоя қилинади

Ригадаги навбатдаги учрашув Латвия Ички ишлар вазирлигининг Парламент котиби Игорь Раевс ҳамда вазирлик масъуллари билан бўлиб ўтди.

Мулоқотда, Латвияда ишлаш истагида бўлган Ўзбекистон фуқароларини хавфсиз, тартибли ва ташкиллаштирилган тарзда жалб қилиш, ҳуқуқий ҳимоясини таъминлаш масалалари муҳокама қилинди.

🇱🇻Латвияда ўзбекистонлик ишчи кучига квота белгиланмайди

Бу ҳақда Миграция агентлиги, Ташқи ишлар вазирлиги ҳамда Ўзбекистоннинг Латвиядаги элчихонаси масъулларидан иборат делегациянинг Латвия Фаровонлик вазири Улдис Аугулис билан Ригада ўтган учрашувда маълум қилинди.

Унда ўзбекистонлик ишчи кучига Латвияда муносабат ижобий эканлиги ва ҳамюртларимиз яхши таасурот қолдираётгани таъкидланди.

Бугунги кунда ушбу давлатда 4000 дан ортиқ юртдошларимиз меҳнат фаолиятини олиб бормоқда. Учрашувда бу рақамни янада кўпайтиришга икки томонда ҳам истак борлиги таъкидланди. Шу боис, ишчилар сонига квоталар белгиланмайди.

🇬🇧 Буюк Британиядаги рекрутинг компаниялар вакиллари билан онлайн учрашув ташкил қилинди

Мулоқот Миграция агентлиги, Халқаро миграция ташкилоти (МОТ ), Буюк Британиянинг Seasonal Workers Scheme (SWS) лойиҳаси доирасида фаолият юритувчи расмий операторлар ва уларнинг фаолиятини мувофиқлвштирувчи ALP (Ишчи кучи етказиб берувчилар ассоцияация) ҳамда GLAA (Меҳнат хуқуқларини ҳимоя қилиш бўйича ташкилот) ташаббуси билан ўтказилди.

Унга Буюк Британиянинг Ўзбекистон билан ишлаб келаётган икки компанияси билан бир қаторда "Agri-HR-Ltd", "Fruitful jobs LTD", "Concordia Charity" каби янги рекрутинг ташкилотлари раҳбарлари ҳам жалб қилинди.

Англиядаги мавсумий ишларга ўзбекистонликларни жалб қилиш механизмлари атрофлича муҳокама қилинди. Номзодларни топиш, саралаш, имтиҳон жараёнларини шаффоф ташкил қилиш бунда муҳим ўрин тутиши қайд этилди.

Агентлик раҳбарияти Англиянинг Ўзбекистон билан ишлаш истагидаги барча рекрутинг операторлари билан шартнома тузиб, мамлакатимиз фуқаролари учун ажратиладиган квоталар сонини кўпайтиришга келишиб олди.

🇶🇦Қатарда ишлаш истагида бўлганлар учун 10 кун муддатда ишчи визаси чиқади

Бу ҳақда Вазирлар Маҳкамаси ҳузуридаги Миграция агентлиги, Ташқи ишлар вазирлиги, Қатардаги элчихонамиз масъулларидан иборат делегация аъзоларининг Қатар Ички ишлар вазирлиги Паспорт бош бошқармаси бошлиғи, генерал Muhammad Ahmat al Atiq ad-Dusariy билан бўлган учрашувида маълум қилинди.

Мулоқотда, Қатарда вақтинчалик ишлаш истагида бўлган юртдошларимизнинг ишчи визаларини олиш тизимини енгиллаштириш масалалари муҳокама қилинди.

“Қатар давлати Меҳнат ва Ички ишлар вазирлиги Ўзбекистонлик ёшларни мамлакатимиз компанияларига ишга жойлаштиришни қўллаб-қувватлайди ва уларга виза бериш жараёнини максимал енгиллаштириб 10 кун ичида тақдим қиламиз”,

- деди Генарал Dusariy.

🇶🇦Ўзбекистон ва Қатар расмийлари Доҳада муҳим учрашувлар ўтказишмоқда. Меҳнат вазирлиги квоталар сонини кескин оширишга тайёр

Бу ҳақда Вазирлар Маҳкамаси ҳузуридаги Миграция агентлиги, Ташқи ишлар вазирлиги, Ўзбекистоннинг Қатардаги элчихонаси мутасаддиларидан иборат делегация аъзоларининг Қатар давлати Меҳнат вазири ўринбосари Shayna Najva Bint Abdulrahmon Al-Soniy билан ўтказган учрашувида сўз борди.

Мулоқот ҳар томонлама конструктив кечди. Najva хоним мамлакатида ишчи кучига талаб юқори эканлигини алоҳида қайд этди. Қатарга малакали ишчи кучини жалб қилиш юзасидан Ўзбекистон билан катта лойиҳаларни амалга ошириш имконияти борлиги таъкидланди.

"Ҳозирда Қатарда 560 нафар ўзбекистонлик турли соҳаларда меҳнат фаолиятини олиб боряпти. Бу томонлар ўртасидлаги мавжуд салоҳиятни намоён этмайди. Буни бир неча каррага кўтариш учун имкониятлар бор. Айни омилларга эътибор қилиб, биз Ўзбекистондан малакали ишчи кучини жалб қилиш бўйича ҳамкорликга, Қатар Меҳнат вазирлиги сифатида ўзбекистонликлар учун квоталар сонини кескин оширишга тайёрмиз,

- деди Қатар Меҳнат вазири ўринбосари Shayha Najva Bint Abdulrahmon Al-Soniy.

Учрашувда муҳим ҳужжатга қўл қўйилди.

Миграция агентлиги ва Қатарнинг энг йирик давлат рекрутинг компанияси “Jusour” билан ҳамкорлик меморандуми имзоланди. Бу ўз ичига тиббиёт, туризм, меҳмонхона бизнеси, IT, муҳандислик ва бошқа соҳалар мутахассисларини Қатар бозорига йўналтириш имконини беради. “Jusour” компанияси иш берувчиларнинг жуда катта тармоғи билан ҳамкорлик қилади ва бу иш ўринларини тезкор топиш ва жойлаштиришга хизмат қилади.

Қатарда ишламоқчи бўлган номзодларни Ўзбекистонда тил ва касбга тайёрлаш бўйича лойиҳа амалга оширилади. Учрашувда, Ўзбекистоннинг меҳнат миграцияси соҳасидаги салоҳияти тақдимоти ҳам ўтказилди.