АБДУЛЛА ОРИПОВ.
Ўзбек халқининг истеъдодли фарзанди, Ўзбекистон Халқ шоири(1983), Ўзбекистон Қахрамони(1998), Ўзбекистон давлат мадҳияси муаллифи(1992) Абдулла Орипов 1941йил 21 мартда Қашқадарё вилояти Косон туманидаги Некўз кишлоғида туғилди.
Болаликдан адабиётга бўлган қизиқиши уни Тошкент Давлат университетига(1958й) етаклади.
Университетни битириб 1963-67йилларда "Ёш гвардия" нашриётида мухаррир бўлиб иш бошлади.
1967-1974 йилларда Ғофур Ғулом номидаги адабиёт ва санъат таҳририятига бош муҳаррир лавозимида фаолият юритди.
1972-1982 йилларда Ўзбекистон Ёзувчилар уюшмасида адабий маслахатчи, 1983-85йилларда "Гулхан" журнали бош муҳаррири бўлиб ишлади.
1996-2009 йилларда Ўзбекистон Ёзувчилар уюшмасига раислик қилди.
1995 йилдан Ўзбекистон Олий Мажлиси депутати, 2005 йилдан Олий Мажлис сенатори этиб сайланди.
Абдулла Ориповнинг ўнлаб шеърий тўпламлари қайта-қайта нашр этилиб халқ орасида машҳур бўлиб кетди.
Шоир кўплаб машҳур чет эл шоирларини шеърларини ўзбек тилига таржима қилди.
Қилган мехнатлари эвазига Абдулла Орипов "Дўстлик", "Халқлар дўстлиги" ва "Фидокорона хизматлари учун" орденлари билан тақдирланди.
1983 йил Хамза номидаги Ўзбекистон давлат мукофоти, 1994 йил Алишер Навоий номидаги давлат мукофотига сазовор бўлди.
Аммо шоирни ижодини ва мувоффақиятини кўролмайдиган кимсалар унинг хар бир сўзидан кир қидириб, давлат раҳбари олдида ёмон отлиқ қилишга уринардилар.
Шоирнинг турмуш ўртоғи Ханифа Мустафаеванинг айтишича, у умрининг охирги пайтларида лавозимлардан воз кечиб шеърият билан шуғулланди.
Абдулла Орипов 2015 йилдан Американинг Хюстон шаҳрига кўчиб бориб оиласи билан хаёт кечирди.
Унинг беш қизи(Зарифа,Рухсора,Шоира,Юлдуз,Мавлуда) ва бир ўғли(Илҳом) бор.
Абдулла Орипов 2016 йил 5 ноябрда 75 ёшида ватандан олисда дунёдан кўз юмди.