ЭЪЛОН !!!Ҳурматли адвокатлар!Ўзбекистон Республикаси Адвокатлар палатаси томонидан сўнги йилларда адвокатлар ўртасида соғлом турмуш тарзини тарғиб қилиш, бирдамлик ва дўстона алоқаларни йўлга қўйиш ва ишдан бўш вақтларини мазмунли ўтказиш мақсадида мини футбол бўйича турли мусобақалар ўтказиб келинмоқда.
Шу каби тадбирлар давоми сифатида 2024 йил 16-18 август кунлари Тошкент шаҳрида мини футбол бўйича
“Адвокатлар палатаси раиси кубоги” мусобақасини ўтказиш режалаштирилган.
“Адвокатлар палатаси раиси кубоги”да Қорақалпоғистон Республикаси, Тошкент шаҳар ва барча вилоят жамоалари қатнашишлари мумкин бўлади.
Мусобақада 16 та жамоа 4 гуруҳга бўлинган ҳолда ўйинлар ўтказилиши режалаштирилган. Жамоалар 8 та адвокатдан иборат бўлиши ва фақат адвокатлик мақомига эга бўлган адвокатларга мусобақага қатнашишга рухсат этилади. Ҳар бир ҳудуддан биттадан жамоа ва Тошкент шаҳридан 3 та жамоа қатнашиши кўзда тутилган.
Мусобақа ўтказиш тартиби ва қоидалари
“Адвокатлар палатаси раиси кубоги” Низомида кўрсатилган ва ҳар бир жамоага танишиш учун тақдим қилинади.
Мусобақада қатнашиш учун ҳар бир жамоа 8 кишилик рўйхат шакллантирган ҳолда 2024 йилнинг 1 август кунига қадар рўйхатдан ўтиши лозим бўлади. Руйхатдан ўтиш учун топшириладиган аризада жамоа номи, либоси ранги, жамоа аъзоларининг Ф.И.О. адвокатлик тузилмаси номи, адвокатлик гувоҳномаси рақами ва берилган санаси ҳамда телефон рақамлари кўрсатилган ҳолда ҳар бир ўйинчининг адвокатлик гувоҳномаси нусҳаси илова қилинади.
“Адвокатлар палатаси раиси кубоги” билан боғлиқ барча саволлар билан Телеграм ижтимоий тармоғи орқали ушбу
+99(890)-943-93-99 рақамига мурожаат қилишингиз мумкинлиги маълум қилинади.
|🌐
Paruz.uz |🔵
Facebook |
Instagram|