🟦🟦🟦🟦🟦🟦🟦

ANDIJON DAVLAT PEDAGOGIKA INSTITUTI VA SAXALIN DAVLAT UNIVERSITETI O‘RTASIDA XALQARO HAMKORLIK MUSTAHKAMLANMOQDA

📢 Andijon davlat pedagogika instituti va Rossiyaning Saxalin davlat universiteti o‘rtasida xalqaro hamkorlikni rivojlantirish hamda ilmiy-amaliy loyihalarni yo‘lga qo‘yish maqsadida onlayn uchrashuv bo‘lib o‘tdi.

Mazkur uchrashuv davomida ADPI rektori B.M. Rasulov O‘zbekiston va Rossiya o‘rtasidagi ta’lim sohasidagi o‘zaro do‘stona hamkorlikning ahamiyati haqida ta’kidlab, institutda olib borilayotgan xalqaro loyihalar va kelgusidagi rejalar xususida so‘z yuritdi.

Sahalin davlat universiteti Xalqaro aloqalar bo‘limi boshlig‘i Shichalina V.A. o‘z nutqida universitetda rejalashtirilayotgan ilmiy-amaliy loyihalar haqida batafsil ma’lumot berib, hamkorlik doirasida ta’limda sun’iy intellektni rivojlantirish, pedagogika va psixologiya, STEAM fanlarini o‘qitish hamda maktabgacha ta’lim sohasida amaliy ishlarni yo‘lga qo‘yish bo‘yicha kelishuvlarga erishildi.

🔹 Hamkorlikning asosiy yo‘nalishlari:
✅ Ta’limda sun’iy intellektdan foydalanish;
✅ Pedagogika va psixologiya yo‘nalishida tajriba almashish;
✅ STEAM fanlarini innovatsion yondashuvlar orqali o‘qitish;
✅ Maktabgacha ta’limda yangi metodlarni joriy qilish;

Shuningdek, Saxalin davlat universiteti vakili Kim Irina Mihaylovna uchrashuv davomida aniq taklif va mulohazalarni keyingi muloqotlarda batafsil muhokama qilish hamda rasmiy hamkorlik shartnomasini imzolash taklifini ilgari surdi.

📢 Mazkur xalqaro hamkorlik kelgusida oliy ta’lim muassasalari o‘rtasida yangi imkoniyatlarni ochib berishi, ilmiy-amaliy tajriba almashishni kengaytirishi va ta’lim sifatini oshirishga xizmat qilishi kutilmoqda.

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube