KO'ZGU.uz. Huquqiy kanal

❗️ИИО ҲОДИМЛАРИ ҚАНДАЙ ҲОЛЛАРДА ЭЛЕКТРОШОК ҚУРИЛМАСИНИ ҚЎЛЛАШИ МУМКИН ?

📄 16.09.2016 йилдаги ЎРҚ-407-сон "Ички ишлар органлари тўғрисида"ги қонунга кўра, Ички ишлар органи ходими қуйидаги ҳолларда махсус воcита "электрошок"ни қўллаш ҳуқуқига эга:

▪️фуқарога ёки ички ишлар органи ходимига қилинган ҳужумни қайтариш учун;

▪️жиноятга ёки маъмурий ҳуқуқбузарликка чек қўйишда;

▪️ички ишлар органи ходимига қаршилик кўрсатилишига чек қўйишда;

▪️жиноятни содир этишда ёки уни содир этганидан кейин дарҳол кўриб қолинган, яширинишга уринаётган шахсни ушлашда;

▪️ушлаб турилган шахсларни ва қамоққа олинган, маъмурий қамоққа олинган шахсларни олиб бориш, қўриқлаб бориш ва қўриқлашда, шунингдек қочишга уринишини, атрофдагиларга ёки ўзига зарар етказишини бартараф этиш мақсадида;

▪️зўравонлик билан ушлаб турилган шахсларни, эгаллаб олинган биноларни, хоналарни, иншоотларни, транспорт воситаларини ва ер участкаларини озод қилишда.

↘️ Каналга уланиш 👇
https://t.me/adolatkozgusi

⚡️МАЪЛУМОТ УЧУН:

📄 07.06.2022 йилдаги ЎРҚ-776-сон Қонунга асосан ТАҚИҚЛАНАДИ:

❗️энергетик ичимликлар намуналарини вояга етмаганлар ўртасида реклама қилиш мақсадида бепул тарқатиш;

❗️вояга етмаганларга энергетик ичимликларни реклама қилиш;

❗️ энергетик ичимликларнинг номидан, товар белгисидан (хизмат кўрсатиш белгисидан) ёки тасвиридан фойдаланилган ҳолда вояга етмаганлар учун мўлжалланган тадбирларга ҳомийлик қилиш;

❗️вояга етмаганлар орасида энергетик ичимликларнинг номидан, товар белгисидан ёки тасвиридан фойдаланилган товарларни (футболкалар, бош кийимлар, ўйинларни ва бошқаларни) тарқатиш, шу жумладан сотиш;

❗️асосан болалар ва ўсмирлар учун мўлжалланган босма нашрларда, шунингдек тиббиёт, спорт ва таълим муассасаларида ҳамда ташкилотларида энергетик ичимликларни реклама қилиш.

↘️ Каналга уланиш 👇
https://t.me/adolatkozgusi

❗️АЙРИМ ФУҚАРОЛАРГА ГАЗ ВА ЭЛЕКТР ИСТЪЕМОЛИ УЧУН КОМПЕНСАЦИЯ ТЎЛАБ БЕРИЛАДИ

📄 Вазирлар Маҳкамасининг 16.04.2024 йил кунги 204-сон қарори қабул қилинди.

▪️Қарорга кўра:

➖ “Ижтимоий ҳимоя ягона реестри” ахборот тизими орқали кам таъминланган оилалар, болалар нафақаси ва моддий ёрдам олувчи хамда ягона реестрга киритилмаган, “маҳалла еттилиги” хулосаси асосида аниқланадиган қўшимча эҳтиёжманд оилалар тоифасидаги истеъмолчилар учун юзага келиши мумкин бўлган қўшимча харажатларни қоплаш бўйича вақтинча компенсация жорий этилади ва мазкур эҳтиёжманд оилалар учун иситиш мавсумида (ноябрь – февраль ойларида) қуйидаги компенсация турлари тақдим этилади:

✅ ноябрь ойида 270 минг сўм миқдорида бир марталик моддий ёрдам ўтказиб берилади.

❗️Шунингдек, электр энергияси ва табиий газ бўйича қуйидаги миқдорлардаги истеъмол учун базавий меъёр доирасидаги ҳамда базавий меъёрдан ошган нархлар ўртасидаги фарқ компенсация қилиб берилади:

✅ табиий газ учун – ойига базавий меъёрдан ортиқ фойдаланилган 250 куб метргача;

✅ электр энергияси учун – ойига базавий меъёрдан ортиқ фойдаланилган 150 кВт соатгача.

↘️ Каналга уланиш 👇
https://t.me/adolatkozgusi

❗️МУРОЖААТЛАР ТЎҒРИСИДАГИ ҚОНУНЧИЛИКНИ БУЗИШ

📃 Маъмурий жавобгарлик тўғрисидаги кодекснинг 43-моддасига кўра, қуйидаги ҳолатлар жисмоний ва юридик шахсларнинг мурожаатлари тўғрисидаги қонун ҳужжатларини бузиш ҳисобланади:

🟢 мурожаатларни қабул қилиш ва кўриб чиқишни қонунга хилоф равишда рад этиш;

🟢 мурожаатларни кўриб чиқиш муддатларини узрли сабабларсиз бузиш;

🟢 мурожаатларга ёзма ёхуд электрон шаклда жавоб юбормаслик;

🟢 мурожаатлар тўғрисидаги қонун ҳужжатларига зид қарор қабул қилиш;

🟢 жисмоний ва юридик шахсларнинг бузилган ҳуқуқлари тикланишини, мурожаат муносабати билан қабул қилинган қарорнинг бажарилишини таъминламаганлик.

❗️Манашундай ҳуқуқбузарлик содир этган мансабдор шахсларнинг бу ҳаракати уларга нисбатан БХМнинг 1 бараваридан 3 бараваригача жарима солишга сабаб бўлади.

✏️ Маълумот учун; мурожаатларни кўриб чиқиш муддати 15 кунгача, қўшимча ўрганишни талаб қиладиган мурожаатлар 1 ойгача бўлган муддатда кўриб чиқилади.

⬅️Каналга уланиш 👇
https://t.me/adolatkozgusi

❗️1-майдан "свет"-газ учун янги тарифлар жорий қилинади ва ижтимоий норма жорий этилади

Ҳукумат 2 йилдан буён "ана бўлади, мана бўлади", дея кутилаётган қарорни ниҳоят қабул қилибди. Энергетика соҳасидаги нарх сиёсатини ислоҳ қилиш ҳақида аввал ҳам кўп гапирилган, лекин турли сабабларга кўра, орқага сурилиб келинаётганди.

Энди қарорга кўра, жорий йилнинг 1-майидан ижтимоий норма жорий этилади. Тўғри, қарорда айнан "ижтимоий норма" деган жумла ишлатилмаган, ўрнига “базавий меъёр механизми" дейилган. Лекин мазмуни бир хил.

❓Ижтимоий норма нима дегани?

Ижтимоий норма - бу аҳоли томонидан имтиёзли тариф бўйича тўланадиган маълум миқдордаги энергия тушунилади. Яъни, муайян белгиланган миқдоргача нисбатан пастроқ (имтиёзли) нархда сотилади, етмагани давлат бюджетидан субсидия қилинади.

Бунда тарифлар бир нечта категорияга бўлинган ва қанча ишлатилганига қараб, нархлар ҳам ўзгаради. Ким кўп ишлатса, шунча кўп тўлайди, кам ишлатганга имтиёзли нарх берилади.

💡Электр энергиясида категориялар ва нархлар қуйидагича:

ойига 200 кВт·соатгача – 450 сўм;
ойига 201 кВт·соатдан 1 000 кВт·соатгача – 900 сўм;
ойига 1 001 кВт·соатдан 5 000 кВт·соатгача – 1 350 сўм;
ойига 5 001 кВт·соатдан 10 000 кВт·соатгача – 1 575 сўм;
ойига 10 000 кВт·соат ва ундан юқори – 1 800 сўмдан.

🔥Газда категориялар ва нархлар қуйидагича:

Коммунал-маиший эҳтиёжлар учун аҳолига мавсумга қараб нарх белгиланмоқда. Хусусан, қишки мавсумда (ноябрь-феврал ойлари) давомида бир ойдаги истеъмолдан келиб чиқиб тегишли нарх белгиланмоқда:

ойига 500 куб метргача – 650 сўм;
ойига 501 куб метрдан 2 500 куб метргача – 1 500 сўм;
ойига 2 501 куб метрдан 5 000 куб метргача – 1 950 сўм;
ойига 5 001 куб метрдан 10 000 куб метргача – 2 275 сўм;
ойига 10 001 куб метр ва ундан юқори – 2 600 сўмдан.

Март – октябрь ойларида истеъмолчилар бир ойдаги истеъмолидан келиб чиққан ҳолда қуйидагича ҳақ тўлайди:

ойига 100 куб метргача – 650 сўм;
ойига 101 куб метрдан 2 500 куб метргача – 1 500 сўм;
ойига 2 501 куб метрдан 5 000 куб метргача – 1 950 сўм;
ойига 5 001 куб метрдан 10 000 куб метргача – 2 275 сўм;
ойига 10 001 куб метр ва ундан юқори – 2 600 сўмдан.

❓Эҳтиёжманд аҳолига қандай ёрдам берилади?

Эҳтиёжманд аҳолини қўллаб–қувватлаш мақсадида давлат бюджетидан 1 трлн сўм маблағ ажратилади.

Ҳукумат қарорига кўра, эҳтиёжманд оилаларга қуйидаги 2 та ёрдам кўрсатиш назарда тутилган:

1) иситиш мавсумида (ноябрь – феврал ойларида) эҳтиёжманд оилаларга 270 минг сўм миқдорида моддий ёрдам берилади;

2) ижтимоий нормадан қуйидаги миқдоргача ошиқча ишлатилган "свет" ва газ тўлови давлат бюджетидан компенсация қилинади:

➖ табиий газ учун – ойига базавий меъёрдан ортиқ фойдаланилган 250 куб метргача;

➖ электр энергияси учун – ойига базавий меъёрдан ортиқ фойдаланилган 150 кВт·соатгача.

↘️ Каналга уланиш 👇
https://t.me/adolatkozgusi

❗️ЎЗИНИ ЎЗИ БАНД ҚИЛИШ ФАОЛИЯТИНИ БОШЛАМОҚЧИ БЎЛГАНЛАРГА СУБСИДИЯ БЕРИЛАДИ

📃 Вазирлар Маҳкамасининг 252-сон қарори билан тасдиқланган низомга асосан,

➖тадбиркорлик ва ўзини ўзи банд қилиш фаолиятини бошламоқчи бўлган ишсиз, шу жумладан, "Темир дафтар", "Аёллар дафтари" ва "Ёшлар дафтари"га киритилган фуқароларга фаолиятини бошлаш учун керак бўлган асбоб-ускуна, меҳнат қуролларини харид қилиш учун — 7 миллион сўмгача, хотин-қизларга 10 миллион сўмгача субсидия ажратилиши белгиланган.

↘️ Каналга уланиш 👇
https://t.me/adolatkozgusi

❗️КРЕДИТНИ МУДДАТИДАН ОЛДИН ТЎЛАСА НИМА БЎЛАДИ ?

⚡️САВОЛ;
Мен банкдан истеъмол кредити олганман. Тўлов графиги бўйича мен кредитни 2024 йилнинг декабрь ойида тўлаб бўлишим керак. Мени саволим, агар мен 2024 йилнинг декабрь ойини кутиб ўтирмасдан, хозир қолган қарздорлигимни хаммасини тўлаб юборсам декабрь ойигача бўлган давр учун хам фоизларни қўшиб тўлашим керакми ёки муддатидан олдин тўлов қилинса қолган ойларга фоиз хисобланмайдими ?

⚡️ЖАВОБ;
06.05.2006 йилдаги ЎРҚ-33-сон "Истеъмол кредити тўғрисида"ги қонунининг 16-моддасига асосан, истеъмолчи олинган истеъмол кредити суммасини қайтаришни ва мазкур кредит бўйича ҳисобланган фоизларни тўлашни муддатидан илгари амалга оширишга ҳақли. Бундай ҳолда истеъмолчи фақат истеъмол кредитидан ҳақиқатда фойдаланилган муддат учун фоизлар тўлайди деб кўрсатилган.

✏️ Яъни, агар Сиз истеъмол кредитини 3 йилга олган бўлсангизу, лекин кредитни 3 йил эмас бир йилда хаммасини тўлаб юборсангиз қолган икки йил учун Сизга фоиз хисобланмайди. Кредит учун фоизлар фақат Сиз ундан фойдаланган вақтингиз учун хисобланади холос.

⬅️ Каналга уланиш 👇
https://t.me/adolatkozgusi

⚡️МАЪЛУМОТ УЧУН:

📃 Оила кодексининг 4 прим биринчи моддасига асосан,

➖ тўрт нафар ва ундан ортиқ ўн саккиз ёшга тўлмаган боласи бўлган оилалар кўп болали оилалар хисобланади.

✅ Агар тўрт нафар ва ундан ортиқ болалардан бир нафари ёки ундан кўпроғи ўқувчи ёки талаба бўлса ва 22 ёшдан ошмаган бўлса ундай оилалар хам кўп болали оила хисобланади.

➡️ Каналга уланиш 👇
https://t.me/adolatkozgusi