FARG‘ONA VILOYATI ADLIYA BOSHQARMASI (RASMIY)

#Adliya_xabari

Farg'ona viloyat adliya boshqarmasi tomonidan tuman, shahar adliya bo‘limlari va YXKM boshliqlari uchun Rishton tumanida kengaytirilgan yig'ilish bo'lib o'tdi.

Mazkur yig'ilishda "Adliya mahalla", "Onlayn mahalla" hamda "Huquqiy mahalla" platformalaridan foydalanish, tajriba almashish va tizimda ish yuritish samaradorligini yanada oshirish masalalari ko'rib chiqildi.

Shuningdek, tizimda korrupsiyaga oid huquqbuzarliklarning oldini olish, sohaga oid "O‘zbekiston Respublikasi Adliya vazirligining korrupsiyaga qarshi kurashish" siyosati hamda "O‘zbekiston Respublikasi adliya organlari va muassasalari xodimlarining odob-axloq qoidalari" bo'yicha ham alohida to'xtalib o'tildi.

Farg'ona viloyat adliya boshqarmasi

Kanalga ulanish:
🚀Telegram 🌐Websayt 📷Instagram 🔵Facebook

#Qonunchilikdagi_yangiliklar

Adliya vazirligi tomonidan Insofsiz ijrochilarning yagona reyestrini shakllantirish tartibi toʻgʻrisidagi nizom (roʻyxat raqami 3599, 17.01.2025 y.) davlat roʻyxatidan oʻtkazildi.

Ushbu Nizomda Insofsiz ijrochilarning yagona reyestrini shakllantirish va yuritish tartibi belgilangan. Xususan, Reyestrni shakllantirish asoslari va murojaat qilish, reyestrni yuritish hamda insofsiz ijrochini reyestrdan chiqarish tartibiga oid qoidalar belgilanmoqda.

Davlat xaridlari sohasidagi ishtirokchi yoki ijrochini Reyestrga kiritish yuzasidan yozma yoki elektron shaklda davlat buyurtmachisi va (yoki) xarid qilish tartib-taomillari ustidan davlat nazoratini amalga oshiruvchi vakolatli davlat organlari, shuningdek jismoniy va yuridik shaxslar murojaat qilishadi.

Insofsiz ijrochilarning yagona reyestri Iqtisodiyot va moliya vazirligi tomonidan shakllantiriladigan roʻyxat boʻlib, unga:

➖xarid qilish tartib-taomillari yakunlari boʻyicha belgilangan shartlar asosida davlat buyurtmachisi bilan shartnoma tuzishni va davlat xaridlarini amalga oshirishni rad etgan yoki boshqacha usulda boʻyin tovlagan xarid qilish tartib-taomillari gʻoliblari toʻgʻrisidagi;

➖majburiyatlarni bajarmaganlikda yoxud tegishli tarzda bajarmaganlikda belgilangan tartibda aybdor deb topilgan ijrochilar haqidagi, bundan majburiyatlar bartaraf etib boʻlmaydigan kuchlar oqibatida bajarilmagan yoki tegishli tarzda bajarilmagan hollar mustasno;

➖davlat xaridlari jarayonida yolgʻon yoki soxta hujjatlarni taqdim etgan, ayni bitta lotda ishtirok etgan affillangan shaxslar yoki manfaatlar toʻqnashuvi toʻgʻrisida maʼlumotlarni ochib bermagan ishtirokchilar toʻgʻrisidagi;

➖sudning qaroriga koʻra firibgarlik, soxtalashtirish va korrupsiya bilan bogʻliq jinoyatlarni sodir etganlikda aybdor deb topilgan ijrochilar toʻgʻrisidagi maʼlumotlar kiritiladi.

Maʼlumot uchun: “Davlat xaridlari toʻgʻrisida”gi Qonunning 48-moddasiga muvofiq, insofsiz ijrochilarning yagona reyestriga kiritilgan ijrochining ikki yil davomida davlat xaridlarida ishtirok etishi mumkin emas, bu muddat tugaganidan keyin ijrochi Insofsiz ijrochilarning yagona reyestridan chiqarilgan hisoblanadi.

📌 Kanalga ulanish

🚀 Yer osti suvlaridan maxsus foydalanish yoki ularni maxsus iste’mol qilish uchun ruxsatnoma berish bo‘yicha yangilik!

🖥 Endi ushbu faoliyatga ruxsatnoma olish uchun Yagona interaktiv davlat xizmatlari portali (my.gov.uz) yoki “Litsenziya” axborot tizimi orqali murojaat qilish mumkin.

⏱️ Ariza ko‘rib chiqish muddati: 6 ish kuni.

Ushbu xizmatning asosiy maqsadi yer osti suvlaridan maxsus foydalanish yoki ularni maxsus iste’mol qilish bilan bog‘liq jarayonlarni tartibga solish, yer osti suvlaridan oqilona foydalanish, yer osti suvlari zaxiralarining kamayib ketishi yoki sathining ko‘tarilib ketishining oldini olish, suv olish miqdori va sifatini nazorat qilib borish hamda yer osti suvlaridan foydalanuvchilar yoki ularni iste’mol qiluvchilar hisobini yuritishdan iborat.

Batafsil: Vazirlar Mahkamasining 2021-yil 8-yanvardagi 9-sonli qarori.

📌 Kanalga ulanish

#Huquqiy_mahalla

❗️Viloyatning eksklav hududi hisoblanadigan So'x tumanida ham "Huquqiy mahalla" konsepsiyasi amalda

So'x tuman adliya bo'limi tomonidan "Chashma" MFYda "Huquqiy mahalla" loyihasi bo'yicha uyma-uy yurgan holda fuqarolarning huquqiy muammolari o'rganildi.

Ma'lumot uchun: "Chashma" MFYda 628 ta xonadon bo'lib, unda jami 3615 nafar aholi istiqomat qiladi.

Tadbir davomida aholining huquqiy muammolari yuzasidan huquqiy ko'maklar berildi. Shuningdek, fuqarolar orasida eng ko'p uchrayotgan muammolarning huquqiy yechimlarini tushuntirildi va mavjud muammolar platformaga kiritildi.

Farg'ona viloyat adliya boshqarmasi

Kanalga ulanish:
🚀Telegram 🌐Websayt 📷Instagram 🔵Facebook

#Adliya_sarhisob

Adliyada kimlar ishlaydi?

📌 Kanalga ulanish

#Huquqiy_mahalla

❗️Aholining huquqiy muammolari oʻrganilmoqda

Rishton tuman adliya boʻlimi xodimlari tomonidan "Mahalla yettiligi" bilan hamkorlikda “Minor ” MFYda uyma-uy yurish orqali fuqarolarning huquqiy muammolari oʻrganildi.

Loyiha doirasida adliya boʻlimi xodimlari ishtirokida mazkur mahallada istiqomat qiluvchi fuqarolarning kundalik hayotidagi muammolari ko'rib chiqildi va platformaga kiritildi. Mavjud muammolarni bartaraf etish yuzasidan choralar belgilanib, ish yurituviga olindi.

Aholining murojaatlarini oʻrganish bilan birgalikda ularga yoshlar, xotin-qizlar, ijtimoiy himoyaga muhtoj shaxslarga qonunchilik hujjatlarida belgilangan imtiyozlar, preferensiyalar, subsidiyalar, grantlar va davlat tomonidan qoʻllab-quvvatlashning boshqa turlari hamda ulardan foydalanish tartibi haqida tushunchalar berildi.

Farg'ona viloyat adliya boshqarmasi

Kanalga ulanish:
🚀Telegram 🌐Websayt 📷Instagram 🔵Facebook

#OAV_biz_haqimizda

“Beshariq tongi” gazetasining 2025-yil 11-yanvar kungi 2(9143)-sonida Beshariq tuman adliya bo‘limi boshlig‘i D.Tursunaliyevning “Yerga bo‘lgan huquqingiz tiklanadi” nomli maqolasi eʼlon qilindi.


Farg'ona viloyat adliya boshqarmasi

Kanalga ulanish:
🚀Telegram 🌐Websayt 📷Instagram 🔵Facebook

#Huquqiy_mahalla

❗️Dang'ara tumani "Qora Mulla" MFYda “Huquqiy mahalla” loyihasi doirasida aholining huquqiy muammolari o‘rganilmoqda

Mazkur mahallada 704 ta xonadon bo'lib, unda 2575 nafar aholi istiqomat qiladi.

Loyiha doirasida tuman adliya bo‘limi xodimlari va “mahalla yettiligi” aʼzolari hamkorligida fuqarolarning huquqiy muammolari o‘rganilib, bir qator masalalarga yechim topilmoqda.
  

Ayni kunda  yuzga yaqin xonadonda o‘rganish o‘tkazilib, 50 ga yaqin huquqiy maslahatlar berildi.

Fuqarolarning turli masalalarga oid huquqiy murojaatlari “Huquqiy mahalla” platformasiga kiritilmoqda.

Farg'ona viloyat adliya boshqarmasi

Kanalga ulanish:
🚀Telegram 🌐Websayt 📷Instagram 🔵Facebook