FARG‘ONA VILOYATI ADLIYA BOSHQARMASI (RASMIY)

#Adliya_xabari

“O'zboshimchalik bilan egallab olingan yer uchastkalariga hamda ularda qurilgan binolar va inshootlarga bo'lgan huquqlarni eʼtirof etish toʻgʻrisida”gi qonunning viloyatdagi ijrosi yuzasidan vakolatli tashkilotlar rahbarlari va masʻul xodimlari ishtirokida seminar oʻtkazildi.

Seminarda xatlov jarayonlari reja-jadval asosida amalga oshirilib, “Eʼtirof” ATga kiritilishi hamda avtomatlashtirilgan tizimga kiritilgan obyektlarga masʼul davlat tashkilotlari tomonidan xulosa berish holati muhokama qilindi.

Masʻul tashkilotlarga avtomatlashtirilgan tizimga kiritilayotgan obyektlarning elektron yig'majildlari vakolatli tashkilotlar tomonidan o'z vaqtida oʻrganib chiqilmasligi, xulosalarning kechikishi hamda huquqlarni eʼtirof etish jarayonida muddat buzilishi qonun ijrosi oʻz vaqtida amalga oshmasligiga sabab bo'lishi mumkinligi tushuntirildi.

Farg'ona viloyat adliya boshqarmasi

Kanalga ulanish:
🚀Telegram 🌐Websayt 📷Instagram 🔵Facebook

#Adliya_xabari

❗️Fuqarolarning murojaatlari ijobiy hal etilmoqda

Adliya bo'limlari tomonidan uyma-uy yurish tamoyili asosida murojaatlar o'rganilib, hududdagi mavjud huquqiy muammolar hal qilinmoqda.

Xususan, O‘zbekiston tumani, Sho‘rsuv MFY 63-uy, 9-xonadonda yashovchi, 1961-yilda Rossiya Federatsiyasida tugilgan, O‘zbekiston fuqarosi Moroxin Aleksandr Anatolyevich ancha yillar oldin yo'qolgan tug‘ilganlik haqidagi guvohnomasini takroran olinishi yuzasidan murojaat qilgan.

O'rganish natijasida, O‘zbekiston tuman FHDY bo'limi so'roviga asosan Rossiya Federatsiyasi Xanti - Mansiysk avtonom okrugi, Xanti-Mansiysk tuman FHDY bo'limida qayd etilgan dalolatnoma yozuvlari asosida takroriy tug'ilganlik guvohnomasi yuborildi va o'z egasiga topshirildi.

Farg'ona viloyat adliya boshqarmasi

Kanalga ulanish:
🚀Telegram 🌐Websayt 📷Instagram 🔵Facebook

#Adliya_xabari

Sunʼiy intellektga asoslangan “Odil” chat-boti ishga tushirildi

Adliya vazirligi tomonidan davlat xizmatlari boʻyicha “Odil” chat-boti yaratildi. Telegram messenjeriga integratsiyalashgan va sunʼiy intellektga asoslangan chat-bot fuqarolarga davlat xizmatlari haqidagi maʼlumotlardan foydalanishni osonlashtirish uchun yaratilgan.

Uning ishga tushirilishi “1148” ishonch telefoni operatorlari yukini sezilarli darajada kamaytirish va foydalanuvchilarning soʻrovlariga real vaqt rejimida tezkor javob berish imkonini yaratadi.

❗️Maʼlumot uchun, “1148” ishonch telefoni orqali 2024-yilda fuqarolarning 135 mingga yaqin qoʻngʻirogʻi qabul qilingan. Shundan qariyb 128 mingta murojaat yoki 95%i yuzasidan mutaxassislar tomonidan huquqiy tushuntirish berilgan.

Chat-botning qanday imkoniyatlari bor?
▫️Davlat xizmatlaridan foydalanish tartiblari, talablar va jarayonlar haqida batafsil maʼlumotni taqdim etadi.
▫️Kerakli hujjatlar va arizalarni topishga yordamlashadi.
▫️Qaysi masala boʻyicha qayerga murojaat qilishni tushuntiradi.

Kelajakda chat-botning funksional imkoniyatlari va faoliyat doirasini kengaytirish ko‘zda tutilgan.

Chat-botning afzalliklari
✔️ Oson va qulay — hujjatlarni varaqlab chiqish shart emas, barcha zarur maʼlumotlar bir joyda.
✔️ Tezkor va samarali — bot sizga kerakli maslahat va javoblarni bir zumda taqdim etadi.
✔️ Doimiy takomillashish — sunʼiy intellekt foydalanuvchilar taklif va fikrlari asosida rivojlanib boradi.

💡Sizning fikringiz muhim!
Chat-botning yanada samarali ishlashi uchun sizning fikr va takliflaringiz juda muhim. Agar xato yoki kamchiliklarni uchratsangiz, ularni bartaraf etishda yordam bering!
Hoziroq sinab koʻring 📎 @Odil_chat_bot

Maʼlumot uchun, ushbu chat-bot Adliya vazirligi va “Mohirdev” kompaniyasi oʻrtasidagi hamkorlik doirasida yaratildi.

📌 Kanalga ulanish

#Milliy_libos

✔️Milliy liboslar-milliy qadriyatlar ifodasidir!

Darhaqiqat, milliy liboslarimiz xalqimiz urf-odatlari, milliy qadriyatlarimiz va an'analarimizni ko'zgusi, dеsak mubolag'a bo'lmaydi.

Farg'ona viloyat adliya boshqarmsi FHDY va notarial arxivi xodimlari ham o'zbеkona kiyinish madaniyatini targ'ib qilish, milliy an'ana, urf-odat va qadriyatlarimizni ulug'lash maqsadida ushbu targ'ibotga qo'shildilar.

Farg'ona viloyat adliya boshqarmasi

Kanalga ulanish:
🚀Telegram 🌐Websayt 📷Instagram 🔵Facebook

#Adliya_va_yosjlar

Dang'ara tuman adliya bo'limi xodimlari tomonidan tumandagi 1-sonli politexnikumida "Huquqiy bilimlar oyligi" doirasida "Yoshlar o'rtasida huquqbuzarliklar profilaktikasi" mavzusida targ'ibot tadbiri o'tkazildi

Ushbu tadbirda o'quvchilarga voyaga yetmaganlarning huquq va majburiyatlari, yoshlar tomonidan sodir etilayotgan huquqbuzarliklar, jinoyat tushunchasi, uning salbiy oqibatlari hamda hukumatimiz tomonidan yoshlarga yaratilgan imkoniyatlar va imtiyozlar yuzasidan tushuntirishlar berildi.

Shuningdek, tadbir davomida PQ-1-son qarori ijrosi bo'yicha mahallalarda jinoyatlarning oldini olish profilaktikasi yuzasidan targ'ibot flayerlari tarqatildi.

Farg'ona viloyat adliya boshqarmasi

Kanalga ulanish:
🚀Telegram 🌐Websayt 📷Instagram 🔵Facebook

#Qonunchilikdagi_yangiliklar

❗️Jarima ballari 12 balldan oshsa haydovchi transport vositasini boshqarish huquqidan mahrum qilinadi

⚡️Qonun bilan, Ma'muriy javobgarlik to'g'risidagi kodeksiga kiritilgan qo'shimchalarga ko'ra, quyidagilar uchun ma'muriy javobgarlik belgilandi:

🔹Yo'l harakati qoidabuzarliklari bo'yicha hisoblanadigan jarima ballari belgilangan miqdordan oshganligi uchun ma'muriy jazo qo'llanilishi;

🔘Bunda:

➖Belgilangan huquqbuzarliklar sodir etilganligi uchun transport vositasining haydovchisiga nisbatan mazkur huquqbuzarliklarda nazarda tutilgan asosiy jazo bilan birga jarima ballari hisoblanadi. Bunda sodir etilgan har bir huquqbuzarlik uchun hisoblanadigan jarima balining eng yuqori miqdori 2 balldan oshmasligi kerak.

➖Jarima ballari belgilangan huquqbuzarliklardan biri birinchi marta sodir etilgan kundan e'tiboran bir yil davomida hisoblab boriladi. Ushbu moddaning birinchi qismida nazarda tutilgan huquqbuzarliklar uchun hisoblangan jarima ballari bir yil o'tgach transport vositasining haydovchisidan avtomatlashtirilgan tarzda yechiladi.

➖Hisoblangan jarima ballari bir yil davomida 12 balldan oshgan hollarda, oxirgi sodir etilgan huquqbuzarlik uchun belgilangan tartibda qo'shimcha jazo tariqasida haydovchi transport vositalarini boshqarish huquqidan mahrum qilinadi. Bunday huquqdan mahrum qilish muddati 6 oydan kam bo'lmasligi belgilandi.

🔹Siqilgan tabiiy gazda, suyultirilgan neft gazida yoki dizel va gazsimon yoqilg'i aralashmasida ishlaydigan transport vositalaridan foydalanishda xavfsizlik qoidalarini buzganlik uchun;

🔹Transport vositasida odam tashish qoidalarini buzganlik uchun;

🔹Transport vositalarini quvib o'tish qoidalarini buzganlik uchun;

🔹Yo'l bezoriligi uchun;

🔹Huquqni muhofaza qiluvchi organlar xodimlarining foto- va (yoki) videotasvirini ularning obro'sizlantirilishiga olib keladigan tarzda buzib tarqatganlik uchun.

Farg'ona viloyat adliya boshqarmasi

Kanalga ulanish:
🚀Telegram 🌐Websayt 📷Instagram 🔵Facebook

#Adliya_xabari

Beshariq tuman adliya bo‘lmi xodimlari tomonidan viloyat hokimining 2025-yil 31-yanvar kungi 16-11-0-F/25-sonli Farmoyishiga asosan 1-28 fevral kunlari "Yoshlar orasida giyohvandlik vositalari va psixotrop vositalar tarqalishining oldini olish" kompleks profilaktik tadbirlar o‘tkazib kelinmoqda.

Shuningdek, tuman davlat xizmatlari markazi hamda FHDY bo'limiga tashrif buyurayotgan fuqarolarga ushbu profilaktik tadbir mazmunini keng yoritadigan flayerlar tarqatildi.

Farg'ona viloyat adliya boshqarmasi

Kanalga ulanish:
🚀Telegram 🌐Websayt 📷Instagram 🔵Facebook

#Ziyo_ulash

Quvasoy shahar adliya bo'limi davlat xizmatlari markazi binosida "Kitob ulash" loyihasi doirasida kitob olib kelish va kitob o'qish, bunga aholini keng jalb qilish ishlari davom etmoqda.

Ushbu loyihaning mehmoni el suygan xonanda Akmal Sadixonov.

Loyiha doirasida markazlarda to'plangan kitoblar ijtimoiy himoyaga muhtoj oilalarga ham tarqatilishi, bu esa kitob sotib olish imkoniyati bo'lmagan shaxslar uchun katta sovg‘a bo‘lishi loyiha mehmonini juda quvontirdi.

✔️Ushbu loyihada faol ishtirok eting va ziyo ulashing!

Farg'ona viloyat adliya boshqarmasi

Kanalga ulanish:
🚀Telegram 🌐Websayt 📷Instagram 🔵Facebook