Репост из: Bobil kutubxonasi
#bobur_day
"Bolam, Hazratim Boburning kitobini olib bering, bo'yingiz uzun". Bobom shunday derdilar. Men bo'yimni shu so'zlar bilan chamalardim. Keyinchalik bu iltimos "Bolam, Hazratim Boburdan o'qib bering"ga aylandi. Sezdimki, bobomning ko'zlari o'tmaslashibdi.
Bobom Boburni Hazratim deb alqardilar. Aytishlaricha, buvimga yozgan ilk muhabbat maktublari ostiga Bobur hazratimning g'azallaridan ilova qilgan ekanlar. Shundanmi, Bobur ishqi, Bobur shaxsi ichimda, men bilan birga ulg'aygan.
Buvimdan so'ng bobom Bobur devonini qaltiroq barmoqlari bilan siypalab turib "Erta ketding, Zaynabxon" deya shivirlab qo'yardilar. Bu ham nimtatir xotira bo'lib qolgan.
To oq yuzing yiroq tushdi,
Ikki ko'zim ichra oq tushdi...
Bobom buvimni, mahalla ayollari, mahalla bolalari Oymomo xola deb chaqiradigan buvimni shu baytlar bilan sevardilar menimcha...
Bobur, mening Boburim... Siz tug'ilmaganingizda, shoir bo'lmaganingizda, ehtimol biz, bizning shajara ham shakl topmasdi. Tavallud kuningiz bizga muborak, bobomning hazratlari.
Mirzohid
@bobil_kutubxonasi
"Bolam, Hazratim Boburning kitobini olib bering, bo'yingiz uzun". Bobom shunday derdilar. Men bo'yimni shu so'zlar bilan chamalardim. Keyinchalik bu iltimos "Bolam, Hazratim Boburdan o'qib bering"ga aylandi. Sezdimki, bobomning ko'zlari o'tmaslashibdi.
Bobom Boburni Hazratim deb alqardilar. Aytishlaricha, buvimga yozgan ilk muhabbat maktublari ostiga Bobur hazratimning g'azallaridan ilova qilgan ekanlar. Shundanmi, Bobur ishqi, Bobur shaxsi ichimda, men bilan birga ulg'aygan.
Buvimdan so'ng bobom Bobur devonini qaltiroq barmoqlari bilan siypalab turib "Erta ketding, Zaynabxon" deya shivirlab qo'yardilar. Bu ham nimtatir xotira bo'lib qolgan.
To oq yuzing yiroq tushdi,
Ikki ko'zim ichra oq tushdi...
Bobom buvimni, mahalla ayollari, mahalla bolalari Oymomo xola deb chaqiradigan buvimni shu baytlar bilan sevardilar menimcha...
Bobur, mening Boburim... Siz tug'ilmaganingizda, shoir bo'lmaganingizda, ehtimol biz, bizning shajara ham shakl topmasdi. Tavallud kuningiz bizga muborak, bobomning hazratlari.
Mirzohid
@bobil_kutubxonasi