Abduqodir blog

“Avtomobilsiz kun” ommaviy aksiyasiga siz ham qo‘shiling!

22-yanvar kuni Toshkent shahrida navbatdagi “Avtomobilsiz kun” aksiyasi o‘tkaziladi.

Aksiya munosabati bilan davlat idoralari rahbarlari va xodimlariga shaxsiy transport vositalaridan voz kechish va jamoat transporti, velosiped hamda atrof-muhitga zarar yetkazmaydigan transport turlaridan foydalanish tavsiya qilinadi.

👉 @abduqodirorg 👈

"Paxta xomashyosini yetishtirish va sotishda bozor mexanizmlarini qo‘llashni izchil davom ettirish chora-tadbirlari to‘g‘risida"gi Prezident farmoni

Farmonga ko‘ra, 2025-yil paxta hosilidan:

➖O‘zbekiston respublika tovar-xomashyo birjasi kalendar yilining 1-noyabr kunida (2025-yil hosili uchun 1-fevralda) paxta tolasining Nyu-York birjasidagi fyuchers kotirovkalarining oxirgi 6 oydagi o‘rtacha kotirovkasidan kelib chiqqan holda kelgusi yil hosili uchun paxta xomashyosining boshlang‘ich narxini (birinchi nav, ikkinchi sinf) aniqlab, Birjaning rasmiy veb-saytida e’lon qiladi;

➖mulkchilik shaklidan qat’i nazar barcha paxta xomashyosi yetishtiruvchi xo‘jaliklar va klasterlar hamda paxta xomashyosini qayta ishlash va ip-kalava ishlab chiqarish zanjiriga ega to‘qimachilik korxonalari o‘rtasida paxta xomashyosi yetkazib berish bo‘yicha oldi-sotdi (fyuchers, forvard va spot) shartnomalari Birjaning paxta xomashyosi seksiyasida har bir hudud bo‘yicha alohida o‘tkaziladigan savdolarda tuziladi;

➖fyuchers shartnomalari kalendar yilning 1-noyabridan keyingi yilning 1-iyunigacha xo‘jaliklar va qayta ishlovchilar o‘rtasida birjada erkin shakllanadigan, biroq e’lon qilingan boshlang‘ich narxdan past bo‘lmagan narxda tuziladi;

➖forvard shartnomalari kalendar yilning 1-noyabridan keyingi yilning 1-martigacha xo‘jaliklar va qayta ishlovchilar o‘rtasida o‘zaro kelishilgan narxlarda tuziladi;

➖spot shartnomalari real vaqt rejimida omborda saqlanayotgan paxta xomashyosi hajmiga xo‘jaliklar va qayta ishlovchilar o‘rtasida o‘zaro kelishilgan narxda tuziladi;

➖saqlash omborlari yoki ijara shartnomalari mavjud bo‘lmagan xo‘jaliklar o‘zi yetishtiradigan paxta xomashyosi bo‘yicha har hosil yilining 1-martigacha forvard yoki 1-iyunigacha fyuchers shartnomalari rasmiylashtiradi;

➖ paxta xomashyosini o‘z mablag‘lari va tijorat kreditlari hisobidan yetishtirib, Birjada sotgan xo‘jaliklarga shakllangan hisobvaraq-faktura qiymatining 10 foizi miqdorida subsidiya ajratiladi.

➖ paxta xomashyosini yetishtirish uchun olingan imtiyozli kreditlarni hosil yilining yakuniga (tegishli yilning 31-dekabriga) qadar qaytargan xo‘jaliklarga ushbu kreditlar bo‘yicha to‘langan foiz to‘lovlarining 4 foizlik punktini subsidiya sifatida qaytarib berish tartibi joriy etiladi.

👉 @abduqodirorg 👈

Banklar 2024-yilda qancha foyda ko‘rdi?

O‘zbekiston banklari 2024-yilni 6 trln 966 mlrd so‘m sof foyda bilan yakunladi.

Bankers.uz ma’lumotlariga ko‘ra, bu 2023-yilga nisbatan 5,4 trln so‘mga kamroq.

"Milliy bank" o‘tgan 2024-yilda ham eng ko‘p foyda olgan bank maqomini saqlab qoldi. "Kapitalbank" foydasi sezilarli pasaygani sabab "Hamkorbank" hamda "SQB" ikkinchi va uchinchi o‘rinlarga ko‘tarilib oldi.

Davlat banklari yilni umumiy hisobda 317 mlrd so‘mlik zarar bilan yakunladi.

Eng ko‘p zarar ko‘rgan banklar ham sezilarli farq bilan davlat banklari bo‘ldi — "BRB" va "MKBank". Ular mos ravishda 2,2 trln so‘m va 1,7 trln so‘m zarar ko‘rdi. Umumiy hisobda 9 ta bank yilni zarar bilan yopdi.

Yil davomida foydasi boshqalarga qaraganda eng ko‘p o‘sgan bank TBC Bank bo‘ldi — +748,5 foiz. Bank foyda bo‘yicha umumiy ro‘yxatda 11-o‘rinni egalladi.

TOP-10 eng ko‘p foyda ko‘rgan banklar orasida atiga 2 tasi davlat banki bo‘ldi.

👉  @abduqodirorg 👈

Bosh prokuror, O‘zbekiston kurash federatsiyasi rahbari Yo‘ldoshev Nig‘matilla To‘lqinovich Sport kurashlari assotsiatsiyasi raisi etib saylandi.

💳 Paynet kompaniyasi HUMO to'lov tizimini sotib oldi

HUMO to'lov tizimi xususiylashtirilishi haqida gap chiqqandi. Hatto, Qozog'iztonning "Kaspi"si sotib olishga qiziqish bildirgandi. Lekin ular yarmida qarorini o'zgartirishdi.

Oxir-oqibat, HUMO o'zimiznikilarda qoladigan bo'ldi. Bitim summasi 65 million dollar ekani aytilmoqda.

👉 @abduqodirorg 👈

❗️"Eng kuchli" pasportlar reytingi e'lon qilindi. Oʻzbekiston nechanchi oʻrinda?

Viza va fuqarolik olish masalalari boʻyicha xalqaro konsultativ markaz – Henley & Partners dunyo mamlakatlari pasportining an'anaviy yillik reytingini e'lon qildi.

Reyting Xalqaro havo transporti assotsiatsiyasi bergan ma'lumotlar asosida tuzilgan. Unda davlatlarning fuqarolik pasporti oʻz egasiga nechta mamlakatga avvaldan viza olmasdan (umuman viza olmasdan yoki etib borganidan keyin viza olgan holda) kirib borish imkonini berishi inobatga olingan.

2025-yilgi indeksda 🇺🇿Oʻzbekiston pasporti 🇨🇺Kuba pasporti bilan birga 80-oʻrinni qayd etgan. Ushbu ikkita mamlakat fuqarolari 64 ta davlatga avvaldan viza olmay kirib boraverishi mumkin.

ℹ️ Oʻzbekiston pasportining Henley Passport Index boʻyicha oxirgi yillardagi pozitsiyasi:

2016-yil: 52 ta davlatga vizasiz borish imkoni, 85-oʻrin;
2017-yil: 53 ta davlatga vizasiz borish imkoni, 83-oʻrin;
2018-yil: 59 ta davlatga vizasiz borish imkoni, 82-oʻrin;
2019-yil: 56 ta davlatga vizasiz borish imkoni, 85-oʻrin;
2020-yil: 57 ta davlatga vizasiz borish imkoni, 83-oʻrin;
2021-yil: 56 ta davlatga vizasiz borish imkoni, 92-oʻrin;
2022-yil: 57 ta davlatga vizasiz borish imkoni, 86-oʻrin;
2023-yil: 59 ta davlatga vizasiz borish imkoni, 85-oʻrin;
2024-yil: 64 ta davlatga vizasiz borish imkoni, 80-oʻrin;
2025-yil: 62 ta davlatga vizasiz borish imkoni, 80-oʻrin;

Reytingda birinchi oʻrinni 🇸🇬Singapur pasporti egallagan. Henley kompaniyasiga koʻra, bu davlat fuqarolari 195 ta mamlakatga vizasiz borish huquqiga ega.

2024-yilda ham, odatdagidek, reytingda yuqori oʻrinlarni asosan 🇪🇺Yevropa Ittifoqi davlatlarining pasportlari band qilgan:

1-oʻrin. 🇸🇬Singapur – 195 ta davlat;
2-oʻrin. 🇯🇵Yaponiya – 193 ta davlat;
3-oʻrin. 🇫🇷Fransiya, 🇩🇪Germaniya, 🇮🇹Italiya, 🇪🇸Ispaniya, 🇫🇮Finlandiya, 🇰🇷Janubiy Koreya – 192 davlat;
4-oʻrin. 🇦🇹Avstriya, 🇩🇰Daniya, 🇳🇱Niderlandiya, 🇱🇺Lyuksemburg, 🇮🇪Irlandiya, 🇳🇴Norvegiya, 🇸🇪Shvetsiya, – 191 ta davlat;
5-oʻrin. 🇧🇪Belgiya, 🇬🇧Buyuk Britaniya, 🇵🇹Portugaliya, 🇨🇭Shveytsariya, 🇳🇿Yangi Zelandiya – 190 ta davlat;

Shuningdek, 🇨🇦Kanada pasporti bilan 188 ta davlatga, 🇺🇸AQSh pasporti bilan 186 ta davlatga, 🇦🇪BAA pasporti bilan 185 ta davlatga, 🇲🇾Malayziya pasporti bilan esa 183 ta davlatga beruxsat kirib boraverish mumkin.

Sobiq ittifoq respublikalari orasida 🇪🇪Estoniya (9-oʻrinni band etgan, ushbu davlat fuqarolari 186 ta davlatga vizasiz borish huquqiga ega) hamda 🇱🇻Latviya va 🇱🇹Litva (10-oʻrin, 185 ta davlat) eng yaxshi koʻrsatkichga ega.

🇺🇦Ukraina pasporti 148 ta davlat, 🇬🇪Gruziya pasporti 122 ta davlat, 🇷🇺Rossiya va 🇹🇷Turkiya pasporti esa 116 ta davlatga vizasiz kirish huquqini beradi.

Markaziy Osiyo respublikalarining pasport reytingi quyidagicha:

65-oʻrin. 🇰🇿Qozogʻiston – 77 ta davlat;
78-oʻrin. 🇰🇬Qirgʻiziston – 64 ta davlat;
80-oʻrin. 🇺🇿Oʻzbekiston – 62 ta davlat;
84-oʻrin. Tojikiston – 58 ta davlat;
92-oʻrin. 🇹🇲Turkmaniston – 50 ta davlat.

Reytingni 26 ta davlatga vizasiz kirish imkonini berishi bilan 🇦🇫Afgʻoniston pasporti yakunlab beradi. Undan avvalgi oʻrinlarda 🇸🇾Suriya (27), 🇮🇶Iroq (31), 🇵🇰Pokiston (33) va 🇾🇪Yaman (33) fuqaroligini tasdiqlovchi hujjatlar qayd etilgan.

👉 @abduqodirorg 👈