Введите текст для поиска
Расширенный поиск каналов

Залью подписчика по 3 рубля

В любую тематику, с мелких регионов. 5% за работу.
img
реклама

Welcome to Torontovsk

Персональный семейный блог о жизни в Канаде и России
img
реклама

TGStat - аналитика каналов и чатов

Подписывайся, чтобы быть в курсе новостей TGStat.
img
реклама

Abdulloh Rasuljanov

@abdullokh_rasuljanov
Гео и язык канала: Узбекистан, Узбекский
Категория: Блоги

Fikrlarim xato bo'lishi mumkin. Avval tekshirib, keyin xulosa qiling.
Murojaat uchun: @AbdullohgaMurojaatBot

Связанные каналы
Гео и язык канала
Узбекистан, Узбекский
Категория
Блоги
Статистика
Это ваш канал? Подтвердить Канал в реестре блогеров РКН? Подтвердить История канала
Фильтр публикаций

Abdulloh Rasuljanov

7 May, 17:30

Открыть в Telegram Поделиться Пожаловаться
#trip #hiking

Sayoqda saboq

O'tkan haftadagi hiking yana bir olam taassurot qoldirdi, bir olam narsa o'rgatdi. 2500 metrlik cho'qqini ko'zlab 14 azamatni yo'lga boshlab ketgandim. Qiyinchiliklar asta boshlandi.

Birinchi marta hiking qilyatganlar jamoada talayligini, hammaning ham jismoniy holatini hisobga olmay 25km yuriladigan cho'qqini tanlaganim xato bo'lganakan. Birinchidan, ko'pchilikni jismoniy va ruhiy holati bunga tayyormas chiqdi. Ikkinchidan, jamoa kattaligi uchun harakatlanish sekin bo'ldi.

Kimdadir keskin ko'ngil aynishi bo'ldi, kimdadir tizzalar ishdan chiqdi, yana kimdir hushidan ketayozdi. Shu sabab cho'qqiga oz qolganda qaytishimizga to'g'ri keldi. Ichimda bir ovoz chiqib ketaver dedi, lekin menga ishonib borgan jamoaning manfaatidan shaxsiy manfaatimni ustun qo'yishga vijdon chidamadi.

Lekin tabiat go'zalligi, muzdek qor suvida cho'milish barini yopib ketdi. Muhimi hamma sog', hamma o'ziga nedir isbotladi, nenidir his qilib ko'rdi. Men esa cho'qqiga yana qaytaman.

@abdullokh_rasuljanov
44 0 1 6
Abdulloh Rasuljanov

2 May, 21:12

Открыть в Telegram Поделиться Пожаловаться
#foydali

Fan va san'at simbiozi

San'at va fan uyg'unlashganda katta g'oyalar tug'ilishi haqida yozgandim. Walter Isaacson'ning "Innovatorlar" kitobini o'qiy turib, shu narsaga yana duch keldim.

Eng birinchi dasturchi - Ada Lovelace bugungi texnologik yutuqlarning tamal toshini qo'ygan shaxsdir. Gap shundaki, Adaning otasi Lord Bayron o'z davrining yetuk shoiri bo'lgan. Onasi Anna Isabella esa kuchli matematik bo'lgan. Yoshligidan otasi Adani she'riyatga qiziqtirgan bo'lsa, onasi unga matematikadan boshlang'ich saboqni berib, qo'shimcha ustozlar ham yollagan.

Shu tariqa yosh Adada san'atkor dunyoqarash va aniq fanga oid tahliliy bilimlar teng rivojlanadi. Unda o'zidan ko'ra matematik bilimlari ancha kuchli ustozlarining hayoliga kelmagan ixtiro - o'zi qaror chiqaruvchi hisoblash mashinasini yaratish g'oyasi tug'iladi. Shu tariqa kompyuter atalmish mo'jiza dunyoga keladi.

Bu mavzuda talay tadqiqotlar ham o'tkazilgan. Masalan, Michigan Universitetida chop etilgan tadqiqotlarga ko'ra, Nobel mukofoti yutgan olimlar boshqa o'rtacha olimlarga qaraganda 2.85 baravar ko'proq ijodiy, san'atga oid hobbi bilan shug'ullanarkan.

Fanni ishtiyoq bilan o'qing, san'atni seving. Eng kamida farzandlaringizga shunday tarbiya bering.

@abdullokh_rasuljanov
159 1 2
Abdulloh Rasuljanov

28 Apr, 19:01

Открыть в Telegram Поделиться Пожаловаться
#trip

"Sayoq" bilan sayohat

Koreyadaligimda sherik bilan Gwanaksan tog'i cho'qqilariga hiking qilgandik. Ana o'shanda o'zim uchun butun umrlik hobbini topgandim.

Keyinchalik atrofimda o'xshash qadriyatlilar safi kengaydi. Bir necha martalab hiking qildik. Soyga, cho'qqiga, turli obyektlarga. Qiziquvchilar ko'payib bordi. Shu tariqa uchta sherigim bilan hikingsevarlar klubini ochishga qaror qildim.

27-aprel "Sayoq" hiking klubining birinchi sayohati bo'ldi. Qulasoy sharsharasiga. Soy kechib, qiyaliklarga tirmashib, arqonga osilib butun jamoa manzilga yetib bordik. Yo'l xavfliligini bilsamda jamoaning motivatsiyasini tushirgim kelmadi, ortiqcha gapirmadim bu haqida.

Atmosfera daxshatli darajada adrenalinga to'la bo'ldi. Shunga yarasha jamoaning mas'uliyati ham og'ir bo'larkan. Havaskor gidlik shu tariqa boshlanib ketdi :)

Hozir ayni hiking uchun qulay mavsum. Rejadagi manzillarimiz esa talay. Qisqa hayotning har kichik lahzasidan zavq olishga harakatdamiz.

Sayoq - #SayOqYo'l

@abdullokh_rasuljanov
119 0 2 7
Abdulloh Rasuljanov

15 Apr, 18:30

Открыть в Telegram Поделиться Пожаловаться
#shunchaki

Dam olgandek ko'rinma, dam ol

Jamiyatda nimadir urfga aylansa ko'pchilik ongsiz ravishda takrorlashni boshlaydi. Qadimdan davom etib kelyatgan fenomen bu.

Bizni oramizda tarqaganlaridan biri - dam olish uchun basseyni va PlayStationi bor dachada bir kun yashab kelish. Albatta buni unchalik yomon tomoni yo'q, lekin bundan yaxshi variantlar talay.

Basseynda cho'milish, kompyuter o'ynash, mastava ichish, uxlash uchun toqqa borish shartmas. Toqqa chiqdingmi, boshqa joyda qilolmaydigan ishlaringni qilish kerak menimcha.

Dachadamas cho'qqida uxlab ko'r. Basseyndamas sharsharada cho'mil. Hiking qil. Tabiatni maksimal his et. Bu ancha arzonroq va unutilmasroq. Shunda his qilasan g'orda pishirgan ikkita kartoshkang chorvoqdagi mastavadan mazaliroqligini.

P/s: Rasmlar esdalik uchun shu yerda turatursin :)

@abdullokh_rasuljanov
161 0 0 1
Abdulloh Rasuljanov

6 Apr, 16:30

Открыть в Telegram Поделиться Пожаловаться
#foydali

Insonning yagona valyutasi

Hamma narsani to'lovi bor. Tekin bo'lsa yo qadriga yetilmaydi, yo xo'rak bo'ladi. Shu sababdan doim to'laymiz. Garchi to'lovlarni turli ko'rinishda qilsakda, asosi yagona. Vaqting.

Ilm olmoqchisan, vaqtingni sarflaysan. Oylik olasan, sarflagan vaqting uchun. Jinoyat qilsang qamoqqa tushasan, zararga vaqting bilan to'laysan.

Bitta tushlikka to'lagan puling shunchaki hisobingdan 50k so'm ayrilganini bildirmaydi. 50k so'm turadigan vaqtingni tushlikka to'lov qilganingni bildiradi.

Shu sababdan sendagi yagona seniki bo'lgan narsa - vaqting. U bo'lmasa hech narsa qilolmaysan.

Keraksiz narsalar haridiniyam shu orqali filtrlasang bo'ladi. Mana shu buyum ~20 soat vaqtimni almashtirishimga arziydimi? kabi savol berib.

Har qanday narsaning narxi - sen unga almashtirgan hayoting miqdoridir.

@abdullokh_rasuljanov
239 0 1 3
Abdulloh Rasuljanov

22 Mar, 18:34

Открыть в Telegram Поделиться Пожаловаться
#foydali

Bilmasang qo'rqasan

Sen qo'rqadigan barcha narsalar - senga yetarlicha ma'lum bo'lmagan narsalardir.

Qorong'ulikdan qo'rqqansan. Sababi qorong'ulikda ko'rish imkoniyating cheklangan. Atrofda nimalar borligini yetarlicha bilmaysan.

Yangilikdan, o'zgarishlardan qo'rqasan. Oqibatlarini bilmaganing uchun. Agar natijasini aniq bilsang o'zgarish oddiy narsadek ko'rina boshlaydi.

Oxiratingdan qo'rqasan. Garchi ikkitagina manzil bo'lsada, seniki aynan qaysiligini bilmaysan.

Nima haqida yetarlicha bilmasang ana o'shandan cho'chiysan. Seni nima qo'rqitsa o'sha haqida ko'proq o'rgan.

@abdullokh_rasuljanov
182 0 0 2
Abdulloh Rasuljanov

19 Mar, 05:48

Открыть в Telegram Поделиться Пожаловаться
Репост из: Azimjon's Fikrlog
O’ldirish.

Qaror qilish ingliz tilida “decide” degani.

Boshqa “-cide” bilan tugadigan so’zlarni eslang:
- suicide (sui: o’zi, cide: o’ldirish)
- genocide (geno: irq, cide - o’ldirish)
- homocide (homo: odam, cide: o’ldirish)

Nimadirni qaror qildingizmi — undan boshqasi siz uchun o’lgan. Qaror qilish — o’ldirish demakdir.

Qaror qilish erkinlik - qaytib yana bu masalaga/muammoga qaytmaysiz. Hayolingiz, ko’nglingiz taskin topadi.

Kasb - ishsizlikni o’ldiradi
Uylanish - bo’ydoqlikni o’ldiradi
Maqsad - maqsadsizlikni o’ldiradi

O’ldiring, o’z qo’llaringiz bilan.
O’ldirmasangiz - sizni o’ldiradi.
192 0 1
Abdulloh Rasuljanov

27 Feb, 17:45

Открыть в Telegram Поделиться Пожаловаться
#book

"Begona" - Alber Kamyu

"L'etranger" eksiztensializmning yuksak namunalaridan biri boʻlgan asar. Choʻzib oʻtirilmagan. Voqealar rivoji tez, aqlni shoshirib qoʻyadi. Uning ustiga kitob quyidagi jumla bilan boshlanadi: "Kecha onam oʻldi. Yoki bugunmi, bilmadim."

Jamiyatga, uning qadriyatlariyu stereotiplariga mutlaq befarq boʻlgan Merso - asar qahramoni. Onasining janozasida yig'lamagani uchun uni butkul bemehrga chiqarishadi. Aslida u bemehrmas, shunchaki odamlarning fikri uchun oʻzini qayg'uli koʻrsatishni xohlamaydi.

Qotillik aybi bilan sudlanarkan, uni odam oʻldirgani uchunmas, aynan onasining janozasida yig'lamagani uchun sudlashadi, jazolashadi, ya'ni hamma mana shu jihatga yopishvoladi. Uni xudkushlik aybi qolib, jamiyat "norma"larini qabul qilmagani uchun aybdorga chiqarishadi.

Kamyuning dahosi shundaki - qisqa va oydin voqea bilan chuqur oʻylantiradi. Buni asarga yozilgan baʼzi taqrizlar asarning oʻzidanda uzunroqligidan bilsa boʻladi.

P/s: Absurdizmni yoqlamayman.

@abdullokh_rasuljanov
205 0 0 2
Показано 8 последних публикаций.