Abdulbosit Mirvali o'g'li

Sening postingni mingta odam ko'rgani yaxshimi yoki o'nta odam ming marta ko'rganimi?

Shu savolni o'zimga berdim bugun.

Kam sonli odam, ko'p marta ko'rishi yaxshiroq menimcha.

Bu so'zlaring ta'sir qilayotganini anglatadi.

Sizningchachi?

👉🏻 @abdulbasitvakhidov

2024-yilda O‘zbekistonda 926 422 nafar chaqaloq dunyoga keldi

O'g'il bolalar: 479 552 nafar
Qiz bolalar: 446 870 nafar

Mamlakatimiz demografik jihatdan o‘sib bormoqda. Farzandlarimizning sog‘lom va aqlli bo‘lib ulg‘ayishi uchun ularga mos mebel tanlash juda muhim.

Bolalar uchun to‘g‘ri mebel tanlashda quyidagi maslahatlarga amal qiling:

1️⃣ Materiallar xavfsiz bo‘lsin. Bolalar mebeli ekologik toza materiallardan (tabiiy yog'och, fanera va E0 sertifikatli MDF) yasalgan bo'lishi kerak. Formaldegid va boshqa zararli moddalar miqdorini tekshiring.

Lak va bo'yoqlar suv asosli bo'lishi talab qilinadi. Sababi ular bolalar tishlaganida ham zararsizdir.

2️⃣ Ergonomika — sog‘lom o‘sish garovi. Bolalar yoshiga mos stul va stol bo‘lishi kerak. Masalan, 6-8 yoshdagi bola uchun stul balandligi 30-35 sm bo‘lsa, yaxshi natija beradi. O'suvchi stullar (растущий стул) samarali hisoblanadi.

3️⃣ Burchaklar yumaloq bo‘lsin. Xavfsizlik nuqtai nazaridan burchaklari yumaloq, o'tkir qirralari yo'q bo'lgan mebellar bolalar uchun afzal. Bu jarohatlarning oldini oladi.

4️⃣ Oson tozalanadigan va chidamli bo‘lsin. Matolari chang tutmaydigan, tozalash oson bo‘lgan mebel uzoq vaqt xizmat qiladi va gigiyenik jihatdan qulay.

5️⃣ Ko‘p funksiyali mebel. Masalan, yotoq va kitob javoni birlashtirilgan mebel kichik xonalarda joyni tejaydi.

6️⃣ Mebel bolangizni uyg'otsin. Shunday mebellar borki u bolangizning ham aqliy, ham jismoniy jihatdan yaxshi rivojlanishiga sabab bo'ladi. Masalan, yog'ochli mozaikalar, o'zi yig'ib oladigan stol-stullar va hokazo.

7️⃣ Bolangiz bilan birga tanlang. Bu uning o‘ziga ishonchini oshiradi va o'z mebelidan sevib foydalanadi.

Farzandlarimiz salohiyatli bo'lib ulg'ayishi uchun ularning salomatligi haqida jiddiy o'ylashimiz zarur.

👉 @mebelium_uz

Million dollar beraman deyishyapti

Shunchaki g'oyalarim uchun.

Bu pullarni ololmayman, ehtiyojim yo'q.

Maqtanish niyatim yo'q, sababi bu g'ayrioddiy ish emas va buni har kim qila oladi.

Pullar, mol-dunyo, qimmatbaho matohlar oldimda o'z ahamiyatini yoqotib boryapti.

Eng qimmat avtomobillarda yuradigan millionerlar emas, piyoda, velosipedda yuradigan milliarderlar hayoti qiziqtirayapti.

Ko'proq insonlarga foydasi tegadigan amallar, o'zimni tarbiyalaydigan ishlar, insonlarni rivojlanishiga sabab bo‘ladigan faoliyatlarni amalga oshirgim kelyapti.

Farazan 60 yil umr berilgan bo'lsa yarmini yashab bo'ldim. Lekin hali biror foydali ish qilolganim yo'q.

Ammo shunday ishlar qilishni xohlaymanki, butun olam undan faxrlansa.

Buning uchun qudrati cheksiz Zotgagina ehtiyojim bor.

👉🏻 @abdulbasitvakhidov

«Kasallikni emas bemorni davolang»

Epidemiolog Dr. Feinsten yuqoridagi gapni aytgan ekan.

Mijozlar mebelchilarga ishonishmayapti. Ularni ishonchini davolashimiz kerakmi?

Yoki ishonishmayotganiga sababchi bo'lgan mebelchilar ya'ni o'zimiznimi?

Demak ishonchsizlik kasallik, bemor esa biz ekanmiz-da.

Menimcha shunday.

O'zimni davolashim kerak. Bugunoq bunga kirishaman!

👉🏻 @abdulbasitvakhidov

Dushman oyoqqa qaraydi

Safarga chiqqaningizda eski bo'lsa ham o'zingizga qulay, oyoqni og'ritmaydigan oyoq kiyim kiyib oling.

Hech qachon birovga chiroyli ko'rinish uchun kiyinmang. Oyoq kiyimingizga qarab muomalasini o'zgartirganlarga tupuring.

Bir paytlar meni eski kalishimda ham qabul qilganlar, bugun eng yaqin do'stlarim.

Muvaffaqiyatga erishish uchun kiyimning ahamiyati yo'q deb hisoblayman (shaxsiy fikrim). Jobs, Mask, Geyts, Grovlarni kiyimi sabab hurmat qilmaymiz.

Arzimagan matolar sabab katta marralarga yetolmay qolishimiz haqiqiy yoqotish.

👉🏻 @abdulbasitvakhidov

Chet eldagi ko‘rgazmadan maksimal foyda olishingiz uchun tavsiyalar

1. Yurtdoshlar bilan yurtda gaplashaverasiz. Boshqa yurt fuqarolari bilan gaplashishga urining. Til bilmasangiz tarjimonlar bor (google, yandex, GPT).

2. Ko‘rgazmaga yaqin joydan mehmonxona oling. Vaqtingizni tejaydi.

3. O‘zingizga tushuntiring. Qiziqarli va foydali narsalarni ko'rsangiz o'zingizga video shaklda tushintiring. Shaxsiy blogingiz bo'lsa ulashib boring, bu yaxshiroq tushinishingizga yordam beradi.

4. Ko‘rgazma aylanishdan muhim. Agar shahar aylanmoqchi bo'lsangiz, ko'rgazmadan keyingi kunga rejalashtiring.

5. Pover bank esingizdan chiqmasin.

6. Guruh bo'lib yurish, vaqtni yoqotish. Bir-biringizni kutib qolasiz, ko'p joyni aylana olmaysiz.

7. Savollar bering. Savollar yangiliklarni o'rganishni osonlashtiradi. To'g'ri savollar berish 10x osonlashtiradi. To'g'ri savollar berishni Parallel muhitdan o'rganishingiz mumkin.

👉🏻 @abdulbasitvakhidov