Abdukarimov's Blog

#foydali

Raqamlar

Deyarli barcha bizneslarda qarorlar qabul qilishga yordam beradigan asosiy faktor bu raqamlar hisoblanadi. "Yaxshi ishladik, ko'p natijalar ko'rsatdik, samarador ishladik" kabi mavhum izohlar bilan voqeylikni ko'rib bo'lmaydi.

Misol: "Vebsaytimiz orqali ko'p mijozlar ro'yxatdan o'tdi". Voqeylik qanday bo'lishi mumkin, 1 oyda saytga tashrif buyurayoganlar soni 500 tani tashkil qilsa va ro'yxatdan o'tayotganlar soni 50 tani tashkil qilsa bu holatda Konversiya ko'rsatkichi 10% ni tashkil qilayotgan bo'ladi. Endi 100% dan 10% ko'rsatkich "kop" degan izohga mos tushadimi o'ylab ko'rish kerak.

Boshqa misol: "Bizni mijozlarlarimiz bizni tavsiya qilishi zo'r, ko'pchikikka bizni mahsulotlar (xizmatlar) ma'qul kelgan". Aslida buni NPS (Net Promoter Score - Mijozlarning qoniqish darajasi va tavsiya qilish ehtimoli) ko'rsatkichi orqali ko'rish mumkin. Mijozlardan 10 ballik shkalada so'rovnoma olish orqali amalga oshiriladi. Uning formulasini izohda qoldiraman. Undan so'ng NPS ko'rsatkich namoyon bo'ladi. Agar ushbu ko'rsatkich 50% dan yuqori bo'lsa okey, yaxshi degani, agar undan past bo'lsa yaxshilash kerak bo'lgan jihatlar bor va uni tezda amalga oshirishga kirishish kerak.

Bunday metrikalar talaygina: Mijoz LTVsi, Churn Rate, DAU/MAU ko'rsatkichlari, CAC qiymati va hokazolar. Agar siz biznesingiz yoki sohangizni aniq metrikalar (ko'rsatkichlar) bilan boshqarmas ekansiz yuqorida yozilgani kabi mavhum izohlarga chalg'ib yuraverasiz va buni oxiri odatda yaxshilik bilan tugamaydi.

Sohaga mos metrikalarni aniqlashda ChatGPTdan unumli foydalanishni tavsiya qilaman.

@Abdukarimovs_blog

#foydali

Customer Development

Product Management va Marketing da bir yangi go'yani shakillantirish yoki yangi product joriy qilishdan avval qilish lozim bo'lgan bosqichlarni biri bu CustDev hisoblanadi.

CustDev (Customer Development) — bu mijozlarning ehtiyojlarini aniqlash va mahsulotni ular talablariga mos ravishda rivojlantirish jarayonidir

CustDev qanday amalga oshiriladi?

1. Gipoteza shakllantirish: Mijozlarning muammolari va ehtiyojlari haqida taxminlar ishlab chiqiladi.

2. Maqsadli auditoriyani aniqlash: Mahsulot kimlar uchun mo'ljallanganligini belgilash.

3. Savollar tayyorlash: Mijozlar bilan intervyu o'tkazish uchun ochiq savollar ro'yxatini tuzish.

4. Intervyu o'tkazish: Potentsial mijozlar bilan suhbatlashib, ularning muammolari va ehtiyojlarini aniqlash.

5. Ma'lumotlarni tahlil qilish: Olingan javoblarni tahlil qilib, mahsulotni rivojlantirish bo'yicha qarorlar qabul qilish.


CustDev nima uchun muhim?

Bu usul mahsulotni mijozlarning real ehtiyojlariga mos ravishda rivojlantirishga yordam beradi va bozorga mos kelmaydigan mahsulotlarni ishlab chiqish xavfini kamaytiradi.

@Abdukarimovs_blog

#xulosa

Har bir kompaniyada 3 xil holatda ishlash tavsiya etiladi:

1) Hayotingiz va sohangiz uchun ahamiyatli ilmlarni o'rganib ishlasangiz tavsiya etiladi.
2) Siz u joyda yaxshigina daromad topayotgan bo'lsangiz tavsiya etiladi
3) Yuqoridagi har ikkisi jamlangan joy bo'lsa tavsiya etiladi.

Na yaxshi daromad topmasangiz, na deyarli hech narsa o'rganmayapgan bo'lsangiz kotta ehtimol xato joyda turibsiz va maqsadingizga olib boradigan joy bo'lmasligi mumkin, o'ylab ko'ring.

Kompaniya tanlayotganingizda e'tiborli bo'ling, Tavsiya etiladigan jihat u jamoada darajasi yuqori bo'lgan mutaxassislar bo'lishi va siz ulardan ko'plab bilimlar va ko'nikmalarni o'rganishingiz mumkin bo'lsin. Yuqoridagi 2-jihat odatda +-5-10 yillik tajribaga ega mutaxassislarda bo'ladi va ularda asosan motiv yaxshi daromadga aylanadi, bu tabiiy holat.

@Abdukarimovs_blog

#foydali

"Boshqaruvchi 'Yo‘q' deyishni o‘rganishi kerak"

Ko‘p boshqaruvchilar "Yo‘q" deyishdan qochadilar, chunki:

- Xodimlarning hissiyotlarini ranjitishdan qo‘rqishadi.
- Barchaga birdek yoqishni xohlashadi.
- Hammasini nazorat qilishni istashadi.

Ammo haqiqiy rahbarlik "Yo‘q" deyish san’atini o‘zlashtirishni talab qiladi:

- Nega "Yo‘q" deyayotganingizni tushuntiring: Sababni ochiq aytsangiz, tushunish osonroq bo‘ladi.

- Prioritetlarga e’tibor qarating: Resurs va vaqt cheklangan, shuning uchun faqat muhim ishlarga e’tibor qarating.

- Ishonchli alternativalar taklif qiling: "Yo‘q" deganingiz bilan ishni to‘xtatib qo‘ymang, boshqa yo‘llarni ko‘rsating.


Esda tuting:
"Yo‘q" deyish – kuchsizlik belgisi emas, balki resurslarni to‘g‘ri boshqarish va mas’uliyatni tushunishning natijasidir.


@Abdukarimovs_blog

#xulosa

Ish vaqti

Ko'plab tortishuvlar va bahslar mavzusi: "Ishdan keyin xodimga bog'lanish yoki ishdan tashqari overwork ishlatishi to'g'rimi va xodim u xabarga, chaqiruvga yoki qo'ng'iroqga javob berishi lozimmi?"

Birinchi holat: Agar bu holat doimiy bo'lsa demak managementda jiddiy muammolar bor va shu muammolarni yopish uchun xodimni doimiy ishdan keyin bezovta qilishadi. Bunday holatda agar sharoit ko'tarsa u joydan qochish kerak, umumam tavsiya qilinmaydi, qo'polroq o'xshatish bo'lishi mumkin - mardikordak ishlatishadi va odatda minnatdor ham bo'lishmaydi

Ikkinchi holat: Agar bu holat doimiy emas ba'zi ba'zida, misol yangi loyihani prod ga chiqarilganda, yoki yangi tizim joriy qilinayotgan vaqtda yoki shunga o'xshagan vaziyatlarda sodir bo'lsa, bu tabiiy. Kerak bo'lgan vaqtda xodim kompaniyaga yordam berishi mumkin, zarur vaqtda kompaniya xodimga ko'maklashadi. Bunday kompaniyalar tavsiya qilinadi agar sizning hayot tarzingizga halaqit qilmasa

Bir narsani tushunish muhim, har bir narsa o'z vaqtida qilinishi qiymatli, ish vaqtida ish, oilaga vaqt ajratiladgian vaqtda aynan shu ish bilan mashg'ul bo'lish. Work life balance ni o'z o'rnida nazoratda ushlamas ekansiz hayotingiz izdan chiqishi ehtimoli yuqori. Work life balance ni har kim o'zining hayot tarziga qarab belgilaydi, aniq bir qat'iy mezon yo'q. Shaxsan man uchun ish uzog'i 17:00-18:00 gacha, xatto o'zim boshqaruvda bo'lsam ham, undan keyin na o'zim ish bilan mashg'ul bo'lishni hohlayman, na jamoamni ish masalasida bezovta qilishni. Har kimni ishdan keyin o'z rejalari bo'ladi: oila, qo'shimcha dars, qo'shimcha daromad, sport va hokazo.

Ishda vaqtida shaxsiy ishlaringizga chalg'imang, ish vaqtiga xiyonat qilmang!
Ishdan keyin shaxs, farzand, er, ota yoki shu kabi ro'llaringizni bajaring, ish sizni shaxsiy vaqtingizda ham bezovta qilmaydigan hayot tarzini quring!

@Abdukarimovs_blog

#xulosa

Aksariyat holatlarda boshqaruvchilar yoki umuman xodimlar shu 2 ta yo'ldan birini tanlashiga guvoh bo'ldim:

1) Rahbarga yoqish uchun harakat qiluvchi menejerlar yoki xodimlar tez ko'tarilishadi va sevimli odamga aylanishadi. Bu yo'lda qanday ish qilish kerak bo'lsa qilishadi faqat soxtakor holatda, sababi qiziqtiruvchi omil ko'tarilish va mavqega ega bo'lish bo'ladi.

2) Rahbar bilan ko'p masalalarda tanqidiy fikrlab bahslashadigan menejer yoki xodimlar e'tibordan chetda qoladi yoki to'g'ri tushuntiriladi va jamoadan chiqadi. Bahslashishi sababi qilayotgan ishini sidqidildan qilayotgan bo'lishi va yaxshi tushunishidan bo'ladi. Berilayotgan qarorlar yoki vazifalarda keraklicha mantiq yoki mohiyat ko'ra olmasa shu masala ustida bahslashadi va albatta bu holat ko'payaversa keyinchalik yuqorida aytilganidek ishdan chetlashtiriladi va 1-toifa vakili olib kelinadi.

Aslida esa jamoa yoki kompaniya uchun ko'proq 2-toifa qayg'urayotgan bo'ladi, sababi u toifa vakillarida soxtalik bo'lmaydi, bahslashishi samimiy bo'ladi va hechkimga yoqishga harakat qilishmaydi.


Bu postda hisobga olinmagan case lar bo'lishi mumkin, fikrda borini yozdik...)

@Abdukarimovs_blog

#xulosa

Boshqaruvchi sifatida xodimni ishdan bo'shatish muhim qaror bo‘lib, uni faqat yaxshi asoslangan sabablarga ko‘ra amalga oshirish lozim. Quyida asosiy holatlar keltirilgan:

1. Xodim belgilangan vazifalarni muntazam ravishda bajara olmasa yoki sifatli bajarishda davomiy muammolar bo‘lsa
2. Malaka oshirish va o‘qitish imkoniyatlari taqdim etilgan bo‘lsa-da, u o‘zini rivojlantirishga harakat qilmasa.
3. Ishga kechikish, ruxsatsiz yo‘qlik, yoki ish joyida yomon xatti-harakatlar (masalan, boshqa xodimlarga hurmatsizlik qilish).
3. Ahloqiy harakatlar, masalan, o‘g‘irlik, korruptsiya yoki maxfiy ma’lumotlarni oshkor qilish.
4. Kompaniyaning obro‘siga putur yetkazuvchi xatti-harakatlar kuzatilishi.
5. Xodim ishga befarq bo‘lib, jamoaga yoki ish jarayoniga salbiy ta’sir ko‘rsatsa
6. Kompaniya moliyaviy ahvolidan kelib chiqib, ish o‘rinlarini qisqartirishga majbur bo‘lsa.
7. Xodimning lavozimi va vazifalari endi kompaniya strategiyasiga mos kelmasa.

Xodimni ishdan bo'shatish bu vijdon bilan jang, lekin xodim va kompaniya haqlarini himoya qilish uchun majbur holatlarda bunday keskin qarorlar qabul qilinadi.

Xozir bilganlarimiz va o'rganganlarimiz shulardan iborat, kamchilik bo'lsa to'ldirsangiz....

@Abdukarimovs_blog

#xulosa

Boshqaruv bu eshitilishi kabi yoqimli bir pozitsiya emas, to'g'ri o'ziga yarasha ijobiy taraflari mavjud, lekin ko'pchilik his qilmaydigan taraflari ham yo'q emas.

- Bugun siz bilan yaxshi munosabatda bo'layotgan jamoadoshlaringizdan talab qilishni boshlasangiz darxol sizga teskari bo'lib olishligi ehtimoli yuqori

- Bo'liminigiz yoki jamoangizda kimdir xato qilsa siz javob berishingiz kerak bo'ladi, men emas yordamchim yoki jamoamdagilar qildi deyish huddi o'zini oqlashga harakat qilishday eshitiladi

- Jamoangizdagilar o'sib rivojlanishi uchun siz mas'ul bo'lasiz. Agar nobodo faqat ishim bitsin deb jamoangiz kuchidan foydalanayotgan bo'lsangiz bu xudbinlikka o'xshash holat deb bilaman, kerak bo'lsa kitoblar bilan ta'minlashingiz, o'zingiz murabbiylik qilishingiz yoki imkoniyatingiz bo'lsa turli kurslar xarid qilib berishingiz kerak

- Jamaongizda nechta odam bo'lsa hammaning o'ziga yarasha xarakteri va tabiat bo'ladi, ular o'zaro chiqishib ishlashi uchun siz mas'ul bo'lasiz.

- Doim yangiliklardan bozor holatidan xabardor bo'lib, tizimli yechimlarni joriy qilishingiz kerak va albatta birinchi to'siq yana jamoa bo'ladi, odatda jamoaga yangiliklar olib kirish yoqmaydi

- Mas'uliyatsiz xodimlarni haydashingiz kerak, bu vijdon bilan jang degani... (Xodim qabul qilib, xodim xaydamagan boshqaruvchini shaxsan haqiqiy boshqaruvchi deb bilmayman.)

- Kerak vaqtlarda hammaga qarshi tura olishingiz, kerak vaqtda sovuqqonlikni saqlay bilishingiz kerak bo'ladi.

- Yana bir muhim jihat jamoangizdan punktual bo'lishni talab qilsangiz avval o'zingiz qoyillatib qo'yishingiz zarur bo'lmasa befoyda.

- Korxona yoki komaniya va jamoa o'rtasida ko'prik bo'lishingiz zarur bo'ladi, 2 tomon haqqi narigi tomonga o'tib ketmasligiga maksimal harakat qilishingiz kerak bo'ladi.

- Zarur holatlarda jamoangiz tomon bo'lib o'z rahbarlaringizga qarshi bahslashishingizga to'g'ri keladi.

Xozircha esga kelgan tomonlar shular, yana hayolga kelib qolsa ulashib boraman....

@Abdukarimovs_blog

#xulosa

Motivatsiya degan so'zni siyqasi chiqib ketti, ba'zilarda xuddi do'zaga o'xshagan tushuncha bo'lib qolgan.

Qo'polroq qilib etganda yeg'ishtirish kerak bunaqa mativatsiya degan bahonani, ko'zimizi kottaroq ochishimiz kerak, dunyoqarashni kengaytirishimiz kerak.

Ota onamizga yaxshi sharoit qilib berishga va ularga xizmat qilishga, jamiyatga (ummatga) foydali inson bo'lishga, kuchli shaxs bo'lib rivojlanishga qanaqa mativatsiya kerak bo'lishi mumkin, ee inson tur o'rningdan tafakkur qil va harakat qi!

Maqsad aniq bo'lmas ekan yosh bolalarga o'xshab mativatsiya yetishmayapti, siqlib qoldim degan saviyasiz gaplarga chalg'ib o'tiraveramiz. Maqsad qayerdan paydo bo'ladi desak oila, jamiyat, millat va din og'riqlaridan kelib chiqib paydo bo'ladi. Og'riqlarni bilish uchun instagram, tik tok va shu kabi "trash" ijtimoiy tarmoqlardan sal boshni ko'tarish kerak, ko'zdagi pardani olib qo'yish zarur. Man kimman, nmalar bilan mashg'ul bo'lishim kerak va nmalar bilan band bo'lib yurimman degan eng birlamchi savollarga javob topib olishimiz darkor.

Tavsiyalar: Sohangiz bo'yicha ko'p izlaning, o'rganing va qilayotgan ishingiz yuqori darajada qilishga odatlaning, kitob o'qing, ilmni diniy va dunyoviyga ajratmang, har ikkisi ikki dunyoyimiz uchun zarur, atfoingizni saralang, maqsadsiz betayin do'stlardan uzoqlashing, imkon qadar maqsadi aniq va qadriyati kuchli insonlar jamoatida yurishga harakat qiling, albatta ta'siri katta bo'ladi.

@Abdukarimovs_blog

#xulosa

Kecha jamaomdagi bir do'stimiz bilan suhbatlashdim, tabiatlari ajoyib bo'lgan qadriyatli inson, lekin uzoq muddatdan beri bir joyda qotib qolganlar, zamonaviy tilda comfort zona desa ham bo'ladi. Qizig'i shundaki bu do'stimiz bu jamoada mandan taxminan 2 yilcha ko'p ishlaganlar va xozircha aniq bir mutaxassisliklari yo'q, bu qayg'uli holat. Sababi bu dunyoda har bir narsa vaqtinchalik: umr, insonlar, ish joyimiz va boshqalar. Ertaga bu jamoadan ketishlariga to'g'ri kelib qolsa yana 0 dan bir pozitsiyaga moslashishlariga to'g'ri keladi va o'tgan umrga achinadi odam.

Boshqaruvdagilar aksariyati bilishadi va amal qilishadi, lekin yangilarga tavsiya, jamoangizdagilar kelajagi haqida ham qayg'uring, faqat ishim bitsin deb emas, balki u inson nmalar bilan mashg'ul, rivojlanvotimi, o'z ustida ishlavotimi mulohaza qiling va qayg'uring. Agar kimdadir potensial ko'rsangiz u odamni pozitsiyasini ko'taring, ishonch bildiring, kimdir qiynalayotganini ko'rsangiz u odamni rotatsiya qilib ko'ring, balki salohiyati boshqa yo'nalishdadir, bu narsani eng boshidan bilish mushkul.

Bir narsani anglashimiz kerak, hech qaysi boshqaruvchi bir o'zi hech narsa qila olmaydi, xatto MAANG kompaniya asoschilari ham. Har bir boshqaruvchiga yaxshi bir ko'makdosh jamoa kerak. Manfaat bir tomonlama bo'lmasligiga harakat qiling, faqat xodimlar ishlab ketmasin, qo'shimcha qiymatlar olsin, o'z qadirini his qilsin, rivojlanishiga sharoit qilib bering. Imkon qadar Micromanagement dan qoching, bu narsa aksariyat holatda jamao muhitiga ta'sir qilib qolishi mumkin.

Imkon qadar o'zingiz o'rganak bo'ling!

@Abdukarimovs_blog

#xulosa

Isroil Falastinga ayovsiz xujumlar qilayotgan vaqtlarda Baykot qilishimiz kerak, Isroil bosh bo'lgan mahsulot va servislardan foydalanmasligimiz kerak degan gaplar juda avj olgan edi va ommaviy bakyotlar e'lon qilindi. Bu jarayonalarda Isroil ga tegishli kompaniyalar aksiyalari tushganini ko'rdik va demak natija berdi. Misol eng sodda holatda o'zimiz lokal bozorimizda Coca cola brendi mahsulotlariga baykot e'lon qilndi va ko'rdikki boshqa alternative brendlarga talab oshdi, Royal, Flavis, Chernegolovka va boshqalar. Lekin ba'zi kompaniya mahsulotlari borki ularni deyarli baykot qilsak ham alternative tanlov yo'q. Misol, oddiy Apple mahsulotlari, alterntive holati Samsung, lekin qizig'i shundaki Samsung ning ham eng yuqorisiga chiqsangiz eng katta ulushdorlari Isroilliklar.

Bu postning mazmuni nma desak, Musulmonlar sifatida ancha zaif bo'lib qoldik, deyarli barcha sohalarda ortdamiz, himmatimiz juda past, kam narsaga ham rozi bo'lishga o'rganib qolganmiz. Bizning asosiy vazifamiz nma bir manfaatli ish qilsak yuqori saviyada, yuqori darajada qilishga odatlanish bo'lishi kerak. Musulmon kishi deganda faqat Diniy ilm oluvchi insonga aytilmaydi va ilm ham 2 ga bo'linmaydi: Diniy va dunyoviyga. Ilm yaxlit tushuncha. Biz qaysi ilm yo'lida bo'lsak usha yo'nalishda eng zo'ri bo'lishga harakat qilishimiz zarur, hoh u IT yo'nalishi bo'lsin, hoh kimyo, hoh u ustachilik. Nma yo'nalish bilan faoliyat qilsak ham eng zo'ri bo'lsak musulmonlar ham barcha sohalarda o'z tanlovlarini qila olamiz va qaramlikdan qutilamiz. To'g'ri bunga 5-10 yil yoki 20-30 yil yetmas, lekin kichik harakatlar natijasi vaqtlar o'tgandan keyn o'z so'zini aytishni boshlaydi.

Har birimiz o'z ishimizda yuqori darajali mutaxassis bo'lib jamiyatga foydali ish qila olmas ekanmiz, doim g'ayridinlar bizga taqdim qilgan tanlovlarga rozi bo'lib yashaymiz!

@Abdukarimovs_blog

#xulosa

Tizimlashgan korxona va kompaniyalarda turli bo'limlar shakillangan bo'ladi: HR, Moliya, Sotuv va hokazo....Siz qaysi bo'limda ishlasangiz ham o'z hududingizni yaxshi tushunib olishingiz kerak. Agar uni himoya qila olmasangiz ba'zi holatlarda boshqa bo'limlardan o'zboshimchalik bilan sizning bo'lim ishiga aralashuvchi yoki sizning bo'limga qo'shimcha o'zini ishini ham yuklashga harakat qiluvchi pozitsiya egalari chiqib qoladi. Shu holatlarda adekvat usulda ularning haddini bildirmasangiz jarayonda muammo chiqsa kaltak sizning boshingizda sinish xavfi bor.

Eng avval o'z hududingizga tegishli vazifalarni yuqori saviyada bajarishga harakat qiling va yuqoridagi maummo chiqmasligi uchun bo'lim funksial vazifalarini diagrammasini aniq chizib, yozib chiqish kerak va bo'limlararo kesishadigan nuqatalarda qanday yechimlar qilishini kerakligini avvaldan kelishib olgan avzal.

Tajriba yillari oshgan sari ishxonada ishlash ham toboro yashash uchun kurashga o'xshab bormoqda...)

@Abdukarimovs_blog

#xulosa

Boshqaruvning eng yomon tomonlaridan biri, bugun siz bilan yaxshi munosabatda bo'lib turgan jamoadoshingizdan ertaga ish bo'yicha nazoratni kuchaytirsangiz yoki talab qilishni boshlasangiz darxol sizga qarshi pozitsiyaga o'tib olishi va sizni yomon ko'rib qolishi.

Zero, boshqaruvchi aslida hechkimga yoqishga harakat qilmaydi na rahbariyatga na jamoaga, Uning vazifasi har ikkala tomon o'rtasida ko'prik bo'lish va har ikkala tomon haqqi narigi tomonga o'tib ketmasligini ta'minashdan iborat.

@Abdukarimovs_blog

Boshqaruv yo'nalishida ishlamoqchi yoki shu yo'nalishga o'tmoqchi bo'lganlar uchun tavsiyalar:

▪️ Ko'proq muloqot qiling, networking va communication skillarni rivojlantiring.
▪️ Ta'sir doirasi kichikroq ishlarda mustaqil qarorlar qabul qiling, Desicion Making usullarini o'rganib chiqing (Google, ChatGPT)
▪️ Muammolardan qochishga emas, ularga yechimlar berishga harakat qiling
▪️ Ma'suliyatni olishga harakat qiling, har ishni o'zingizdan boshqaga yo'naltirmang.
▪️ Yo'lgon gapirmang, rost so'zlang, halol bo'ling. Juda zarur holatlarda so'z o'yni qilish mumkin lekin yo'glon ishlatmang.
▪️ O'zingizni kutilmagan vaziyatlarga solib ko'ring, boshqaruvda ishlar doim biz o'ylagandek ketmaydi, impravizatsiya qilishga to'g'ri kelib qolishi mumkin.
▪️ Sovuqqon bo'ling, muammoli holatlarda juda jahl ko'rsatmang, xotirjamlikni saqlashga harakat qiling.
▪️ Ko'p kulavermang, jiddiylikni yoqotasiz va shu bilan birgalikda juda jiddiy ham bo'lmang, xarizmaga ega bo'ling
▪️ Tanimagan odamingiz bilan uchashishdan oldin uchrashuv rejasini taxminiy senariy shaklida tuzib oling.
▪️ Eshitishni o'rganing, jamoani yoki sherigingizni faqat gapi tugashini va ketidan tezda o'zingiz gapirishingiz uchun emas, tushuning va anglash uchun eshitishga odatlaning.
▪️Jasoratli va jur'atli bo'ling

Xozircha hayolga kelgan tavsiyalar shulardan iborat....

@Abdukarimovs_blog

#xulosa

Ishxonamiz Bunyodkor stadioniga yaqin joyda joylashgan va futbol bo'ladigan kunlar yo'llar yopilib juda katta xalq Stadion atrofida to'planib qoladi, maqsad +-2 soatlik futbol uchrashuvini ko'rish. Ya'ni ularni shu uchrashuv birlashtirmoqda.

Ilmga ham rag'bat kamida shu qiziqishning yarmi bo'lganda jamiyat rivoji boshqa darajada bo'larmidi... Ba'zi seminar uchrashuvlarni kuzatamiz, o'zimizning ish faoliyatimiz Ta'lim bilan uzviy bog'liq bo'lganligi sababli markazimizda turli master class lar, ilm uchrashuvlari tashkil qilib turamiz, ba'zida juda ozchilik kelganiga ko'ramiz. To'g'ri ko'ngil-ochar ishlarni ilmga qiyos qilib bo'lmaydi, lekin juda katta olomon Stadion atrofida to'planib turganini ko'rgan odamda boshqa bir manfaatli ishlarga ham shunaqa darajada odam yeg'ilsaydi degan fikr o'tar ekan...

O'ta subyektiv fikr!

@Abdukarimovs_blog

Najot - ilmda, ta'limda

Oxiri Najot ilmda, ta'limdaligini anglashni boshlashmoqda....

Maqtov yorliq, bo'sh notebook karobkasi, udilinitel lar bilan ilmga rag'batni oshirib bo'lmasligini tushunishni boshlashdi va buni isloh qilish uchun manimcha birinchi qadamlar qo'yilmoqda. ( Agar faqat gapda qolib ketmasa... )

https://t.me/javharuz/3227

https://t.me/uzbekistanofficial/86997

@Abdukarimovs_blog