Заработок с телеграм-канала

С аудиторией от 1500 подписчиков. Подключайтесь!

Ваш доход с телеграм-канала

С аудиторией от 1500 подписчиков. Подключайтесь!

Доход с телеграм-канала

От 1500 подписчиков. Подключайтесь с Яндексом!

Статистика Избранное

Юрист блогер /расмий канал

@Yurist_Blogerr

Гео и язык канала: Узбекистан, Узбекский

Категория: Право

Ҳуқуқий ва бошқа долзарб мавзуларда гаплашамиз.
Реклама учун 👉 @reklama_yu_b_uz
БЕПУЛ МАСЛАҲАТ 👉 @yuristdan_javob_bot
Ариза ва шикоят ёзиб бериш хизмати 👉 @Yurist_ariza_xizmati

Связанные каналы | Похожие каналы

Гео и язык канала

Узбекистан, Узбекский

Категория

Право

Статистика

Избранное

Фильтр публикаций

Скрывать удаленные

Скрывать репосты

Юрист блогер /расмий канал

23 Feb, 10:56

❗️АВТОМАШИНАСИДА ТИББИЁТ ҚУТИСИ БЎЛМАГАН ҲАЙДОВЧИЛАР ЖАРИМАГА ТОРТИЛАДИ !!!

📃 Маъмурий жавобгарлик тўғрисидаги кодекснинг 125-моддасига асосан,

➖ Ҳайдовчилар томонидан тиббиёт қутиси бўлмаган ҳолда транспорт воситасини бошқариши уларга нисбатан базавий ҳисоблаш миқдори (Ҳозирги кунда 375 000 сўм)нинг иккидан бир қисми миқдорида жарима солишга сабаб бўлади

Савол юбориш 👇
@yuristdan_javob_bot

Каналга уланиш👇
@Yurist_Blogerr

1.4k 0 25

Юрист блогер /расмий канал

22 Feb, 21:36

❗️ДЕМАК СОВРИНЛИ ЎЙИННИ БОШЛАЙМИЗ.

🔔 Бундан олдинги постимизда ушбу каналимиздаги обуначилар орасида совринли ўйин ташкил қилсакмикан деган таклиф билан чиққан эдик. Ўйинни ташкил қилиш керак деган тарафдорлар 👍 белгисини, бунга қаршилар 👎 белгисини босишлар керак эди. Кўриниб турибдики, ўйин ташкил қилиш тарафдорлари етарлича кўп. Демак, биз таклифимиз маъқулланди деб ҳисоблаймиз.

❓Хоп, энди ютуқли ўйинимиз ҳақида! Биз ютуқли ўйинимизни босқичма-босқич ташкил қилиб борамиз. Аввалига барча босқичлар тугаганидан кейин ғолибларни тақдирласакмикан деб ўйладик. Лекин, ҳаммага хам натижа қизиқ. Шунинг учун ҳар бир босқич натижаси ўлароқ ғолиб бўлганлар тақдирланадиган бўлди. Демак, бугунги ишимиз биринчи босқични бошлаш!

⏰Биринчи босқичимиз учун уч кун вақт берилади. Анашу уч кун ичида ўйинимизни шартини ким энг кўп марта бажарса ўша ғолиб бўлади. Айтиб ўтганимиздек, ғолиблар фақат якуний босқичда эмас, ҳар-бир босқичнинг ўз ғолиблари бўлади. Масалан, биринчи босқичимиз ғолиби 500 000 сўм пул мукофоти билан тақдирланади.

✅ Пул ғолибга қандай етказилади ? Биз расмиятчиликларни кўпайтирмоқчи эмасмиз. Шунинг учун ғолиб бўлган обуначимизнинг пластик карта рақамига ўз ютуғини ғолиб бўлган кунни ўзида ўтказиб берамиз. Фақатгина кейинги босқичларимизда, яъни ютуқ учун телефон ўйналадиган босқичларимизда ютуқ эгасига телефон апаратларини етказиб берамиз. Бошқа иштирокчиларга эса ўйинимиз ҳаққонийлигини билишлари учун ғолиб нимани ҳисобига ғолиб бўлганлигини ва ўз ютуғини қабул қилиб олганлигини исботлаб берамиз.

❗️Ўйинимиз шарти эса жуда осон! Юқоридаги расмдаги каби СИЗ КАНАЛГА ҚЎШИЛДИНГИЗ деган ёзувга эга бўлган скреншотларни 👉@yutuqli_oyin_rasmiy 👈 личкага юборишдан иборат ва бўлди. "Сиз каналга қўшилдингиз" деган ёзув қайси тилда бўлишини аҳамияти йўқ. Асосийси каналга энди қўшилган ҳолатдаги скреншот бўлса бўлди. Тўғри, ўзингизни телефонингиздан бундай қила олмайсиз. Чунки Сиз бу каналга аллақачон аъзосиз. Шунинг учун каналимизга ҳали уланмаган оила аъзоларингизни телефони орқали ёки каналимизга қўшилмаган бошқа танишларингизни каналимизга жалб қилиш орқали бундай скреншотларни йиғишингиз мумкин. Кимлардир битта телефон қурилмаси орқали каналдан чиқиб кетиб ва яна қайта уланиш орқали скреншотларни кўпайтирмоқчи бўлса биз буни хам назоратга оламиз. Канал админлари учун каналдан ким чиқиб, ким уланаётганлигини кўриш имкони бор. Шунинг учун ўйин шартларини бузишга уринишлар қабул қилинмайди ва ҳатто бундай иштирокчилар ўйиндан четлатилиши хам мумкин.

✏️ Ўйин шартлари барчага тушунарли бўлди деган умиддамиз. Юқоридаги расмдаги каби скреншотларни ким энг кўп йиғиб 👉@yutuqli_oyin_rasmiy 👈 личкамизга юборса ўша обуначи ўйинимиз ғолиби бўлади. Ушбу биринчи босқичимиз уч кун, яъни 25-февралга қадар давом этади. Демак, соат кеч бўлишига қарамасдан ўйинимизга старт берамиз)) Барчага омад тилаймиз . . .

👉 @Yurist_Blogerr

7.6k 0 19 166

Юрист блогер /расмий канал

22 Feb, 19:29

❗️ҲУРМАТЛИ ОБУНАЧИЛАР!

➖ Орангизда бизни узоқ вақтдан бери кузатиб келаётганлар анчагина топилса керак. Биз каналимиз фаолиятини бир-хил мейёрда ушлаб туришга ҳаракат қилиб келмоқдамиз. Асосий фаолиятимиз эса ҳуқуқий маълумотларни аҳолига содда тилда ва бепул асосда етказиб беришдан иборат. Маълумки, бизда мурожаатлар ҳажми жуда катта, яъни ҳар куни бизга юзлаб ҳуқуқий саволлар келиб тушади. Биз бу муаммони ҳам аллақачон ҳал этиб улгурганмиз, яъни биз каналимизга қўшимча бир кичик канал очганмиз ва у ерга 100 га яқин тажрибали ҳуқуқшуносларнинг телефон рақамларини шунчаки жойлаб қўйганмиз. Ушбу каналимизга боғланган бот орқали бизга савол билан мурожаат қилганлар кичик бир шартимизни бажарганларидан кейин имконимиз қадар ўзимиз билан боғланишлари ёки ўша ҳуқуқшуносларнинг телефон рақамлари жойланган манзилга уланишлари мумкин бўлади. Кейин эса у ердан исталган рақамга қўнғироқ қилиб жонли равишда юристлардан маслаҳат олишлари мумкин. Яъниким, бизга савол йўллаб кичик шартимизни бажарганлар орасида ҳеч ким жавобсиз қолмайди дегани бу. Ҳозирги кунда олти мингдан ортиқ фуқаролар бизни ушбу иккинчи лойиҳамиздан фойдаланиб келмоқдалар.

✏️ Бугунги асосий масаламиз эса бу эмас! Биз каналимиз фаолиятини янги босқичга олиб чиқиш ҳаракатидамиз. Бунинг учун албатта аудиториямизни анчагина кенгайтириб олишимиз керак. Ҳозирги кунда телеграм каналларда обуначиларни кўпайтиришнинг бир-нечта йўллари бор. Бошқа телеграм каналларига реклама қилиш орқали, телеграмдаги махсус ботлар орқали ва шунга ўхшаш бошқача усуллар билан телеграм каналларида обуначиларни кўпайтириш мумкин. Бизда эса Сиз обуначиларимиз учун бироз бошқачароқ таклиф бор!

✅ Ушбу каналимизда бир ютуқли ўйин ташкил қилсакмикан деган фикирдамиз. Натижада обуначиларимиз орасида кимлардир белгиланган ютуққа эга бўлиб кайфиятлари кўтарилиши мумкин. Ўз навбатида ютуқли ўйин каналимиз аудиторияси кўтарилишига хам ижобий натижа берса ажаб эмас. Ўйин ғолиблари учун белгиланиши кутилаётган ютуқларимиз пул маблағлари ва натижага қараб энг замонавий телефон апаратлари бўлади. Ўйин шартлари ва талабларини Сизлар буни маъқуллаганинглардан кейин маълум қиламиз. Шу таклифимизга Сизлар нима дейсизлар ?

❗️Бу ўйинни ташкил қилиш керак деганлар 👍 белгисини, керак эмас деганлар 👎 белгисини босиб қолдиришлари мумкин. Шундан келиб-чиқиб ўйинни ташкил қилиш қилмасликни аниқлаб оламиз.

👉 @Yurist_Blogerr

8.8k 0 8 825

Юрист блогер /расмий канал

22 Feb, 13:13

⚡️ МУҲИМ

❗️ФУҚАРОЛАРГА ЕР БЕРИЛИШИГА ҚАРШИЛИК ҚИЛГАН МАНСАБДОРЛАР ЖАВОБГАРЛИККА ТОРТИЛАДИ!

📄 Маъмурий жавобгарлик тўғрисидаги кодекснинг 66-моддасига асосан,

➖ ер бериш тартибини бузиш, худди шунингдек фермер ёки деҳқон хўжалиги юритиш учун, якка тартибда уй-жой қуриш ва турар-жой биносига хизмат кўрсатиш, жамоа боғдорчилиги ва полизчилиги учун фуқароларга ер берилишига тўсқинлик қилиш, — мансабдор шахсларга базавий ҳисоблаш миқдорининг уч бараваридан етти бараваригача миқдорда жарима солишга сабаб бўлади.

✏️ Шунчаки ер сўраб борсангиз кимдир Сизга йўқ деб жавоб берса у юқоридаги каби жавобгарликка тортилиши керак дегани эмас бу. Агар Сиз онлайн аукцион орқали ёки ер олишнинг бошқача тартиби бўйича хужжатлар асосида барча талабларга тўғри келсангизу, лекин бирор-бир мансабдор Сизни йўлингизга сунъий равишда тўсқинлик қилаётган бўлса, ундай ҳолатда унинг бу ҳаракати ўзига нисбатан юқоридаги каби жавобгарликни келтириб чиқаради.

✏️ Кўпчилик "Мен қонунни жуда яхши биламан, сендан анча яхши биламан, улар ўқиган китобни мен ёзганман, мени совунимга ҳали кир ювмабди улар, мени кимлигимни биласанми ўзи, ҳозир иккита мушт ураман иккинчи муштим ўлигинга тегади" деган сафсаталар билан ўз муаммоларни ҳал қилишга уринишади! Биз ҳозир ҳар-қандай масалани қонун йўли билан ва аниқ фактлар орқали ҳал қилиш керак бўлган замонда яшаяпмиз. Хоҳ у ер масаласи бўлсин, хоҳ мулк масаласи бўлсин ёки пул масаласи бўлсин фарқи йўқ. Ҳар-бир ҳолатда муаммоларни қонуний фактлар орқали ҳал қилиш керак...

Бепул савол-жавоб 👇
@yuristdan_javob_bot

Каналга уланиш 👇
@Yurist_Blogerr

14.9k 1 82 46

Юрист блогер /расмий канал

21 Feb, 19:36

❗️ ДАВЛАТ ФОЙДАСИГА МУСОДАРА ҚИЛИШ НИМАНИ АНГЛАТАДИ ?

📄 Маъмурий жавобгарлик тўғрисидаги кодекснинг 27-моддасига асосан,

➖ Маъмурий ҳуқуқбузарликни содир этиш қуроли бўлган ашёни ёки маъмурий ҳуқуқбузарликнинг бевосита ашёсини мусодара қилиш мазкур ашёни ҳақ тўламасдан мажбурий тарзда давлат мулкига ўтказилишини англатади ва ушбу чора жиноят ишлари бўйича туман ёки шаҳар суди томонидан қўлланилади.

🚫 Шу ўринда:

❗️Ҳуқуқбузарнинг шахсий мулки бўлмаган ашё мусодара қилиниши мумкин эмас. (Муомаладан чиқарилган ашёлар бундан мустасно)

‼️ Ўқотар ов қуролини, пневматик ов қуролини ҳамда унинг ўқ-дориларини, бошқа ов қуролларини мусодара қилиш асосий тирикчилик манбаи овчилик бўлган шахсларга нисбатан қўлланилиши мумкин эмас.

Савол-жавоб 👇
@yuristdan_javob_bot

Каналга уланиш 👇
@Yurist_Blogerr

15.2k 1 48 35

Юрист блогер /расмий канал

21 Feb, 19:19

Omonat ochishga qaror qildim deylik. Siz pullaringizni qayerda saqlaysiz yoki menga qaysi bankni tavsiya qilasiz

Опрос

Anorbank
Kapitalbank
Ipak Yo'li banki
TBC Bank
Tenge bank
Xalq banki
Asakabank
Yostiqni tagi ma'qul
Kriptovalyuta yoki shunga o'xshash joyda

709 голосов

12.8k 0 13 127

Юрист блогер /расмий канал

21 Feb, 17:17

Фонд биржаларининг фаолиятини тартибга солиш Истиқболли лойиҳалар миллий агентлигининг зиммасига юклатилади

Олий Мажлис Сенатининг ялпи мажлисида “Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Қонун маъқулланди.

Бу қонун капитал ва суғурта бозорларини ривожлантириш, электрон тижоратни такомиллаштириш, лотереялар ва таваккалчиликка асосланган ўйинларни шаффоф тарзда ўтказишга қаратилган.

Шунингдек, хорижий ва ноқонуний онлайн ўйинларга қарши чора кўриш мақсадида қонун ҳужжатларига бир қатор ўзгартишлар киритилди:

✅ Акциядорларнинг дивиденд олиш ҳуқуқи мустаҳкамланди.
✅ Акциядорлик жамиятлари учун веб-сайтга эга бўлиш мажбурийлиги бекор қилинди.
✅ Лотереялар ва таваккалчиликка асосланган ўйинларни тартибга солиш чоралари кучайтирилди.
✅ Фонд биржаларини, лотерея ва букмекерлик фаолиятини лицензиялаш ваколати Истиқболли лойиҳалар миллий агентлигига юклатилди.

Қонуннинг қабул қилиниши ноқонуний онлайн ўйинларнинг олдини олиш, аҳолининг молиявий хавфсизлигини таъминлаш ва иқтисодий барқарорликка ҳисса қўшишга хизмат қилади деб ўйлайман. Бунақа тартибга солиш чоралари жамият учун фойдали.

Савол-жавоб 👇
@yuristdan_javob_bot

Каналга уланиш 👇
@Yurist_Blogerr

13.2k 0 19 20

Юрист блогер /расмий канал

21 Feb, 16:27

❗️ЭНЕРГЕТИКА СОҲАСИДАГИ МУАММОЛАРИМИЗ ҲАЛИ ТУГАМАЙДИ ШЕКИЛЛИ

⚡️ Фарғонада кун давомида электрасет билан боғланиб бўлмаётган экан.

✏️ Бизга йўлланган мурожаатда келтирилишича, мурожаатчининг ҳисоб рақамидаги маблағ тугаганлиги сабабли уйида "свет" ўчган. Фуқаро қайта тўловни амалга оширган, бироқ "свет" автоматик равишда ёнмаган. Шундан кейин фуқаро ҳудудий электр тармоқлари корҳонасига ёрдам сўраб мурожаат қилиш учун ўзи яшаб келаётган ҳудудга масъул бўлган корҳонанинг 73-353-15-31 хамда 73-244-53-53 рақамларига бир-неча ўн марталаб қўнғироқ қилган. Лекин, қўнғироқларига ҳеч-ким жавоб бермаган. Шундан кейин фуқаро Энергетика вазирлигининг 1154 ишонч рақамига 50 марта қўнғироқ қилганлигини, қилган қўнғироқлари бўйича фақат икки марта ишонч рақами билан боғлана олганлигини, икки марта эса 60 дақиқа тугаб тармоқдан узилиб қолганлигини айтмоқда. Ишонч рақами билан боғланган вақтида фуқаронинг тармоғини қайта ёқиш учун базага сўров юборилганлигини ва тез орада "свет" ёнишини айтган. Шундан кейин хам натижа бўлмагач, фуқаро 1154 рақамига яна қўнғироқ қилган ва 1154 рақами орқали унга жавоб берган ҳодим энди унга ёрдам бера олмаслигини, ёрдам сўраб эса яна 73-353-15-31 хамда 73-244-53-53 рақамларига қўнғироқ қилиши кераклигини айтган.

❗️Шу ергача ўқиган одамнинг ўзи бу ерда қандай майнавозчилик бўлаётганини тушуниб бўлди. Фуқаро ёш болалари борлигини, уйида "свет" бўлмаса газдан хам фойдалана олмаслигини, чунки иситиш тизими бевосита "свет"га боғланганлигини айтмоқда.

✏️ Олдиндан тўлов дедик, энергетика соҳасида хизмат сифатини оширдик дедик, тўлиқ автоматлаштирилган тизимга ўтилди дедик энди нима бўляпти. Янаям сабирли ҳалқмиз, лекин манабундай ўта ноҳақлик ҳолатлари одамни сабрини тугатади...

Савол-жавоб 👇
@yuristdan_javob_bot

Каналга уланиш 👇
@Yurist_Blogerr

13.6k 0 24 113

Юрист блогер /расмий канал

21 Feb, 09:48

⚡️ЯНГИ ҚОНУН

❗️Эндиликда фарзандини ноқонуний равишда диний таълим олишига имкон берган ота-оналар жавобгарликка тортилади

📃 20.02.2025 йил кунги ЎРҚ-1035-сон Қонун қабул қилинди ва мазкур қонун билан айрим қонун хужжатларига қўшимча ва ўзгартиришлар киритилди

➖ Қонун билан “Бола ҳуқуқларининг кафолатлари тўғрисида” ги қонунга киритилган қўшимчага кўра, ота-оналар ёки уларнинг ўрнини босувчи шахслар ўз боласини шахсий эътиқодларига мувофиқ диний ва ахлоқий жиҳатдан тарбиялаш ҳуқуқига эгалиги, улар томонидан ўз боласини қонунга хилоф равишда диний таълим олишга жалб этишга, яъни болани рўйхатдан ўтказилмаган ёки лицензияга эга бўлмаган ташкилотларга ёхуд махсус диний маълумотга эга бўлмаган ва диний ташкилотларнинг Ўзбекистон бўйича марказий бошқарув органининг рухсатисиз диний таълимни амалга ошираётган шахсларга диний таълим олиш учун топширишга йўл қўйилмаслиги белгиланди.

✅ Маъмурий жавобгарлик тўғрисидаги кодексга киритилган қўшимчага кўра, ота-оналар ёки уларнинг ўрнини босувчи шахслар томонидан ўз боласини қонунга хилоф равишда диний таълим олишга жалб этиш БҲМнинг 5 бараваридан 10 бараваригача миқдорда жарима солишга сабаб бўлиши белгиланди.

❗️Қонун расмий эълон қилинган кундан эътиборан кучга киради.

Савол-жавоб 👇
@yuristdan_javob_bot

Каналга уланиш 👇
@Yurist_Blogerr

23.5k 2 218 71

Юрист блогер /расмий канал

21 Feb, 08:31

❗️Фуқароларга қўлланиладиган жарималар БҲМ-нинг беш бараваридан ошмаслиги керак!

⚡️ САВОЛ;
Фуқароларга қўлланиладиган жарималарнинг миқдори нимага асосланиб белгиланади ва фуқаролар учун қўлланиладиган жарималарнинг энг кўп миқдори қанчадан ошмаслиги керак ?

⚡️ЖАВОБ:
Маъмурий жавобгарлик тўғрисидаги кодекснинг 25-моддасига асосан,

➖ Жариманинг миқдори маъмурий ҳуқуқбузарлик содир этилган вақтдаги, давом этаётган маъмурий ҳуқуқбузарлик учун эса бу ҳуқуқбузарлик аниқланган вақтдаги белгилаб қўйилган базавий ҳисоблаш миқдоридан келиб чиққан ҳолда белгиланади.

✅ Фуқароларга солинадиган жариманинг энг кам миқдори базавий ҳисоблаш миқдорининг элликдан бир қисмидан, мансабдор шахсларга эса — ўндан бир қисмидан кам бўлмаслиги керак.

❗️ Фуқаро ва хизматчиларга солинадиган жариманинг энг кўп миқдори базавий ҳисоблаш миқдорининг беш бараваридан, мансабдор шахсларга эса — ўн бараваридан ошмаслиги керак. Баъзи ҳуқуқбузарликлар учун базавий ҳисоблаш миқдорининг тўрт юз эллик бараваригача миқдорда жарима солиниши мумкин деб белгиланган.

✏️ Хулоса шундай, қонунчилигимиздаги мазкур норма мукаммал эмас. Нафақат мукаммал эмас, балки тушунарсиз хам дейиш мумкин. Нега тушунарсиз ? Фуқароларга қўлланиладиган жарималар энг кўпида БҲМ-нинг 5 бараваридан ошмаслиги керак, баъзи ҳуқуқбузарликлар учун базавий ҳисоблаш миқдорининг тўрт юз эллик бараваригача миқдорда жарима солиниши мумкин. 👀 Манашу жойи бироз тушунарсиз. Қонунчиликда маълум ҳуқуқбузарликлар, баъзи, айрим ва бошқа ҳуқуқбузарликлар деган терминлар бўлмаслиги керак! Бундай йўналиши аниқ бўлмаган терминлар амалиётда нормани ким қандай хоҳласа шундай ижро қилиши мумкинлигини англатади. Сиз қўйган айблов қонунчиликни қаерида кўрсатилган дейилса, манашу баъзи деган жойига тўғри келади! Зўр а ))

Савол-жавоб 👇
@yuristdan_javob_bot

Каналга уланиш 👇
@Yurist_Blogerr

16.2k 0 62 44

Юрист блогер /расмий канал

20 Feb, 18:50

❗️Канал расмини бироз ўзгартириб қўйдик. Энди буниси қанақа канал деб йўқолиб қолманглар а яна ))

👉 @Yurist_Blogerr

15.2k 0 2 316

Юрист блогер /расмий канал

20 Feb, 13:37

❗️ОДДИЙ ФУҚАРОЛАР ХАМ ДАВЛАТ ИШЛАРИНИ БОШҚАРИШДА ИШТИРОК ЭТИШЛАРИ МУМКИН

📄 Ўзбекистон Республикаси Конституциясининг 36-моддасига асосан,

➖ Ўзбекистон Республикасининг фуқаролари жамият ва давлат ишларини бошқаришда бевосита ҳамда ўз вакиллари орқали иштирок этиш ҳуқуқига эга.

✅ Бундай иштирок этиш ўзини ўзи бошқариш, референдумлар ўтказиш ва давлат органларини демократик тарзда шакллантириш, шунингдек давлат органларининг фаолияти устидан қонунда белгиланган тартибда жамоатчилик назорати воситасида амалга оширилади.

Савол юбориш 👇
@yuristdan_javob_bot

Каналга уланиш 👇
@Yurist_Blogerr

17.5k 0 63 73

Юрист блогер /расмий канал

19 Feb, 19:36

❗️АЙРИМ МАКТАБ ҲОДИМЛАРИГА УСТАМАЛАР ТЎЛАШ ТАКОМИЛЛАШТИРИЛАДИ

📃 24.12.2024 йил кунги ПФ-266-сон Президент фармони қабул қилинган

➖ Фармонга кўра, айрим ҳужжатларга қуйидагиларни назарда тутувчи ўзгартириш ва қўшимчалар киритилган:

✅ спорт мактаблари ходимларининг базавий тариф ставкасига устамалар тўлаб бориш тартибини такомиллаштириш;

✅ спорт майдончалари барпо этиладиган маҳаллаларни аҳоли томонидан овоз бериш йўли билан аниқлаш тартибини белгилаш;

✅ спорт майдончаларини барпо этиш ва уларни давлат рўйхатидан ўтказиш тартибини такомиллаштириш;

✅ ёшлар сиёсати ва спорт соҳасидаги айрим амалдаги фармон ва қарорлардан эскирган ва такрорланувчи нормаларни чиқариб ташлаш ҳамда ҳуқуқий бўшлиқларни бартараф этиш.

Савол юбориш 👇
@yuristdan_javob_bot

Каналга уланиш 👇
@Yurist_Blogerr

19k 0 69 42

Юрист блогер /расмий канал

19 Feb, 18:44

❗️"АЁЛЛАР ДАФТАРИ"ГА КИРИТИЛГАНЛАРГА 10 МЛН СЎМГАЧА СУБСИДИЯ БЕРИЛИШИ МУМКИН

📄 Вазирлар Маҳкамасининг 145-сон қарори билан тасдиқланган низомга асосан,

➖ «Аёллар дафтари»га киритилган тадбиркорлик ва ўзини ўзи банд қилиш фаолиятини бошламоқчи бўлган хотин-қизларга асбоб-ускуна, меҳнат қуроллари (Масалан тикувчилик, тўқимачилик, пазандачилик, соч турмаклаш, дурадгорлик, чилангарлик, қурилиш, қишлоқ хўжалиги ва ҳоказо) соҳаларда ишлатиладиган меҳнат қуроллари ва аппаратларини харид қилиш учун 7 миллион сўмгача Аҳолини тадбиркорликка жалб қилиш жамғармаси ҳисобидан ёки 10 миллион сўмгача «Аёллар дафтари» жамғармаси маблағлари ҳисобидан «Аёллар дафтари» жамғармаси Васийлик кенгаши қарорига мувофиқ субсидия ажратилади.

Савол юбориш 👇
@yuristdan_javob_bot

Каналга уланиш 👇
@Yurist_Blogerr

25.6k 2 290 53

Юрист блогер /расмий канал

19 Feb, 12:08

❗️Маъмурий ҳуқуқбузарлик бўйича қарор устидан шикоят бериш муддати қисқартирилган

📄 25.12.2023 йил кунги ЎРҚ-884-сон Қонун билан Маъмурий жавобгарлик тўғрисидаги кодексга бир нечта ўзгаришлар киритилган.

❗️Хусусан, маъмурий ҳуқуқбузарлик тўғрисидаги иш бўйича қарор устидан апелляция шикоятини бериш муддати 20 кундан 10 кунга қисқартирилган.

➖ Апелляция барча материаллар келиб тушгандан бошлаб 15 суткада апелляция инстанцияси суди томонидан кўрилиши лозим.

❗️Маъмурий қамоққа олиш ёки маъмурий тартибда чиқариб юбориш тўғрисидаги қарор устидан берилган апелляция эса 1 сутка ичида кўрилади.

Бепул савол-жавоб👇
@yuristdan_javob_bot

Каналга уланиш 👇
@Yurist_Blogerr

18.9k 0 49 36

Юрист блогер /расмий канал

18 Feb, 11:32

❗️МОДДИЙ ЁРДАМ НАФАҚАСИ ҚАНЧА МУДДАТГА ТАЙИНЛАНАДИ ?

⚡️САВОЛ;
Моддий ёрдам нафақаси қанча муддатга тайинланади ва кимларга берилади ?

⚡️ЖАВОБ;
Ҳукуматнинг 654-сон қарори билан тасдиқланган Низомга асосан,

➖ моддий ёрдам фарзандлари бўлмаган ёки барча болалари 18 ёшдан катта бўлган оилаларга ва якка-ёлғиз фуқароларга 6 ой муддатга тайинланади ва тўланади.

✅ Моддий ёрдам нафақаси оиланинг ойлик жами даромади минимал истеъмол харажатлари миқдоридан ошмайдиган оилаларга берилади.

❗️6 ойлик муддат тугаганидан кейин яна моддий ёрдам олишни давом эттирмоқчи бўлган оила янги муддат учун қайта ариза бериши керак бўлади.

Бепул савол-жавоб 👇
@yuristdan_javob_bot

Каналга уланиш 👇
@Yurist_Blogerr

26k 0 197 52

Юрист блогер /расмий канал

18 Feb, 09:44

⚡️ЯНГИ ҚАРОР

❗️ЁШЛАРГА 7 ЙИЛ МУДДАТГА ВА 100 МЛН СЎМГАЧА ИМТИЁЗЛИ КРЕДИТЛАР БЕРИЛАДИ

📄 Президентнинг 14.02.2025 йил кунги ПҚ-62-сон “Ёшлар тадбиркорлигини ривожлантириш ва бандлигини таъминлашга доир қўшимча чора-тадбирлар тўғрисида”ги қарори қабул қилинди

✅ Қарорга кўра, 2025–2027 йилларда “Ёшлар бизнеси” дастури амалга оширилади:

➖ Мазкур дастур доирасида жумладан, “Бизнесга биринчи қадам” лойиҳасига мувофиқ 18 ёшга тўлган ва 30 ёшдан ошмаган ижтимоий солиқ тўлаган ўзини ўзи банд қилган жисмоний шахсларга онлайн шаклда имтиёзли давр билан 7 йилгача муддатга 100 млн сўмгача кредитлар имтиёзли микроқарз сифатида ажратилади.

✅ “Ёшлар учун иш ўринлари” лойиҳаси асосида ЯТТ сифатида фаолият юритувчи ёш фуқароларга, шунингдек, таъсисчилари ёш фуқаролар бўлган юридик шахс ташкил этган ҳолда фаолият юритувчи кичик тадбиркорларнинг камида 20 та иш ўрни яратишни назарда тутувчи лойиҳаларига имтиёзли давр билан 7 йилгача муддатга 5 млрд сўмгача маблағлар ажратилади.

Бепул савол-жавоб 👇
@yuristdan_javob_bot

Каналга уланиш 👇
@Yurist_Blogerr

30.6k 1 587 63

Юрист блогер /расмий канал

17 Feb, 19:12

❗️ҲИМОЯ ОРДЕРИ ТАЛАБЛАРИ БАЖАРИЛМАСА НИМА БЎЛАДИ ?

⚡️САВОЛ:
Менга яқинда турмуш ўртоғимнинг ножўя ҳатти-ҳаракатлари сабабли оилавий зўравонлик бўйича ҳимоя ордери берилди. Саволим шуки, турмуш ўртоғим томонидан ўша ҳимоя ордери талаблари бажарилмаса нима бўлади ?

⚡️ЖАВОБ:
Маъмурий жавобгарлик тўғрисидаги кодекснинг 206 прим 1-моддасига асосан,

➖ Тазйиқ ўтказган ёки зўравонлик содир этган ёхуд уларни содир этишга мойил бўлган шахс томонидан ҳимоя ордери талабларини бажармаслик, — базавий ҳисоблаш миқдорининг бир бараваридан уч бараваригача миқдорда жарима солишга ёки ўн беш суткагача муддатга маъмурий қамоққа олишга сабаб бўлади.

✏️ Юқоридаги асосга кўра, агар турмуш ўртоғингиз Сизга нисбатан ҳимоя ордери амал қилиб турган вақтда яна қандайдир ножўя ҳатти-ҳаракат содир қиладиган бўлса унга нисбатан нормада кўрсатилган миқдорда жарима солиниши ёки у 15 сутка маъмурий қамоққа олиниши мумкин.

Савол юбориш 👇
@yuristdan_javob_bot

Каналга уланиш👇
@Yurist_Blogerr

26k 0 139 65

Юрист блогер /расмий канал

17 Feb, 10:39

❗️ҲАР КИМ УЙ-ЖОЙЛИ БЎЛИШ ҲУҚУҚИГА ЭГА

➖ Ҳеч ким суднинг қарорисиз ва қонунга зид тарзда уй-жойидан маҳрум этилиши мумкин эмас. Уй-жойидан маҳрум этилган мулкдорга уй-жойнинг қиймати ҳамда у кўрган зарарларнинг ўрни қонунда назарда тутилган ҳолларда ва тартибда олдиндан ҳамда тенг қийматда қопланиши таъминланади.

✅ Давлат уй-жой қурилишини рағбатлантиради ва уй-жойга бўлган ҳуқуқнинг амалга оширилиши учун шарт-шароитлар яратади.

❗️Аҳолининг ижтимоий жиҳатдан эҳтиёжманд тоифаларини уй-жой билан таъминлаш тартиби қонун билан белгиланади.

📄 Асос:
Ўзбекистон Республикаси Конституцияси 47-модда

Савол юбориш 👇
@yuristdan_javob_bot

Каналга уланиш👇
@Yurist_Blogerr

24.9k 0 212 86

Юрист блогер /расмий канал

16 Feb, 19:37

❗️ЁЛҒИЗ ОНАЛАР 1 628 550 СЎМГАЧА БЎЛГАН ДАРОМАДЛАРИДАН ДАРОМАД СОЛИҒИ ТЎЛАШЛАРИ ШАРТ ЭМАСЛИГИНИ БИЛАРМИДИНГИЗ?

📄 Ўзбекистон Республикаси Солиқ кодексининг 380-моддасига кўра,

➖ икки ва ундан ортиқ ўн олти ёшга тўлмаган болалари бор ёлғиз оналар даромадлар қайси ойда олинган бўлса, ўша ойда ҳар бир ой учун меҳнатга ҳақ тўлаш энг кам миқдорининг 1,41 баравари (Бўлади 1 628 550 сўм) миқдоридаги даромадлар бўйича солиқ солишдан озод этилади.

✏️ Бу дегани, 16 ёшга тўлмаган камида икки нафар боласи бор ёлғиз оналар олаётган даромадларини манашу 1 628 550 сўм сўмдан ортган қисмигагина даромад солиғини тўлайди бўлди.

✅ Бу имтиёз ҳар бир бола учун фуқаролик ҳолати далолатномаларини ёзиш органлари (ФҲДЁ) томонидан тақдим этиладиган маълумотнома асосида берилади.

Савол юбориш 👇
@yuristdan_javob_bot

Каналга уланиш👇
@Yurist_Blogerr

29.5k 1 335 67

Показано 20 последних публикаций.

75 538

подписчиков

Статистика канала

Популярное в канале

⚡️ ДИҚҚАТ ❗️АҲОЛИ УЧУН ГАЗ ВА ЭЛЕКТР БЎЙИЧА БУГУНГИ КУН ҲОЛАТИГА БЕЛГИЛАНГАН ЛИМИТЛАР ҚАНЧА ? ⚡...

❗️ТЕЛЕГРАМДА ҲАҚОРАТ ҚИЛИШ ⚡️САВОЛ; Телеграм орқали бошқа шахсни ҳақорат қилган шахсга қандай жа...

❗️ПЕНСИОНЕРЛАР МОЛ-МУЛК СОЛИҒИ БЎЙИЧА ИМТИЁЗГА ЭГАМИ? ⚡️САВОЛ: Уйимиз онамни номида. Онам пенсио...

❗️ҲЕЧ КИМ "АЁЛЛАР ДАФТАРИ"ДАН ШУНЧАКИ ЧИҚАРИБ ЮБОРИЛМАСЛИГИ КЕРАК ! ✏️ Кўпчилик аёллар, мен "Аёл...

❗️НОГИРОНЛИГИ БЎЛГАН БОЛАЛАРНИНГ ОНАЛАРИ БОШҚАЛАРДАН 5 ЙИЛ ОЛДИН ПЕНСИЯГА ЧИҚИШИ МУМКИН ⚡️САВОЛ;...