🎈«Ziyo Forum» — 1825-kun siz bilan ilm va ezgu ishlar yo‘lida!

Ilm-fan va ta’lim-tarbiyani rivojlantirish «Ziyo Forum» fondi tashkil etilganiga 5 yil bo‘ldi! 🎉

Shu munosabat bilan o‘zining ulkan 5-yillik yubileyini nishonladi! Bu tadbirimiz yuksak ko‘tarinkilik va quvonch ruhi bilan o‘tdi. Bayramda Vazirlik rahbarlari, oliy o‘quv yurtlari rektorlari, hokimlik vakillari, blogerlar, fondimiz do‘stlari va yoshlar jam bo‘ldi.

🎞️Tadbir davomida mehmonlarga fond tarixiga bag‘ishlangan qisqa metrajli film namoyish etildi - bu fondning shu besh yil davomida bosib o‘tgan yo‘liga haqiqiy sayohat edi. Aynan loyihalarimiz orqali minglab yoshlar o‘z qobiliyatlarini namoyon qildi, orzularini ro‘yobga chiqarish yo‘lida dadil qadam tashladi.

«Ziyo Forum» — bu shunchaki tashkilot emas, balki bilimga, rivojlanishga, kelajakni yaratishga bel bog‘lagan har bir insonning platformasi.

Kelayotgan yillarda ham «Ziyo forum» o‘z ezgu maqsadlaridan chekinmay, yangi marralarni zabt etishga va xalqimiz farzandlarini dunyo miqyosidagi bilimlar bilan qurollantirishga davom etadi! 🚀

Hurmat bilan,
Ziyo Forum jamoasi!

@ziyoforum