YAQIN

Украина ўз ҳаққини ҳимоя қилиб, Россия ҳудудига бостириб кирса ҚАҲРАМОН.

Нима учун? АҚШ ва Европа уни қўллаб-қувватлагани учунми?

Фаластин (мен Фаластин билан ҲАМАСни бир-биридан ажратмайман) ўз ҳаққини ҳимоя қилиб, Исроилга ҳужум қилса АҲМОҚ.

Нима учун? Ҳеч ким уни қўлламагани учунми?

Наҳотки катта акаларига орқа қилиб ҳовлиқадиганлар қаҳрамон саналиб, "ўзинг учун ўл етим" қабилида иш тутиб, ўзи учун мардонавор туриб берадиганлар аҳмоқ саналса! Бу мантиқ қаердан туғиляпти?! Унинг манбаи қаер?!

"Юз йил қул бўлиб яшагандан кўра бир кун озод яшаганим яхшироқ", деган гапни қайсидир ўрис айтса ҚАҲРАМОН. Худди шу гапни бир муштипар халқ айтса АҲМОҚ. Бу мантиқ қаердан туғиляпти?! Унинг манбаи қаер?!

Мана шу мантиқ билан ёндошиладиган бўлса, ўрисга қарши гаплар айтиш аҳмоқлик бўлиб қолмайдми? Чунки унинг жаҳли чиқса, бизнинг ҳам бошимизга Фаластиннинг бошига тушган савдоларни сола олади. У пайтда бизни ҳеч ким ҳимоя қилмайди. Чеченистонни ким ҳимоя қилди?!

Модомики, мантиқ ҳақида сўз очган эканман, бир савол сўрай. Мусибат ўзи нима? Ўлимми?

Айтинглар-чи, бир халқнинг қирилиб кетгани каттароқ мусибатми ёки ҳар қандай қулликка, хорликка, хўрликка чидаб яшайвергани каттароқ мусибатми? Қайси бири каттароқ мусибат?!

Ўлим, жумладан, қирилиб кетиш бизни жаннат ё дўзахга олиб ўтиб қўядиган бир кўприкдан бошқа нарса эмаслигини унутмайлик.

@mahmudiylar

Shuning uchun ohirgi sinfda faqat institutga tayyorgarlik qilishga o'quvchilarga sharoit qilinib berilgan, yo'nalishiga qarab o'ziga kerakli fanlardan qo'shimcha darslarga borib (litseyimizni o'zida domlalar tashkil etgan) boshqa fanlardan yaxshi o'qishni talab qilishmagan. Keyin bilsam, bu huddi Angliyadagi yuqori sinfda o‘ziga muhim deb bilgan 3-4 ta fanlarni tanlab olib faqat shundan o'qishlikni norasmiy ko'rinishi bo'lgan ekan.

Litseyda ham gimnaziyada ham yotib qolganmiz, 3 mahal taom berilgan, ta'minot yaxshi bo'lgan. O'qituvchilarimizning ko'pi samimiy munosabatda bo'lishgan. Meni eng katta opam va akam ham shu yerni bitirgani uchun meni ko'pchilik tanir edi, ba'zi domlalar bitirgunimcha opamni ismi bilan Nodira deb chaqirgan.

Mustaqillikning ilk yilida 1991-93 yillarda ochilgan gimnaziya litseylar hammasi shunday bo'lgan deb hisoblayman. Lekin eshitishimcha hozir ularda ham sifat yomonlashib ketibdi. Kirish ham pullik huddi institutga kirgandek, o'qish ham pullik. Hullas korrupciya deyishdi. Alloh isloh qilsin 🤲

Savol: Iroda Ahmad siz òziz maktab deganda nima kòz oldizga keladi. Yaxshi baholarda òqiganmisiz qòldan kelgancha?

Javob:

Ha maktab borasida omadim chopgan, Alhamdulillah. Bu ham bo'lsa Allohning marhamatidan, rizqimizni yaxshi maktablarga qo'shgan ekan deyman hozir.

Davlat maktabida faqat 2 yil o'qiganman, unda ham shu o'qish va yozishni o'zlashtirgan bo'lsam kerak. Yodimda qolgani birinchi sinf ohirida tez o'qishda birinchi o'rinni olganman, Leninni rasmi bor qizil 10 so'mlik yutib olganman. Bizni davrda ma'lum bir vaqt ichida nechta so'z o'qiy oladi kabi musobaqalar bo'lar edi. Hozir o'ylab ko'rsam bu ham keraksiz musobaqa ekan, tez o'qish aslida katta foyda bermaydi. Asosiysi anglash, idrok etish, tafakkur qilish, tahlil qilish - tanqidiy fikrlay olish.

Hullas 2 yil maktabdan keyin mahsus gimnaziyaga ketganman. Dadam 2sinfda imtihonga olib borgan, imtihondan o'tib uydan uzoqqa o'qishga ketganman. Haftada bir kelar edim.

Bizni gimnaziya chet tillariga ihtisoslashgan edi, Ingliz tili, Arab tili, Rus tili va hatto Fors tilidan ham darslar bo'lar edi. Men ingliz guruxda o'qiganman. Darslar yaxshi o'tilgan, to'garaklar ham bo'lgan. Darsdan keyin sirk to'garagiga qatnashganman, 1-2 joyda sirk ham ko'rsatib kelganmiz, pul ham ishlaganmiz 😅

O'qitivchilardan o'rganganlarim ko'pi yodimda, haligacha qo'llab kelyabman. Asosiysi faqat bilim emas, hayot saboqlari ham edi. Soadatxon opa degan tarbiyachimiz yotoqxonada olib qolar edi, juda halim, og'ir bosiq edi. Biz uni juda yaxshi ko'rar edik. Bizga 4 sinfda tahoratni, namozni o'rgatgan. Saharda uvillashib tizilib tahorat olganlarimiz esimda qolgan. Yana bir tarbiyachimiz esa juda qattiqqo'l edilar, uni yotoqxonada navbatchilik kuni hammamiz zir titrab shu kun tezroq o'tsa ertaga yumshoq opamiz kelsa der edik.

Arab tilidan Misrda o'qib kelgan Musojon degan domlamiz dars berar edi. Dars orasida payg'ambarlar qissalarini ham aytib berar edi. Domlaning Ayub alayhissalomning hikoyasini aytib bergani yaqqol esimda qolgan. "Ayub alayhissalom badanidan tushgan qurtlarni qayta olib qo'yar ekanlar" deganida yig'lab-yig'lab eshitganmiz.

Gimnaziyada a'lochi bo'lganman alhamdulillah, hamma fandan olimpiadaga o'qituvchilar talashganlarini eslayman. Gimnaziyada 5 yil o'qigan bo'lsam har yili har fil fandan olimpiadaga borganman: ona-tili, matematika, tarih, ingliz tili. Hullas 3-7 sinfgacha o'qiganman keyin 8 sinfdan viloyatimizning eng nufuzli litseyiga o'tganman.

Bu litsey fizika-matematikaga ihtisoslashgan edi. Bu yerda ham yaxshi o'qiganman, fizikadan ham matematikadan ham a'lochi edim. Fizikadan olimpiadaga qatnashganman.

Alhamdulillah shu fizika-matematika litseydagi bilimim bilan bolalarimga bemalol o'zim fizika-matematikadan dars berib kelaman. Boshqa dugonalarim ham bolalarini menga jo'natishadi. O'zim ingliz tili o'qitivchisi bo'lsam ham fizika-matematikadan ancha repetitorlik qilganman ingliz bolalariga. Nega? Qayerdan bilasan? Qanday qilib?, deb ko'p so'rashadi. Meni shunchaki maktab borasida omadim chopgan ekan, bu ham rizq. Alloh menga usha yerlarda ta'lim olishlikni nasib qilgani, O'zining marhamatidan deb bilaman. Alhamdulillah

Bizni oqitivchilar ishga imtihon orqali olinar edi, oyliklari ham oddiy maktab oqitivchisinikidan ancha yuqori bo'lgan. O'zlari fidoyi, kasbini sevgan va chin dildan dars bergan deb bilaman. Alloh rozi bo'lsin hammalaridan.

Bunday holat davlat maktablarida o'sha paytda ham kam uchragan, hozir bilmadim. Chunki bizga majburiy mehnat ham bo'lmagan yoki juda kam bo'lgan. Bizni o‘qituvchilar o'sha paytlarda ham pahtaga, ko'cha tozalashlarga chiqmagan, biz ham maktablar pahtaga chiqqanda o'qishni davom ettirganmiz. Darslar qattiq nazorat qilingan. Litseyni oldiga qo'ygan maqsadlari bo'lgan. O'qishga kirish reytingini oshirish, olimpiadalarda yuqori o'rinlarni egallash vhk.