Янги Наманган тумани ҳокимлиги | Расмий телеграм канали

Фурқат маҳалласида миллий кийиниш куни нишонланди

Ҳар жума куни миллий кийиниш анъанаси доирасида Янги Наманган туманининг Фурқат номли маҳалласи ходимлари миллий либосларда фаолият олиб боришмоқда. Бу ташаббус миллий анъаналарни тарғиб қилиш ва маънавий муҳитни бойитиш мақсадида ўтказиляпти.

Ходимлар ўзбек халқининг бетакрор кийимларида иш бошлаб, меҳнат жамоасига миллий руҳ бахш этишмоқда. Дўппи, атлас ва адрас каби миллий матолардан тикилган либослар тадбирга ўзгача файз бағишлади.

Бу каби ташаббуслар халқимизнинг маданий меросини асраш ва ёш авлодга етказишда муҳим ўрин тутади.

Янги Наманган тумани ҳокимлиги ахборот хизмати

👉 Sayt | Telegram | Facebook | Instagram | Youtube | Guruh

❗️Президент қарорига кўра:

▫️Маҳаллаларнинг ихтисослашуви ва драйвер йўналишларидан келиб чиқиб, ўз тажрибасини 10 тагача камбағал оилаларга ўргатган ва уларга доимий даромад манбаига эга бўлишига кўмаклашган тадбиркорларга ҳар бир камбағал оила учун БҲМнинг 3 баравари, бироқ БҲМнинг 30 бараваригача миқдордаги грантлар ажратилади.

🔰 "Ботаника боғлари" ҳудудини ўзлаштириш тақиқланди

▫️"Ботаника боғлари" ерларини бегоналаштириш, ҳудудида бино-иншоотлар қуриш ёки қурилиш ости майдонларини кенгайтириш таъқиқланди. Бу ҳақда "Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида"ги қонунида эълон қилинди.

Қонунда асосан ер участкаларидан фойдаланиш тартибини янада такомиллаштириш, маданий ҳордиқ масканлари ҳудудларини сақлаб қолиш учун мустаҳкам ҳуқуқий асос яратиш кўзда тутилган.

Шунингдек, сайилгоҳ, хиёбон, боғлар ҳудуди, уларда экилган дарахтлар муҳофазасини кучайтириш, бино ва иншоотлар қурилишининг олдини олиш мақсад қилинган.

Сенаторлар мажлисида, ушбу қонун сенаторлар томонидан маъқулланди.

🔰 Диний соҳадаги давлат сиёсати концепцияси сенат томонидан маъқулланди

▫️Жорий йилнинг 20 феврал куни Сенатнинг тўртинчи ялпи мажлисида "Ўзбекистон Республикасида фуқароларнинг виждон эркинлигини таъминлаш ва диний соҳадаги концепциясини тасдиқлаш тўғрисида"ги қонуни кўриб чиқилиб, бир овоздан маъқулланди.

Концепция виждон эркинлиги ҳуқуқини ва Ўзбекистон Республикаси дунёвий давлат эканлигига оид конституциявий қоидаларни рўёбга чиқариш ҳамда диний соҳадаги давлат сиёсатининг мақсади, вазифалари, принципларини ва устувор йўналишларини белгилайди.

Ҳужжат президент томонидан расман имзолангандан сўнг кучга киради.

#Об_ҳаво

☁️⛅️🌤️Наманганда 21 февраль 17  даражагача илиқ бўлади.  

▫️Ўзгидромет 21 февраль, жума куни кузатиладиган об-ҳаво тўғрисида маълумот берди.

▫️Наманган вилоятида ҳаво ўзгариб туради,   ёғингарчилик бўлмайди. Шарқдан секундига 7-12 метр тезликда шамол эсади. Айрим жойларда шамолнинг тезлиги секундига 13-18 метргача  кучайиши мумкин.  Кечаси 0-5,  кундузи 12-17 даража илиқ бўлади.

▫️Республикамизнинг тоғли ҳудудларида ҳаво ўзгариб туради, ёғингарчилик бўлмайди. Баъзи жойларда туман тушиши кутилмоқда. Шарқдан секундига 7-12 метр тезликда шамол эсади. Айрим жойларда шамолнинг тезлиги секундига 13-18 метргача кучайиши мумкин. Кечаси 3 даража совуқ,  2 даража илиқ, кундузи 5-10 даража илиқ бўлади.  
👉 Sayt | Telegram | Facebook | Instagram | Youtube | Guruh

Yangi Namangan tumanidagi mahallalarda vaqtinchalik uzilishlar kuzatiladi

Joriy yilning 21-fevral, juma 
kuni soat 09:00 dan 18:00 gacha 110/10 kVli “Chamanzor” nimstansiyasidagi 10 kv 2-Sistema shinda joriy ta'mirlash ishlari olib boriladi.

Buning natijasida Yangi Namangan tumanidagi “Chamanzor”, “Sihatgoh” va “Ishonch” mahallasining ayrim joylari hamda promzonada iste’molchilarga elektr energiyasini yetkazib berilishida vaqtinchalik uzilishlar sodir bo‘ladi.

Yangi Namangan tuman elektr taʼminoti +998692287904,
Call markazi 1154

Янги Наманган туманида “Наманган вилояти ҳокими кубоги” шахмат мусобақаси ғолиблари аниқланди

Янги Наманган туманида “Наманган вилояти ҳокими кубоги” учун ташкил этилган шахмат мусобақаси якунига етди. Интеллектуал баҳсларда иштирокчилар ўз маҳоратларини намойиш этиб, ғолибликни қўлга киритишди.

Турли ёш ва маҳорат даражалари бўйича ғолиблар қуйидаги йўналишларда аниқланди:
12 ёшгача бўлган ўғил болалар ва қизлар;
Ҳаваскорлар (эркаклар ва аёллар);
Профессионаллар (FIDE рейтинги 2000+/1600+);
Имконияти чекланган шахматчилар;
Нуронийлар (60+ эркаклар, 55+ аёллар).

Танлов ғолиблари диплом ва эсдалик совғалари билан тақдирланди. Энди улар вилоят босқичида иштирок этиш имкониятига эга бўлишди.

Янги Наманган тумани ҳокимлиги ахборот хизмати

👉 Sayt | Telegram | Facebook | Instagram | Youtube | Guruh

Туркиялик меҳмонлар “Муҳташам том маркази” корхонаси фаолияти билан танишди

Туркиядан ташриф буюрган меҳмонлар “Муҳташам том маркази” корхонасига бориб, у ерда ишлаб чиқарилаётган маҳсулотлар билан яқиндан танишдилар. Корхона мамлакатимизда қурилиш саноати учун муҳим бўлган юқори сифатли сендвич панеллар, туника ва том маҳсулотларини ишлаб чиқаради.

Меҳмонлар корхонанинг ишлаб
чиқариш жараёнини кузатиб, замонавий технологиялар қўлланилиши ва маҳсулотларнинг юқори сифатига алоҳида эътибор қаратдилар. Хусусан, сендвич панеллар – енгил, мустаҳкам ва иссиқликни яхши ушлаб турадиган материал сифатида меҳмонларнинг қизиқишини уйғотди. Шунингдек, турли хил туника ва том маҳсулотлари ҳам уларни хайратда қолдирди.

Туркиялик меҳмонлар корхона раҳбарияти билан мулоқот қилиб, маҳсулотларнинг ички бозорда рақобатбардошлиги, экспорт имкониятлари ва истиқболлари ҳақида фикр алмашдилар.

Янги Наманган тумани ҳокимлиги ахборот хизмати

👉 Sayt | Telegram | Facebook | Instagram | Youtube | Guruh