АЛЛОҲ ЮЗ БУРМАСА


Юзин буриб демай бир сас,
Қадрим арзон қилиб бир хас,
Майли кетсин ҳамма, мендан,
Аллоҳим юз бурмаса бас.

Зор эмасман хандасига,
Юздан ниқоб, пардасига,
Ишим тушмас бандасига,
Аллоҳим юз бурмаса бас.

Юрагимни вайрон этсин,
Ниятига майли етсин,
Хоин дўстлар кетса кетсин,
Аллоҳим юз бурмас бас.

Заҳар бўлиб айтар сўзи,
Терс бурилсин ёрнинг юзи,
Ишонганим танҳо ўзи,
Аллоҳим юз бурмаса бас.

Бу дунё бир бозор сайли,
Сохтачилик замон зайли,
Юзин бурсин ҳамма майли,
Аллоҳим юз бурмаса бас.

Мадор бериб жон танимга,
Қувонч бериб ҳар онимга,
Муҳтож қилмай дўст, ғанимга,
Аллоҳим юз бурмаса бас.


Хуршид Карим



22.11.2024




t.me/Xurshid_Karim