XazonRezgi (Official Channel)

​#ҚАСД

Марямхон Райҳонани бироз пардоз ҳам қилиб қўйибди.
Райҳонани елкалари узра шаршарадек ёйилган жингалаклашиб кетган сочлари ва қилинган пардози шу даражада гўзаллаштириб юборган эди-ки, Али унга боқиб ҳатто ўзининг ортидан палатага кирган Марямхонни ҳам сезмай қолди .

- Биз опам билан сизнинг ишдан келишингизни байрам қилиб кутиб олишга келишиб олдик . Қалай , чиройли бўлибмизми ?

Али Марямхонга ўгирилди :

- Ҳой қиз ! Мени туни билан касалхонада ўтириб чиқишимни ҳоҳлаяпсизми ? Уйга қандай кетаман энди ? Кетсам ҳам туни билан рашк қилиб ухламасдан чиқсам керак .

Марямхон кулимсиради:

- Хавотир олманг, ака . Бугун ўзим шу ерда навбатчилик қиламан. Ҳозир ўқишдан таътилдаман- ку, шунга вақтим бемалол . Ҳозир эса сизларни ёлғиз қолдираман. Опамнинг сизга айтадиган сўзлари йиғилиб қолган , - Марямхон шундай деб Райҳонага гап ташлади , - тўғрими , опажон ?!

Марямхон чиқиб кетгач Али Райҳонанинг ёнига яқинлашиб стулга чўкди . Унинг чап қўлини кафтлари орасига олди :

- Жаннат гулим... - деди Али овози товланиб,- шунчалик хушрўй бўлиб кетибсан - киии... Сени ҳатто сенга боққан кўзларимдан ҳам қизғаниб кетяпман...

Палатанинг қия очиқ эшиги ёнида турган Марямхон Алининг бу сўзларини тинглаб кўзлари ёшланди ... Томоғига тиқилган ҳавони қилт этиб ютди- ю , аста у ердан узоқлашди...

* * *

Сешанба куни Марямхон дадасидан Райҳонага қайта текширув тайинланганини эшитиб:

- Мен текширувда ҳам қатнашай ?! Жон дадажон , сизларга ҳалақит бермайман?! - дея ялиниб - ёлвориб туриб олди ва бу сафар ҳам отасига сўзини ўтказди.

Али Райҳонанинг қайта тиббий текширувдан ўтказилиши ҳақида хабарни эрталаб эшитган эди. Марямхон эса уни хотиржам қилиб "Ака, текширув натижаси ҳақида биринчи бўлиб ўзим сизга хабар бераман" дея уни ҳотиржам қилиб ишга кузатиб қўйган эди
Кундузги соат ўн иккиларда Алининг қўл телефони жиринглади..
Али телефон экранига қараб чақирувчи "Марямхон" эканини билиб ҳаяжонланиб кетди.

- Алло , Марямхон , эшитаман, - деди Али мумкин қадар ўзини босишга ҳаракат қилиб

- Акааа... - Марямхоннинг овози йиғламсираганга ўхшаб эшитилди ...

- Нима бўлди , Марямхон ?! Тинчликми ?! - Алининг юраги ҳовлиқиб кетди,- гапиринг...

- Акаааа , сизни кўрмасам бўлмайди , илтимос ... Мен касалхонадан ташқарига чиқиб сизни кутиб тураман... Сизга кечиктириб бўлмайдиган муҳим гапим бор...- деди Марямхон қисқа- қисқа нафас олиб муддаосини аранг тушунтирар экан...

- Синглим , илтимос , юрагимни ёрманг ... - Алининг ҳам сўзлари ғўлдираб чиқа бошлади.

- Ака, бу телефонда айтиладиган гап эмааас...

#давоми_бор /124

Муаллиф: Хазонрезги

Каналга уланиш 👇:
https://t.me/joinchat/AAAAAFB59SM9yhwXJGeW_g

📝Ж И Г А Р И М
(ибратли ҳикоя)

Бир катта саркарда фарзандларини ватан ҳимояси учун бўлган жангга жўнатибди. Икки ой ўтгандан кейин хабар келибди:
-Тақсир, мусибат оғир бўлди. Жангга кетган катта фарзандингиздан айрилиб қолдингиз, - деганларида Яратганни даргоҳига қўлларини кўтариб дуо қилган экан:
- Парвардигор, шу фарзандни ўзинг берувдинг, ўзинг олдинг, сабрни ҳам ўзингдан сўрайман, бошқа иложим йўқ - дедилар.
Орадан уч ой вақт ўтиб яна хабар келибди:
- Тақсир, иккинчи ўғлиздан ҳам жудо бўлдингиз, душман билан бўлган жангда ҳалок бўлди - деганларида Яратганни даргоҳига қўлларини кўтариб дуо қилибди:
-Парвардигор бу мусибатларнинг ажрини ўзинг бергин, бу фарзандни ҳам ўзинг бергандинг, ўзинг олдинг, сабрни ўзингдан сўрайман, бошқа иложим йўқ - деди.

Орадан олти ой вақт ўтибди, олти ойдан кейин жигарларидан, укаларидан хабар келибди:
-Тақсир, мусибат оғир бўлди, икки ўғлингизни тупроққа қўйган эдингиз! Энди укангиздан, жигарингиздан айрилиб қолдингиз, жигариз жангда ўлдилар, - деганларига икки навқирон ўғлини тупроққа қўйганида кўзига ёш келмаган ота, жигарини эшитганларидан кейин бошларини деворга уриб йиғлай бошлаган экан.
Атрофдагилар ҳайрон бўлиб:
- Икки ўғлингизни тупроққа қўйдингиз, навқирон фарзандлардан жудо бўлганингизда ҳам кўзингизга ёш келмаганиди. Бугун жигар доғини кўтаролмасдан, ўзингизни ҳар томонга уриб турганингизни кўриб биз тушунолмай қолдик, буни қандай ҳикмати бор? - дедилар.
Шунда икки кўзидан шашқатор ёш оқиб, йиғлаб турган саркарда жамоатга қараб:
-Эй биродарлар! Кўзимдан томган ёшнинг ҳар бир томчиси сизларга ибрат бўлсин, бугун мен йиғлайдиган кун экан, мен йиғламай ким йиғласин...
Фарзандларим дунёда ўтган бўлса, танамда жоним омон бўлса, Аллоҳ қодир қилса яна фарзанд кўрарман. Лекин жигардан айрилиш, жигарни доғини кўтариш оғир бўларакан! Мен бугун укамдан айрилдим, укамни туғадиган онам дунёдан ўтган. "Жигарни доғини кўтаролмадим" - деб йиғлаган эканлар...


https://t.me/xazon_rezgi

Ҳалоллик

Ёш йигит Каъбада туриб фақат:
"Эй тўғриларнинг, ҳаромдан ҳазар қилган бандаларининг ёрдамчиси - Аллоҳим, Сенга ҳамду санолар бўлсин!" - дея такрорларди.

Ёнидаги кишилардан бири ҳайратланиб сўради:
- Биродар, нега фақат 1 та жумлани қайтаряпсиз, бошқа сўрайдиган тилагингиз йўқми?

Йигит бир пас жим тургач, ўз ҳолатига шундай изоҳ берди:
- Бундан 7-8 йил олдин ҳам зиёратга келганимда, Каъбадан минг тилла танга солинган ҳамён топиб олдим.

Ичимда васваса бошланди: "Олтинларни олу чўнтагингга сол. Энди улар сеники, истаганингча харжласанг бўлади..."

Лекин бу гаплар шайтондан эканлигини ўз - ўзимга уқтирдим: "Йўқ, бу пуллар меники эмас, улардан фойдаланишим ҳаром".

Шу асно: " Ҳамёнимни йўқотдим, топиб олган борми?" - деган овоз эшитилди. Ҳалиги одамдан ҳамённинг таърифини, ичида қанча пул бўлганлигини сўрадим.
Гапларидан ҳамён унга тегишлилиги маълум бўлди - омонатни эгасига топширдим.

У менга суюнчи деб 30 тилла танга берди. Қўлимда пул билан бозорга йўл олдим ва у ерда мақтаб сотишаётгани устидан чиқдим.
Бояги боланинг тоза - покизалиги эътиборимни тортди.

Нархини сўрадим, 30 тилла эканини айтишди. Пулни бериб, асир болани сотиб олдим. Орадан бир - икки йил ўтди. Бола менга одоб ва садоқат билан хизмат қилди. Бир куни у билан бирга кетар эканмиз, қаршимиздан уч киши чиқди.

Шунда бола менга:
"Хожам, сизга бир сирни очай - мен Фас амирининг ўғлиман. Келаётган кишилар эса отамнинг одамлари. Улар мени сотишингизни сўрайдилар, сиз яхши одамсиз, 30 минг олтиндан камига кўнманг. Қўрқманг, улар сизга зарар етказишмайди", деди.
Шундай қилиб асиримни ўттиз минг тиллага сотдим. Бу пуллар билан катта тижорат бошладим ва тез орада бойиб кетдим.
Шундай кунларнинг бирида яқинларим: "Обрўли бир оиланинг қизи бор, отаси яқинда вафот этди. Сени шу қизга уйлантирмоқчимиз", деб қолишди.
Мен рози бўлдим.
Тўй бўлди, никоҳ кечаси келиннинг сеплари орасида бир ҳамён диққатимни тортди. Рафиқамдан: "Бу нима?" - деб сўрадим.
У: "Отамнинг ҳамёни, ичида 970 тилла танга бор. Отам бу ҳамённи бир йили Каъбада йўқотган, топиб берган кишига 30 тангасини берган эканлар. Қолганини эса менга ҳадя қилиб, сепимга қўшганлар".
Қарангки, ўшанда Каъбада мен топиб олган олтинлар аслида ҳам ризқим экан. Агар эгасига бермаганимда ҳаром йўл билан келган бўларкан...

©интернет

https://t.me/xazon_rezgi