Munira Isomova

#tayinlov #saylov #plenum

O'zbekiston XDP Farg'ona viloyat kengashining I Plenum yig'ilishida tashkiliy masala muhokama etildi.

O'ktamov Shoxruxbek Ulug'bek o'g'li - O'zbekiston XDP Farg'ona viloyat kengashi raisi lavozimiga saylandi.

#Fargʻona_2025

“Yangi O‘zbekiston armiyasi – mamlakat tayanchi, xalqimiz faxri!”

O'zbekiston XDP Farg'ona viloyat kengashi tomonidan O‘zbekiston Respublikasi Qurolli Kuchlari tashkil etilganining 33 yilligi va 14-yanvar – Vatan himoyachilari kuni munosabati bilan Milliy gvardiya Farg'ona viloyati bo'yicha boshqarmasi, Favqulodda vaziyatlar vazirligi Farg'ona viloyat boshqarmasi hamda O'zbekiston yoshlar ittifoqi Farg'ona viloyat kengashi bilan hamkorlikda yoshlarni vatanparvarlik ruhida tarbiyalashga qaratilgan uchrashuv Farg'ona jamoat salomatligi tibbiyot institutida o'tkazildi. Mazkur uchrashuvda ushbu kunning haqiqiy egalari Milliy gvardiya Farg'ona viloyati bo'yicha boshqarmasi, Favqulodda vaziyatlar vazirligi Farg'ona viloyat boshqarmasi rahbariyati tashakkurnoma va esdalik sovg'alari bilan taqdirlandi.

P/s: Siz ham bizni safimizga qo'shiling maqsadimiz OʻzXDP a'zolarni 1.000.000 nafarga yetkazish

🌐 XDP_Yoshlar  l Telegram

#Munosabat

Davlat dasturi loyihasi O‘zbekiston Xalq demokratik partiyasining doimiy pozitsiyasiga hamohang

Shu kunlarda 2025-yilgi davlat dasturi loyihasi xalq bilan keng muhokama qilinmoqda. Bu esa mamlakatda demokratiya prinsiplari amalda bo‘lganidan dalolatdir. Mazkur jarayonda, tabiiyki, O‘zbekiston Xalq demokratik partiyasi ham o‘z dasturiy maqsadlaridan kelib chiqib, davlat dasturiga munosabat bildirishni muhim, deb hisoblaydi.

Dasturning loyihasida aholining ijtimoiy himoyasini kuchaytirish, bandlik darajasini oshirish, ta’lim va tibbiyot sohalarini rivojlantirish borasida belgilangan maqsadlar partiyamizning asosiy g‘oyalari bilan muvofiq keladi. Jumladan, davlat dasturida ehtiyojmand qatlamlarni qo‘llab-quvvatlash, ishsizlik darajasini pasaytirishga qaratilgan chora-tadbirlar partiya dasturining ustuvor vazifalaridan biri hisoblanadi. Bu yo‘nalishda davlat dasturida kam ta’minlangan oilalar uchun ijtimoiy uy-joylar qurish va ularni subsidiyalash masalalari ko‘tarilgani partiya elektorati tomonidan ijobiy baholanadi.

Ta’lim sifati va tibbiy xizmatlarga e’tibor davlat dasturining muhim yo‘nalishlari hisoblanadi. O‘zbekiston XDPning pozitsiyasiga ko‘ra, aholining barcha qatlamlari uchun teng imkoniyatlar yaratilishi, xususan, qishloq hududlarida ta’lim va tibbiyot infratuzilmasini rivojlantirish ustuvor vazifa bo‘lishi kerak.

2025-yilgi davlat dasturi loyihasi mamlakatni ijtimoiy-iqtisodiy rivojlantirishning muhim asosidir. 2025-yilgi davlat dasturi xalq bilan muloqotda, ularning haqiqiy ehtiyojlarini inobatga olgan holda amalga oshirilsa, mamlakat taraqqiyoti yangi bosqichga ko‘tariladi. O‘zbekiston Xalq demokratik partiyasi bu jarayonda o‘zining ijtimoiy adolat va xalq manfaatlarini himoya qilish borasidagi pozitsiyasini izchil amalga oshiradi...

Shoxrux O‘KTAMOV,
O‘zbekiston XDP Farg‘ona viloyat kengashi raisi v.b.
___
🌐 XDP.uz
👉Telegram|Facebook|Youtube|Instagram|Twitter

O‘zbekiston XDP saylovchilarning davlat dasturiga takliflarini o‘rganyapti

O‘zXDP Qo‘qon shahar kengashi raisi H.Ismoilov ishtirokida bo‘lib o‘tgan tadbirda partiya faollari 2025-yil – «Atrof-muhitni asrash va “yashil” iqtisodiyot yili»da amalga oshiriladigan davlat dasturiga saylovchilarning takliflarni oldi.

Shuningdek, partiyaning dasturiy tashabbuslari, g‘oyalari, maqsad va vazifalari ham targ‘ib etildi. Muassasaning pedagoglar jamoasi partiya xodimlariga turli savollar bilan murojaat qildi, o‘z taklif va mulohazalarini bildirdi.

Bundan tashqari, bir guruh tashabbuskorlarning taklifiga ko‘ra maktabda partiyaning boshlang‘ich tashkiloti tashkil etildi...
___
🌐 XDP.uz
👉Telegram|Facebook|Youtube|Instagram|Twitter

O‘zbekistondagi uzluksiz ta’lim haqida yangi kitob nashrdan chiqdi

Ta’lim doimo insoniyatni har qanday inqirozdan olib chiquvchi qudratli tayanch bo‘lib kelgan. Har qanday davlat va jamiyatning taraqqiyoti, avvalo, uning ta’lim tizimini qay darajada rivojlantirishi bilan bog‘liq. Shu ma’noda, Yangi O‘zbekistonda ham “Uchinchi renessans”ni barpo etishning asosiy va muhim omili sifatida aynan ta’lim va tarbiyaga e’tibor qaratilayotgani bejizga emas. Ta’lim sohasi fidoyisi, pedagogika fanlari doktori, professor Ulug‘bek Inoyatovning “Yangi O‘zbekistonda uzluksiz ta’lim” nomli ilmiy-ommabop kitobda yillar davomida ta’lim tizimida to‘planib qolgan muammolar keyingi yillarda qanday yechim topayotgani aniq fakt va raqamlar asosida ochib berilgan.

Kitobni ushbu havoladan bepul yuklab olishingiz mumkin.


P/s: Siz ham bizni safimizga qo'shiling.

🌐 XDP_Yoshlar  l Telegram

#Munosabat

Har bir bola – e’tiborda

To‘g‘risini aytsam, inson oldiga katta reja va maqsadlar qo‘yishi hamda ularni amalga oshirishi uchun ham imkoniyat, sharoit va qo‘llov kerak bo‘ladi. Davlatimiz rahbari ishtirokida bo‘lib o‘tgan yig‘ilishda aytilgan fikrlar ayni ko‘nglimdagi gap bo‘ldi. Chunki endilikda nogironligi bor bolalar uchun teng imkoniyat va sharoit yaratilishi mening eng katta istaklarimdan biridir.

Yig‘ilishda bog‘cha va maktab yoshidagi nogironligi bor bolalarning asosiy qismi maxsus maktab-internatlarda, ota-onasidan uzoqda ta’lim olishi tanqid qilindi.

Shunisi aniqki, imkoniyati cheklangan bolalar ko‘proq oilasi va yaqinlari mehriga ehtiyoj sezadi. Boshqalar bilan o‘zini teng ko‘rishi uchun ularga sharoit va qarov zarur. Masalan, so‘ngi yillarda ta’lim sohasiga zamonaviy texnologiyalar, Internet, elektron dasturlar kirib keldi. Nogironligi bor bolalarga bu dasturlarni o‘zlashtirishi uchun ma’lum bir vaqt va maxsus ustozlar talab etiladi...

Obloberdi OLIMOV,
O‘zXDP Farg‘ona viloyat kengashi raisi o‘rinbosari,
xalq deputatlari Quva tuman Kengashidagi partiya guruhi a’zosi.
___
🌐 XDP.uz
👉Telegram|Facebook|Youtube|Instagram|Twitter

#Munosabat

Bandlikni ta’minlash va kambag‘allikni kamaytirishda eng muhim va hal qiluvchi yil

Kuni kecha Prezidentimiz raisligida yana bir o‘ta muhim masala muhokama qilindi. Banklar ishtirokida mahallalarda aholi bandligini ta’minlash va daromadli qilishga qaratilgan videoselektor yig‘ilishida og‘ir tumanlarda ishsizlikni kamaytirish masalasiga alohida yondashildi.

Ularga boshqa hududlardan tajribali tadbirkorlar jalb qilinib, loyihalari uchun yengil kreditlar hamda infratuzilmasiga qo‘shimcha mablag‘ ajratilishi ta’kidlandi. Shuning o‘zi 1 million 300 ming aholini daromadli qilish imkonini beradi.

Umuman olganda, yig‘ilishda muhokama qilingan masalalar, belgilangan vazifalarning aksariyati bevosita aholining ijtimoiy muammolarini hal etishga qaratilgani, bunga qo‘shimcha mablag‘lar yo‘naltirilgani bilan ahamiyatlidir. Prezident tomonidan bildirilgan tahlillar, tanqidiy fikrlar, belgilangan ustuvor yo‘nalishlardan kelib chiqib, o‘z oldimizga vazifalar belgilab olishimiz zarur.

Shu o‘rinda, kambag‘allikni qisqartirish barchamizning birinchi navbatdagi harakatimizga aylanishi kerak. Bu masalani faqat pul tarqatish, nafaqa to‘lash bilan hal qilib bo‘lmaydi. Samarali yechim kambag‘al oila a’zolarini o‘qitish, kasbga o‘rgatish va ish bilan ta’minlash kabi muhim tashabbuslar bilan bog‘liq. Har bir deputat, xalq vakili dolzarb ijtimoiy-iqtisodiy masalalarni o‘rganuvchi, kuzatuvchi emas, aksincha, mas’uliyatni zimmasiga olib, jarayonning ichida yuradigan fidoyiga aylanishi muhim. Xalqimiz, saylovchilarimiz bizga ishonib ovoz bergan ekan, bu ishonchni oqlash har bir deputat uchun ham qarz, ham farzdir...

Muhsiddin Nizomiddinov,
O‘zXDP Markaziy Kengashi Yoshlar sektori rahbari,
Xalq deputatlari Toshkent viloyat Kengashi deputati.
___
🌐 XDP.uz
👉Telegram|Facebook|Youtube|Instagram|Twitter