Репост из: Феруза бону
"Ёшларни оилавий ҳаётга тайёрлаш долзарб масала"
2025 йил 6 февраль куни Ўзбекистон ХДП Бандихон туман Кенгаши раиси, халқ депутатлари туман Кенгаши депутати И.Халматов томонидан янги оила қуриш остонасида турган ёшларни оилавий ҳаётга тайёрлаш, оилавий қадриятларни мустаҳкамлаш мақсадида тумандаги "Гулбоғ" маҳалласидаги 21-сонли мактабда "Ёшларни оилавий ҳаётга тайёрлаш долзарб масала" мавзусида давра суҳбати ташкил этилди. Давра сухбатида мактаб ўқитувчилари ва юқори синф ўқувчилари, маҳалла фаоллари иштирок этишди. Давра суҳбатида депутат тамонидан оила муқаддаслиги, репродуктив саломатлик, уни мустаҳкамлаш, оила иқтисоди ва оила бюджетини юритишда муҳим бўлган масалалар, ёш, никоҳланувчи шахсларга оилавий-ҳуқуқий муносабатлар тўғрисида тушунчалар берилди. Тадбир сўнгида ёш оилаларда юзага келиши мумкин бўлган оилавий низоларнинг олдини олиш мақсадида "Маҳалла еттилиги" билан ҳамкорликда тарғибот тадбирларини ташкил этиш, унга ёш, турмуш қуриш остонасида турган йигит ва қизлар, уларнинг яқинларини ҳам жалб этиш бўйича муҳим масалалар, режалар белгилаб олинди. Давра сухбати савол-жавобларга бой бўлиб иштирокчилар ўзларини қизиқтирган саволларига тегишли жавобларини олишди.
✍🏻 Ўзбекистон ХДП Бандихон туман Кенгаши.