Uzpharmagency

🔴 Фармацевтика тармоғини ривожлантириш агентлиги ва Италиянинг “Kedrion Biopharma” компанияси вакиллари ўртасида учрашув бўлиб ўтди

📌 “Kedrion Biopharma” – қон плазмаси асосида дори воситаларини ишлаб чиқаришга ихтисослашган халқаро компания бўлиб, дунёнинг турли мамлакатларида фаолият юритади.

✔️ Учрашув давомида компания вакиллари ўз тарихи, фаолияти ва асосий маҳсулотлари, жумладан, албумин ва иммуноглобулин ишлаб чиқаришга ихтисослашгани ҳақида маълумот берди. Шунингдек, “Kedrion Biopharma” Ўзбекистон бозорига кириш ва маҳаллий компаниялар билан ҳамкорлик қилиш орқали ўз маҳсулотларини етказиб бериш бўйича қизиқишини билдирди.

✔️ Агентлик директори Абдулла Азизов ушбу ташаббусни қўллаб қувватлаб, Ўзбекистон фармацевтика бозори, унинг истиқболлари ва инвестиция имкониятлари бўйича тегишли маълумотларни тақдим этди.

✔️ Учрашув якунида томонлар ўзаро маълумот алмашиш ва потенциал лойиҳалар бўйича ҳамкорлик қилишга келишиб олдилар.

Website | Telegram | Instagram | Facebook | Youtube

🔴 Ўзбекистон ва Покистон - "Маде in Uzbekistan" миллий маҳсулотлар кўргазмаси

✔️ Жорий йилнинг 11-13 февраль кунлари Покистоннинг Лаҳор шаҳрида Ўзбекистон ва Покистон ўртасидаги савдо-иқтисодий алоқаларни мустаҳкамлаш мақсадида ташкил этилган "Маде in Uzbekistan" кўргазмасида Ўзбекистоннинг ўндан ортиқ турли йўналишларда миллий компаниялар маҳсулотлари намойиш этилмоқда.

✔️ Кўргазмада фармацевтика соҳасида фаолият юритувчи ишлаб чиқарувчилар ўзларининг маҳсулотлари билан фаол иштирок этмоқда. Ушбу компаниялар томонидан тайёрланган дори воситалари ва тиббий буюмлар кўргазмага келганларда катта қизиқиш уйғотмоқда. Кўргазма давомида, фармацевтика соҳада ҳамкорликни кенгайтириш имкониятларини муҳокама қилиш учун B2B учрашувлар ўтказилмоқда.

Website | Telegram | Instagram | Facebook | Youtube

🔴 Ўзбекистон Республикаси Вазирлар Маҳкамасининг 2024 йил 30 ноябрдаги 199-сон мажлиси баёни 3-иловаси билан тасдиқланган, Энг оғир аҳволдаги маҳаллалар, республика даражасидаги давлат ташкилотлари раҳбарларига бириктирилган.

❗️ Фармацевтика тармоғини ривожлантириш агентлигига Наманган вилояти, Поп туманидан 4 та маҳалла бириктирилган. Улар Соҳибкор, Янгиер, Қандиғон ва Уйғур МФЙлардир.

✔️ Жорий йилнинг 8 февраль куни Агентлик директори Абдулла Азизов бириктирилган маҳаллаларга бориб маҳалла еттилиги фаолияти билан танишди. Уларга юклатилган вазифаларни қай даражада бажараётганлигини кўздан кечирди.

✔️ Ҳар бир маҳалланинг имкониятидан келиб чиқиб аҳолини камбағаллик даражасидан чиқариш бўйича ишлар муҳокама қилинди.

❗️ Жумладан Соҳибкор маҳалласида томорқа экинларини суғориш учун сув муаммо бўлганлиги учун сув кам талаб қиладиган доривор ўсимликлар экиш тавсия этилди. Бундан ташқари аҳоли томорқаларида доривор наъматак экилган бўлиб, йилига 300 тоннагача маҳсулот йиғиб олиниши маълум бўлди. Агентлик директори томонидан Республикада йирик наъматакни қайта ишловчи завод филиалини очишда амалий ёрдам берилиши айтилди.

✔️ Агентликка бириктирилган 3 та маҳаллаларда деҳқончилик ва чорвачилик драйвер йўналиш бўлганлиги учун аҳоли томорқаларида нархи қиммат бўлган доривор ўсимлик экиш таклифи берилди.

✔️ Қандиғон маҳалласида фойдаланилмаётган 400 гектар адирлик ерга хитойлик инвесторларни жалб қилиб доривор ўсимлик экиш бўйича амалий ёрдам берилиши таъкидланди.

Website | Telegram | Instagram | Facebook | Youtube

🔴 Ўзбекистон - Малайзия халқаро ҳамкорлик

❗️ Жорий йилнинг 5 февраль куни, Малайзиянинг Куала-Лумпур шаҳрида, Фармацевтика тармоғини ривожлантириш агентлиги директори Абдулла Азизов ушбу мамлакатнинг "Kotra Pharma", "Pharmaniaga" ва "UMC Berhad" компаниялари вакиллари билан учрашув ўтказди.

❗️ Учрашув давомида агентлик директори Ўзбекистон фармацевтика бозори, унинг ривожланиш истиқболлари ва инвестиция имкониятлари ҳақида маълумот бериб, компанияларни мамлакат фармацевтика саноатини ривожлантиришга сармоя киритишга чақирди.

❗️ Ўз навбатида, компаниялар вакиллари ўз фаолияти, халқаро бозордаги иштироки ва агентлик билан қандай ҳамкорлик қилиш йўллари ҳақида тақдимот қилдилар.

✔️ Учрашув якунида, томонлар ўзаро маълумот алмашишни давом эттириш, ҳамкорликни йўлга қўйиш ва потенциал лойиҳалар бўйича биргаликда ишлашга келишиб олдилар.

Website | Telegram | Instagram | Facebook | Youtube

🔴 Ўзбекистон - Миср халқаро ҳамкорлик

❗️ Ўзбекистоннинг Мисрдаги элчихонаси кўмагида, Фармацевтика тармоғини ривожлантириш агентлиги, “Паркент-фарм” ЭИЗ иштирокчиси “Magnit Grand Farm” корхонаси вакилларидан иборат делегация Миср пойтахти Қоҳира шаҳрида жойлашган "Minapharm Pharmaceuticals" компаниясида учрашув ташкил этилди.

✔️ Учрашувда "Minapharm Pharmaceuticals" компанияси вакиллари компаниянинг тарихи, ютуқлари, илғор технологиялар, биотехнология ва бошқа инновацион соҳалардаги фаолияти ҳақида маълумот берди.

📌 "Minapharm Pharmaceuticals" – бу Миср, Африка ва Яқин Шарқдаги етакчи фармацевтика компанияси бўлиб, Германиянинг Берлин шаҳрида ва Қоҳирада бир нечта шўъба корхоналари билан минтақадаги биринчи биофармацевтика компанияси ҳисобланади. Компания кичик молекулалардан тортиб мураккаб генетик муҳандислик оқсиллари ва бошқа илғор даволаш усулларигача бўлган саломатликни сақлайдиган ва ҳаётни яхшилайдиган 100 дан ортиқ дори маҳсулотларини ишлаб чиқаради.

✔️ Агентлик вакиллари "Minapharm Pharmaceuticals" компанияси фаолияти билан яқиндан танишди ва Фармагентлик фаолияти, Ўзбекистонда фармацевтика саноатини ривожланиш босқичлари, инновациялар, фан ва таълимни қўллаб-қувватлаш орқали амалга оширилаётган ишлар ҳақида маълумот берилди.

✔️ Учрашув якунида "Minapharm Pharmaceuticals" компанияси Ўзбекистоннинг “Magnit Grand Farm” корхонаси билан ҳамкорликда “Паркент-фарм” ЭИЗ ҳудудида янги лойиҳаларни ҳамкорликда амалга ошириш бўйича келишиб олдилар.

Website | Telegram | Instagram | Facebook | Youtube