Biz intizomga asoslangan (Fuko tilida aytganda "Disciplinary Society") jamiyatda emas, balki muvaffaqiyatga asoslangan (achievement society) jamiyatda yashaymiz. Muammo esa ushbu ikki davrdagi jamiyat a'zolarining munosabatlaridan yuzaga chiqadi. Bu xalqaro darajadagi jarayon boʻlib, bizning jamiyatimizni ham maʼlum maʼnoda aks ettiradi. Negaki, tashqi yaltir yulturlar bilan (har narsa boʻlishi mumkin, koʻproq zamonaviy vositalar, texnologiya sarqitlari) oʻzi uchun komfort pufagi yasayotgan (soxta) qatlam muvaffaqiyat jamiyatining tipik namunasi boʻlib, bora bora u oʻziga barpo etayotgan pufagi kengayib, yorilish ehtimoli bor. Ammo ungacha oʻzi uchun ichki yangi qatlamlar ham hosil qilishi mumkin. Tashqaridan kuzatadigan shaxsga shu bois ham, bunday nafis pufak abadiydek koʻrinish beradi va tabiiyki, u bunga intiladi, biroq pufakning ichiga pufakka allergiyasi borlar, hamda begonalar kirolmaydi.