Umidxon | IT-Blog

... Qisqasi ramazon aytishni bilmayman, kichkinaligimda ham aytmaganman. O'zi aytish shartmi? Agar shartmas deb o'ylasangiz:

👉 https://tirikchilik.uz/umidxon_polatxonov

P.S: Maksimal limit qo'yilmagan 😁👉👈

#ad #just #ramazon

Dasturchi bo‘lish belingizga qimmatga tushishi mumkin.

Belimiz badanimizning juda kuchli qismi. Butun badanimizni aynan belimiz ko‘tarib turadi. Kuchli bo‘lgani uchun ham u osondan osonga og‘rib qolavermaydi. Uni og‘ritish uchun oylar va yillar davomida sekin sekin zarar yetkazib borishingiz kerak.

Zarar bu noto‘g‘ri o‘tirish, ko‘p bosim berish va hokazo. Dasturchi sifatida, va umuman bir joyda o‘tirib ish qiladigan inson sifatida, esa bunday zarar berish ancha oson. Kunning asosiy qismini o‘tirib o‘tkazamiz axir. Yomon tarafi bu jarayon juda uzoq davom etgani uchun va og‘riq darhol bilinmagani uchun ko‘pchilik uni oldindan bartaraf qilish haqida o‘ylamaydi.

Ana endi men o‘tgan yili tushunib yetgan narsani siz bilan bo‘lishaman. Yillar davomida azob bergan belingiz agar og‘rib qolsa, uni tuzatish ham juda qiyin bo‘ladi. Shuncha chidab yurib taslim bo‘lgan belingiz uzoq vaqt davomida o‘ziga keladi. Bir haftada tuzalib qoladigan shamollash emas bu. Haftalar, oylar davomida fizioterapiya, sport, va doktorlarning boshqa maslahatlaridan foydalanib, yuzlab/minglab dollar pul sarflab o‘ziga keladigan muammo bu.

Siz ham joyingizda ko‘p o‘tirsangiz bu xatoni qilmang. Oldindan belingizga sarmoya qiling. Men shaxsan quyidagilarni qilganman: 

1. Sport/Gym. Deadlift menimcha juda foydali mashq bel uchun.

2. Standing Desk. Kechgacha o‘tiraverish yaxshi emas. Ora-orada turib ishlab turish yaxshi.

3. Sifatli kreslo. Herman Miller, masalan.


Ha, qimmat. Lekin belingizni tuzatish undan-da qimmatroqqa tushishi mumkin.

@jakhonrakhmonov

“Menga do‘stlaringni ko‘rsat, men esa kimligingni aytaman.”

Do‘stlarimiz - bizning aksimiz va o‘zimizning tanlovimizdir. Atrofimizdagi insonlarning ta’sirini inkor etib bo‘lmaydi. Odatlarimiz, dunyoqarashimiz va maqsadlarimiz ko‘pincha eng ko‘p vaqt o‘tkazadigan insonlarimiz ta’sirida shakllanadi.

Biroq hozirgi davrda do‘stlardan ham kuchliroq ta’sir ko‘rsatuvchi omil – biz iste’mol qilayotgan kontentdir. Ko‘pincha o‘zimiz sezmagan holda vaqtimizning katta qismini turli xil kontent tomosha qilishga sarflaymiz.

Bu jarayonning o‘zi ham "iste’mol" deb ataladi. Xuddi ovqat kabi, qabul qilayotgan kontentimizga ham e’tiborli bo‘lishimiz kerak. Tanamizni zaharlaydigan yoki salomatligimizga zarar yetkazadigan taomlardan saqlanganimiz kabi, ongimizni buzishi yoki keyinchalik salbiy ta’sir ko‘rsatishi mumkin bo‘lgan kontentdan ham uzoq bo‘lishimiz lozim.

Siz ko‘rayotgan kontent kelajakda qanday inson bo‘lishingizni belgilab beradi. Agar asosan dasturlashga oid materiallarni tomosha qilsangiz – dasturchiga, sportga oid kontent iste’mol qilsangiz – sport mutaxassisiga aylanasiz. Agar ma’nosiz, foydasiz kontent bilan vaqtingizni o‘tkazsangiz...

Shunday qilib, xabarning boshidagi iqtibosni hozirgi davrga moslasak:

“Menga iste’mol qilayotgan kontentingni ko‘rsat, men esa kim bo‘lishingni aytaman.”

Hammasi odamlar bilan bo'ladi.

Ish. Aqlli va samimiy odamlar bilan ishlab hech zerikmaysiz yoki charchamaysiz.

Sayohat. Pozitiv va harakatchang odamlar bilan sayohatingiz maroqli va esda qoladigan bo'ladi.

Oila. Mehribon va pozitiv umr yo'ldosh bilan og'ir kunlaringiz ham yengilroq o'tadi.

Proyektlar. Mexnatkash va tirishqoq sheriklar bilan jarayondan zavq olasiz.

Shu yil siz uchun shunday odamlarni o'z hayotingizga qarshi oladigan yil bo'lishi tilab qolaman 🙂

👆Suhbatlarda eng ko'p tushadigan mavzulardan biri