Urganch davlat universiteti Matbuot xizmati|RASMIY

UrDU rektori Urganch tumanidagi oʻziga biriktirilgan yoshlar xonadonlarida bo′ldi

Mahallalarda yoshlar bilan ishlash masalalarini muvofiqlashtirish maqsadida viloyat komissiyasining qarori bilan 2024-yilda alohida ishlash talab etiladigan yoshlar viloyat OTM rektorlari qatori Urganch davlat universiteti rektori Baxrom Abdullayevga ham biriktirilgan.

Shu munosabat bilan bugun, 19-aprel kuni rektor B.Abdullayev va rektor maslahatchisi R.Sharipovlar Urganch tumanining “Oʻrta doʻrman” mahallasida yashovchi ijtimoiy himoyaga muhtoj, kam ta′minlangan yoshlar bilan uchrashish maqsadida xonadonlarda boʻldi.

Xususan, ushbu mahallada yashovchi Sarvinoz Allanazarova, Feruza Jabborovalarning uylarida boʻlib, yoshlarning ijtimoiy holatini yaxshilash, mavjud muammolarini hal qilishga koʻmaklashish maqsadida yoshlar va ularning oila aʼzolari bilan suhbatlashdi, yashash sharoitlari bilan tanishdi. Muammolari va qiziqishlarini oʻrgandi.

Jarayonlar davom etadi.

©️UrDU Matbuot xizmati
🌐 Sayt| Telegram| Facebook|Instagram|  YouTube

- Ilm-fan, ta’lim va tarbiya, ma’naviyat – biz uchun ustuvor masaladir!

Bugun, 19-aprel kuni Urganch davlat universitetida Respublika Ma’naviyat va ma’rifat markazi rahbari Otabek Hasanovning talaba-yoshlar bilan uchrashuvi boʻlib oʻtdi.

Uchrashuvda Urganch davlat universitet rektori Baxrom Abdullayev, universitet rahbar xodimlari va tyutorlari, Urganch davlat pedagogika instituti rektori Feruza Madraximova va instituti rahbar xodimlari hamda har ikkala OTM talaba-yoshlari ishtirok etishdi.

Ochiq va samimiy muloqot tarzida o’tgan uchrashuvda O.Hasanov yoshlarga kitob mutolaa qilish inson ma’naviyatini yuksaltirishda muhim ahamiyat kasb etishini uqtirib, oʻz hayotiy tajribalari bilan oʻrtoqlashdi. Milliy an’ana va qadriyatlarimizga bo’lgan hurmat hissi va Vatanga bo’lgan muhabbat, sadoqat tuyg’ularini shakllantirishda kitoblarning oʻrni borasida toʻxtaldi. Talabalarga oldilariga aniq maqsad qoʻyishlari, oʻz ustilarida muntazam ishlashlari lozimligini taʼkidladi. Har bir inson hayoti davomida oʼqishi shart boʼlgan 10 ta kitobni tavsiya qildi.

Talabalarda katta taassurot qoldirgan Otabek Hasanov bilan muloqot qizg‘in, muhokama va savol-javoblarga boy bo‘lib, uchrashuv yakunida O.Hasanov faol ishtirok etgan talaba-yoshlarga o’zining “Liderlar kitobi” ni sovg’a qildi.

©️UrDU Matbuot xizmati
🌐 Sayt| Telegram| Facebook|Instagram|  YouTube

🛡PROKUROR VA YOSHLAR UCHRASHUVI

Bugungi kunda yoshlarni har tomonlama qoʻllab-quvvatlash, ular bandligini taʼminlash, yoshlarning har bir qatlami bilan manzilli ishlash, ularni qiynayotgan muammolarga yechim topish davlatimiz siyosati darajasiga koʻtarilgan.

Shu munosabat bilan bugun, 19-aprel kuni Xorazm viloyat prokurori Muradxon Axmedovning Urganch davlat universiteti talabalari bilan uchrashuvi boʻlib oʻtdi.

Talabalarni muammolarini tinglash va hal etish, ularni oldida turgan to'siqlarni bartaraf etishga ko'maklashish, shuningdek, IT va tadbirkorlikka qiziqtirish maqsadida tashkil etilgan ushbu ochiq muloqot UrDU rektori Baxrom Abdullayev raisligida tashkil etildi.

Unda talabalar bilan ochiq va erkin ruhda suhbat olib borgan viloyat prokurori M.Axmedov bugungi kunda yoshlar orasida uchrayotgan huquqbuzarlik va jinoyatchilik holatlari haqida soʻz yuritib, yoshlarni huquqlari, burch va majburiyatlari haqida to'xtaldi. Davlatimiz tomonidan yoshlarni har tomonlama qoʻllab-quvvatlash maqsadida yaratilayotgan sharoit va imkoniyatlarga toʻxtalib, ulardan oqilona foydalanishga chaqirdi.

Shuningdek, mazkur uchrashuvda Raqamli texnologiyalar vazirligi Xorazm viloyati hududiy boshqarmasi boshlig‘i Z.Karimov, Kambag‘allikni qisqartirish va bandlik boshqarmasi boshlig‘i o‘rinbosari A.Ilxomov, Markaziy bank viloyat bosh boshqarmasi boshlig‘i o‘rinbosari R.Atajanov hamda Yoshlar ishlari agentligi viloyat boshqarmasi boshlig‘i T. Jumaniyozovlar tomonidan yoshlarni qo‘llab-quvvatlash borasida o‘zlarining yo‘nalishlari bo‘yicha olib borilayotgan ishlari yuzasidan ma’lumot berildi.

Uchrashuv davomida talaba-yoshlar ham oʻz fikr-mulohazalari, takliflari bilan faol qatnashdilar.

Muloqot yakunida universitetda tahsil olayotgan kam taʼminlangan oila farzandlariga sovgʻalar, IT yoʻnalishida oʻqish istagini bildirgan talabalarga bepul oʻqish uchun yoʻllanmalar, bir guruh talabalarga kitoblar jamlanmasi topshirildi.

©️UrDU Matbuot xizmati
🌐 Sayt| Telegram| Facebook|Instagram|  YouTube