Ulug‘bek Inoyatov

#munosabat

❗️ Maqsad – ezgu, vazifalar – qat’iy!

Har bir insonning barqaror faoliyat va daromad manbaiga ega bo‘lishi mamlakat barqarorligi uchun ham muhim. Kambag‘allikni qisqartirish shu ma’noda natijasi uzoq yillarga xizmat qiladigan, kam daromadli oilalarning hayoti va tasavvurini butunlay o‘zgartirib yuboradigan keng ko‘lamli siyosatdir.

Prezident huzurida o‘tgan, mahallalarda kambag‘allikni qisqartirish bo‘yicha qilingan ishlar sarhisobi va 2025-yil uchun ustuvorliklarga bag‘ishlangan videoselektor yig‘ilishida ushbu hayotiy masala yana bir bor tanqidiy tahlil qilinib, oldinda turgan qat’iy vazifalar aniq ko‘rsatib o‘tildi.

Aytish kerakki, keyingi yillarda mamlakatimizda kambag‘allikni qisqartirish bo‘yicha mahallalar va oilalargacha yetib boradigan, o‘rgatish, ishontirish va qo‘llab-quvvatlashga yo‘naltirilgan, aytish mumkinki, dunyoda o‘xshashi yo‘q tizim yaratildi.

Birgina joriy yil boshidan 4 ta tajriba doirasida 3 million 300 ming aholi doimiy daromadga ega bo‘lgani qayd etildi. Bu qanchadan-qancha oilalarning hayoti o‘zgarganini anglatadigan muhim raqamlar.

Yig‘ilishda Davlat rahbari ishlar hamma joyda ham birdek samarali tashkil etilmayotganini tanqid qildi. Mahallaga tushib, odamlar muammosiga befarq qaramaslik zarurligi, hamma o‘zgarishi shartligi qat’iy uqtirildi. Har bir oila tinch va farovon bo‘lishi bilan bog‘liq masalada o‘zibo‘larchilikka yo‘l qo‘yib bo‘lmaydi.

2025-yilda 5 milliondan ziyod aholini daromadli qilish, 1,5 million odamni kambag‘allikdan chiqarish mahallabay hisob-kitob qilingani aytildi. Mutasaddilarga qator vazifalar yuklatildi. Xususan, kelgusi yilda 30 ta tumanda baliqchilik, quyonchilik, chorvachilik va asalarichilik bo‘yicha kooperatsiyalarni ko‘paytirish topshirildi, bunga 500 milliard so‘m yo‘naltirilishi belgilandi. Kooperatsiyalar nisbatan faol, lekin hamkorlik, hamjihatlik va boshqa masalalarda imkoniyatlar topa olmayotgan yurtdoshlarimizni qo‘llab-quvvatlashga, mahallalarda intiluvchanlik va manfaatdorlik muhitini yaxshilashga xizmat qiladi.

Oilalarning nafaqat huquqiy, balki moliyaviy xabardorligini oshirish uchun ham chora-tadbirlar yo‘lga qo‘yilgan. Ularning ijrosi bo‘yicha ham o‘rganishlar olib borish muhim.

Raqamlarga ko‘ra, o‘tgan 6 yilda oilaviy tadbirkorlik dasturi doirasida 750 ming aholi kreditini vaqtida qaytarib, daromadli biznesga ega bo‘lgan. Ulardan 58 mingi yangi korxona ham ochgan. Shu ikki misol ham doimiy daromad manbaiga ega bo‘lish yo‘lida yurtdoshlarimizni qo‘llab-quvvatlash naqadar hayotiy samaralar berishini ko‘rsatib turibdi. O‘ylab ko‘raylik, bugun oilaviy ish yuritayotgan oilalarning aksariyati 5-6 yil avval kambag‘allik chegarasida yashardi. Bugun ular boshqalarga madad bo‘lmoqda.

Partiyamiz faollari, deputatlik birlashmalari bilan kambag‘allikni qisqartirishga doir har bir dastur va me’yoriy hujjat, har bir vazifaning bajarilishi bo‘yicha jamoatchilik va deputatlik nazorati ta’sirchanligini oshirishimiz zarur. Kelgusi yil uchun Harakat dasturimizda, doimiy rejalarimizda bu masalani kun tartibidan tushirmaymiz.

Hududlardagi faollarimiz joylardagi targ‘ibot uchrashuvlarida elektoratimiz vakillarini yangi tashabbuslarga rag‘batlantirish, huquqiy ko‘mak berish choralarini kuchaytiradi.

Telegram | Facebook | Instagram

🎉 Muvaffaqiyat tilaymiz!

O‘zbekiston Respublikasi Fanlar akademiyasi umumiy majlisida Shavkat Ayupov Fanlar akademiyasi prezidenti etib saylangani haqida xabardan quvondim.

Vatanimiz qahramoni, ilm-fanning haqiqiy fidoyi insonini yuksak sharaf bilan tabriklab, yuksak mas’uliyatli faoliyatida ulkan yutuqlar yor bo‘lishini tilayman.

Sh.Ayupov O‘zbekiston Xalq demokratik partiyasining faxriysi, xalq deputatlari Toshkent shahar Kengashidagi guruhimiz a’zosi, Oliy Majlis Senati a’zosi sifatida ham barchamizga, mamlakatimiz yoshlariga ibrat bo‘lib kelmoqda.

Safimizda shunday samimiy, yurtparvar va jonkuyar insonlar borligidan faxrlanamiz.

Telegram | Facebook | Instagram

❗️ Bugun bo‘lib o‘tgan partiya fraksiyasi yig‘ilishida Mehnat kodeksiga o‘zgartirish va qo‘shimchalar kiritish to‘g‘risidagi qonun loyihasi ham muhokama qilindi.

Endilikda, fuqaro muhofazasiga qaratilgan “mehnat huquqlarining tengligi, mehnat va mashg‘ulotlar sohasida kamsitish, tazyiq va zo‘ravonlikni taqiqlash” prinsipi o‘zgartirilishi taklif etilyapti. Shuningdek, kamsitish sifatida baholanadigan holatlar ro‘yxatiga “terisining rangi, oilaviy ahvoli, siyosiy qarashlari” bilan bog‘liq holatlar ham kiritilmoqda.

Mehnat jarayonidagi tazyiq va zo‘ravonlikni hamda ushbu holatlar yuzasidan ko‘rilgan choralarni idoraviy odob-axloq komissiyasida yoki kasaba uyushmasi vakili ishtirokida bayonnoma tuzgan holda batafsil muhokama etishi ish beruvchining majburiyatlariga kiritilmoqda.

Boshqa xodimga nisbatan tazyiq va zo‘ravonlik sodir etgan yoki tahdid qilgan xodimni ish beruvchi tashabbusi bilan boshqa ishga o‘tkazish va mehnat shartnomasini bekor qilish amaliyot qo‘llanilishi qonunan belgilanmoqda.

Loyihada, shuningdek, ishlayotgan erkaklar farzandli bo‘lganda turmush o‘rtog‘iga yordam berish va boshqa farzandlariga qarab turishi uchun qisqa muddatli ta’tilga chiqishi bilan bog‘liq me’yorlar taklif etilmoqda.

✅ Loyihaga ko‘ra, yangi farzand ko‘rgan otalarning turmush o‘rtog‘iga yordam berish uchun ixtiyoriy ravishda o‘z arizasi bilan belgilangan muddatlarga ta’til olishi va ish haqini o‘rtacha oylik miqdorida saqlab qolishi mumkin...

Telegram | Facebook | Instagram

🎉 Tabriklaymiz va minnatdorlik bildiramiz!

Yurtimiz sportchilari Bahraynda bo‘lib o‘tgan og‘ir atletika bo‘yicha jahon chempionatini 3 ta oltin, 1 ta kumush va 2 ta bronza medali bilan muvaffaqiyatli yakunlagani barchamizni xursand qildi.

👏 Ayniqsa, Ruslan Nurudinov o‘zi o‘rnatgan jahon rekordini yangilab, kuchli iroda va matonat ko‘rsatib, uch karra jahon chempioni degan sharafli natijaga sazovor bo‘ldi.

❗️ Yuksak g‘alabalar bilan xalqimiz, yoshlarimizning iroda kuchini dunyoga namoyon etayotgan sportchilarimizni tabriklaymiz va samimiy minnatdorlik bildiramiz!

Telegram | Facebook | Instagram

#munosabat

Barqarorlik uchun muhim loyihalar

Kecha biz yana bir tarixiy voqeaga guvoh bo‘ldik. Davlatimiz rahbari yangi energetika quvvatlarini ishga tushirish hamda navbatdagi loyihalar qurilishiga start berishga bag‘ishlangan tantanali marosimda ishtirok etib, aholini va iqtisodiyotimizni barqaror energiya bilan ta’minlash istiqbollari haqida muhim fikrlarni bildirdi.

Umumiy qiymati 7 milliard dollardan ziyod 24 ta loyiha ishga tushirilishi mamlakatimizda energetika tizimi barqarorligini oshirish bo‘yicha qilinayotgan ishlarning ko‘lamini ko‘rsatib turibdi.

Quvonarli reja va loyihalar shular bilan cheklanib qolayotgani yo‘q. Shu kunlarda Farg‘ona, Samarqand, Navoiy, Toshkent viloyatlari va Toshkent shahrida 2,5 ming megavattli 6 ta elektr inshooti qurilish arafasida turgani qayd etildi.

Yirik loyihalarning asosiy qismi chet el investitsiyalari hisobiga ishga tushirilayotgani yurtimizdagi siyosatga, iqtisodiyotimizning istiqboliga va albatta xalqimizning bunyodkorlik salohiyatiga yuqori ishonchning amaliy ifodasi hisoblanadi.

Energiya barqarorligi islohotlar samarasi uchun, hududlarning, soha va tarmoqlarning ijtimoiy-iqtisodiy rivojlanishi uchun, har bir inson uchun juda muhim. Yangi loyihalar orqali kelgusi yillarda qo‘shimcha 9,5 milliard kilovatt soat elektr ishlab chiqarilib, 2,5 milliard kub metr tabiiy gaz tejaladi, 4,6 million tonna zararli gazlar chiqishining oldi olinadi. Eng muhimi, 4 milliondan ziyod xonadon uzluksiz toza energiya bilan ta’minlanadi. Bu iqtisodiyotning boshqa sohalarida ham 4 milliard dollarlik qo‘shilgan qiymat yaratishga turtki beradi.

Yana bir masalani unutmaslik kerak. Ya’ni, energetika sohasidagi o‘zgarish va yangiliklar nafaqat ichki siyosatda hamda iqtisodiyotda, balki mamlakatning tashqi siyosatida, turli davlatlar va xalqaro tashkilotlar bilan munosabatlarda strategik ahamiyat kasb etadi.

Energo-tizimda barqarorlikka erishilishi aholi turmush darajasi yaxshilanishi uchun xizmat qiladi. Yangi ish o‘rinlari, doimiy daromad manbalari yaratiladi, ishlab chiqarish va servis rivojlanadi. Shuning uchun ham Xalq demokratik partiyasi bu yo‘nalishdagi zarur islohotlarni qo‘llab-quvvatlaydi. Shu bilan birga, soha rivojiga javobgar mutasaddi idora va tashkilotlar yanada mas’uliyatli bo‘lishi muhimdir.

Telegram | Facebook | Instagram

#munosabat

❗️  Ijtimoiy davlat – inklyuziv jamiyat

Muhtojlarga yordam berish, qiynalganning qo‘lidan tutish kabi ezgu fazilatlar xalqimizning qonida bor. Ota-bobolarimiz ehtiyojmandlarga yelka tutib, buning xotirjamligi va qalb osoyishtaligi bilan baxt yaratgan.

Davlatimiz rahbari raisligida o‘tgan ijtimoiy himoya sohasidagi ishlar natijadorligi va 2025-yil uchun ustuvor vazifalar muhokamasiga bag‘ishlangan yig‘ilishda bildirilgan fikrlar barchamizni bu haqda chuqur o‘ylab ko‘rishga, shunga qarab rejalar tuzishga undadi.

Har qanday davlatda ham, har qaysi zamonda ham yordamga muhtoj, kam ta’minlanganlar, ko‘p bolali, nogironligi bor yoki yolg‘iz qariyalar uchraydi. Adolatli jamiyat esa ularni tashlab qo‘ymaydi, himoya qilishni o‘z zimmasiga oladi. Bugun Yangi O‘zbekistonning erkin bozor munosabatlariga o‘tish sharoitida ijtimoiy adolat va ijtimoiy barqarorlikka asoslangan xalqparvar siyosati xalqaro minbarlarda e’tirof etilayotgani kishiga mamnuniyat bag‘ishlaydi.

Davlatimiz rahbari boshchiligida ijtimoiy himoya bo‘yicha erishilayotgan natijalar buni tasdiqlaydi. Yig‘ilishda qayd etilganidek, mahalladagi ijtimoiy xodimlar uyma-uy yurib, shu yil reyestrda bo‘lmagan yana 95 ming muhtoj odamga yordam ko‘rsatdi. 51 ming odamga nogironlik belgilandi, 26 mingi protez oldi, nogironligi bor 5 ming bola bog‘cha-maktabga joylashdi. Bu raqamlar oddiy raqamlar emas, ularning ortida qanchadan-qancha yurtdoshlarimizning rozi-rizoligi masalasi bor.

Eng muhimi, bu raqamlar, belgilangan yangi vazifalar ijtimoiy davlat tamoyillarini mustahkamlab, yurtimizning inklyuziv jamiyatga aylanishiga mustahkam asos yaratmoqda.

Uch oy oldin viloyat va tumandagi 14 ming rahbar 75 ming kambag‘al oilaga biriktirilib, ular bilan individual ishlash yo‘lga qo‘yildi. Natijada, shu kunga qadar kambag‘al oilalardagi 17 ming odam doimiy ishga joylashtirildi, tadbirkorlik va tomorqa orqali 14 ming aholining daromadi oshirildi, 30 ming bola bog‘cha, to‘garak va kasbga o‘qitish bilan qamrab olindi, 45 ming muhtoj aholiga tibbiy yordam ko‘rsatildi.

Bu juda katta va tarixiy ahamiyatga ega natijalar, deb o‘ylayman. Bunga erishilgani mamlakatda ijtimoiy-iqtisodiy islohotlar samarali amalga oshirilayotganini anglatadi.

Yig‘ilishda davlatimiz rahbari bu masalaga ham alohida e’tibor berdi. Kelgusi yilda 1 million 200 ming aholini kambag‘allikdan chiqarish uchun ta’lim, to‘garak, kasb-hunar, tibbiyot masalalarini hal qilish va yashash sharoitini yaxshilash zarurligi ta’kidlandi.

👆 Mamlakatda ijtimoiy himoyani kuchaytirish, kambag‘allikni qisqartirish jarayonlarida faol ishtirok etish Xalq demokratik partiyasining muhim siyosiy vazifasi hisoblanadi. Vazifalar va yangi tashabbuslarni to‘liq qo‘llab-quvvatlaymiz. Ularning samarali amalga oshishida faol ishtirok etishni burchimiz, deb bilamiz.

Telegram | Facebook | Instagram

Bugun fraksiya yig‘ilishida “O‘zbekiston Respublikasining Ma’muriy javobgarlik to‘g‘risidagi kodeksiga jamoat transportidan foydalanish samaradorligini oshirishga qaratilgan o‘zgartirish va qo‘shimchalar kiritish haqida”gi qonun loyihasi ham ko‘rib chiqdi.

Sir emaski, so‘nggi yillarda mamlakatimiz, ayniqsa, poytaxt yo‘llarida tirbandliklarni kamaytirish hamda aholiga qulayliklar yaratish maqsadida jamoat transportiga ustuvorlik berish yo‘nalishida amaliy choralar ko‘rilmoqda. Biroq qonunchilikdagi bo‘shliqlar jamoat transportidan foydalanishning samaradorligiga jiddiy ta’sir qilmoqda.

Jumladan, bugungi kunda qonunchilikda jamoat transporti uchun alohida ajratilgan yo‘laklarda harakatlangan transport vositalari haydovchilari uchun javobgarlik choralari nazarda tutilmagan. Natijada, yengil transport vositalari mazkur yo‘laklarda bemalol harakatlanib, jamoat transportining harakatiga to‘sqinlik qilmoqda. Qonun loyihasi bilan Ma’muriy javobgarlik to‘g‘risidagi kodeksga yangi modda kiritilib, qoidabuzarlarga javobgarlik belgilash taklif etilyapti.

Deputatlar loyihada keltirilgan takliflar bo‘yicha bir qator savollar bilan murojaat qildi. Istisno qilish mumkin bo‘lgan holatlar yuzasidan takliflar bildirildi.

Telegram | Facebook | Instagram

🎉   8-dekabr — O‘zbekiston Respublikasi Konstitutsiyasi qabul qilinganligining 32 yilligi!

Telegram | Facebook | Instagram

XDP fraksiyasining bugun bo‘lib o‘tgan yig‘ilishida 2025-yil uchun Davlat budjeti to‘g‘risidagi qonuni loyihasi muhokama qilindi.

Qonun loyihasiga ko‘ra, birinchi darajali budjet mablag‘larini taqsimlovchilar uchun respublika budjetidan ajratiladigan mablag‘lar hamda mahalliy budjetlarga ajratiladigan tartibga soluvchi budjetlararo transfertlar miqdorlari tasdiqlangan. Mahalliy budjetlar daromadlari va xarajatlari prognozlari, davlat maqsadli jamg‘armalari budjetlarini ham qonun bilan belgilash ta’minlanadi.

Ikkinchi o‘qishda muhokama qilingan budjetnoma loyihasi yuzasidan fraksiya a’zolari qator savollar bilan murojaat qildi.

Xususan, transformatorlarni modernizatsiyalash, fan va ta’limni rivojlantirishga qaratilgan ilmiy ishlarni moddiy qo‘llab-quvvatlash kabi yo‘nalishlar uchun yo‘naltirilayotgan mablag‘lar miqdoriga oydinlik kiritildi. Ijtimoiy himoya sohasiga ajratiladigan mablag‘ haqida ham qo‘shimcha ma’lumotlar olindi...

Telegram | Facebook | Instagram

❗️ Bugun partiya Markaziy Kengashi va Qonunchilik palatasidagi fraksiyasining kengaytirilgan qo‘shma yig‘ilishi bo‘lib o‘tdi.

✅ Oliy Majlis Qonunchilik palatasi va Senatning saylovdan keyingi birinchi majlislarida ilgari surilgan parlamentning qonun ijodkorligi va nazorat faoliyatini har tomonlama rivojlantirish, siyosiy partiyalar dasturlarini amalga oshirish bilan bog‘liq muhim g‘oya va tashabbuslardan kelib chiqib, yig‘ilishda partiya tashkilotlari va deputatlik birlashmalari oldida turgan dolzarb vazifalar, saylovdan keyingi ishlarni samarali tashkil etish bilan bog‘liq masalalar atroflicha muhokama etildi.

👆 Davlat va jamiyatni rivojlantirish, elektorat manfaatlarini himoya qilish jarayonlarida faol ishtirok etish zarurligi ta’kidlandi.

❗️ Saylovda parlament va xalq deputatlari mahalliy Kengashlarida erishilgan natijalar, qo‘lga kiritilgan 1200 dan ortiq deputatlik o‘rinlari partiya g‘oya-maqsadlarini qat’iy ilgari surish, Saylovoldi dasturini amalga oshirish imkonini beradi. Faqat buning uchun barcha tuzilmalarimizda ishni aniq reja, izchil sa’y-harakatlar asosida tashkil etishimiz zarur.

📄 Saylovoldi dasturimizda ilgari surilgan har bir g‘oya va tashabbusni ro‘yobga chiqarish maqsadida ishlab chiqilgan partiyaning 2024-2029-yillarga mo‘ljallangan Harakat dasturi taqdim etildi.

❗️ Shuningdek, joylarda qonunlar va davlat dasturlari ijrosi ustidan tizimli deputatlik nazoratini o‘rnatishda xalq deputatlari Kengashlaridagi partiya guruhlarining roli va mas’uliyatini oshirish bo‘yicha tavsiyalar berildi.

Telegram | Facebook | Instagram

#munosabat

❗️  Davlat byudjeti loyihasi, reja va raqamlariga qarab, mamlakatdagi ijtimoiy siyosat haqida xulosa qilish mumkin.

2025-yilgi Davlat byudjeti loyihasida aholining turmush darajasini oshirish, yangi ish oʻrinlari yaratish, bandlik va daromadlar oʻsishini taʼminlash, ehtiyojmand insonlarni himoya qilish davlat siyosatining muhim yoʻnalishlari sifatida aks etmoqda.

Bunday yondashuv yurtimizda ijtimoiy barqarorlik va birdamlikni mustahkamlashda dolzarb ahamiyat kasb etishini alohida qayd etish lozim.

Loyihada Davlat byudjetining ijtimoiy soha va aholini ijtimoiy qoʻllab-quvvatlash xarajatlariga jami ajratilgan mablagʻlarning 52 foizi rejalashtirilmoqda. Bu partiyamizning dasturiy maqsadlari hamda elektorat manfaatlariga har tomonlama mos keladi.

Xalq demokratik partiyasi fraksiyasi ayrim masalalarga alohida ahamiyat berish lozim, deb hisoblaydi.

Davlat byudjetini shakllantirishda birinchi navbatda Davlat dasturidagi ijtimoiy sohaga oid loyihalarni resurs bilan taʼminlash lozim. Bu borada izchil deputatlik nazoratini oʻrnatish hamda mazkur yoʻnalishda ijro hokimiyati bilan hamkorlikni izchil yoʻlga qoʻyish maqsadga muvofiq boʻladi.

Kelgusi yilda soliq toʻlovchilar sonining ortishi va yashirin iqtisodiyot hajmini kamaytirish hisobiga Byudjet mablagʻlarini oshirish, shu boʻyicha Hukumat qatʼiy choralar koʻrishi lozim, deb hisoblaymiz.

Fraksiyamiz aʼzolari qonun loyihasini qoʻllab-quvvatlagan holda, oʻz takliflari asosida uni takomillashtirishda, ijrosida faol ishtirok etadi.

Telegram | Facebook | Instagram

❗️ Bugun partiya fraksiyasining yig‘ilishida 2025-yil uchun Davlat budjeti loyihasi ko‘rib chiqildi.

👆 Loyiha 2026-2027-yillar uchun budjet mo‘ljallari asosiy makroiqtisodiy ko‘rsatkichlar kutilmalari asosida ishlab chiqilgan.

📈 2025-yilda yalpi ichki mahsulotning 6 foiz o‘sishi prognoz qilingan. Yalpi ichki mahsulotning ko‘zlangan o‘sish sur’atlari sanoatda ishlab chiqarishni 6,1 foiz, qishloq xo‘jaligida 4,1 foizga, xizmatlar sohasida 5,4 foizga o‘sishi hisobiga ta’minlanishi prognoz qilinmoqda.

Mazkur rivojlanish ko‘rsatkichlariga har bir sohada boshlangan tarkibiy islohotlarni sifatli davom ettirish orqali erishish maqsad qilingan.

⁉️ Fraksiya a’zolari Budjeti loyihasida aholining turmush darajasini oshirish, yangi ish o‘rinlari yaratish, bandlik va daromadlar o‘sishini ta’minlash, ijtimoiy himoya davlat siyosatining muhim yo‘nalishlari sifatida aks etayotganiga e’tibor qaratdi...

Telegram | Facebook | Instagram