#Расмий_Муносабат
‼️
Фарғона шаҳридаги автотураргоҳда содир қилинган безорилик ҳаракати юзасидан жиноят иши қўзғатилди. Маълум бўлишича, жорий йилнинг 11 апрель куни Фарғона шаҳардаги “Шодлик Қиргули авто” МЧЖда назоратчи бўлиб ишловчи З.С. (аёл) ҳамда Фарғона-Тошлоқ йўналишида қатновчи ҳайдовчи Б.О. ўртасида ўзаро келишмовчилик ортидан жанжал келиб чиққан. Жанжалга Б.О. нинг яқин қариндоши Т.О. ҳам аралашиб, З.С.ни қўли билан уриб тан жароҳати етказган.
Дастлабки тиббий маълумотномага кўра, фуқаро З.С. юз қисмида енгил тўқималарнинг лат ейиши тан жароҳати аниқланган.
Мазкур ҳолат юзасидан Фарғона шаҳар ИИО ФМБ томонидан ЖКнинг 277-моддаси 2-қисми “в” банди билан жиноят иши қўзғатилиб, дастлабки тергов ҳаракатлари олиб борилмоқда.
Фарғона вилояти ИИБ Ахборот хизмати👉
@FARGONA_UZ — Фарғонадаги энг тезкор янгиликлар канали!