Tingla Hayot | #freePalestine 🇵🇸

@Tingla_Hayot

Гео и язык канала: Узбекистан, Узбекский

Категория: Книги

Qo'lingdan kelgan (yaxshi) narsalar uchun javobgarsan - deb aytaman o'zimga-o'zim..
🤷‍♂️👨‍💻
Murojaat uchun: @TinglaHayot_bot

Связанные каналы | Похожие каналы

Гео и язык канала

Узбекистан, Узбекский

Категория

Книги

Статистика

Избранное

Фильтр публикаций

Скрывать удаленные

Скрывать репосты

Tingla Hayot | #freePalestine 🇵🇸

31 Jan, 19:07

#kundalikdan

"Boychechak" aytib bahor kelganini bildirish odati bor bizning yosh bolakaylarda. Ramazon aytishga o‘xshaydi. Birinchi martga qadar butun fevral oyi aytib yurishadi, pul yig'ishadi.

Qay bir payt, bahorning allaqachon 3-haftasi kirib kelayotganida 4-5 yoshli bitta bola "boychechak" aytib kelib qoldi. Allaqachon bahorligini aytib hazillashib bir-ikki luqma tashlagandim, qarasam bolani yelkasi cho'kib ketyapti. Uyalyapti deb o'yladim. Bolada deb qo'liga pul tutqazib, o'zimcha xursand qivordim.

Ko'p o'tmadi, o'sha bolani yana "boychechak"da yurib lekin yig'layotganini ko'rdim. Shu darajada uzoqda yasharkanki, qanday qilib shuncha joyga kelganini, nima sababligiga qiziqdim. Bola hiqqillab "Ayam kasal" deb aytoldi xolos.. Yig'lavordi. Shu darajada g'alati bo'ldim-ki...

Xayolimga 3 kun oldingi hazillarim keldi. O'zimdan nafratlanib kettim. Tagini surishtirsak dori-darmon uchun atigi 3 mln so'm yetmayotgan ekan. Hammasi xayrli tugadi, lekin o'sha payt qilgan hazillarim bolani miyasida chuqurcha bo'lib qolganligini doim o'ylab kelaman.

Fevral shu voqea bilan qay bir ma'noda assotsiatsiya qoldirgan. Qayerda shunaqa odat bo'lsa, iltimos, darvozalaringizni qulflab qo'ymang, bolalarni jerkimang.

@Tingla_Hayot

106 0 0

Tingla Hayot | #freePalestine 🇵🇸

30 Jan, 17:51

Jadval - 1.pdf

16.1Кб

m.t - muddatli to'lov;

internet do'kon - passport orqali berishgan, ba'zi keyslarda boshqacharoq;

raqamli bank - onlayn mikrokredit olish usulidan foydalanishgan, bunda kartadagi tranzaksiyalar tarixi muhim;

kontrakt - aynan shuni ta'lim kreditiga umuman aloqasi yo'q, bu xususiy tashkilotlar tomonidan ajratilgan mikrokredit. Maqsadi kontrakt to'lash xolos;

P.S. Aytilgan summalarda foizlari hisoblanmagan. Mikrokreditlar uchun shu summa berilgan, undan tashqari notarial hujjatlar uchun ketadigan summa (barchasida) mijozni o'zi tomondan to'langan. Mashina uchun kamida 1 mln so'm ketarkan. Muddatli to'lovlar uchun ham yakuniy summa yozilmagan, foizlar bilan ko'tarilib boraveradi. Maksimal soddalashtirishga harakat qildim, xatolik bo'lsa malomat qilmaysizlar.

158 0 0

Tingla Hayot | #freePalestine 🇵🇸

30 Jan, 17:50

Ochig‘i barchasini o‘tirib tahlil qilayotganimda - bu oxiri tugallanmaydigan yo‘ldek ko‘rindi. Chunki shahar bannerlari allaqachon mana shunaqa reklamalarga to‘lgan. Har kuni shu tashkilotlar mashinalarga flayerlar qistirib ketishadi. Ijtimoiy tarmoqlarda ham kuniga 7 martadan ko‘p shu turdagi reklamalarga ko‘z tusharkan. Yana bitta fakt, differensial va annuitetning ham farqiga boradiganlar juda kam. O‘ylardimki, odamlar pul bilan bog‘liq ishlarda ancha hushyor va tiyin-tiyinigacha hisoblashadi deb - ozroq adashibman. Yana bitta taxminim - ko‘pchilik raqamli banklardan olgan bo‘lsa kerak degan mujda bor edi. Yo‘q, Samarqanddagi o‘ta notanish tashkilotlardan (albatta men uchun notanish) millionlar olib - milliardlab topshirishyapti.

Shu postni o‘qiyotgan barchaga tavsiyam - bu kabi ishlarga eng majbur bo‘lib qolgandagi holatizda ham aralashmang. Bu har qanday tarafdan olganda ham zarar.

2/2

138 0 1

Tingla Hayot | #freePalestine 🇵🇸

30 Jan, 17:50

To‘laysiz-da..

Mavzuga qiziqishimga sabab islom moliyasi bo‘ldi. Qolaversa hozir muddatli to‘lov yoki bank orqali kreditga olib bo‘lmaydigan narsani o‘zi qolmadi. Atrof to‘la reklamalar, mikrokredit tashkilotlari chaqiriqlari, raqamli banklar. Shu sababdan 5-10 ta mikrokredit olgan odamlardan jonli so‘rovnoma olmoqchi bo‘ldim. Afsuski desammi yoki sal xursand bo‘lib aytishim kerakmi buni - odamlar juda oson topildi, hatto ular 20 tagacha yetdi. Xursand bo‘lishimga sabab ma’lumotning ko‘p bo‘lishligi, albatta. Katta kredit oluvchilardan so‘rab o‘tirmadim, chunki ulardan olganlarim faqat biznes egalarigagina qiziq bo‘ladi. Bu postda ko‘proq mikrokreditlar va muddatli to‘lovlar haqida gaplashamiz. Eng qizig‘i bu so‘rovnomadagi yigirmata odamdan birortasi ayol kishimas, hammasi erkaklar.

Demak suhbatlashgan odamlarimning 16 tasida mikroqarz (70 mln so‘mgacha), qolgan 4 tasida faqat muddatli to‘lov (12 mln so‘mgacha). Ularning har biriga quyidagi 9 ta savol bilan murojaat qildim:

1) Yoshingiz?
2) Oilaviy holatingiz?
3) Maoshingiz?
4) Qancha miqdorda qarzdorsiz? (kredit yoki muddatli to‘lovdan)
5) Qancha muddatga olgansiz?
6) Garovga nimani qo‘ygansiz?
7) Olishingizdan oldin oxirgi summa qancha bo‘lishini aytishganmi?
8) Nima majbur qilgan/sabab bo‘lgan?
9) Bu qarzni yopsangiz yana mikrokredit olarmidingiz/muddatli to‘lovga narsa xarid qilasizmi?

Bu natijalarni hammasini quyida pdf shaklida birma-bir qoldiraman. Hozir esa xulosalarim bilan bo‘lishmoqchiman. So‘rovnomamda qatnashgan odamlarning o‘rtacha yoshi - 25 yosh. Sabablar turlicha - lekin orasida odamlardan olgan qarzini yopish uchun ham mikrokredit olganlar bor. Mikrokreditlarning asosiy afzalligi - maqsad qiziq emasligida ekan. Ya’ni garov uchun nimadiringiz bo‘lsa bo‘ldi. Muddatli to‘lovlarga esa umuman farqi yo‘q - pasport kifoya. Jarayon shu qadar oson qilib qo‘yilganki, raqamli banklar o‘ylamasdan ham qarz berib yuborishyapti ekan. Buning uchun pasport ma’lumotlari va yaxshi ustabuzarmon bo‘lish yetarli ekan. Shunga qaramasdan so‘rovnomada 21 yoshdan kichkina odam yo‘q. Juda ko‘p tashkilotlar yoshga chegara qo‘yishgan. Bu degani 18 yoshdan keyingi moliyaviy mustaqillikka erishish mumkinligiga hali beri ishonch yo‘qligini (tashkilotlar tomonidan) bildiradi. Va yana bir qiziq holat - ko‘pchilik (60%ga yaqin) olayotgan kreditining so‘ngi nuqtasi ya’ni umumiy to‘lov qancha bo‘lishini aniq bilmaydi. Shunchaki oydan-oyga kamayib borishi juda kuchli motiv bo‘lib beradi, xolos. Muddatli to‘lovlar bundan mustasno, albatta. Yana bir qiziq holat halol nasiya deb olingan telefon keysida bo‘ldi. Oxirigacha hisoblashni o‘ziga ep ko‘rmagan odam bilan birga siqildik - bank foizida 90%! Mana shuni “halol nasiya” deyishyapti va “jigar to‘laysiz-da” deb o‘tkazishyapti. Oylik maoshining deyarli yarmini yarim yil telefon uchun sarflash - bilmadim qanchalik to‘g‘ri. Shu darajada bunaqangi ishlarga o‘tirib qolyapmizki, yigirmata odam juda oson topildi. Boshida yoqimli ko‘rinadigan oson pulni qayta olishga 95% odam qarshi chiqdi. Faqat bir kishida "bu ikkinchisi, uchinchisiniyam olsam kerak” degan javob bo‘ldi. Yana e’tirof qilinadigan jihati shuki, mikrokreditlar asosan kichik bizneslarni qo‘llab-quvvatlash uchun olinadi - lekin mendagi qatnashuvchilarning hammasi maishiy muammolarini hal qilish uchun bu pulni olishga rozi bo‘lishgan. Hech birining kichik biznesi yo‘q!

1/2

137 0 2

Tingla Hayot | #freePalestine 🇵🇸

27 Jan, 15:37

Репост из: Iqtisodchi Kundaligi

“Kosasi oqarishi” haqida bir fikr keladi menga: deyarli hamma tovarlarni narxlarini hukumat belgilaydi — chunki aksar tovarlar uchun bozor mavjud emas. Hali ham bozor iqtisodiyotini yarata olmadik. Eng muhim bozorlardan biri — energetika. Bu iqtisodiy tarmoqda vatanimizda hech qachon bozor mavjud boʻlmagan ham. Endi qarang, bozor boʻlmaganligi uchun qaysidir energetika turini tanlashgani kimni aybi, xalqnimi yoki qaror qabul qilganlarnimi? Menimcha xalqni aybi emas.

Hozir masalan boshqa masalalar ham bor, deylik suvni juda koʻp isteʼmol qilishimiz bor — ayniqsa qishloq xoʻjaligida. Bunga kim aybdor? Fermermi? Albatta yoʻq. Aybdorlar shu suvga egalik qilmagan davlat tashkilotlari. Milliardlab tonna suv qumga ketadi — nimaga? Chunki ariqlar betonlashtirilmagan. Nimaga betonlashmagan? Chunki suvni isrof boʻlishini xarajatlari hech kimni boʻyniga zarar boʻlib yozilmaydi. Xalq boyligi xolos. Uni isrof boʻlishi yoki tejalishi hech kimni manfaatida emas. Lekin nega suv qaysidir joyga yetib bormaydi? Yoki suvda uzilish bor degan savol qoʻyilsa — uni “isrof” qilayotgan xalq va fermerlar aybdor deb koʻrsatiladi. Bu menimcha adolatsiz tashxis va muammoni yechmaydi.
Mavjud oʻyin qoidalarni yaratadigan tashkilotlar — jumladan Oliy Majlis bor. Ular hukumatdan buni talab qilishlari kerak. Yaʼni agar nimadir sizningcha isrof boʻlayotgan boʻlsa, yoki notoʻgʻri taqsimlanayotgan boʻlsa, u yerdagi ragʻbatlarga qarang, balki shunday tarqatilishi tizimi tuzilgandir.

Gaz haqida ham fikr shunday. Gazni narxi va umumiy energetikani tarqatish tizimiga qaraylik. Nima uchun odamlar gaz ishlatadilar? U iqtisodiy maʼnoda “vigodno”mi yoʻqmi? Buni qanday bilib olamiz — narx orqali. Odamlar va korxonalar oʻzlari keyin biladi nima qilishni, istasa gaz yoqadi, istasa yoqmaydi. Lekin qiyshiq ragʻbatlar va no real narxlar orqali tuzilgan tizimda odamlar qanday energetika manbasini ishlatayotganlikda ayblash menimcha yaxshi emas.

Osonlashtirish uchun, bundan bir necha yil oldin, svet oʻchgan bozorda yurgandim, har bir doʻkonda dizeldan generator qoʻyilgan edi. Agar sanab koʻrsangiz, bir kv elektr energiyasi uchun, bu dizel generatorlarni yoqish juda qimmatga tushadi. Lekin nega ular dizel yoqishayotgan edilar qimmat boʻlsa ham? Chunki markazlashgan elektr energiyasi yoʻq edi, hech qaysi narxga. Oʻshanga qimmat boʻlsa ham, dizellik generator ishlatishga majbur boʻlishdi. Demak energetikada ham, boshqa bozorlar kabi, ikkinchi muqobiliga solishtiriladi, agar siz hech qaysi narxda svet ola olmasangiz, dizel generatordan chiqqan elektr narxi ham, yoʻqdan koʻra boʻlaveradi. Xuddi shunday, uyini koʻmirda “burjuykada” isitayotgan, tashqarida oʻchoqda ovqat qilayotgan uy xoʻjaliklari uchun — har qanday narxdagi gaz olish - ozini oqlaydi — chunki alternativasi oʻta qimmat. Endi bordi-ku arzon narxdan elektr bilan uylarni taʼminlashsa va uy xoʻjaliklari hisoblab koʻrib elektr gazdan arzonroq ekan degan xulosani koʻrishsa, aminmanki hech kim gaz yoqishni istamay qoʻyadi. Lekin bu tanlov berilmagunicha bu haqida gapirish hali erta.

Toʻgʻrisi, menga bu gap oldin dollarni alishtirishga boʻlgan taqiq haqidagi mulohazaga oʻxshadi. Oʻshanda ham, “qiynalib ishlab topgan dollariga chet eldan ayollarni ichki kiyimini olib keladigan xalqni kosasi oqarmaydi” deyishgan edi. Bu aytmoqch iqtibos.

252 0 2

Tingla Hayot | #freePalestine 🇵🇸

16 Jan, 18:25

Naqadar uzundir, og'irdir bu yo'l,
Dalalar yastanib yotar ko'k kabi.
Tig'lar xotiramni osmon - cheki yo'q,
Tizginsiz bu shiddat kenglik asabi.

Bu kenglikda o'ylar meni g'ijimlar,
Ul ko'z qofiyasin sudrab keladir.
Qancha qochsang, shuncha qilgay hujumlar,
O'q singari xotiramni tiladir.

Tegramda zich havo - ona Turkiston,
Yorgay tomirimni ko'r hayajonim.
Bu maydon ichinda men to'kmagan qon,
Mening uni deya ayagan jonim.

Yana yiroqlarga chorlaydi moziy,
Vatan tushunchasi kelar yetaklab
Ayrilgan, xo'rlangan ulus ovozin.
Shoiring beshigi aytar ertaklar.

Yassaviy maqbari mung'aymish mag'rur.
Tovushga aylandi har bir g'isht rangi.
"Dunyo mening deganlar.." Nido kelur.
"Karkas qushdek.." Qadim so'zlar jarangi.

"Yolg'on da'vo qilganlar.." So'zlar shoir,
"Oqni qaro qilganlar.." Ayting, kimlar?!
Maqbara boshimga yiqilar hozir,
Yana tovush: "Harom yegan hokimlar.."

Parchin-parchin bo'ldi yodim simlari,
Simlar - ko'zlarimga mil tortgan chizgu.
O'tgan ulug'larni eslayman barin,
Xotirot mozori - Turkiston mangu.

Kecha sodiq o'g'ling o'tdi dunyodan,
Saxiy inson edi, u shoir edi.
Sanchilib yashaydi bir umr yodda,
Ketayotib men yig'lab bo'ldim dedi.

Yig'la endi, ko'zim, sen-da yig'lab ol,
To'ysin ko'z yoshingga bu turkiy sitam.
To'ysin, Vatan yodi chidar bemalol,
O, sabr daraxti, qutlug' Turkiston.

Naqadar uzundir, og'irdir bu yo'l..

Rauf Parfi, 1981-yil
Iymon Asiri kitobidan.

@Tingla_Hayot

437 0 1

Tingla Hayot | #freePalestine 🇵🇸

15 Jan, 20:54

Репост из: Abu Bakr Fozilov

Diskleymer: Bu motivatsion post emas va gap orzular haqida ketmayapti. Yuqoridagi fikrlarning pastda yoziladigan gaplarga aloqasi bo‘lmasligi ham mumkin. Barchasi shunchaki intriga uchun yozildi. Gap nima haqida ketayotganini tushunmasligingiz ehtimoli ham bor va bu sizning aybingiz emas)

Man bir akani ma’lum vaqtdan beri taniyman. Kanalini ko‘pdan beri kuzataman. O‘zi bilan salom-aligimizga bir yildan oshdi. O‘sha aka o‘tgan yili bir necha yillik orzularidan biriga erishdi. Bu uchun ancha ter to‘kdi, pul yig‘di, tajriba to‘pladi, turli xil sinovlardan o‘tdi, sabr qildi va o‘z maqsadiga erishdi. Albatta, buni odatiy hayot yo‘li deyishimiz mumkin edi, agarda u odam shuncha harakatlari evaziga “birovning bratishkasi” degan quruq tuhmatli tamg‘aga loyiq ko‘rilmaganida.

Ko‘pchilik anglaganidek, gap “Yog‘du” nashriyoti ta’sischisi Muhammad Amin Mirsaidov haqida boryapti. Nashriyot ochishni birinchi abzasda aytilgan o‘sha ikki xil orzuning bir qo‘lda tutib turilishi deb hisoblayman: orzuyingdagi biznes, jamiyatga foydang tegadi, hissiy qoniqish va samarali tizim o‘rnatolsang, o‘zing istagan moddiyatga ham erishish mumkin. Qanchalik yoqimli holat bu! Yakunda, sanab o‘tilganlardan hech biri o‘xshamagan taqdirda ham inson uchun yoqimli tajriba bo‘lardi nashriyot ochish. Va yana, agarda u odam shuncha harakatlari evaziga “birovning bratishkasi” degan quruq tuhmatli tamg‘aga loyiq ko‘rilmaganida. O‘ta sentimental odam sifatida aytaman: buni qabul qilish judayam og‘ir.

O‘sha 1000kitob loyihasi bo‘yicha mashmashalarga umuman aralashmadim. To‘g‘ri-da, mani fikrim nimaniyam o‘zgartirardi. Ustiga-ustak tayinli fikrim ham bo‘lmasa. Lekin ayrimlarning manfaatlar to‘qnashuvi deb bir insonning yarim umrlik orzusi ustidan mag‘zava ag‘darishayotganiga jim qarab turmaslik kerak, deb hisobladim. Gap-so‘zlar mayli, shuncha nashriyot ichidan aynan “Yog‘du”ga nisbatan korrupsion ish ochilgani kulgimni qistatyapti.

Muhammad Amin akani o‘zidan ahvol so‘rab yozdim. Xurshid Yo‘ldoshevning uzoq yillik tanishi yoki bratishkasi emasman, deyapti. 1000kitob ofisiga borganda birinchi marta ko‘rishgan. O‘g‘irlik qilmagani uchun bu surishtiruvlardan umuman xavotirda emas. Lekin e’tiborimni tortgani, agar aybsizligi isbotlansa, unga qarshi gap tarqatganlarni tuhmat uchun sudga berish niyati ham yo‘q. Man bu harakatni populizm deb hisoblamayapman. Akani hech kimdan da’vosi yo‘q, shunchaki tinch qo‘yishsa bo‘ldi degan fikrda. O‘rnida bo‘lganimizda, ko‘pchiligimiz Navoiydan Toshkentga kelib, hammani yig‘ib, birma-bir bahslashib, qo‘polroq aytganda barcha tuhmatlar uchun “so‘ravolardik”. Shaxsan man shunday qilardim.

Yozayotganlarim qanaqadir “zakaz” post emas. Aks holda kattaroq auditoriyasi bor biror jurnalist-bloger tomonidan yozilgan bo‘lardi. Mani gapim esa qaygayam borardi, zakazga nimadir yozsam. Shunchaki o‘zimizga o‘xshagan bir odamni, xuddi manikiga o‘xshagan orzulari ustidan balchiq tortishayotganini qabul qilolmay yozdim bularni.

Ayrim “ziyoli”lardan farqli o‘laroq, bu masalada kimgadir tuhmat qilmaslikka farosatim yetadi. Kimdir nimadir o‘g‘irlagan bo‘lsa, sudga tortilsin. Xuddi shunday, tuhmat qilganlar ham!

Hech qanaqa dalilim yo‘q. Shuning uchun aniq fikr bildirishdan yiroqman. Lekin bir qoida bor: Bunaqa katta masshtabdagi loyihadan pul o‘g‘irlash uchun 3 kishilik jamoa kamlik qiladi. Tankning balonini yog‘och tish kovlagich bilan teshib bo‘lmasligini bilish uchun ziyoli bo‘lish shart emas. Tankni ishdan chiqarish uchun kattaroq kuchlar kerak! “Yog‘du” ustidan shikoyat qilayotganlar o‘sha “kuchlar” emas deb umid qilaman.

E’tiboringiz uchun rahmat! Orzularingiz uchun kurashing va ularni oyoqosti qilishlariga yo‘l qo‘ymang! Haqiqat hamisha g‘alaba qilaversin, agar u bo‘lsa)

@phaziloff

376 0 0

Tingla Hayot | #freePalestine 🇵🇸

10 Jan, 19:07

Результаты конкурса:

Победители:
1. Usmon🇵🇸 (@Usmon715)
2. Surayyo 🇵🇸🇵🇸 (@m_surayyo_sh)

Проверить результаты

500 0 1

Tingla Hayot | #freePalestine 🇵🇸

10 Jan, 17:47

Suyukli bobomiz haqlariga duoda bo'lib turinglar. Salomatliklaridagi muammolarga siz azizlarning duolari eng yaxshi shifo, in shaa Allah.

475 0 1

Tingla Hayot | #freePalestine 🇵🇸

7 Jan, 21:00

Konkurs!

"Muqaddima" va "Fors Nomalari" asarini kimgadir sovg‘a qilmoqchiman. Ikkita g‘olib bo‘ladi va g‘olib xohlagan kitobini tanlab olishi mumkin. Hech qanaqa kanalga a'zo bo‘lish shartmas, shu kanalda borliklarizni o‘zi yetadi menga :)

Ishtirok etish uchun "Qatnashaman" so‘zi ustiga bosishingiz yetarli. Bot Jum'a kuni 21:00'da g‘olibni aniqlaydi. Qolaversa o‘zingizning qanday odam ekanligizni ham bilib olishingiz mumkin, qani shu haqida do‘stlaringizga ichingizdan hech nima o'tmay, samimiy ulasholasizmi yo‘qmi?) Omad.

Qatnashaman (90)

1.8k 1 13

Tingla Hayot | #freePalestine 🇵🇸

5 Jan, 18:57

00:44

Видео недоступно для предпросмотра

Смотреть в Telegram

2021-yil o‘zbek tilidagi bor podcastlarni ikki qatorga sig'dira olgan ekanman. Qariyb 4 yil o‘tdi, hozir ertalabgacha aytib ham tugatolmasam kerak.

Bor. HiMayli Podcast'ni bilaman. Balki BMP ham podcast'ga kirar, chunki unda ham turli xil mavzularga o'z munosabatlarini bildirishadi.

@Tingla_Hayot

576 0 1

Tingla Hayot | #freePalestine 🇵🇸

31 Dec 2024, 10:43

Репост из: 🇵🇸 Paradise | Personal Blog

00:58

Видео недоступно для предпросмотра

Смотреть в Telegram

"Davlat" kitobini o'qir ekanmiz, asar qadimgi Yunon qadriyatlarini o'zida mujassam ettirgan holatda, Suqrotning quyidagi so'zlari bilan boshlandi: "Kecha men Aristonning o'g'li Glavkon bilan birgalikda ma’budaga sig'inish uchun Pireyga bordim, bundan tashqari, ma’budaning bayramini qanday o‘tkazayotganliklarini ham ko‘rmoqchi edim".

Va asarda, "Zevs nomi bilan ont ichamanki", "Zevsga qasamki" kabi jumlalarni qahramonlar aktiv ishlatib borishadi. Bu bizga davr va joy atmosferasini to'liq anglash uchun yordam beradigan qimmatli manbadir, aslida. Chunki hozirgi zamonga kelib ham, hayotimizning ko'p jabhalarida qadimgi yunon falsafasiga, atamalariga va an'analariga murojaat qilmoqdamiz. Siyosatdan tortib kalendargacha hamma yo'llar qadimgi Yunonistonga olib boradi.

Biroq meni tanimaganlar ko'p qiziqishadi nega tug'ilgan kunni oddiy kundek qabul qilishimga, odamlarni tabriklamasligimga va o'zim ham sovg'a va tabrik qabul qilmasligimga. Mantiqiy jihatdan, men yilida bir marta emas, iloji boricha har kuni loyiq ekanligimni his qilib yashaydigan davra a'zosiman. Biologik jihatdan, meni tug'ilishimga sababchi odamlar tabrik va sovg'alarga haqlidir. Hujuvatingiz ko'tarsa, borib ularning ko'nglini oling. Marketing jihatidan, men istemolchi jamiyatning iste'molchi a'zosi emasligimni aniq belgilab olganman.

Diniy jihatdan, menga bu kunni bazm-u jamshidda o'tkazishim uchun biror tayinli fatvo berilmagan. Tarixiy jihatdan esa, qadimgi Misrda Fir'avnning Xudo sifatida tug'ilishini nishonlash tadbiri va qadimgi Yunonistonda oy xudosiga sig'inish rituali hisoblangan (har bir detali bir amaliyot, hatto, tort va shamlar, uning puflanish jarayoni ham), hozirgi kunga qadar yetib kelgan bu an'anani nishonlash naqadar to'g'ri?

Endi esa, katta munozaralarga olib kelgan yangi yil bayramini nishonlamasligim haqida. Bu ham xuddi o'sha sabablar bilan bog'liqdir. Ushbu kun haqida videoda biroz ma'lumot berilgan. Aniqki, din ilmida ham, ilm-fanda ham eng cho'qqida emasman, ammo "nima uchun?" degan savolni berish men uchun qiyin emas. Ayniqsa, XXI asrda ma'lumot topish juda osondir.

Marketing kurslarida o'qigan va bir necha yillik tajribaga ega shaxs sifatida ham shuni aytamanki, ratsional kishilarni diniy fobiyalaringiz bilan assotsiatsiya qilmasdan, o'zingizga savol va javob berishdan qo'rqmasdan bir o'ylab ko'ring-chi: siz iste'mol qilayotgan mahsulotlarning tarkibigayam qiziqmasdan sotib olishingiz, qaysidir musiqani eshitishingiz, qaysidir hazilni tilingizga olishingiz, qaysidir sportchini deb jon kuydirishingiz, qaysidir usulda kiyinishingiz — hammasi o'zingizning tanlovingizmikan yoki qayerdadur sizning psixologiyangiz yaxshilab hisob-kitob qilib chiqilgan?

Ongli jamiyatda yashashni istar ekanmiz, ongli holatga ko'chishni qabul qilish darajasiga yetishimiz va jamiyat ongli ravishda surib chiqarayotgan narsalardan rostakamiga voz kecha olishga irodali bo'lishimiz kerak, azizlar. Kim ham mahsulotlari inson sog'ligiga foydali, ta'lim sistemasi to'g'ri, turmush qurish oson, birta aniq kun emas, har kunini bayramdek o'tkazadigan, tarbiyasi koinot darajasida raso jamiyatda yashagisi kelmaydi.

Buning uchun hamma jamiyatda talab yo'q narsalarga talab yo'qligini ko'rsata olishi kerak. Bunga harakatlar ziyolilar tomonidan boshlab berilganida "Jadidlar" davri edi. Ya'ni haligacha davom etmoqda, Xudoga shukr. Lekin ba'zi intellektual qatlam a'zolarimiz borki, haliyam har qanday o'zgarishni nimagadur islomafobiyalari bilan qabul qilisholmaydi.

Shunaqalarga maslahatim, shu islomofobiyangiz o'zingiznikimi yoki kimgadur sizni shunaqa programmalash kerak bo'lganmi, bir sarhisob qilib ko'rsangiz. O'zingizniki bo'lsa, shifo tilayman. Kimdirning ta'sirida bo'lsangiz, ilm oling. Yana bir gap, men bunaqa rituallarni nishonlaydiganlarga "Nishonlama", demayman, avvalo, qadriyatim gapirsin. Ikkinchidan, menga ham kelib "Nishonla", deyishga hech kimning haqqi u yerda tursin, sababi ham yo'q. Shuning uchun, faktlar olamida bir-birimizni tushunib yashashga nima yetsin.

Hamma gapim shu.

534 0 2

Tingla Hayot | #freePalestine 🇵🇸

30 Dec 2024, 20:37

Kitob o'qishim sustlashgan bir paytda sizlarga film tavsiya qilmoqchiman. Bugun bitta yaxshi, bitta yomoni haqida ozgina qaydlar.

The Platform 2 (IMDb 5/10)

Aslida o'rtacha va yomon filmlar haqida yozgim kelmaydi, bo'lmasa shunchalik ko'p trash ko'rganmanki, asti qo'yavering. The Platform'ning birinchi qismi juda yoqqan, shuni ta'sirida ikkinchisini ham ko'rdim. Filmda ramziy ma'noda Zamyatin (antiutopiya janridagi "Biz" asarining muallifi) nomini qo'llashgan. Birinchi qismidan farqli ravishda bu qismda asosan fanatizmga uchmaslik ilgari surilgan. Nomlar alohida qilib bog'lab chiqilgani hisobiga va ulardan umuman bexabarligim ta'sirida jumboqdek bo'lib qoldi. Yana yoqmagani ingliz tilining "fransuzcha" shevasidan boshim og'rib ketti. Bilamizki Netflix aktyor va aktrisa tanlashda oxirgi paytlar juda no'noq. Faqatgina birinchi qismdagi amakini ko'ribgina ozgina film ichiga kira oldim. Xullas ko'p g'ingshiyverib, nolib bazo'r oxirigacha yetib bordim. Lekin tan olish kerak Squid Game 2 va The Platform 2 ham birinchisidek chiqmadi. Ularning g'oyalarini, aytmoqchi bo'lganlarini muhokama qilish maroqli - lekin avvalgisidek emas. Squid Game haqida yozmaganimni sababi final mavsumi keyingi yil chiqarkan, tugallanmagan va o'ta qisqa qilib taqdim qilingan serialga hozircha fikr bildirgim kelmayapti. Lekin bu yomon ekanligini inkor qilmaydi.

*_*

Nowhere (IMDb 6,3/10)

Random uchrab qolgan filmlardan bittasi. Filmning asosiy qismida homilador ayol bolasi va o'zi uchun Atlantika okeanining o'rtasida oddiy konteynerda jon saqlashga harakat qiladi. Ko'p ma'lumot ham izlamadim, shuning uchun okean nomi haqida faktga ega emasman va bu tahmin shunchaki Irlandiya yaqinida bo'lgani uchungina yozdim. Filmning real hayotga umuman aloqasi yo'q ekan ya'ni Skandinaviya mamlakatlarida bunaqangi fuqarolar urushi va harbiy harakatlar bo'lmagan. Sababi aynan bir tuzum sababsiz homilador ayollar va bolalarni o'ldirishni yoki asossiz uydan olib ketishni boshlaydi. Tabiiyki bu siyosiy boshboshdoqlik fonida xalq oddiy suv uchun ham oxirgi nafasigacha kurashadigan qilib qo'yiladi. Umumiy planda istalgan uchinchi dunyo mamlakatini qo'ysangiz bo'ladi. Asosiy motiv emotsiyalaringizga o'ynab har yili dengiz va okeanlarda yaxshi hayot uchun umid bilan kelishga harakat qilib yo'lning o'zida yarmini qurbon qiladigan muhojirlarning o'sha vaziyatdagi qiyinchiliklari, matonati haqida uqtiradi. Jahon Sog'liqni Saqlash statistikasiga ko'ra 300,000 dan ziyod migrantlar dengizda omonatlarini topshirishgan. Ularning chorak qismi 5 yoshdan kichik bolalar. Bu aniqlangani xolos, bilamizki bu narsani aniqlash doim abstrakt - chunki noqonuniy va na migrant chiqib kelgan hukumat va na shartli ravishdagi istalgan migrant kirib kelmoqchi bo'lgan hukumat buni aniqlay olmaydi. Shuning uchun ham film nomi 'Nowhere' bo'lsa kerak ya'ni hech qayerdan hech qayerga, o'ligi ham tirigi ham mavhum.

Xullas judayam oddiy ssenariy orqasidan hissiyotingiz bilan o'ynashadi bu film va bu muammoga chuqurroq e'tibor qaratishga chaqiradi. Shukrki biz suvdan yiroq davlatmiz, oddiy 'Meksika orqali Amerika' vasvasasida qancha yurtdoshlarimiz o'lib ketayotganligini ham bilmaymiz. Tasavvur qiling dengiz yoki Okean yaqin bo'lsada bu chegara bizni Buyuk Britaniyaga eltsa.. Bu har kungi daxshatli xabarlarning yanayam bir nechtaga ko'payishi degani.

@Tingla_Hayot

450 0 0

Tingla Hayot | #freePalestine 🇵🇸

30 Dec 2024, 20:20

- Have you heard about the broken windows theory? If a place is already filthy, it's easier on the human psyche to make it dirtier, rather than clean it.

🎬 The 8 Show
@Tingla_Hayot

383 0 1

Tingla Hayot | #freePalestine 🇵🇸

29 Dec 2024, 18:46

https://youtu.be/7Un3pTENopc?si=LBgG--mXUexsjyfL

07. Agar Dunyo - Shahriyor (Album 7)

(Usmon Azim, Bakhrom Primkulov, Oliver M. Smith) Produced by Oliver. M. Smith, Bakhrom Primkulov. Mixed by Bruno Ellingham. Guitars by Furkat Vakhabov. Mastering by Loud Mastering, Bristol, UK. Video by Rustam Meliev and Oxun Ubaydullaev.

436 0 4

Tingla Hayot | #freePalestine 🇵🇸

27 Dec 2024, 09:23

Репост из: Kun.uz | Online

Falastinlik 100 nafar bolalar va ayollar Oʻzbekistonga evakuatsiya qilindi

Oʻzbekistonning Misrdagi elchisi Mansurbek Qilichevga koʻra, 26-dekabr kuni ikki davlat Sogʻliqni saqlash vazirliklari bilan kelishilgan holda 100 nafar yarador falastinlik bolalar, ayollar va ularning hamrohlari Oʻzbekistonga evakuatsiya qilindi.

Oʻzbekiston hukumati falastinliklar bemor oilalarining barcha ehtiyojlari, jumladan, davolanish harajatlari, mehmonxona, maktab, oziq-ovqat va boshqalar bilan toʻliq taʼminlaydi.

👉 @kunonline

418 0 1

Tingla Hayot | #freePalestine 🇵🇸

25 Dec 2024, 06:34

Репост из: ustozation

@ustozation

481 0 2

Tingla Hayot | #freePalestine 🇵🇸

23 Dec 2024, 16:11

555 0 2

Tingla Hayot | #freePalestine 🇵🇸

19 Dec 2024, 16:44

05:19

Видео недоступно для предпросмотра

Смотреть в Telegram

Shayx Muhammad Sodiq Muhammad Yusuf bilan bo‘lgan avtohalokat haqida.

@Tingla_Hayot

773 0 10

Tingla Hayot | #freePalestine 🇵🇸

7 Dec 2024, 16:43

Tekin tavsiya

Uzoooq o'ylab, yozib-o'chirib bitta qarorga keldim. Do'zaxlik sudya (The Judge from Hell, 2024) serialini o'zingiz ko'rib xulosa qilishingiz kerak. Mening yozganlarim turtki bo'lmasligi, spoiler'lik qilib qo'ymasligim kerak. Va yana shuni aytamanki, din targ'ibotchisi emasman. Chunki serialni men emas, koreyslar ishlagan. Ularning 60%'i hech qanday dinga ishonmasligidan kelib chiqadigan bo'lsak - bu targ'ibot ularga kerak bo'lgan. Aslida g'oyalar o'xshash, baribir aytib qo'Ygan yaxshi. Qo'rqmasdan, vijdoningiz uyg'onmasdan ko'rmasligingizning iloji yo'q. O'zingizga beradigan kelajakdagi savollaringiz haqida ham ortiqcha to'xtalib o'tirmayman.

Inson o'z-o'ziga dushman, shu qatorda bu dushmanlik kuchaysa - o'zgalar uchun ham xavfli..

Adolat o'zi nima? Buni odam ta'riflab berolmasa kerak - o'zidan kelib chiqib adl izlaydi bu ulug' odamzod. Aslidachi?!

IMDb (7,8/10)

@Tingla_Hayot

651 0 3

Показано 20 последних публикаций.

1 208

подписчиков

Статистика канала

Язык сайта

Доход с телеграм-канала

Деньги с телеграм-канала

Заработок с телеграм-канала

Tingla Hayot | #freePalestine 🇵🇸

Гео и язык канала

Категория

1 208

Популярное в канале