🌙 Tahmid.Uz

#ҚЎРҚУВ ЁКИ ТАФАККУР...

Суқротнинг шифокор қўшниси бор эди. У ҳасад қилиб подшоҳга Суқротнинг "биринчи рақамли шифокор" номига номуносиб эканлигидан шикоят қилди. Подшоҳ унинг бу номга Суқротдан кўра муносиб эканлигини қандай қилиб исбот қилишини сўради. Шифокор деди:
- Мен унга заҳар бераман, у ҳам менга заҳар беради. Ким ўзини сақлаб қолса бош шифокор номига ўша муносиб бўлади.
Суқрот рози бўлди. Подшоҳ қирқ кундан сўнг кураш бўлиб ўтишини тайинлади.
Суқрот эртаси кунидан учта бақувват кишини топди. Уларга ҳалиги шифокорнинг кўз ўнгида бир идишга сувни қуйиб, сўнгра уни ҳар куни бошқа идишга алмаштириб туришларини буюрди. Бу иш қирқ кун давом этди.
Ниҳоят вақт бўлди. Суқрот у шифокор тайёрлаган заҳарни ичди. Унинг ранги сарғайди, иситмаси чиқди. Аммо у ўзини даволади. Сўнгра Суқрот ҳалиги уч киши қирқ кун давомида идишини алмаштириб турган сувни шифокорга берди. У сувни ичиб ўша заҳоти ўлди.
Суқрот подшоҳга деди:
- Мен унга фақатгина тоза сув бердим. Уни сув эмас, ғам ва ўйлов ўлдирди!
Сўнг Суқрот қолган сувни ичиб кўрсатди.

#Худди шунга ўхшаган яна бир воқеа. Оҳу соатига тўқсон километр тезлик билан югуради. Шер эса саксон беш километр тезликда югуради. Аммо оҳу шерга ўлжа бўлаверади. Оҳуни қўлга туширадиган нарса хавфдир. Шерлар қўрқув эгаллаган оҳунигина овлай олишади.
#Инсониятнинг ғалабаси ҳам ичидан бошланади, мағлубияти ҳам.
#Умайя ибн Ҳалаф ҳазрати Билол розиёллоҳу анҳуни қамчилаганида Билол инграб ҳам қўймади. Сўнгра Билолни қайнаётган қум устига ётқизиб устига катта ҳарсангни қўйиб яна қамчилади. Билол инграмади. Қора қул ўз хожасидан ана шундай озод бўлди. Буни сийрат китоблари айтади.
#Ҳақиқатда эса Билол ҳур эди. У ўз нафсини ҳур деб билар эди. У Умайянинг қули бўлсада, ислом унинг руҳини қулликдан озод қилган эди. Умайя эса "Дорун надва"да ўтирса ҳам, бутун Макка ундан ҳайиқса ҳам эски ва жоҳилона одатлар қули бўлиб қолган эди.
#Қисқаси, ғалаба омиллари қўлида бўлсада ичдан емирилганлар ҳеч қачон ғалаба қозона олмайди. Ичида куч топганлар эса муддат қанчалар чўзилмасин, барибир ғолиб бўлишади...

@Tahmid_uz

#ТАФАККУР...

#Қарийсан, кетасан, устингдан бир тупроқ тортишади, кейин эса таҳминан 20-30 йил сени кўмган фарзандларинг келишади зиёратингга, кейинги насл эса сени яхши танимайди ва сенинг қабринг ортиқ зиёрат қилинмайдиган қабрлар қаторига киради. Эсга олинмайдиган бир инсонга айланасан.

#Бобомизни эслаймиз улар ҳақида баъзан оилавий суҳбатларда гаплашамиз аммо, бобомизнинг бобосини танимаймиз, у ҳақида суҳбат ҳам қилмаймиз.

#Ҳаа, ана шундай ўчиб кетамиз ҳаммамиз бир кун.

#Инсоннинг қиймати қаерда? Аллоҳнинг ҳузурида! Аллоҳга бизга қиймат беради. Аммо сен Унга бу дунёда қиймат бермас экансан...

Вой ҳолингга...

Fatih Yağcı

@Tahmid_uz

#ЖАЪФАРНИНГ ОИЛАСИГА ТАОМ ҚИЛИБ БЕРИНГЛАР...

Жаъфарнинг кимлигини биласизми? У ҳақида Набий саллоллоҳу алайҳи ва саллам: “Сен менга яратилишинг жиҳатидан ҳам, хулқинг жиҳатидан ҳам ўхшайсан!”, деганлар.
У жуда ҳам гўзал, келишган йигит эди. У Ҳабашистонга ҳижрат қилган илк мусулмонларга бошлиқ эди. У Ҳабашистон подшоҳи Нажошийнинг олдида қурайш элчиси Амр ибн Осни баҳсда мағлуб қилган эди. У Набий саллоллоҳу алайҳи ва салламнинг қалбларидан мустаҳкам жой эгаллаган эди. Унинг Ҳабашистондан қайтиши Хайбар фатҳи вақтига тўғри келди. Набий саллоллоҳу алайҳи ва саллам уни кўриб шундай деган эдилар: “Қайси бири билан хурсанд бўлишни билмаяпман. Хайбар фатҳи биланми ёки Жаъфарнинг келиши биланми?”.
У тенгсиз баҳодир эди. Муъта жангида Зайд ибн Ҳорисадан сўнг қўмондон бўлди. Сўнгра бутун буюкликни ўзида жамлаб Муъта жангида ҳалоқ бўлди. Ҳижрат буюклигини, саҳобалик буюклигини, шаҳодат буюклигини...
Мадинада эса Расулуллоҳ саллоллоҳу алайҳи ва саллам Муъта жанги тафсилотларини ваҳий орқали кишиларга айтиб турган эдилар. Расуллоҳнинг қўмондонлари бирма-бир шаҳодат топганида уларга Мадинада туриб марсия айтиб турдилар. Охирида Аллоҳнинг қиличи Холид розиёллоҳу анҳу қўмондонликни қўлга олди. У мусулмонларни қийин вазиятдан олиб чиқиб кетди. У зотнинг маҳорати ҳалигача ҳарбий қўмондонларга дарс беради.
Ўшанда кишилар ўз яқинларини йўқотиб маҳзун бўлиб йиғлашди. Набий саллоллоҳу алайҳи ва саллам: “Жаъфарнинг оиласига таом қилиб беринглар. Уларнинг бошига уларни машғул қиладиган нарса келди”, дедилар.
Қандай буюк пайғамбар! Қандай буюк дин!
“Жаъфарнинг оиласига таом қилиб беринглар!”.
#Бу дунё йўқотиш дунёсидир. Бугун видолашамиз. Эртага биз билан видолашишади. Бугун биз тобут кўтарамиз. Эртага бизнинг тобутимизни кўтаришади. Аммо бу дин қийинчилик пайтида ҳам, енгиллик пайтида ҳам раҳмат динидир. Бу дин елкадош бўладиган, ҳамдард бўладиган, юпатадиган диндир. Инсонни кишилар ёнида туриши каби ҳеч нарса юпата олмайди. Расулуллоҳ саллоллоҳу алайҳи ва саллам бизга кишисини йўқотган хонадонларга таом қилиб беришимизни ўргатаяптилар. Чунки уларнинг бошига тушган мусибат уларни таом таёрлаш каби ишларга эътибор беришдан чалғитади. Бу дунё олди-берди дунёси экан. Бугун бизга инсонлар таом қилиб беришади. Эртага биз уларга таом қилиб берамиз. Аммо шуни билишимиз керакки, иш ошқозонни тўлдиришдан анча каттароқдир. У яраланган қалбни даволаш ва маҳзун дилни овутишдир.
#Йўқотишга учраган ҳар-бир хонадоннинг дардини енгиллатиш Расулуллоҳ саллоллоҳу алайҳи ва салламнинг: “Жаъфарнинг оиласига таом қилиб беринглар!”, деган гапларига амал ҳисобланади.
#Гоҳида маййит аҳлининг таъзия учун кенг уйи бўлмаслиги мумкин. Унга уйингизни бўшатиб берсангиз қани!
#Гоҳида маййит аҳли маросим харажатларига қийналиб қолади. Уларга ёрдам берилса қани!
#Гоҳида маййит аҳли йўқотган кишини даволашда бор будидан айрилади. Қани энди тирикларга ҳам, ўликка ҳам ёрдам берилса!
#Ибнул Жавзий роҳимаҳуллоҳнинг гапи қандай ҳам гўзал:
“Диннинг барчаси хулқ. Ким сендан хулқда ўзиб кетса демак динда ўзиб кетибди!”.

@Tahmid_uz

#ЮҚОРИДАГИ ҚЎЛ ПАСТДАГИ ҚЎЛДАН ЯХШИДИР...

Ҳаким ибн Ҳизом розиёллоу анҳу Расулуллоҳ саллоллоҳу алайҳи вас алламдан мол сўради. Унга мол бердилар. У яна сўради. Унга яна бердилар. Учинчи марта сўради. Учинчи марта ҳам бердилар. Сўнгра унга дедилар:
-Эй Ҳаким ибн Ҳизом! Бу мол ёқимли ва ширин. Ким уни нафс сахийлиги билан олса унга барака берилади. Ким уни нафси раҳбарлигида олса унга барака берилмайди. У ейди тўймайди. Юқоридаги қўл пастдаги қўлдан яхшироқдир.
Шунда Ҳаким ибн Ҳизом деди:
-Эй Аллоҳнинг Расули! Сизни ҳақ ила юборган Зот билан қасам ичиб айтаманки, дунёни тарк қилгунимча ҳеч кимдан ҳеч нарса сўрамайман!
Сўнгра Расулуллоҳ саллоллоҳу алайҳи ва саллам дунёдан ўтиб кетдилар. Абу Бакр розиёллоҳу анҳу халифалик даврларида инсонларга мол тарқатдилар. Ҳаким ибн Ҳизомни ҳам чақирдилар. Аммо у мол олишдан воз кечди.
Ундан сўнг Умар розиёллоҳу анҳунинг даврлари келди. У зот ҳам Ҳаким ибн Ҳизомнинг насибасини берганларида яна олишдан бош тортди. Шунда Умар розиёллоҳу анҳу кишиларга хитоб қилиб дедилар:
“Эй мусулмонлар жамоаси! Мен Ҳакимга ўлжадан улушини бердим. У қабул қилмади. Сиз бунга гувоҳ бўлинг!”.

#Қадимда: “Мол ёмон хўжайин ва яхши хизматкордир”, дейишар эди. Яъни, мол жамлашни ғоя қилиб олган киши гўё унга қулдир. Мақсади фақат молни кўпайтириш, ўсдиришдир. Ҳалолми, ҳаромми парво қилмайди. Кимки уни ғоя эмас, васила қилиб олса карим ҳолда яшаб карим ҳолда ўлади. Мол жамлаш айб эмас, аксинча инсоннинг мол жамлайдиган асбобга айланиши айбдир!
#Ким уни нафс сахийлиги билан олса унга барака берилади. Яъни, сўрамасдан, тамасиз,очкўзликсиз, берувчини мажбур қилмасдан, уни машаққатга қўймасдан олса унга барака берилади, кўпаяди, ўсади. Унга ҳалол ризқ бўлади. Инсон унинг лаззатини ҳис қилади.
#Қадимгилар “Ҳаё қиличи билан олинган нарса ҳаромдир!”, дейишган. Ким молни нафс раҳбарлигида олса унга барака берилмайди. Яъни, агар молни сўрашда қаттиқ туриб олиб, инсонлар қўлидаги нарсага кўз тикиб, берадиган кишини ҳам машаққатга қўйиб олса Аллоҳ ундаги баракани йўқ қилади. У қаноат қилмайди, рози бўлмайди, тўймайди!
#Аллоҳнинг азамати шундаки, у инсонларнинг баъзисини баъзисига муҳтож қилиб қўйди. Аммо Ўзининг ҳеч кимга эҳтиёжи йўқ. Тўғри, инсон мажбур бўлиб қолиб бировдан мол сўрашига тўғри келади. Биз бир-биримизни суяшга, қўллашга амр қилинганмиз. Шифохонага тушиб қолган пулсиз фақир қандай қилсин?! Оёқ-қўли ишламайдиган ота фарзандларини қандай боқсин?!
#Бу кабиларни қидириб, уларга ёрдам бериш ҳаммамизнинг вазифамиз, бурчимиз. Агар уларни сўрашга мажбур қилмаганимизда янада гўзал бўлар эди. Кўпчилик инсонларнинг олийжаноблиги сўрашдан тўсиб туради. Улар ҳақида Роббимиз айтади: “Уларнинг иффатидан жоҳил киши уларни бой деб ўйлайди. Уларни сиймосидан танийсан. Улар инсонлардан хиралик қилиб сўрамайдилар”.
#Аммо мусибат шундаки, баъзилар тўймайди. Агар нон пакетчалари тарқатилаётганини билиб қолса токи олмагунича дунёни остин-устун қилади. Агар қўшниси қурбонлик қилса унга бермагани учун қиёматни қоим қилади.
#Заиф ҳадисларда келишича, унда шундай дейилади:
“Нарсаларни мағрурлик билан талаб қилинг. Чунки ишлар ўлчов билан жорий бўлган!”...

@Tahmid_uz