Tahlil sahifasi

Vaqtni qayerdan olsam bo’ladi?

Ingliz tili, arab tili, dasturlash o’rganmoqchiman

Zo’r odamlar bilan tanishmoqchiman

Kitob o’qimoqchiman

Quron yodlashim kerak

Vaqtni qayerdan olsam bo’ladi?

Time-management sirlari bormi?

Bir kosa ovqat bilan 4ta och kishini to’ydirsa bo’ladimi?

Iloji yo’q. Kosa hajmi o’zgarmaydi. Ozgina ovqatga odam to’ymaydi.

Yoki bir kishi to’yadi, yoki 4ta chala to’ygan odam bo’ladi.

Vaqt o’zgarmas. Cho’zilmaydi, qo’shilmaydi. Yoki bitta ishni yaxshi qilasan, yoki 4ta ishni chala.

Biror narsani qilishni boshlash uchun boshqa narsani qilishni to’xtatish kerak.

Fokus — nima qilishni emas, nima qilmaslikni tanlash.

Keyingi safar maqsad qo’yganda

Ingliz tilini o’rganaman deb qo’yma.

Vaqt topa olmaysan baribir

Kuniga 2 soat instagram o’rniga 2 soat ingliz tili o’rganaman deb qo’y.

@azizrakhimov_blog

Erkin bo‘lmoqchimisiz? Avval intizomli bo‘ling!

Erkinlik – istalgan payt yotib, istalgan payt uyg‘onish emas. Erkinlik – hech kimga hisob bermaslik ham emas.

Erkinlikni tartibsiz hayot bilan adashtirmang!

Rejasiz yashash. Xohlagan payt ishlash, xohlagan payt dam olish. Biror narsaga majbur bo‘lmaslik.

Bu erkinlik emas. Bu boshqarilmagan xaos.

Haqiqiy erkin odam o‘z hayotini nazorat qila oladi. Vaqtini boshqaradi. Pulini to‘g‘ri ishlatadi. Kunini rejalashtiradi.

Agar o‘zingizni boshqara olmasangiz, tashqi omillar sizni boshqaradi.

Intizomsiz odam vaqtining, odatlarining va hayotining quliga aylanadi.

Erkinlik o‘zini nazorat qilishdan boshlanadi.

O‘zingizni boshqara olsangiz, hayotingizni ham boshqarasiz.

Qaysi kitobni o’qishimni tavsiya qilasiz?

So’rab qolishadi shaxsiyda.

Maqsad? Deb so’rayman.

-Hayotimni o’zgartirish. (Katta burilish qilish)

“Odam yozgan bir dona kitob hayotimni o’zgartirib yuboradi” deb o’ylashlik — soddalik.

Odamni kitob o’zgartirmaydi, kitob o’qish o’zgartiradi.

Kuniga yarim soat doimiy o’qish 5 yilda seni umuman boshqa odamga aylantiradi

Qanday kitobligini farqi yo’q

Boshlanishiga — qiziq bo’lsa bo’ldi

Yangi kitobxonlarning ko’pi, “boy ota”, “robin sharma”, “alkimyogar” “karnegi” lardan boshlaydi.

O’qishning mazasini tushungach, qiyinroq, chuqurroq mavzularni xohlab qoladi:

Taleb, Grant, Gladwell, Chaldini, Isakson, Tohir Malik…

3-4 yil o’tib, buyam oddiylik qiladi, qanday qilib ruhiyat, ilm-fan, klassika, tarix, geosiyosat, Navoiy, Rumiy va sanoat dizayni haqida o’qishni boshlaganini o’zi ham sezmay qoladi.

Bu — ensiklopedik o’qish deyiladi. Dunyoqarashni va natijada odamni, aynan shunday o’qish o’zgaritadi.

Lekin kitob o’qishdan yakuniy maqsad o’zgarish emas. Bu o’zgarish hali foydalimi yo’qmi, noma’lum.

Yakuniy maqsad — kutubxonadagi hech qaysi kitobdan qo’rqmaydigan darajaga chiqish.

Bundan maqsad esa:

Biron voqea, kasb, mavzu qiziqtirdimi — 3-5 ta kitob o’qib, tushunib olish. Natijada doim kerakli kadr, tadbirkor, do’st yoki suhbatdosh bo’lib qolish.

O’zgarish esa shunchaki — bonus.

@azizrakhimov_blog

Uzoq manzilga Mercedes'da borgimiz keladi.

Shinam, shovqin o'tkazmaydi, silkitmaydi. O'rindiqlari hatto massaj ham qilib qo'yadi.

Texnik tomonlama mukammal qilib ishlangan, haqiqiy nemis mashinasi.

Lekin,

To'xtamay sigaret chekadigan odam Mercedes'da manzilimizga olib borib qo'yish taklifini bildirsa hech o'ylanmasdan yo'q deyishimiz aniq.

Birgina sassiq hid mashinani barcha afzalliklarini yo'qqa chiqaradi.

Biz ham mashina kabi har xil afzalliklarga egamiz.

Yomon xulqimiz afzalliklarimizni yo'qqa chiqaradi,

Boshqalarni eshitmasligimiz afzalliklarimizni yo'qqa chiqaradi,

O'zimizni eng aqlli deb o'ylashimiz afzalliklarimizni yo'qqa chiqaradi,

Betayinlik qilishimiz afzalliklarimizni yo'qqa chiqaradi,

Va'dabozlik qilishimiz afzalliklarimizni yo'qqa chiqaradi,

Kibr va yasama g'urur barcha afzalliklarimizni yo'qqa chiqaradi.

Afzalliklarimizni yo'qqa chiqaruvchi narsalar bilan kurashmasak,

Mashinamizdagi yo'lovchilar tez-tez almashaveradi.

Chunki,

Sassiq Mercedes'da ketgandan ko'ra,

Pokiza Nexia'da ketgan yaxshiroq.

@mashrabov_aa