Tafakkur egalari

​​​«БИЗГА СИЗ КЕРАКСИЗ!»

Қаҳрамонимиз ҳикоя қилади...

Мен шаҳарда дўконда ишлайман. Бир куни ишдалик пайтимда онам телефон қилдилар.
---Ассалому алайкум ОНАЖОН...!
---Во алайкум ассалом, Иқболжон яхшимисан болам? Болаларим ҳам яхшими, келиним ҳам ишига бориб келяптими?
---Ҳа, рахмат онажон. Дадам яхшимилар, укам, келин ҳаммалари яхши юришибдими?
---Тузук ҳаммаси яхши, ўзим ҳам яхшиман болам.
---Ҳа онажон, тинчликми, телефон қилибсиз?!
---Тинчлик болам, эртага шанба келасизларми, деб телефон қилгандим.
---Эртага бўлаверсин-чи ойижон, вазиятга қараб айтаман-да, ишим чиқиб қолмаса албатта борамиз.
---Ҳа ишқилиб, ишинг чиқиб қолмасинда болам, биласан-ку СОҒИНИБ қоламан.
---Хўп ойижон, Худо хоҳласа борарман. Майли ҳайр, ёнимда одам бор эди..Кейинроқ ўзим телефон қиламан...

Телефонни столга қўйишим билан, дўконимга харидор бўлиб кирган, нотаниш киши кўзимга қаради.
Юзлари қандайдир маъюс, ҳиёл кулганча:

---Онангизмилар?~деб сўради.
---Ҳа онам...
---Улар бошқа жойда яшайдиларми?~яна саволга тутди бояги киши.
---Ҳа улар мендан анча олисда, масофа билан хисоблаганда ЮЗ КМ дан ошиқроқ узоқликда яшайдилар..
---Ҳа-а, шунақами? Демак, ЮЗ КМ денг...Бир гап айтсам хафа бўлмайсизми?
---Йўқ хафа бўлмайман, ака бемалол, ~ дедим ҳайрон бўлиб.

---Агар менда шундай ИМКОН бўлганида ука, ЮЗ КМ экан-ку, МИНГ КМ бўлса ҳам, ҳар кун бориб қайтишга тайёр эдим...Қани мени ҳам ОНАМ ҳаёт бўлсалар, қани энди улар ҳам сизни ОНАНГИЗ каби қўнғироқ қилиб, ёнларига чақириб, КЕЛ БОЛАМ десалар, қани энди уларнинг ТИЗЗАларига БОШИМни қўйиб ухлай ололсам, қани энди ОНАМ бошимни силаб ДУОлар қилсалар ука. Афсуски, буни ИЛОЖИ йўқ..! Ҳеч қандай йўл билан уларни қайтара олмайман ука.. ОНАМ энди йўқ..!

Сизда эса ҲАЁТ эканлар. Ука БОРИНГ олдиларига, КЎНГИЛларини олинг, ХИЗМАТларини қилинг, кейин мен каби АФСУС қилмайсиз..Ота-Онангизни ҳаёт эканликлари сиз учун~ БАХТ..!

Нотаниш киши онаси ҳақидаги армонларини гапирар экан ичимдан бир нарса узилгандек бўлди...
Боягина онамга бориш бормаслигим эҳтимол деганим ёдимга тушиб, уялиб кетдим.. Беихтиёр яна телефонимни қўлимга олиб, онамни телефон рақамларини тердим...

---Ҳа болам, бирор гапинг эсингдан чиқиб қолибдими?! ~ дея, қайта қўнғироқ қилганимга ажабланиб сўрадилар онам.
---Ҳа онажон, эртага Худо хоҳласа албатта борарканмиз, шуни айтиб қўймоқчи эдим.
---Вой Худога шукр..!
--- Ҳа айтганча, яна ҳар сафаргидек болаларим келаркан деб, эрталабдан бир нарсаларга уннаб юрманг, ҳеч нарса керак эмас, бизга СИЗ КЕРАКСИЗ..!

Онам билан суҳбатлашарканман, бояги нотаниш кишининг кўзларида икки дона ёш томчилаганини кўрдим...

Ота-Оналаримизга бизлардан кераги бир озгина МЕҲР ва ЭЪТИБОР. Шундай экан, улардан энг арзон турадиган МЕҲР ва ЭЪТИБОРимизни аямайлик азизлар!

Аллоҳ таоло барчамизни Отажон ва Онажонларимизни соғ-саломат қилсин ва умрларини зиёда этсин!

Ота ва онаси борлар, тафаккур қилинг!

@Tafakkur3

Отага ҳурмат масаласида, умуман бола тарбиясида менга жумбоқлигича қолаётган масала бор. Жумбоқ эмас, умумий қилиб бу Аллоҳнинг ҳикмати, Ўзининг қудрати билан аридан бол, тикандан гул чиқаради дейман лекин барибир таҳлил қилиш ёқади.

Бир эмас бир нечта оилани биламан. Ота ғирт ичувчи бўлган,оилага қарамаган, хотини ва болалари йўқчиликдан жуда қийналган. Аммо шу болалар отасини ўлгунича ҳурматини жойига қўйди, беҳурмат қилмади.

Аммо яна бошқа оилаларни биламан. Ўзим яқиндан танийдиган бир дўстим мисолида олсам ота солиҳ, беш вақт намозни канда қилмайди, таҳажжудни ҳам қодирмайди, ҳалол топади, озода, тартибли, интизомли, оғзидан ёмон гап чиқмайди аммо болалари уни ҳурмат қилмайди. Нега? Чунки она эрига ношукр ва итоатсиз, болалар шуни кўриб ўсган.

Яна Оврўпо турмуш тарзида кузатаман, ота болаларига меҳрибон, моддий тарафдан кам қилмайди, бирга ўйнайди вақт ўтказади , саёҳат қилади лекин болалари унга бемеҳр. Оврўпода ота-онасига меҳрибон фарзандни топиш истисноли ҳолат, қоида бўйича отанинг ҳурмати йўқ .

Шуларни кузатиб туриб ҳозир замонавий психологлар айтаётган " ота болалари билан вақт ўтказиши керак, памперсини алмаштириши керак, ҳожатхонани тозалаб, овқат пишириб идишларни ювиш керак" деган гаплар нақадар булшиттдек туюлади. Чунки воқеъликда мутлақо бунинг тескари натижасини кўряпмиз.

Оилада отага пошшодек муомала қилинган даврларда болалар ўз-ўзидан қобил чиққан. У оталар кунига ҳатто беш минут ҳам боласи билан бўлолмаган. Шунинг учун эркаклар ийиғингиз чиқиб ўзингизни қийнаб юборманглар, аввало яхши она топинг ўшанинг ўзи 90% ҳал қилиб қўйса керак валлоҳу аълам.

Faiziddin Mo'min

Тафаккур қилинг!

@Tafakkur3

ЗАРГАР

Африкалик савдогар олмос тош сотиб олди. Ҳажми тухумнинг сариғидек эди. Аммо унинг камчилиги бор эди. Ўртасига дарз етганди. Бу нарса эса унинг гўзаллиги ва қийматига путур етказарди. У заргарнинг ёнига мадад сўраб борди. Заргар уни айлантириб — айлантириб кўриб:
— Агар буни шу дарз кетган жойидан тенг иккига бўлинса, қиймати бутун ҳолатидагидан кўра қимматроқ бўлади. Аммо бу иш менинг қўлимдан келмайди. Олмосни бўлишнинг ўзи осон эмас. Салгина нотўғри зарба уни арзимас парчаларга бўлиб ташлаши мумкин, — деди.
Савдогар унинг олдидан чиқиб заргар излай бошлади. Қайси бирига кўрсатмасин, бу ишни қилишдан бош тортишар, қимматбаҳо тошга қўл теккизишдан қўрқишар эди.
У охири Амстердамгача етиб борди. Унда ёши улуғ моҳир заргарни топди. Лекин у ҳам бошқа ҳамкасблари қатори бу иш жуда мушкуллиги ва озгина эҳтиётсизлик тошнинг қийматига путур етказишидан огоҳлантирди. Аммо савдогарнинг сабри тугаган, ҳеч қандай гап — сўзни эшитгиси келмасди.
Мўйсафиднинг дўконини бир бурчагида ёшгина йигит уларга орқа ўгириб иш билан машғул эди. Заргар уни чақирди. Шогирд уларнинг ёнига келди. Устози унга тошни бериб:
— Буни иккига бўлиб кел! — деди. Ҳеч қанча вақт ўтмай икки бўлак гўзал тошни чолнинг кафтига қўйди.
Савдогар ҳангу — манг бўлиб, заргарга деди:
— Қандай яхши, шундоққина азамат, тажрибали шогирдингиз бор экан.
Заргар деди:
— Бу йигитнинг шогирд тушганига эндигина уч кун бўлди. Агар у бу тошнинг баҳосини билганида эди, ҳеч қачон уни иккига бўла олмасди.

Баъзида қарор қабул қилишимиз учун иш ҳақида узундан-узоқ мажлис-у, режалар қилмасдан амалий ҳаракат қилиш муҳим бўлади.

Тафаккур қилинг!

@Tafakkur3