Matbuot kotibi - Suv xo‘jaligi vazirligi

Фарғона вилояти

Тошлоқ туманида семинар ўтказилди

💧Сув йўқотишларини камайтиришнинг энг мақбул йўлларидан бири сув тежовчи суғориш технологияларидан фойдаланиш эканлигини англаб етаётган фермерлар такрорий экинлардан бўшаган ғалла майдонларида ёмғирлатиб суғориш технологияларини жорий этишга киришмоқда.

💧Тошлоқ тумани Яккатут ҳудудидаги “Агро экспорт уни траде” фермер хўжалигида бу йил 76 гектар майдонга ғалла экиб, ёмғирлатиб суғориш технологияларидан фойдаланиш режалаштирилган. Бугунги кунда ғалла экиш ишлари уюшқоқлик билан бошлаб юборилди.

💧Семинар давомида фермер хўжалик томонидан ички ариқларни бетонлаштириш орқали сув йўқотишларини олди олишга эришилаётганлиги таъкидланиб, ҳудуддаги барча фермерлага ёмғирилиб суғориш технологиясини жорий этиш, ариқ ва каналларни бетонлаштириш топшириғи берилди.

Сирдарё-Сўх ИТҲБ матбуот хизмати

ТЕЖАМКОР ТЕХНОЛОГИЯЛАР ҚАМРОВИ ОРТЯПТИ

Улуғнор тумани “Сув етказиб бериш” Давлат муассаси биносида туманда сув тежовчи технологиялар кўламини ошириш масаласига қаратилган семинар ташкил этилди.

Унда шаҳар ва туман СЕБХ ДМ раҳбарлари, ИТБ бошлиқлари, фермерлар ҳамда соҳа мутахассислари қатнашди.

Семинар давомида сўз олганлар, томчилатиб суғориш технологиясининг ишлаш тартиби, афзалликлари хақида тушунча бердилар.

Бу каби семинарлар жойларда сув тежовчи технологиялар ўрнатиш истагида бўлган талабгор фермерлар сони ортишига, замонавий лойиҳалар кўламини кенгайтиришга хизмат қилади.

Норин-Қорадарё ИТҲБ матбуот хизмати

Сирдарё вилоятида кузатув қудуқлари ва ўрнатилган Дайвер ускуналарини таъмирлаш ишлари қизғин кетмоқда

Вилоятда сизот сувлар сатҳи ва сизот сувлар шўрланиш даражаларини аниқлаш учун 2 217 дона мелиоратив кузатув қудуқларидан 2 141 донаси якка ҳолда, 76 донаси эса тўда ҳолда қурилган. Шундан 565 дона кузатув қудуқларига сизот сувлар сатҳи ва минерализацияси маълумотларини онлайн узатувчи “Дайвер” ускуналари ўрнатилган. 2024 йилда ПҚ-5005-сонли қарорига асосан маҳаллий бюджет маблағлари ҳисобидан 46 дона кузатув қудуғини автоматлаштириш тизимига ўтказиш ишлари олиб борилмоқда.

Давлат дастури асосида Оқолтин туманига 12 дона, Ховос туманига 10 дона янги кузатув қудуқларини қуриш ишлари режалаштирилган бўлиб, ҳозирги пайтда Оқолтин туманида 12 дона Дайвер ускуналари ўрнатилди, 95 та мелиоратив кузатув қудуқларига Дайвер ускуналарини ўрнатиш ишлари бошланмоқда.

Бугунги кунда Сирдарё мелиоратив экспедициясида малакали мутахассисларидан иборат 2 та сервис хизмати кўрсатиш мобил гуруҳи ташкил этилган. Гуруҳ махсус автомашина, пайвандлаш ускунаси, ва бошқа жиҳозлар билан таъминланган. Улар томонидан ҳар куни кузатув қудуқларига ўрнатилган Дайвер ускуналарини жойида таъмирлаш, носоз қисмларини алмаштириш ҳамда металл қисмларини пайвандлаш ишлари бажарилмоқда.

Туманлардаги муҳандис ва техник ходимлар бугунги кунда мавжуд 2 217 та кузатув қудуқларининг атрофини тозалаш, ҳалқаларни оқлаш, металл қисмларини бўяш ҳамда 1 277 дона мелиоратив кузатув қудуқларини тўлиқ қайтадан рақамлаштириш ишлари давом этади.

Қуйи Сирдарё ИТҲБ матбуот хизмати

Telegram |Web-site | @quyisirdaryoithb' rel='nofollow'>YouTube | Facebook

Навоий вилояти

СУВ ТЕЖОВЧИ ТЕХНОЛОГИЯЛАРНИ ЖОРИЙ ЭТИШ БЎЙИЧА СЕМИНАР “MADINA MOMO NABIRALARI” ФЕРМЕР ХЎЖАЛИГИДА ЎТКАЗИЛДИ

Бугун Хатирчи туманидаги “MADINA MOMO NABIRALARI” фермер хўжалигининг экин майдонида сув тежовчи технологияларни жорий қилиш ҳамда ички суғориш тармоқларини бетонлаштиришнинг авфзалликлари тўғрисида семинар ташкил этилди.

Семинарда сув тежовчи технологияларнинг турлари ва уларнинг афзалликлари ҳамда ички суғориш тармоқларини бетонлаштириш тўғрисида йиғилганларга тушунтиришлар берилди.

Жорий йилда Хатирчи туманида 3 минг 904 гектар майдонда сув тежовчи технологияларни жорий этиш режалаштирилган бўлиб, бугунги кунда туманда 3 минг 746 гектар экин майдонларида сув тежовчи технология жорий этилган


Қуйи Зарафшон ИТҲБ матбуот хизмати

https://t.me/QuyiZarafshonITHB