SURXONDARYO FVB

Sariosiyo tumanida maxsus-taktik o‘quv mashqi davom etmoqda

Sariosiyo tumani Favqulodda vaziyatlar bo‘limi xodimlari hamda hamkorlikdagi tashkilotlar ishtirokida maxsus-taktik o‘quv mashqi o‘tkazilmoqda. O‘quv mashqining asosiy maqsadi – To‘palang daryosining 2000 metr chap qirg‘og‘ini mustahkamlash bo‘yicha favqulodda vaziyatlarni bartaraf etish xizmatlari hamda mutasaddi tashkilotlarning hamkorlikdagi harakatlarini muvofiqlashtirishdir.

Mashg‘ulotda 31 nafar xodim, 4 ta ekskavator, 2 ta lebxor hamda 17 ta samosval texnikalari jalb qilindi. Ishtirokchilar daryo qirg‘oqlarini mustahkamlash, suv toshqinining oldini olish va texnik vositalardan samarali foydalanish bo‘yicha amaliy ko‘nikmalarini oshirishdi.

Mazkur o‘quv mashqi tabiiy ofatlarning oldini olish hamda shoshilinch vaziyatlarda tezkorlik bilan harakat qilish bo‘yicha tajribani yanada oshirishga xizmat qiladi.

Boshqa yangiliklar 👇:
Telegram | Facebook | Instagram | You tube

Kursantlar malakasi oshirilmoqda

Surxondaryo viloyatida Favqulodda vaziyatlar vazirligi Akademiyasi kursantlarining malakaviy amaliyotni o‘tash amalga oshirilmoqda.

Tadbirda FVV Akademiyasi kursantlari bilan  malakaviy amaliyotni tashkillashtirish bo‘yicha Surxondaryo viloyati FVB boshlig‘i o’rinbosari v/b D.Begmuratov va FVV Akadimiyasi professor o‘qituvchilari tomonidan yo‘riqnoma o‘tildi.

Nazariya va amaliyot uyg‘unligini ta'minlashda xavfsizlik texnikasi qoidalariga rioya qilishlari bo‘yicha ko‘rsatmalar berib o‘tildi.

Boshqa yangiliklar 👇
Telegram | Facebook | Instagram | You tube

⚠️Elektr isitgichdan xavfsiz foydalanish bo'yicha tavsiyalar:

⭕️ tavsiyalarga muvofiq ishlash;
⭕️zavodda ishlab chiqarilgan isitgichdan foydalaning;
⭕️ isitgichni mebel va pardalardan uzoqroqqa joylashtiring;
⭕️kiyim va poyabzallarni isitgichda quritmang;
⭕️ isitish moslamasini qarovsiz yoki tunda yoqilgan holda qoldirmang.

🔔qo‘lbola va nosoz elektr jihozlardan foydalanish xavfli.

✅Xavfsizlik o‘z qo‘lingizda!

Boshqa yangiliklar
Fvv.uz | Facebook | Telegram | Youtube | instagram | X

Bandixon tumanida profilaktik tadbirlar davom etmoqda

“Chorshanba – Favqulodda vaziyatlarni oldini olish va yong‘inlar profilaktikasi kuni” doirasida Bandixon tumani Favqulodda vaziyatlar bo‘limi hamda hamkor tashkilotlar bilan birgalikda keng qamrovli profilaktik tadbirlar amalga oshirilmoqda.

Tadbirlar davomida aholi xonadonlari, ijtimoiy soha obyektlari va tadbirkorlik subyektlarida favqulodda vaziyatlarning oldini olish va yong‘in xavfsizligini ta’minlash bo‘yicha profilaktik ishlarga alohida e’tibor qaratilmoqda.

Profilaktik tadbirlar doirasida:

✅ Xavfsizlik bo‘yicha tushuntirish ishlari – Aholiga yong‘in xavfsizligi qoidalari, gaz va elektr jihozlaridan to‘g‘ri foydalanish tartiblari bo‘yicha tushuntirish berilmoqda.

✅ Nazorat va o‘rganish ishlari – Ijtimoiy obyektlar, tadbirkorlik subyektlari va xonadonlarda yong‘in xavfsizligi talablariga rioya etilishi o‘rganilib, zarur tavsiyalar berilmoqda.

✅ Ogohlantirish materiallari tarqatish – Aholiga yong‘in va boshqa favqulodda vaziyatlarning oldini olish bo‘yicha buklet va eslatmalar tarqatilmoqda.

✅ Mashg‘ulotlar o‘tkazish – Favqulodda vaziyatlarda to‘g‘ri harakat qilish bo‘yicha amaliy mashg‘ulotlar tashkil etilib, xodimlar va aholi o‘qitilmoqda.

Mazkur tadbirlarning asosiy maqsadi – Bandixon tumanida favqulodda vaziyatlarning oldini olish, yong‘in xavfini kamaytirish va aholi xavfsizligini ta’minlashdan iborat. Profilaktik ishlar muntazam davom ettiriladi.

Boshqa yangiliklar 👇:
Telegram | Facebook | Instagram | You tube