Super kutubxona

САЛОМНИНГ ФАЗИЛАТИ ВА УНИНГ ОЧИҚЧА ҚИЛИШГА БУЙРУҚ

60 - عَنْ أَبِي هُرَيرَةَ رَضِيَ اللهُ عَنْهُ قَالَ: قَالَ رَسُولُ اللهِ صَلَّى اللهُ عَلَيهِ وَسَلَّمَ: «وَالَّذِي نَفْسِي بِيَدِهِ لاَ تَدْخُلُوا الجَنَّةَ حَتَّى تُؤْمِنُوا، وَلاَ تُؤْمِنُوا حَتَّى تَحَابُّوا، أَوَلاَ أَدُلُّكُمْ عَلَى شَيْءٍ إِذَا فَعَلْتُمُوهُ تَحَابَبْتُمْ؟ أَفْشُوا السَّلاَمَ بَيْنَكُمْ». رَوَاهُ مُسْلِمٌ.

60. Абу Ҳурайра розияллоҳу анҳудан ривоят қилинади:
Расулуллоҳ соллаллоҳу алайҳи васаллам:
«Менинг жоним Унинг қўлида бўлган Зотга қасамки, иймон келтирмагунингизча жаннатга кира олмайсизлар. Ва бир-бирларингизга муҳаббат қилмагунингизча мўмин бўлмайсизлар. Бир-бирингиз билан дўст бўладиган амалга сизларни далолат қилайми? Ораларингизда саломни жорий қилинглар», дедилар.
Имом Муслим ривоятлари.

Шарҳ: Ас Салом- Аллоҳнинг гўзал исмларидан биридир. У исм қаерда зикр қилинса, ўша ерга барака тушиб, тинчлик ва осойишталик тарқалади ҳамда мусулмонлар ўртасида ўзаро муҳаббат ҳисси ортади. Расулуллоҳ соллаллоҳу алайҳи васаллам саҳобалар орасида саломни кўпайтиришга ундаганлар. Бу нарса ўзаро муҳаббат ва улфатга чорлайди. Расулуллоҳ соллаллоҳу алайҳи васалламнинг яна бир суннатлари, таниган ва танимаганлар орасида саломни ёйишдир. Исломда жорий қилинган "Ассалому алайкум" деб айтилувчи саломга бошқа саломни алиштирилмайди. Чунки бу лафз жаннат аҳлининг саломидир.

Ҳадисдан ўрганганларимиз:

1. Аллоҳ йўлидаги муҳаббат соғлом иймонни юзага келтириб, жаннатга кириш учун сабаб бўлади.
2. Мусулмонлар орасида саломни кўпайтириш ўзаро муҳаббатни юзага келтиради. Баъзилар айтганидек салом бериш қадрни туширмайди.
3. Расулуллоҳ соллаллоҳу алайҳи васалламнинг саҳобалари йўлда бирга кетаётиб, дарахтни айланиб ўтишса ҳам бир бирларига салом беришар эди.
4. Мусулмон киши таниган ва танимаганларга ҳам салом бераверади.


("Болалар учун риёзус солиҳин шарҳи" китобидан)

Ⓜ️ @hadisislomuz

Kanalga a'zo bo‘lish
👇👇👇👇👇👇👇👇
@Super_kutubxona

ЎТИРИШ ОДОБЛАРИ

58 - وَعَنْ أَبِي هُرَيرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيهِ وَسَلَّمَ قَالَ: «إِذَا قَامَ أَحَدُكُمْ مِنْ مَجْلِسٍ ثُمَّ رَجَعَ إِلَيْهِ فَهُوَ أَحَقُّ بِهِ». رَوَاهُ مُسْلِمٌ.

58. Абу Ҳурайра розияллоҳу анҳудан ривоят қилинади:
Расулуллоҳ соллаллоҳу алайҳи васаллам:
«Қачон сизлардан бирортангиз ўрнидан туриб, кейин яна жойига қайтиб келса, у ўша жойга ўзи ҳақлидир», дедилар.
Имом Муслим ривоятлари.
Шарҳ: Ислом -мусулмонлар орасида жанжал ва тортишувни келтириб чиқариши мумкин бўлган барча ишларда нозиклик билан иш тутишга буюради. Мусулмонлар ўртасида тафриқа солиб, алоқаларни узишга олиб борадиган нарсаларни эса ман этади. Киши ўтирган ўрнидан бирон сабаб ила туриб кетиб, қайтиб келса, ўша жойга ўтириш учун энг ҳақли инсон у бўлади. Ушбу суннатга оид ечим эса юзага келиши мумкин бўлган тушунмовчилик ёки баҳсни олдини олади.

Ҳадисдан ўрганганларимиз:

1. Ислом – ҳаётимизнинг барча жабҳасини тартибга соладиган таълимотдир.
2. Агар киши мажлисдан бирон сабаб билан туриб кетса, бошқа инсон унинг ўрнига ўтиришга шошмаслик кераклиги.
3. Туриб кетган одамнинг ўрнига вақтинча ўтириб турса бўлади. Агар жой эгаси қайтиб келса, бўшатиб бериш лозим бўлади. Чунки аввалги эгаси ўша жойга ҳақлироқдир.
4. Бу нарса кўпроқ мактабларда рўй беради. Бирор ўқувчи дарсга келмаса, синфдош ўртоқларидан бири унинг жойига ўтириб олади. У келгач, бўшатгиси келмайди ва ўртада низо-жанжал келиб чиқади, кўпинча. Бу иш динимизда айнан хатодир.

("Болалар учун риёзус солиҳин шарҳи" китобидан)

Ⓜ️🅰N🅱🅰 @hadisislomuz

Kanalga a'zo bo‘lish
👇👇👇👇👇👇👇👇
@Super_kutubxona

УЙҚУ ОДОБЛАРИ

57 – وَعَنْ حُذَيْفَةَ رَضِيَ اللهُ عَنْهُ قَالَ: كَانَ النَّبِيُّ صَلَّى اللهُ عَلَيهِ وَسَلَّمَ إِذَا أَخَذَ مَضْجَعَهُ مِنَ اللَّيْلِ وَضَعَ يَدَهُ تَحْتَ خَدِّهِ، ثُمَّ يَقُولُ: «اللَّهُمَّ بِاسْمِكَ أمُوتُ وَأَحْيَا».
وَإِذَا اسْتيْقَظَ قَالَ: «الحَمْدُ للَّهِ الَّذي أَحْيَانَا بَعْدَ مَا أَمَاتَنَا وَإِلَيهِ النُّشُورُ». رَوَاهُ البُخَارِيُّ.


57. Ҳузайфа розияллоҳу анҳудан ривоят қилинади:
Набий соллаллоҳу алайҳи васаллам кечаси ётоқларига ётсалар, қўлларини чаккалари остига қўйиб «Аллоҳумма бисмика амуту ва аҳйа», деб айтардилар.
(Маъноси: Аллоҳим, Сенинг исминг билан тириламан ва ўламан.)
Уйғонганларида: «Алҳамду лиллаҳиллазий аҳйана баъда маа аматана ва илайҳин нушур», деб айтар эдилар.
(Маъноси: Бизни ўлдиргандан кейин тирилтирган Аллоҳга ҳамд бўлсин. Ва қайтиш Унгадир.)
Имом Бухорий ривоятлари.
Шарҳ: Уйқуни “кичик ўлим” деб ҳам таърифлашади. Инсон уйқудалик пайтида ташқи оламдан узилиб, ундаги ҳаётий ҳаракати деярли тўхтайди. Уйқу- Аллоҳ таоло бандасини қабзасида ушлаб туришидир. Мусулмон киши уйқуга Аллоҳнинг исмини зикр қилиб ётади. Шу амали билан мўмин уйғоқлигидаги каби уйқусини ҳам ибодатга айлантиради.

Ҳадисдан ўрганганларимиз:

1. Мусулмон киши барча ишларини Аллоҳнинг исми билан амалга оширади.
2. Уйқуни “кичик ўлим” деб таърифланади. Чунки ухлаётган одам дунёдан узилиб, руҳи вақтинча ушлаб турилади. Аллоҳ таоло бу ҳақда: "Аллоҳ жонларни ўлими вақтида, ўлмаганларини эса, уйқуси вақтида олур", (Зумар сураси, 42 оят) деб айтган.
3. Ўлим ва ҳаёт Аллоҳнинг изни билан бўлишини мусулмон шахс эътироф қилади.
4. Ухлашда ўнг томонга ёнбошлаб ётиш Набавий суннатлардандир.

("Болалар учун риёзус солиҳин шарҳи" китобидан)

Ⓜ️🅰N🅱🅰 @hadisislomuz

Kanalga a'zo bo‘lish
👇👇👇👇👇👇👇
@Super_kutubxona