Sirdaryo viloyati soliq boshqarmasi

#mol_mulk_soligi

Agar men o'z nomimga yangi kvartira sotib olgan bo'lsam, mol-mulk solig'ini qaysi davr uchun to'lashim kerak - sotib olingan kundan keyingi davr uchunmi yoki butun yil uchun?

Mol-mulkka egalik huquqi kalendar yil mobaynida bir mulkdordan boshqasiga o‘tgan taqdirda, mol-mulk solig‘i:

▫️avvalgi mulkdor tomonidan shu yilning 1-yanvaridan e’tiboran u mol-mulkka bo‘lgan mulk huquqini yo‘qotgan oyning boshlanishiga qadar,

▫️yangi mulkdor tomonidan esa, unda mulk huquqi vujudga kelgan oydan e’tiboran to‘lanadi.

Yuqoridagilardan kelib chiqqan holda, masalan, 2025-yil 13-fevralda kvartira sotib olgan boʻlsangiz, 2025-yilning 1-fevralidan 31-dekabriga qadar 2025-yil uchun mol-mulk soligʻini toʻlaysiz.

Ma'lumot uchun ❗️

Agar yangi binodan kvartira sotib olgan bo'lsangiz ...

Yangi imoratlar, binolar va inshootlar bo‘yicha soliq mulk huquqi yuzaga kelgan oydan e’tiboran to‘lanadi.

Agar siz ko‘chmas muklni meros qilib olgan bo'lsangiz ...

Meros bo‘yicha o‘tgan mol-mulk uchun soliq merosxo‘rda mulk huquqi vujudga kelgan oydan e’tiboran to‘lanadi.

Agar uy buzilgan bo'lsa ...

Soliq solish obyekti yo‘q qilingan, vayron bo‘lgan yoki buzib tashlangan taqdirda, soliqni undirish mol-mulk yo‘q qilingan, vayron bo‘lgan yoki buzib tashlangan oydan e’tiboran tugatiladi. Soliq summasini qayta hisob-kitob qilish mahalliy davlat hokimiyati organi yoki fuqarolarning o‘zini o‘zi boshqarish organi tomonidan berilgan yo‘q qilinganlik, vayron bo‘lganlik yoki buzib tashlanganlik faktini tasdiqlovchi hujjatlar mavjud bo‘lgan taqdirda, amalga oshiriladi.

Agar soliq imtiyozlari mavjud bo'lsa ...

Kalendar yil mobaynida imtiyozlarga bo‘lgan huquq vujudga kelgan (tugagan) taqdirda, soliqni qayta hisob-kitob qilish ushbu huquq vujudga kelgan (tugagan) oydan e’tiboran amalga oshiriladi.

👉 Soliq kodeksi 423-modda

📲Mol-mulk va yer soliqlarini Soliq mobil ilovasida to‘lash mumkin
____________
#налог_на_имущество

Если я купил на свое имя новую квартиру, когда я должен платить налог на имущество - с даты покупки или за весь год?

При переходе права собственности на имущество от одного собственника к другому в течение календарного года налог уплачивается:

▫️прежним собственником с 1 января этого года до начала того месяца, в котором он утратил право собственности на имущество,

▫️новым собственником — начиная с месяца, в котором у последнего возникло право собственности.

Исходя из вышеизложенного, если, например, вы купили квартиру 13 февраля 2025 года, налог на имущество за 2025 налоговый год вы будете платить за период с 1 февраля по 31 декабря 2025 года.

Для информации❗️

Если купили квартиру в новостройке...

По новым строениям, помещениям и сооружениям налог уплачивается начиная с месяца, в котором возникло право собственности.

Если получили квартиру в наследство...

За имущество, перешедшее по наследству, налог уплачивается начиная с месяца, в котором у наследника возникло право собственности.

Если жилье снесли...

При уничтожении, разрушении или сносе объекта налогообложения взимание налога прекращается начиная с месяца, в котором имущество было уничтожено, разрушено или снесено. Перерасчет суммы налога производится при наличии документов, выданных органом государственной власти на местах или органом самоуправления граждан, подтверждающих факт уничтожения, разрушения или сноса этого объекта.

Если есть налоговая льгота...

При возникновении (прекращении) права на льготы в течение календарного года перерасчет налога производится с месяца, в котором возникло (прекращено) это право.

👉ст.423 НК

📲Уплатить налоги на имущество и землю можно в мобильном приложении Soliq

Тelegram |Facebook |Youtube| Instagram |X| Threads

#soliq_taqvimi

Eslatma ❗️Agar soliq majburiyatini bajarish muddatining so‘nggi kuni dam olish (ishlanmaydigan) kuniga to‘g‘ri kelsa, shundan keyingi birinchi ish kuni muddatning tugash kuni hisoblanadi. Shu sababli 2025-yil 24-fevral

fevral oyi uchun:

- jami daromadi joriy soliq davridan oldingi soliq davri uchun kiritilgan tuzatishlar hisobga olingan holda 10 mlrd soʻmdan oshadigan foyda soligʻi toʻlovchilari har oylik boʻnak toʻlovlarini toʻlashning oxirgi kuni
(Soliq kodeksining 340-moddasi 2-qismi).
___
#календарь_налогоплательщика

Напоминаем ❗️ Если последний день срока исполнения налогового обязательства приходится на выходной (нерабочий) день, днем окончания срока считается следующий за ним первый рабочий день. В связи с этим 24 февраля 2025 года последний день

за февраль:
 
- уплаты ежемесячных авансовых платежей по налогу на прибыль налогоплательщиками, у которых совокупный доход с учетом корректировок за налоговый период, предшествующий текущему налоговому периоду, превышает 10 млрд сумов
(ч.2 ст.340 Налогового кодекса).

Тelegram |Facebook |Youtube| Instagram |X| Threads

#foyda_soligi

Foyda solig‘i hisobotida daromadlar va xarajatlar to‘g‘ri ko‘rsatilishi kerak

❗️Hurmatli soliq to‘lovchilar, joriy yil 3-mart – 2024-yil yakuni bo‘yicha foyda solig‘i hisobotini taqdim etishning oxirgi kuni.

Barcha soliq to‘lovchilar yillik foyda solig‘i hisobotini soliq davri yakunlari bo‘yicha — soliq davri o‘tgandan keyingi yilning 1–martidan* kechiktirmay taqdim etishlari belgilangan.

✔️Foyda solig‘i hisobotini shakllantirishda, xususan, hisobotda daromadlar va xarajatlarni to‘g‘ri aks ettirishda quyidagi normalarga eʼtibor berishlari lozim:   

▫️foyda solig‘i bazasini aniqlashda ushbu soliq to‘lovchining jami daromadidan daromad olish bilan bog‘liq barcha xarajatlar chegirib tashlanadi (chegirib tashlanmaydigan xarajatlar bundan mustasno)

▫️Soliq to‘lovchi tomonidan O‘zbekiston Respublikasida ham, uning hududidan tashqarida ham hisobot (soliq) davri davomida amalga oshirilgan (ko‘rilgan), asoslangan va hujjatlar bilan tasdiqlangan chiqimlari xarajatlar deb eʼtirof etiladi.
👉Soliq kodeksi 305-modda

Quyidagi hollarda:

▫️foydalanilmagan moddiy xarajatlarni foydalanilgan deb, ishlab chiqarish hisobotiga qo‘shish;

▫️tovarlarni sotishdan (xizmat ko‘rsatishdan) olingan tushumni hisobot davridan keyingi davrga o‘tkazish (sotish hajmini va daromadni (foydani) qasddan kamaytirish);

▫️moddiy, yoqilg‘i-energetika resurslari xarajatlarini (limitlarni) va amortizatsiya (eskirish) normasini sunʼiy ravishda oshirish yoki normativlarni noto‘g‘ri qo‘llash soliq bazasini yashirish (kamaytirib ko‘rsatish) deb eʼtirof etiladi hamda yashirilgan (kamaytirib ko‘rsatilgan) soliq bazasi summasining 20 foizi miqdorida jarima solishga sabab bo‘ladi.
👉Soliq kodeksi 223-moddasi

 ☝️Yuqoridagilardan kelib chiqib, Soliq qo‘mitasi soliq to‘lovchilardan hisobotlarda asossiz xarajatlarni ko‘rsatmaslik, foyda solig‘i bazasini to‘g‘ri shakllantirish orqali soliq hisobotlarini o‘z muddatida taqdim etishlarini so‘raydi. 

“Soliq xizmati – insofli soliq to‘lovchilarning ishonchli hamkori” 

 
*2025-yil 1-mart dam olish (ishlanmaydigan) kuniga to‘g‘ri kelganligi sababli, hisobotni taqdim etish oxirgi muddati 3-martga ko‘chiriladi.

Тelegram |Facebook |Youtube| Instagram |X| Threads

#qonunchilikdagi_yangiliklar

Yoshlarning tadbirkorlik faoliyatini qo‘llab-quvvatlash maqsadida ularga imtiyozli kreditlar ajratiladi

Yoshlarning tadbirkorlik g‘oya va tashabbuslarini qo‘llab-quvvatlash, yosh tadbirkorlik subyektlarining iqtisodiyot tarmoqlari va sohalaridagi, shu jumladan, startap va innovatsion loyihalarini ro‘yobga chiqarishga ko‘maklashish, kasb-hunar, raqamli texnologiyalar hamda xorijiy tillarni chuqur egallashi uchun qo‘shimcha sharoitlar yaratish, shuningdek, yoshlar bandligini ta'minlash maqsadida Prezident qarori qabul qilindi
👉PQ-62-son, 14.02.2025-y

Hujjatga koʻra:

2025 – 2027-yillarda “Yoshlar biznesi” dasturi doirasida:

▫️350 mingta yoshni qamrab olish, jumladan 18 yoshga toʻlgan va 30 yoshdan oshmagan shaxslar uchun kamida 100 mingta qoʻshimcha ish oʻrinlarini yaratish, yoshlarning startap va investitsiya loyihalariga imtiyozli moliyaviy mablagʻlarni ajratish, raqamli texnologiyalar tatbiq etilgan innovatsion loyihalar hamda ijtimoiy tadbirkorlik yoʻnalishidagi qoʻllab-quvvatlash choralarini joriy etish koʻzda tutilgan.

Shuningdek, “Biznesga birinchi qadam” loyihasiga koʻra:

▫️18 yoshga toʻlgan va 30 yoshdan oshmagan, ijtimoiy soliqni toʻlagan oʻzini oʻzi band qilgan jismoniy shaxslarga imtiyozli mikroqarz sifatida sugʻurta polisi yoki uchinchi shaxs kafilligi taʼminoti ostida 7 yil muddatgacha, shu jumladan, asosiy qarz boʻyicha 2 yilgacha imtiyozli davr va foiz toʻlovlari boʻyicha 3 oygacha imtiyozli davr bilan 100 million soʻmgacha mablagʻlar onlayn tarzda ajratiladi.

🖇Mazkur kredit malagʻlari:
▫️ chorvachilik, parrandachilik hamda qishloq xoʻjaligining boshqa yoʻnalishlaridagi faoliyatni;
▫️ ishlab chiqarish va xizmat koʻrsatish faoliyatini tashkil etish hamda amalga oshirish;
▫️hunarmandchilik jihozlarini sotib olish va aylanma mablagʻlarni toʻldirishga;
▫️ fan, sanʼat va sport yoʻnalishlarida oʻz qobiliyatini namoyon etgan iqtidorli yoshlarni hamda frilanserlik xizmatlarini koʻrsatuvchi yoshlarni qoʻllab-quvvatlash uchun yoʻnaltiriladi.

❗️Maʼlumot uchun: 2024-yilda oʻzini oʻzi band qilgan shaxslar 4,4 mln nafardan oshdi.

👉O‘zini o‘zi band qilgan shaxs sifatida ro‘yxatdan o‘tish uchun videoqo‘llanmadan foydalaning

Тelegram |Facebook |Youtube| Instagram |X| Threads