КАДРОВИКЛАР

Давлат фуқаролик хизматини ташкил этиш тизими такомиллаштирилади.

Давлат хизматини ривожлантириш агентлиги ва Стратегик ислоҳотлар агентлиги томонидан Ўзбекистон Республикаси Президентининг «Давлат фуқаролик хизматини ташкил этиш тизимини такомиллаштиришнинг қўшимча чора-тадбирлари тўғрисида»ги фармони лойиҳаси тайёрланди.

Унда давлат хизматини ривожлантириш агентлиги – Давлат бошқаруви академияси ҳамда «Эл-юрт умиди» жамғармасининг доимий ҳамкорлигига асосланган давлат хизматида кадрлар тайёрлаш кластерини жорий этиш назарда тутилган.

Давлат хизматчилари билан меҳнат шартномасини дастлаб бир йил муддатга тузилиши ва кейинчалик фаолиятининг ижобий натижаларига кўра шартнома доимий муддатга узайтирилиши белгиланмоқда. Давлат хизматига илк бор қабул қилинганлар дастлаб мажбурий қайта тайёрлаш курсларида, кейинчалик ҳар уч йилда малака ошириб бориши назарда тутилмоқда.

Шунингдек, раҳбарликка иқтидорли кадрларни танлов асосида жалб этишга қаратилган «ТОП-100» дастурини жорий этишга доир таклиф ишлаб чиқилган.

Давлат хизматчиларида касбий маданиятни шакллантириш мақсадида Агентликда Одоб-ахлоқ комиссиялари фаолиятини мувофиқлаштириш бўйича бўлинма ташкил этиш кўзда тутилмоқда.

Давлат органларидаги лавозимларни эгаллаш бўйича очиқ танловларни ўтказишнинг ҳуқуқий тартиботлари мустаҳкамланмоқда ҳамда ушбу соҳада қонунбузилиш ҳолатларига жавобгарлик кучайтирилмоқда.

Давлат хизматида ойлик иш ҳақи тизимини тубдан ислоҳ қилиш белгиланмоқда. Бунда лавозимлар юклатилган вазифаларнинг мураккаблиги даражасига кўра «грейд» (синф)ларга ажратилиб, иш ҳақи белгиланиши назарда тутилган.

Давлат хизматини ривожлантириш агентлиги тузилмасида Раҳбар кадрларни баҳолаш маркази ташкил этилиши кўзда тутилган.

Юридик шахс мақомига эга бўлмаган касаба уюшмалари ташкилотлари ҳисобга қўйилади.

Қонун (ЎРҚ-942-сон, 13.08.2024 й.) билан айрим қонун ҳужжатларига қўшимчалар ва ўзгартириш киритилди.

Солиқ кодексига киритилган қўшимчага кўра, юридик шахс мақомига эга бўлмаган касаба уюшмаларининг бўлинмаларига ва бошланғич касаба уюшмалари ташкилотларига солиқ тўловчининг идентификация рақами берилади.

Бундан ташқари “Касаба уюшмалари тўғрисида”ги Қонунга юридик шахс мақомига эга бўлмаган касаба уюшмалари бўлинмаларининг ва бошланғич касаба уюшмалари ташкилотларининг адлия органларида ҳисобга қўйилиши мумкинлигини ва ушбу тартиб Вазирлар Маҳкамаси томонидан белгиланишини назарда тутувчи қўшимчалар киритилди.

Қонун расмий эълон қилинган кундан эътиборан кучга киради.

#кўнгилданўтгангаплар
Қани энди билимни ҳам шу даражада рағбатлантириб, билими билан натижа кўрсатган ёшларга ҳам катта миқдорда мукофот берсайдик, яна Беруний, Фарғонийлар чиқармиди.......

#Муносабат.

Бугун эшитишим бўйича Соғлиқни сақлаш вазирлиги тегишли департаменти томонидан қуйи тизимлар молия иқтисод мутахассисларига ВКС орқали йиғилиш ўтказилган ҳамда Uzasbo2 тизимидаги камчиликлар сабабли Ҳомиладорлик ва туғиш таътилига чиқарилган ходимлар ўрнига янги ходимлар ишга олинмасдан ишлаб келаётган ходимларга вақтинчалик вазифалар юклаб 50 фоизгача ҳақ тўлаш топшириғи берилибди.
Масалани бухгалтерия йўли билан ҳал қилинмоқчи чоғи.
Бу эса МК талабларига мувофиқ эмас.
Мисол: Травмпунктда бир нафар кундузги ҳамшира ишлайди, у йўқ бўлса юклатиш имкони борми?
иккинчи мисол, тиббий бригаданинг икки нафар ҳамшираси кетди, уч нафарига юклатилди, бириктирилган аҳолини уч нафар ходим қамраб ололадими?
МК 116-моддаси 1-қисмига кўра бир неча касб ва лавозимда ишлаш, ишлар ҳажмини ошириш, хизмат кўрсатиш доирасини кенгайтириш асосий иш вақтида ва асосий иш билан бир қаторда бажарилади.
Тасаввур қилинг, невролог, лор, терапевт ҳамшираси кетди, вазифа юклаш қилиб стоматолог хона ҳамширасига берилди. 6 соат иш вақтида қандай қилиб улгуради? яна невролог иккинчи сменада ишлайди?
Меҳнат Кодекси Uzasbo тизимига эмас, аксинча тизимни Кодекснинг 111-112-113 моддаларига мослаштириш ва аҳолига сифатли ва тўлақонли тиббий хизмат кўрсатиш керак деб ҳисоблайман.
Фикрларинг бўлса қолдиришингиз мумкин.

Ассалому алайкум ҳурматли юристлар жамоаси. Сизларга бир савол билан мурожаат қилаётган эдим, илтимос қонуний қилиб жавоб берсангиз.
Гап шундаки, мен ҳарбий қисмлардан бирида алоқачи вазифасида ишлайман. 2023 йилда 2 ёшгача бола парваришлаш таътилига чиққан эдим, кеча уй манзилимга қисм бошлиғи имзоси билан контрактим муддати тугаганлиги сабабли шахсий таркиб рўйхатидан чиқарилганлигим ҳақида хабарнома келди. Мен бола паваришлаш таътилида ўтирган бўлсам ҳам шахсий таркиб рўйхатидан чиқарилавераманми?
Олдиндан раҳмат. Мадина, Фарғона вилояти

Ва алайкум ассалом. Саволингиздан англашилишича, Сиз Ўзбекистон Республикаси Президентининг 2019 йил 12 сентябрдаги ПҚ-4447-сон қарорига 1-илова билан тасдиқланган “Ўзбекистон Республикаси фуқароларининг ҳарбий хизматни ўташ тартиби тўғрисида” ги НИЗОМ га асосан ҳақиқий ҳарбий хизмат (чақирув ёки контракт бўйича оддий аскарлар, сержантлар ва офицерлар таркиби лавозимларида Қуролли Кучлар сафидаги ҳарбий хизмат) ни ўтамоқдасиз ва бу даврда фарзанд тарбияси таътили олгансиз. Юқоридаги Низомнинг 6 параграфи 280-бандига кўра Аёл ҳарбий хизматчиларга ҳомиладорлик ва туғиш, болани парваришлаш учун Ўзбекистон Республикаси қонунчилигида ва ушбу Низомда белгиланган тартибда таътил берилади. Бунда уларга Ўзбекистон Республикаси қонунчилигида белгиланган қўшимча имтиёз, кафолат ва компенсациялар татбиқ этилади деб белгиланган. Ушбу Низомнинг 169-банди 8-хатбошисида Ҳомиладорлик ва туғиш, бола парваришлаш таътилларидан қайтган, хизмат жойига (реабилитация этилганлиги муносабати билан) тикланган контракт бўйича ҳарбий хизматчи илгари тузилган контракт бўйича ҳарбий хизматни давом эттиради. Бунда контракт муддати тугаган ёки мазкур Низомнинг 97-банди «б», «в», «д», «е» ва «ж» кичик бандларида кўрсатилган ҳолатларда янги контракт аттестация ўтказилмасдан тузилади дейилган.
Ўзбекистон Республикасининг 12.12.2002 йилдаги 436-II-сонли “Умумий ҳарбий мажбурият ва ҳарбий хизмат тўғрисида” ни Қонунининг 27-моддасида “Ҳарбий хизматдан резервга бўшатилиши ёки истеъфога чиқарилиши муносабати билан ҳарбий қисм командирининг буйруғига биноан шахсий таркиб рўйхатидан чиқарилган кун ҳарбий хизматчи учун ҳарбий хизматда бўлишнинг тугаши ҳисобланади.
Ҳарбий хизматчи унинг ҳарбий хизмат муддати тугаган куни шахсий таркиб рўйхатидан чиқарилиши шарт, қуйидаги ҳоллар бундан мустасно, агар ҳарбий хизматчи:
стационар даволанишда бўлса;
ҳомиладорлик ва туғиш таътилида (ҳарбий хизматчи аёллар) ёки болани парваришлаш таътилида бўлса;
асирда бўлса, гаровда ушлаб турилган бўлса;
бедарак йўқолган бўлса — қонунда белгиланган тартибда бедарак йўқолган деб топилгунига ёки вафот этган деб эълон қилингунига қадар, шунингдек Ўзбекистон Республикаси фуқароларининг ҳарбий хизматни ўташ тартиби тўғрисидаги низомда белгиланган бошқа ҳолларда дейилган.
Юқоридагиларда кўра Сизни шахсий таркиб рўйхатидан чиқарилганингиз ғайриқонуний бўлиб, бу бўйича сиз ҳарбий прокуратура ёки судга мурожаат қилишингиз керак бўлади.
Саволга Фарғона шаҳар юридик хизмат кўрсатиш маркази бошлиғи Шерзод Толибов томонидан жавоб берилди.

MAHALLA YETTILIGINING IJTIMOIY XODIMLAR GURUHLARI INSONLAR BILAN BIRGA

So‘ngi yillarda mamlakatimizda inson, uning sha’ni, qadr-qimmati har tomonlama qonunchiligimizga muvofiq muhofaza qilinib kelinmoqda hamda barcha aholi toifalari uchun davlatimiz tomonidan barcha sohalarda keng imtiyozlar va imkoniyatlar yaratilmoqda. Jumladan, uy-joy sohasidagi islohotlarni samarali tashkil etishda “Yangi O‘zbekiston” massivlari va zamonaviy ko‘p kvartirali uylar qurish ko‘lamini kengaytirish, ipoteka krediti bozorini yanada rivojlantirish hamda banklar tomonidan o‘z mablag‘lari hisobidan ajratilgan kreditlarni qayta moliyalashtirish mexanizmlarini amaliyotga keng joriy qilish maqsadida O‘zbekiston Respublikasi Prezidentining 2024-yil 30-apreldagi PF-70-sonli
“2024-yilda ipoteka kreditlarini ajratish mexanizmlarini takomillashtirish va aholining uy-joy sharoitlarini yaxshilashga oid qo‘shimcha chora-tadbirlar to‘g‘risida”gi Farmoniga asosan, 2024-yil 1-iyundan boshlab “mahalla yettiligi” tavsiyasi asosida Kambag‘allikdan chiqarish dasturiga kiritilgan va uy-joy sharoitini yaxshilashga muhtoj bo‘lgan shaxslarga Iqtisodiyot va moliya vazirligi mablag‘lari hisobidan ipoteka kreditlarini ajratish amaliyoti joriy etilmoqda. Ushbu dasturga kiritilgan aholiga ipoteka kreditlari 120 million so‘mgacha miqdorda, 20 yilgacha muddatga, Markaziy bankning asosiy stavkasidan to‘rt foiz bandga yuqori stavkada yakka tartibdagi uy-joyni qurish, rekonstruksiya qilish va ta’mirlash maqsadlari uchun ajratiladi. Ipoteka krediti bo‘yicha dastlabki badalning bir qismini qoplash uchun ajratiladigan kreditning 15 foizi miqdorida hamda foiz to‘lovlarining bir qismini qoplash uchun kredit muddatining birinchi besh yili davomida 12 foizdan oshgan qismiga subsidiya to‘lanadi.
Kambag‘allikdan chiqarish dasturiga kiritilgan va uy-joy sharoitini yaxshilashga muhtoj bo‘lgan shaxslarga yakka tartibdagi uy-joyni qurish, rekonstruksiya qilish va ta’mirlash maqsadlari uchun ipoteka kreditlari
“mahalla yettiligi”ning tavsiyasi asosida ajratilishida “Inson” ijtimoiy xizmatlar markazlaridagi ijtimoiy xodimlar guruhlari tomonidan ko‘rsatiladigan ijtimoiy xizmatlarning salmog‘i yuqori hisoblanadi. Chunki, ijtimoiy xodimlar guruhlari belgilangan tartibda bevosita, uyma-uy, joyiga chiqqan holda aholining ijtimoiy ahvolini o‘rganadi hamda yakka tartibdagi uy-joyni qurish, rekonstruksiya qilish va ta’mirlashga haqiqatda muhtoj shaxslarni aniqlaydi va hisobini yuritadi.
Ijtimoiy xodimlar guruhlarining faoliyati tegishli tartibda “Inson” ijtimoiy xizmatlar markazlari tomonidan monitoring qilib boriladi.

Furqat tumani “Inson” ijtimoiy xizmatlar markazining
huquqiy masalalarda ekspert maslahatchisi X.Soburov