Бугун 3-декабрь ногиронларни ҳимоя қилиш куни!

Бемор ётганлар...

Жимгина нафасин ичига ютиб
Гоҳ кеча, гоҳ кундуз бедор ётганлар
Оллох дардингизга шифолар берсин
Эшикка термулиб бемор ётганлар 🤲🤲

Биргина мехирга зордир қалбингиз
Ўзингизга аён қанча дардингиз
Эх,неларни хохлар бугун кўнглингиз
Эшикка термулиб бемор ётганлар.

Қолдингиз тақдирнинг хукмига кўниб
Кимнидир кутасиз умидвор бўлиб
Йиғлагингиз келар гох тўлиб тўлиб
Эшикка термулиб бемор ётганлар.

Сўрсалар яхшидир, аҳволим дейсиз
Ўзгага тушмасин малолим дейсиз
Кошки билмасайдим холингиз эссиз...
Эшикка термулиб бемор ётганлар.

Кўнгил сўрайдилар, гоҳ кўнгил учун
Бугун кўрсатмоқда хасталик кучин
Гоҳо ачинасиз қадрингиз учун
Эшикка термулиб бемор ётганлар.


Эй, хаёт! эгманин хаста бошларни
Меҳрга ошно қил бағри тошларни
Хатто кўрсатмайди кўзда ёшларни
Бир ширин сўз учун муштоқ ётганлар
Эшикка термулиб бемор ётганлар...

Барчиной Йўлдашова.