Ўхшайман

Гар ўйласам қалбда исён тошгайман
Етолмаган манзилимга шошгайман
Аро йўлда қолиб кетдим ,кўзим етмас
Сохили йўқ дарёларга ўхшайман.

Менга кулманг дунё ўзи кулиб бўлган
Бағрим тилманг армонлари тилиб бўлган
Ягона шу умидим хам сўниб бўлган
Очилмаган сарсон гулга ўхшайман

Кўришганда кўнгил учун кулиб туринг
Тақдирни шу синовига кўниб туринг
Хеч бўлмасам тушларимга кириб туринг
Адоги йўқ хаелларга ўхшайман

Қанотим йўқ самоларга учай десам
Булут бўлиб юлдизларни қучай десам
Кечолмайман хаммасидан кечай десам юлдизи йўқ осмонларга ўхшайман

Сўз тополмай қийналаман бирор тайин
Унут бўлар дейман кунлар ўтган сайин
Яна сизга нима дейин нима дейин?
Айтолмаган сўзларимга ўхшайман

Мағрур эдим мағрур бўлиб қоламан ха
Енсам фақат ўзи ўзимдан енаман ха
Керак бўлса Ёлғон сўзлаб тонаман ха
Ўзим топган Ёлғонларга ўхшайман

Яхши хамки қўлимда шу қаламим бор
Қогозларга тўкиб сочган аламим бор
Мени фақат шулар учун керагим бор
Езилмаган шерларимга ўхшайман
Энди фақат шулар учун яшайман.

Йўлдашева Барчиной.