Kuzgi kayfiyatBaʼzi birovlar yashashni eplay olishmaydi. “Yashab tashlash” uchun vositalardan kamchilik sezishmasa-da yashashni bilishmaydi. Yomon tomoni oʻrganish istagi ham boʻlmaydi (oʻzimdan bilaman).
Bu xatomi, kamchilikmi, majruhlikmi? Bunisi menga qorongʻu. Shunchaki, “bir marta berilishi” va boshqa nodirliklarini sabab qilib ahamiyati boʻrttirilishini qabul qila olmayman.
Ammo chiroyli yakun, munosib oʻlimni istamaslik, sogʻinmaslik majruhlik, soʻqirlikdir deb uqdiradi Kuz. Kuz goʻzal yakunni suyushga chorlaydi. Goʻzal yakunni tanitishga xizmat qilayotgandek tuyuladi.
Allohim, chiroyli xotima ber! Yashashni omonatimizni munosib topshira olgudek eplay olishimizga, oʻtkinchi umrning haqiqiy hayot uchun serhosil ekinzor boʻlishiga O‘zing koʻmak ber!
Telegram |
Instagram |
Facebook