Самарқанд вилояти судлари | Расмий канал

Судьялар олий кенгаши ташаббуси ва Кенгаш ҳузуридаги Ўзбекистон Судьялар клубининг Аёл судьялар жамоаси ҳамкорлигида очиқ мулоқот бўлиб ўтди.

Самарқанд вилояти судларида фаолият кўрсатаётган аёл судьялар иштирокида бўлиб ўтган тадбирда одил судловни амалга оширишда аёл судьяларнинг ўрни, тизимда гендер тенгликни таъминлаш, бу борада амалга оширилаётган ишлар ҳамда яқин истиқболдаги вазифалар хусусида сўз юритилди.

Қайд этилдики, бугун жамиятнинг бирор-бир жабҳасини фаол хотин-қизларсиз тасаввур қилиш қийин. Жумладан, одил судловни амалга оширишда аёл судьялар муносиб ҳисса қўшиб келмоқда. 2024 йилда аёл судьяларнинг сонида 34 нафарга кўпайиб, жами 225 нафарга етди (15 фоиз). Уларнинг 21 нафари раҳбар судьялик лавозимларига тайинланган. Аёл судьяларимизнинг 3 нафари Халқаро аёл судьялар ассоциацияси аъзоси ҳисобланади. Айни пайтда Кенгаш ҳузуридаги Судьялар олий мактабининг Судьялик лавозимига тайёрлаш курсида 39 нафар хотин-қизлар таҳсил олмоқда.

Барча судья бир хил мақом ва мажбуриятга эга эканлиги эътиборга олинса, тизимдаги опа-сингилларимиз жамиятда қонунийлик ва ижтимоий адолатни таъминлашда эркак ҳамкасблари билан баробар меҳнат қилаётгани яна бир карра ойдинлашади. Ваҳоланки, уларнинг зиммасида одил судлов фаолиятини самарали амалга ширишдан ташқари саранжом уй бекаси, меҳрибон она сифатида фарзандлар тарбиясидек қатор масъулиятлар ҳам бор.Шундан келиб чиқиб, аёл судьяларнинг зиммасидаги масъулият ва мажбуриятлари билан бирга ижтимоий муҳофазаси билан боғлиқ масалаларга алоҳиида эътибор қаратилиб, бу борда бир қатор таклифлар ўртага ташланди.

Шунингдек, аёл судьяларнинг психологик ҳолати, айниқса, судда стрессларни енгиш, иш ва шахсий ҳаётида ўртасидаги мувозанатни таъминлаш, Судьялар одоби кодекси қоидаларига риоя этиш ҳамда тизимда коррупциянинг барвақт олдини олиш каби масалалар хусусида ҳам ҳар доимгидек очиқ, жиддий, аммо самимий оҳангда гаплашиб олинди.

Telegram I Facebook

Маълумки, шу йил 28 январь куни “Айрим қонун ҳужжатларига шахснинг ҳуқуқ ва эркинларини ишончли ҳимоя қилиш кафолатларини янада кучайтиришга қаратилган ўзгартириш ва қўшимчалар киритиш тўғрисида”ги ЎРҚ-1022-сонли қонун қабул қилинди. Вилоят прокуратураси катта мажлислар залида норматив ҳуқуқий ҳужжатларга киритилган ўзгартириш ва қўшимчаларнинг мазмун-моҳияти ҳамда уларни амалиётда қўллаш масалалари мавзсудиа ўқув семинари ўтказилди.

Тадбирда прокуратура органларида тергов тармоқлари фаолияти устидан назорат, ўта оғир жиноятларни тергов илиш, уюшган жиноятчилик ва коррупцияга қарши курашиш бўлимлари ва туман-шаҳар прокуратуралари терговчилари ДХХ Самарқанд вилояти бошқармаси, вилоят ИИБ ҳузуридаги ТБ терговчилари ва масъул ходимлари, вилоят МИБ суриштирувчилари, Миллий гвардия бошқармаси суриштирув ходимлари, вилоят божхона бошқармаси суриштирув ходимлари, Самарқанд вилоят суди судьялари ва эксперт мутахассислар иштирок этишди.

Самарқанд вилояти прокурорининг биринчи ўринбосари С.Базаров тадбирни кириш сўзи билан очиб, мазкур қонуннинг мақсади ва кутилаётган натижалар ҳақида батафсил тушунча берди.

Семинар иштирокчиларига “Прокуратура тўғрисида”ги, “Судлар тўғрисида”ги, Жиноят-процессуал, Фуқаролик процессуал ҳамда Маъмурий жавобгарлик тўғрисидаги кодексларига киритилган ўзгартиришлар ўрганилди.

Самарқанд вилоят судининг судьяси О. Набиев мазкур Қонун мазмун-моҳияти юзасидан маъруза қилди.

Шунингдек, жиноят ишлари бўйича туман, шаҳар судларида тергов судьяси лавозимида жорий этилиши билан боғлиқ бир қатор ўзгартириш ва қўшимчаларни амалиётда қўллаш, дастлабки тергов ва суриштирув босқичида прокурор назоратини самарали ташкил этиш, терговчи ва суриштирувчиларнинг малакасини мунтазам ошириб бориш бўйича чора-тадбирлар муҳокама қилинди.

Telegram I Facebook

Ҳуқуқ тарғиботи аҳолининг ҳуқуқий маданиятини ва онгини оширишнинг энг самарали усулларидан. Ҳуқуқий маданияти юксак жамиятда ҳуқуқбузарлик ва жиноятчилик нисбатан кам учрайди.

Ҳуқуқ тарғиботининг турлари жуда кўп. Уларнинг энг самаралиси аҳоли билан юзма-юз учрашиб, суҳбатлашиш, уларни тинглаш, қийнаётган муаммоларини ҳал этиш чораларини кўриш, тўғри йўл кўрсатиб, ҳуқуқий маслаҳатлар беришдир. Фуқаронинг муаммоли масаласи жойида ҳал этилиши эса одамларда қонунчиликка, судларга ҳурмат ҳиссини кучайтиришда тенги йўқ амалиётдир. Шу билан бирга, сайёр суд мажлислари авҳолининг ҳуқуқий онгини оширишда катта аҳамият касб этади.

Самарқанд вилоят суди раиси ўринбосарлари Толиб Бойзоқов ва Хуршид Турсунов Самарқанд тумани Халқ қабулхонасида учрашув, давра суҳбати ва сайёр қабуллар ўтказди. Тадбирда, шунингдек, жиноят ишлари бўйича Самарқанд туман суди раиси Н. Ражабов, тергов судьяси Ф. Муҳаммадиев, фуқаролик ишлари бўйича Тойлоқ туманлараро суди раиси Б. Фармонов ва Тойлоқ туманлараро иқтисодий суди раиси Ф. Мажидов ҳам иштирок этишди. Қабул жараёнида жиноят, фуқаролик, иқтисодий ва маъмурий масалалар юзасидан фуқаролар мурожаатлари кўриб чиқилди.

Дастлаб, йиғилганлар билан учрашув ўтказилди. Учрашувда вилоят суди раиси ўринбосарлари Толиб Бойзоқов ва Хуршид Турсунов йиғилганларга бугунги суд-ҳуқуқ ислоҳотлари, қонунчиликдаги янгиликлар, давлатимизнинг бу соҳадаги одилона сиёсати ҳақида гапириб беришди. Мулоқот тарзида ташкил этилган учрашувда тадбир иштирокчилари ҳам фаол иштирок этишди ва саволларига батафсил жавоблар олишди.

Шундан сўнг, сайёр қабул ташкил этилди. Сайёр қабулда 14 та мурожаатлар бўлди. Шундан қонунга мувофиқ келадиганлари ижобий ҳал қилинди ва қолганларига ҳуқуқий тушунтириш берилди.

Шунингдек, содир қилган жиноий қилмиши учун суд ҳукми билан жазосини ўтаётган 11 нафар фуқаро сайёр қабулда қилмишидан пушаймонлиги, тегишли хулоса чиқарганлиги, тузалиш йўлига қатъий ўтганлигини, бундан буён соғлом турмуш тарзида ҳаёт кечиришини билдириб жазонинг ўталмай қолган қисмидан озод қилишни сўради.

Шу ерда жиноят ишлари бўйича сайёр суд ташкил этилди. Сайёр судда ҳар бир ҳолат алоҳида кўриб чиқилиб, мурожаатлар ижобий ҳал этилди.

Суд-ҳуқуқ масалалари юзасидан тушган барча мурожаатларга алоҳида эътибор қаратилди.

Telegram I Facebook