Salomatlik daily

​​Bosh miya qachon MRT qilinishi kerak?

Bu borada asossiz holatlar ko’payayotgani va ba’zida bemorlarning o’zi ham bu tekshiruvdan o’tishi shartligini talab qilish holatlari kuzatilgani sabab bu mavzuga to’xtalib o’tsak.

1. To'xtamaydigan, kuchayib boruvchi doimiy bosh og'rig'i va bosh aylanishlarida, qon bosimi oshishi bilan bog’liq kuchli boshlangan bosh og’riqlarida;

2. Nevrologik simptomlar: ko‘rishning yomonlashishi, qo‘l-oyoqlarning uyushishi, muvozanat yo‘qolish, nutq buzilishlari kabi alomatlarda;

3. Bosh miya ochiq va yopiq travmalarida.

4. O‘sma yoki kistalar - miyada o‘sma (shish) yoki kista borligiga shubha qilinganda;

5. Epilepsiyada EEG tekshiruvi bilan birga, tashxisni asoslash va qo’shimcha tekshirish sifatida.

6. Miyada qon aylanishi buzilishlari - insult yoki tranzitor ishemik hujum kabi holatlarda;

7. Infeksiyalar - meningit yoki ensefalit kabilarga shubha bo’lganda;

Shu holatlarda MRT qilish arziydi.

Ammo qandaydir epizodik bosh og'riqlari, migren va shu kabi yengil belgilar va kasallik tarixida jiddiy shikoyatlari yo’q bemorlarda MRT hech narsani ko'rsatmaydi. Shunchaki klinika va patogeneziga qarab terapevtik muolajalar va jismoniy mashqlar buyurish maqsadga muvofiq bo’ladi.
Dr. Aziz Joʻrayev

👉@Salomatlik_daily - Hammasi salomatlik haqida.

​​​​​​TARVUZ haqida

Tarvuz deyarli 90% suvdan iborat boʻlib, chanqogʻingizni juda yaxshi qondiradi.

Tarkibida oqsillar va yogʻlar yoʻq, ammo tez hazm boʻlib energiya beradigan uglevodlarga boy. Ushbu meva, ayniqsa, jismoniy faol odamlar uchun foydalidir.

Tarvuz tarkibida juda koʻp qizil pigment — likopin mavjud. Bu modda kuchli antioksidant.

Tarvuz C va B guruh vitaminlariga, ayniqsa minerallarga boy.

Tarvuz deyarli suv va kam kaloriyaga ega boʻlgani uchun uni cheksiz miqdorda isteʼmol qilish mumkin degan notoʻgʻri tushuncha bor.

Tarvuz oddiy uglevodlarga boy boʻlib, glikemik indeksi baland mahsulotlar roʻyxatiga kiradi. Shuning uchun qandli diabetda ehtiyot boʻlib iste’mol qiling.

Tarvuz 3 yoshgacha boʻlgan bolalarga berish tavsiya qilinmaydi, allergenligi sababli emas, balki tarvuzni sanoat usulida yetishtirishda ishlatiladigan oʻgʻitlar, nitratlar va boshqalarni zararli taʼsiridan.

Shu sababdan kattalarga tarvuzni qobigʻigacha isteʼmol qilish tavsiya qilinmaydi aynan shu qatlamida zararli moddalar koʻproq boʻladi.

Diuretik taʼsiri va siydik kislotasining chiqarilishini koʻpaytirishi tufayli buyraklar qumdan tozalanadi.

Ma’lum boʻlishicha tarvuz shishlarni, yurak va buyrak kasalliklarini, gipertoniya va ich qotishini yengillashtiradi.

Tarvuzni sevadigan do’stingizga ham jo’nating 🚀 )
#taomlanish_ilmi

👉@Salomatlik_daily - Hammasi salomatlik haqida.

​​#iymon_shifosi
Kasallikni ketkazish sabablaridan biri...

Abu Bakr Xabbaziy rahimahulloh deydilar: “Ogʻir kasallikka yoʻliqdim. Meni koʻrgani bir solih qoʻshnim keldi va menga: “Rasululloh sollallohu alayhi vasallamning “Bemorlaringizni sadaqa bilan davolanglar” degan hadislariga  amal qilgin” dedi. Yoz vaqti edi. Koʻpgina tarvuz sotib oldimda, faqirlar va yosh bolalardan iborat katta jamoatni yigʻdim. Ularni tarvuz bilan siyladim. Ular yeyishdi va qoʻllarini koʻtarib Alloh taolodan meni haqqimga shifo soʻrab duo qilishdi.
Allohga qasamki, tong otdi hamki, Alloh tabaroka va taoloning fazli  bilan butkul  tuzalib, ofiyat topgan edim”.

Imom Zahabiyning “Siyari aʼlamu nubalo” kitobidan

Muborak jumaning butun xayr-u barokati sizga boʻlsin, assalomu aleykum va rahmatullohu va barokatuhu.😊

👉@Salomatlik_daily - Sog’lik haqida har kuni.

​​#tabassum
Shifokor va yurist bemor haqidagi voqea.

Amerikada hech bir klinikaga ishga kira olmagan xitoylik shifokor oʻz klinikasini ochib, shifoxona peshtoqiga: “Shifo topganga xizmat 20 dollar, shifo topmasang, 100 dollar kompensatsiya!” deya yozib qoʻydi. Eʼlonni koʻrgan yurist xitoylikdan pul ishlash maqsadida shifoxonaga kirib, taʼm sezmayotganidan arz qildi. Shifokor hamshirasiga 14 chi qutidagi doridan keltirishni buyurdi.

Shifokor “yurist bemor” ogʻziga 3 tomchi kerosin tomizishi bilan yurist: “tfu-u-u, bu kerosin-ku!” deb baqirdi.
Shifokor: “Sizning taʼm bilish sezgingiz qayta ishga tushdi, sizdan 20 dollar!”

Alamda qolgan yurist bemor bir necha kundan keyin qayta tashrif buyurdi va xotirasidan shikoyat qildi. Shifokor hamshiraga 14 chi qutidan dori olib kelishni buyurdi.
Bemor: “u qutida kerosin bor edi!” – deya hayqirdi.
Shifokor: “Sizning xotirangiz qayta tiklandi, sizdan 20 dollar!”

Alamdan kuygan yurist keyingi safar shifokorga koʻzidan shikoyat qilib keldi.
Xitoylik shifokor bu safar ojiz qolganini eʼlon qilib, davo topmagan bemorga 100 dollar berishini eʼlon qildi va 20 dollarlik kupyura uzatdi.
Bemor: “Axir, bu 20 dollarku!”
Shifokor: “Sizning koʻrish qobiliyatingiz tiklandi, sizdan 20 dollar!”

— Kulib bo’lgach yaqinlaringizga ham yuborib, xush kayfiyat ulashib qo’ying 😁

👉 @Salomatlik_daily - Salomatlik haqida har kuni.

​​#qiziqarli
Ko’zlarimiz rangini - ko’zning kamalak pardasi hosil qiladi.

Ko’zning kamalak pardasi (iris deb ham aytiladi ba’zan) qon tomir pardadagi qon tomirlarining har xil ranglarda bo’yalgani, pigmentlangani sabab turli ranglarda bo’ladi. Xullas ko’zning o’sha rangli joyi bir tutam kichik tomirlardan iborat. Alloh naqadar Buyuk rassom, shunday emasmi!?

👨🏾 Har xil irqqa mansub kishilarning ko’z ranglari har xil bo’lishi xuddi teri ranglari har xilligi singari pigmentatsiyaga bog’liq tarzda turlicha bo’ladi.

Albinizm bilan tug’ulgan ayrim insonlar va hayvonlarda ko’zni qizil boʻlishini ham shu pigmentlanishdagi buzulishlar sababidab deb tushunsak bo’ladi.

Bu haqda bilarmidingiz?
Ha-👍
Yo’q, yangilik bo’ldi- 🔥

👉🏻 @Salomatlik_daily - Sog’likni vaqtida qadrlang.

​​🔎 Мелатонин шунчаки уйқу гормони эмас!

Мелатонин қоронғулик ва уйқу гормони дея танилган бўлсада, у танадаги бошқа кўплаб жараёнларни тартибга солади:

✅ антиоксидантларни тартибга солади ва ўзи ҳам кучли антиоксидант хусусиятга эга

✅ Аутофагия ва апоптозни бошқаради, эски ҳужайра қисмларини ёки дисфункцияга учраганларини йўқ қилишда муҳим;

✅ мияни ҳимоя қилади ва тозалайди;

✅ Ўсиш гормони ишлаб чиқаришни ва суяклар ривожланишини қўллаб-қувватлайди;

✅ иммунитетни мустаҳкамлайди ва организмни инфекцияларга қарши курашишида ёрдам беради;

✅ Хотирани мустаҳкамлаш ва ўқиб-ўрганишга ёрдам беради.

Мелатонин нафақат уйқуга таъсири, балки бошқа барча хусусиятлари туфайли ҳам қариш ва узоқ умр кўришга таъсир қилувчи энг муҳим гормонлардан биридир.

Яқинларингизга ҳам улашинг ва саломатлик ҳақида маълумотларни кузатишда давом этинг )

👉ОИЛАВИЙ ШИФОКОР КАНАЛИ.

​​🦵Оёқлар шиши жиддий аломат.

— Оёқларда шиш кўпроқ тана тўқималарида сув йиғилганда юзага келади. Бунга эса бир неча омиллар сабаб бўлиши мумкин.

Хусусан:

📌 бўғим касалликлари;

📌 шикастланиш;

📌 буйрак ва жигар хасталиклари;

📌 ўтказилган ўткир респиратор инфекциялар;

📌 юрак етишмовчилиги;

📌 қалқонсимон без касалликлари;

📌 гормонал дори воситалари билан узоқ вақт даволаниш;

📌 ҳомиладорлик;

📌 томирлар ва қон томирлари хасталиклари (тромбофлебит, тромбоз, варикоз ва бошқалар);

📌 артроз, ревматизм ва яссиоёқлик.

Масалан, юрак етишмовчилигида мазкур тана аъзоси ўз фаолиятини тўлиқ бажара олмаслиги ва қонни етарли даражада ҳайдаб бера олмаслиги натижасида оёқ қон томирларида димланиш содир бўлади.

Шунингдек, ҳаддан ортиқ алкоголь маҳсулотларини истеъмол қилиш ва бунинг оқибатида сурункали гепатит ҳисобига жигар фильтрлаш функциясини бажаролмай қолиши оқибатида ҳам танада сув йиғилади.

Яна бир мисол. Маълумки, инсон ёши ўтгани сари томирларда қон айланиши бузилади. Натижада веноз томирларнинг қонни бир томонга йўналтирувчи клапан аппаратидаги етишмовчилик қоннинг димланиши ва шишларга сабаб бўлиши мумкин.

Бундан ташқари, оёқ томирлари тромбозида шиш бирданига ва тез содир бўлади. Бу ҳолат жуда хавфли ҳисобланиб, зудлик билан даволанишни талаб қилади. Буйрак касалликларида эса шиш тўпиқ ва болдир қисмида юзага келади. Шу билан бирга, кўз остида шиш, пешобнинг ранги ўзгариши кузатилади.

Агар оёқ шишиб, нафас олиш қийинлашса, кўкрак соҳасида оғриқ ва оғирлик ҳисси пайдо бўлса, шишган оёқ териси таранглашиб, ёрилиш даражасига етса ёки кунлик сийиш миқдори истеъмол қилинаётган суюқликка нисбатан камайса, бундай ҳолатларда асло ўзбошимчалик билан даволаниш керак эмас.

Аксинча шифокор қабулига боришни кечиктирмаслик бу салбий ҳолатдан имкон қадар тезроқ халос бўлишга ёрдам беради.

Шунингдек, оёқ шишганда туз истеъмолини камайтириш, алкоголь ичимликлар ичмаслик, кўпроқ ҳаракат қилиш, малина, мош, ловия, сули ёрмаси, банан, бодом ва лавлаги каби таркибида магний элементи мавжуд маҳсулотларни тановул қилиш мақсадга мувофиқ.

Олий тоифали шифокор Хилола Жамилова

👉ОИЛАВИЙ ШИФОКОР КАНАЛИ.

Оёқлари шишидан шикоят қиладиган яқинингизни ҳам хабардор қилинг!