Футбол ҳақида

Купер терма жамоага келишидан олдин Элдор Шомуродов ўнг қанот ҳужумчиси эди. Яъни, ҳозир Ўрунов термада ўйнаётган жойда ўйнар эди. Купер уни марказий ҳужумга қўйди шу билан ҳозирги марказий ҳужумчи Шомуродов пайдо бўлди.

Лекин, шунда ҳам Куперни ишидан ҳеч ким қониқмади. Натижа ҳам, ўйин ҳам қониқарли бўлмади.

Агар бу логика бўйича терма жамоа мураббийига баҳо берадиган бўлсак Купер жойига қолиши ва ҳамма ундан рози бўлиши керак эди.

Ундан кейин "ҳамма Абрамовни қўйиш керак, олдинги гал ёрворган ҳаммани" дейишди. Абрамов қўйилди ҳам. Кейин нима бўлганини ҳамма кўрди.

Терма жамоа мураббийига баҳо бераётганда ундан олдинги терма жамоанинг резултатларига қараб баҳо берилади. Терма жамоанинг доимий кўрсаткичлари алдамчи бўла олмайди.

Ҳозирги вақтда терма жамоа устози резултат кўрсатяптими унга тош отилиб йўқотиш керак дейилмайди. Ўйинчиларни танимаслиги ёки эсдан чиқариб қўйиши эса бу табиий ҳол. Ман эрталаб нима еганим эсимда турмайди масалан.

Шунинг учун ҳар қандай мураббий ўзи бошлаган ишни охиригача давом эттириши керак. Шунда унда баҳона бўлмайди.

Фараз қилинг ҳозир Катанец олиб ташланди. Терма жамоа ЖЧ га чиқа олмади. Катанецчилар "унга тегмаганга олиб чиқар эди" дейди. Анти Катанецчилар "вақтлироқ олиш керак эди" дейди.

Худди Абрамовда бўлгани каби. Абрамовчилар охирги ЖЧ саралашидан кейин жим бўлишди. Унгача "Абрамовга охиригача қўйиб бериш керак эди, бузиб ташлар эди" деб оламни бузушар эди ўзиям )

Терма жамоа мураббийининг асосий иши резултат кўрсатиш. Қолгани фазилат. Бўлса яхши, бўлмаса зарари йўқ.

Айтганча, Катанец ҳам Турғунбоевни ўнг ҳимоячи қилиб кашф қилиб берди. Шунинг орқасидан Азиз Туркияга кетди )

Мана яна биттаси ) Катанецни услуби билан фалсафаси тўғри кемаятган эмиш. Лекин¸ жамоа Эрон билан биринчи ўринни бўлишиб турибти. Мағлубиятсиз сериялар давом этяпти. Ютилмаган жамоалар ютиляпти. Лекин¸ услуб нотўғри)

Бу болага кимдир тушунтирилар клуб билан терма жамоа фарқ қилишини) клубда потенциал очилади, ўйинчи тарбияланади, етиштирилади, терма жамоага эса клубдаги ўйинчиларни кўрсатаётган ўйинига қараб жалб қилинилади. Терма жамоа ўйинчиларни кашф қиладиган жой эмас. Терма жамоа натижа кўрсатадиган жой.

Россия Хиддинк даврида ўзининг энг яхши Евросини ўтказган давр. Ўшанда Павлюченко деган ҳужумчи ортиқча вазн билан терма жамоага келади. Журналистлар "ортиқча вазни борку нимага йўқотмаяпсанлар" деб терма жамоа мураббийларига эътироз билдиришганда "Эътирозни Спартакка билдирасизлар. Биз клублардан тайёр ўйинчи оламиз" дейди. Терма жамоа клуб эмас. Тем более Суперлигада ўйнайдиган)

Охирги пайт кўп эшитаётган гапларимдан бири  "Катанец Ўзбек футболчиларининг потенциалини очиб бера олмаяпти" дейишяпти. Шунинг учун кўпчиликнинг айтишича Катанец кетиб бошқа келиши керакмиш. Масалан - Кападзе.

Менга бир нарса қизиқда. Шу гапни айтаётганлар Ўзбек футболини потенциалини қаерда кўрган эканлар ? Купер давридами?  Абрамов давридами? Ёки суперлигадамикан? 

Купер даврида ҳамма термамиз қанақа ўйнаганини эслайди (айтганча айнан Купернинг тактикаси ютқазмаслик эди, Катанецники эмас).

Ёки Абрамов давридами? Тарихда биринчи маротаба Ўзбекистон 3 чи босқичга чиқа олмаганда кўришганмикан? 

Ўзи потенциал нима у ? Қанақа рақибларга қарши ўйинларда аниқланади у нарса ?

Клубдаги ўйинга қараб аниқланса Суперлиганинг савияси билан ЖЧ нинг охирги босқичидаги ўйинлар билан солиштириб бўлмайди потенциални аниқлаш учун. Ҳатто Россия чемпионати ҳам ўлчов бўлиб бера олмайди. ОЧЛ ҳам ўлчов бўла олмаслигини кўряпмиз араблар мисолида.

Кейин Ўзбек футболчилари потенциали юқори деб бонг ураётганлар терма жамоамизни қайси ўйинларига қараб шу гапни айтяптилар?  Биз доим ЖЧ иштирокчисимизми?  Осиё Кубогини ютиш уёқда турсин  финалига ҳам чиқа олганмизми?  Энг юлдузли таркибимиз ва ёрқин Осиё Кубогимиз деб тилга олинадиган ОК 2011 да ҳам биринчи гранд жамоага дуч келишимиз билан 6 тани қучоқлаб қайтиб келганмиз. Унгача Хитойу, Иорданияларни ютиб юрганмиз. Эсимда ўша ОК да Австралия терма жамоаси бош мураббийига журналистлар " Ўзбеклар Барселона каби ўйнаб тўпни назорат қилишяпти. Уларга қарши нима қилмоқчисизлар?" деб савол беришганда "улар тўпни назорат қилишса қилишаверсин, бизга тўп керакмас" мазмунида гап айтган эди. Натижада Австралия тўпни атай бериб қўйиб қарши ҳужумда 6 та урган эди. Мана буни класс дейди.

Шу кунгача биз ҳали бирор бир Осиёнинг гранд жамоаси билан улар айтгандай потенциалимизни қойиллатиб кўрсатиб қўймаганмиз.

Бўлмағур гапларни йиғиштириб ўзимизга тўғри баҳо беришни ўрганайлик. Ва ўзимиз ўйлаб топган нарсалар билан мураббийларни тагига сув қуймайлик.

@salimov_futbol

Эрон Қатарни еб ташлашяпти. Булар билан очиқ футбол ўйнаб бўлмайди.

Ўйин билан ишим йўқ. Ютиб турсак бўлди)

Ғалаба муборак. Давомий бўлсин!

Битта гол уриб қарши ҳужум тактикасига ўтиб олиш керак. Шунда рақибда бўш зоналар кўпроқ бўлади.
Битта уриб олсак ҳаммаси яхши бўлиб кетади.

Биринчи ўрин билан чиқамиз Худо хоҳласа.

Кечаги ўйиндан кейин яна Ўзбекчилик бошланди. Яъни, футболчиларни сўкиш, ҳақорат қилиш, бўлмағур босим уюштириш.

Ҳар 4 йили шу бўлар такрор. Ҳали турнир тугагани йўқ. Йўл узоқ. Уларни қўллаб қувватлаш ўрнига доим шунақа қиламиз. Балки шунинг учун ҳам ҳеч нарсага эриша олмасак керак. Бу СССР дан қолган сарқит бўлса керак. СССР дан қолган жамоалар ҳам ҳеч нарсага эриша олмаган анақиса. Уларда ҳам худди шунақа аҳвол. 

Эмишки Эрон 1 та кам қолган. Пақиллатиб уриб ташаш керак эди эмиш. Мен мухлислик қиладиган жамоа ўйнаганда рақиб ўйинчиси қизил олишини хоҳламайман ҳеч қачон. Сабаби қизил олган жамоаларнинг 90%  ютқазмаслик учун доим орқага ётиб олади. Умуман очилмайди. Унинг устида Эроннинг ўзи ёпиқ футбол ўйнайди. Қизил янаям очилмасдан барча зоналарни умуман беркитиб ёпиб ташлади. Олдида ўша 3 та ўйинчисига ишониб орқани умуман очмади.  БАА билан ҳам шунақа ўйнаб натижада эришди. Масалан,  қишда Осиё Кубогида Япония билан шунақа ўйнаб ютишган. Япония Эрон дарвозасига бор йўғи 2 марта зарба бера олган холос. Ҳамма ўйинчиси  Европада ўйнайдиган Япония Эрон дарвозасига бор йўғи 2 марта зарба бера олган.

Ҳар бир давлатнинг ўзининг футбол философияси бўлади.  Эрон  клублари ва терма жамоаларининг  философияси шунақа. Ўзларинг  кучли тарафларидан фойдаланишга ҳаракат қилишади.

Эрон учун битта кам бўлиб ўйнаш фожиа эмас. Ўйин тактикаси деярли ўзгармайди. Орқада ҳимоя очилмасдан метин туриб беради, олдинда топ ўйинчиларини савиясига суянади. Тареми ва Азмун каби ўйинчилар бор терма олдинда у бу нарса албатта қила олади. Шунинг учун улар ҳалигача гол ўтказишмаган. Лекин¸ шу билан бирга бор йўғи 2 та гол уришган. Унинг устига ўйинчилар ва мураббийлар ОАВ орқали рақибга ҳар хил гаплар билан  босим уюштирадилар. Бизлар эса содда бўлиб учиб юраверамиз.

Кечаги дуррангдан фожиа ясаб футболчиларни ҳақорат қилиб, босим уюштирмаслик керак. Йўл ҳали жуда узун. Эронда ҳам ўйин бор. Ҳеч ким кафолат бермайди Эрон бизни ютади деб. Эрон биздан кучли бўлса озгина кучли бўлиши мумкин. Лекин¸ бир калла эмас.

Биз ваҳима қилмасдан, ҳеч кимдан қўрқмасдан "Бизга Эрон билан ўйнашга ҳали бор экан" деб ўзимизни ўзимиз ерга урмасдан 1 чи ўрин учун курашаверишимиз керак. Футболчиларни битта ўйиндан сўнг ерга уришни йиғиштириш керак. Аксинча уларга ишонч билдириб куч бериш керак. Ўзига бўлган ишончни сингдириш керак.

"Навбаҳор" - "Андижон" ўйинидан сўнг бир гапни ўқиб қолдим. Ва шу нарса нуқтасига урилган эди. Унда "мана шу видео таъсир қилди" дейилган эди.  Ўйиндан олдин эсингизда бўлса "Навбаҳор" фан клуби бошлиғи "футболчилар ютқазиб қўйишса қайтиб келишмасин" деган эди. "Андижон" ликлар эса бутун вилоят бўлиб қўллаб, ота оналар видеолар қилишган эди. Ўйиндаги мотивацияни ўзингиз кўрдингиз.

Хуллас футболни ислоҳ қилиб ҳамма футболчиларни чопиб ташлашга шошилманг. Олдинда ҳали 7 та ўйин бор. Муносабат шунақа бўлар экан аниқ ЖЧни яна ТВда кўрамиз.

Албатта бу ўта шахсий фикрим.

@salimov_futbol

Бундей олиб қараса Ўзбекистон ва Эрон ўзаро иккита дурранг ўйнаб қолган ўйинларни ютишса иккаласи биринчи ва иккинчи ўринни олиб чиқиб кетишади )

Яхши ниятда.

Қизил карточка яхшию, лекин қизил олган жамоа орқага тўлиқ ётиб олиши ёмонда. Бунақа вазиятда гол уриш аксинча қийинлашиб кетади.

Ўйинни Руссчасини Самвел Бабаян ва Отабек Жўраев шарҳлашяпти. Ўзбекчасини Даврон Файзиев.

Мутахассис фикри қизиқ бўлганларга маълумот.