РОД
❗️ Рус тилида отларнииг ҳаммаси мужской, женский ва средний родга бўлиниб, бир-биридан шакл жиҳатидан фарқ қилади. Ўзбек тилида бу ҳодиса йўқ. Ўзбек тилида баъзан женский родни билдирувчи қўшимчалар учрайди, масалан, муаллима, адиба, Салима, Салимова, Каримова ва ҳ.к. Рус тилида отларнинг мужской род, женский род ва средний родга тегишли эканлиги маълум белгилар орқали аниқланади.
Мужской родга қуйидаги сўзлар киради (Он ):🚶🏻♂️
1) Эркак жинсидаги жонли нарсаларни англатадиган сўзлар: папа, дядя, брат;
2) Каттиқ ундош билан тугаган сўзлар: стол, стул, рот, нос;
3) Юмшоқ ундош билан тугаган сўзлар: конь, день;
4) -й билан тугаган сўзлар: герой, край каби;
5) Каттиқ ёки юмшоқ шипилловчи товуш билан тугаган сўзлар: нож, карандаш , луг , плащ каби.
6) Ойларнинг номлари — январь, февраль, март, апрель, май, июнь, июль, август, сентябрь, октябрь, ноябрь, декабрь — мужской родга киради.
Женский родга қуйидаги сўзлар киради ( Она ):
1) Айол жинсидаги жонли нарсаларни билдирадиган сўзлар: мама, тётя, сестра, корова, овца каби;
2) Охири -а билан тугаган сўзлар: парта, доска, рука , нога;
3) Охири -я билан тугаган сўзлар: баня, дыня, пуля;
4) Юмшоқ ундош билан тугаган сўзлар: тень, цель каби.
Э с л а т м а. Юмшоқ ундош билан тугаган сўзларнинг баъзилари мужской родга, баъзилари эса женский родга тааллуқли бўлади. Дождь (мужской род); тетрадь (женский род).
Демак, охирида юмшоқ ундош ёки шипилдоқ ж, ч, ш, щ (қаттиқ ёки юмшоқ) товуш келган отлар мужской родга ҳам, женский родга ҳам кириши мумкин: день —мужской род, тень— женский род, нож — мужской род, рожь— женский род каби.
Баъзи ҳайвон ва қушларнинг эркак ва урғочилигини билдириш учун бошқа-бошқа ўзаклардан ясалган сўзлар ишлатилади, масалан:
📌 Муж.род 📌 Жен.род
Баран Овца
Бык Корова
Петух Курица
Селезень Утка
Эркак ёки урғочилигидан қатъи назар мужской родда: Конь, голубь, гусь, журавль, лебедь, пескарь, олень , слепень, шмель , коршун, жук, сокол, кролик, грая, клоп, сом, кит, ёж, уж. Эркак ёки урғочилигидан қатъи назар женский родда: Лошадь, мышь, рысь.
Касб-ҳунарни англатувчи кўпгина мужской род сўзлари хотин кишига нисбатан ҳам ишлатилиши мумкин: моя сестра врач ёки мой брат врач, моя мама доктор ёки мой папа доктор , моя тётя профессор ёки мой дядя профессор каби.
👉 Отларнинг охирида о, е, ё келса, булар средний род отлари ҳисобланади✔️
📌 Масалан: окно, перо, море, поле, ружьё каби.
Бошқа тиллардан олинган турланмайдиган сўзлар родларга қуйидагича бўлинади: агар сўз жонсиз предметни билдирса, у средний родга киради: пальто, жюри каби (бу қоидага кофе сўзи кирмайди, чунки у мужской родга киради); агар сўз жонли предметни (қуш, ҳайвонларни) билдирса, мужской родга киради: кенгуру, какаду, колибри, шимпанзе каби.
@Rustili_organish
