Фатима Жураева

"Оддий, орзуларга тўла аёлдан ҳамиша курашга тайёр блогер бўлишгача ўтилган 15 йиллик йўл...."
(36 ~ қисм)

Ота-онамга Тулганой опа билан бўлган келишув суҳбатимизни ҳам айтиб бердим.
Ва орадан деярли уч соатлар ўтгач, Тулганой опа Андижон~Тошкент йўналиши қатновчи такси билан уйимизга келди. У билан биргалашиб, уйдагилар билан ҳайрлашиб, яна Тошкент томон йўл олдим. Кечаси етиб келдик.
Эртаси куни эрталабдан сотилажак уйлар ҳақида эълонлар бериб, бу ҳақида риэлторлик компанияларини ҳам бохабар қилдик.
Ва табиийки, бундай уйларнинг эквиваленти бўлган сотилажак уйлар ҳақида ҳам қизиқиб кўрсак, айни дамда ушбу уйларнинг нарҳи анчагина ошиб (чунки бу вақтга келиб доимий рўйҳатсиз фуқароларга ҳам уй сотиб олишга руҳсат берилгани оқибатида), иккала уйнинг умумий қиймати энг камида 100 000 (юз минг) АҚШ доллари миқдорига тенг қийматда эканлигини аниқладик.
Опа ҳам, мен ҳам бундан жуда ҳурсанд бўлдик.
Яхши ниятда бошланган ишга Оллоҳ ҳам кўмакдош бўлар экан.
Орадан 2 кун ўтиб, бир риэлторлик компанияси, доимий мижози шаҳар марказлари, метрога яқин жойлардан уйлар қидираётганлигини айтиб, уйларни кўриш истаги борлигини билдирди.
Табиийки бажонидил кўришиб, уйларни кўрсатдик. Мижозга иккала уй ҳам жуда ёқди.
Ва, агар 80 000 (саксон минг) АҚШ долларига сотсак, бугуноқ сотиб олишини айтди.
Мен "маслаҳатлашиб олайлик" деб опага юзландим. Ва, Тулганой опа иккаламиз бир хонага кириб, маслаҳатлашдик:
~ Опа, нима дейсиз?
~ Қизим, ахир 20 000 (йигирма минг)га олганмиз. Зарар қилаётганимиз йўқ-ку, тўғрими? Оллоҳга беадад шукрлар бўлсинки йўқ жойидан шунчани кўпайтириб беряпти.
~ Тўғри...
~ У ҳолда, рози бўлавер.
Гаплашиб олиб, чиқиб бизни кутиб турган риэлторлик компанияси ходими ва мижозига розилигимизни билдирдик.
Улар ҳам хурсанд бўлиб, обеддан кейин нотариусда кўришишга келишиб, ҳайрлашдик.
Обеддан кейин эса, мен, турмуш ўртоғим, Тулганой опа билан ҳужжатларни олиб, нотариусга келиб, олди-сотдини амалга ошириб, уйга қайтдик.
Уйга келгач эса, опа:
~ Қизим, мана 60 000 (олтмиш минг) АҚШ доллари, қилган фойдамиз. Сенга шуни бераман, истаган вақтингача ишлатишинг мумкин. Фақат, бир шартим бор.....
~ Нима шарт экан?
~ Эсингдами, фойдани 50/50 бўлишишга келишгандик?
~ Ҳа....
~ Демак, 30 000 (ўттиз) минги сеники бўлиши керак эди келишувимизга кўра.
~ ..........
~ Сизларга ҳаммасини бераман. Режаларингизни амалга ошириб олиб, бир кун топганларингизда, ҳаммасини қайтаришларингиз шарти билан.

Айни дамда жуда шу пулларга муҳтож эканлигимиз ва йўқ жойдан имкон пайдо бўлиб қолганлиги сабаб, бу шартга бажонидил кўндик.
Опадан бу пулларни ҳам олиб, ишларни бошладик.
Шу лойиҳамизни амалга ошириш бошланишида ота-оналаримиздан (ўзимизнинг таклифларимизга кўра) биттадан "Каптива" ва Тулганой опадан 60 000 (олмиш минг) АҚШ доллари миқдоридаги қарзга киргандик.
Ҳечқиси йўқ, тадбиркорликда таваккал ҳам қилиб туриш керак.

Бош вазиримиз томонидан берилган ерга таклифий лойиҳаларни қилдириб, у жойларни ахлатлардан тозалаб (80 машина ахлат олдириб), 100 машина тупроқларни тўктириб, текислатиб, брусчаткалар қўйдириб, у ерда қуриб ётган дарахтларни ўз ҳисобимиздан (камига ҳар бир куб метрига штрафини ҳам тўлаган ҳолда) кестириб, ўрниларига арчалару павлониялар, гуллар эктириб, гулларни суғориш тизимини жорий қилган ҳолда, янада гўзал бўлиши учун мусиқага ўйновчи фонтан, гўзал ёритиш чироқларини ўрнатдик. Буларнинг барчасига техник шартлар олиш, улар билан шартномалар қилиш ва бажариш.... Ундан сўнг эса, музқаймоқ учун будкалар қуриб, ўтириб ейишлари учун стол-стул, зонтиклар, болалар учун ўйингоҳлар ҳам сотиб олиб, барчасини жойлаштириб қўйдик.
Барча ишлар тез вақтда бажарилишига ҳаракат қилдик.
Ва, 4 ойдан ортиқ вақт мобайнида барчаси қуриб битказилиб, ишга туширилишга тайёр ҳолатга келтирилди.

"Оддий, орзуларга тўла аёлдан ҳамиша курашга тайёр блогер бўлишгача ўтилган 15 йиллик йўл...."
(65 ~ қисм)

Болаларга кўнгилочар мажмуа, музқаймоқ шаҳобчасини" тезроқ қуришим керак эканлигини айтганимда, нариги 4 соток ерга қилган қурилишимизда туну-кун бош-қош бўлган ва ҳаражатларнинг барчасидан шаҳсан хабардор бўлган ота-онам:
~ У ернинг узунлиги деярли нариги жойингдан 3 баробар катта. Наригиёқни ахлатини тозалашнинг ўзига 10 000 (ўн минг) АҚШ доллари кетган. Бу томонга эса, 3 баробар кўп кетса керак?!
~ Ҳа дада, шунақа....
~ Айтаётган лойиҳанг жуда гўзал, лекин... Бунча пулни қаердан оласан? Ахир нариги томонни шу даражагача келтиргунча оз мунча сарфладиларингми?
~ Дада, мен Абдулла Ниғматовтчга лафз қилдим. Ахир ўзларингиз "ЛАФЗ ~ бу Оллоҳнинг олдида ичилган қасамдир!" дея, ҳамиша лафзимиз устидан чиқишимиз кераклигини ўргатиб келгансизларку?
~ Ҳм.... Бўлмаса, мана ўтган йили олган, минганимга ҳали ярим йил ҳам бўлмаган "Каптива"мни ол. Бу бизни қўшганимиз.
~ Йўғ-е?! Сиз пиёда қоласизми?!
~ Қариганда машинада юришимиз шарт эмас, пиёда юрсак соғлигимизга ҳам анча фойдали, тўғрими онаси, ~ дея ҳазил қилди дадам онамга қараб.
~ Ҳўп оламан, фақат битта шарт билан.
~ Нима шарт экан?
~ Қарзга! Худо ҳоҳласа, ишларимиз яхшиланиб кетганидан сўнг, сизга битта янги "Каптива" олиб бериш шарти билан.
~ Йўғ-е, нималар деяпсан?! Ота-она ўз боласига ҳам қарз берар эканми?!
~ Бўлмаса, олмайман!
Ёшлигимдан айтганимни қилдирадиган қайсар бўлиб ўсганим, ҳалигача айтганим айтган, деганим деган бўлиши учун қайсарланиб туришимни билган ота-онам рози бўлишга мажбур бўлдилар.
Ўша заҳотиёқ машинани ҳаридорга қўйиб, тезроқ сотишни акамга буюришди.
Акамдан "Каптива" эвазига қанча пул келишини мумкин деган саволимга энг кўпи билан 10 000 (ўн минг) АҚШ доллари келиши мумкинлигини эшитиб, бу лойиҳам учун фақатгина хамир учидан патир бўлишини сезган ҳолда, жимгина йўлда тузиб келган яна бошқа режамни амалга оширишга киришиб кетдим.
Бу орада турмуш ўртоғим ҳам ота-онаси (қайнона-қайнотам)га қўнғироқ қилиб, ёрдам сўраса, деҳқончиликда кун кўрувчи уларнинг ҳам яхши ниятда машина сотиб олиш мақсадида "тишларининг кавагида" йиғиб қўйган 10 000 (ўн минг) АҚШ долларлари борлиги ва ўшани беришларини айтишибди. Ва, мен водийда эканлигим сабаб, кўришиб берворишга келишишибди.

Қадрон опахоним Тулганой опа билан кўришиш мақсадида, бизнинг қишлоқдан 30-40 км. нарида жойлашган Андижон шаҳри томон йўл олдим.
Опа билан кўришиб, бўлиб ўтган воқеаларни айтиб, молиявий кўмак сўрадим. У эса:
~ Фоти қизим, қаердан оламан шунча пулни? Ўшанда бор пулимни сенга уй сотиб олишга берганман. Тоғанг ҳам, мен ҳам ишламаяпмиз. Пенсиямизу, ўзинг жўнатаётган ўша уйлар ижара пулига кун ўтказяпмиз.
~ Опа, балки ўша уйларни сотармиз? Ҳозир айни қимматлашган вақти. Ўша ижара пулларини мен ўзим бериб туравераман сизларга.
~ Қўйсангчи! Ҳали яхшилаб ишга тушиб, фойдага кирмагансанку, ким сендан пул олади?!
~ Ҳар қалай.... Лойиҳам жуда яхши нарсада...
~ Ҳўп майли, у ҳолда сен билан бугуноқ йўлга чиқамиз. Уйларни сотиб, лойиҳангга қўшамиз, Худо ҳоҳласа.
~ Раҳмат опа.
~ Арзимайди. Агар ҳозир қизалоғим тирик бўлганида, унга ҳам керак бўлса жонимни берган бўлар эдим....~ деб, ҳар сафар мени кўрганида бағрига қаттиқ босиб, кўзларига ёш олувчи опа яна шу ҳолатни қайтарди.
Бундан доимгидай, кўнглим яна ғалати бўлиб, юрагимга бироз оғриқ тургандай бўлди.
~ Опа, мен унда уйга борай....
~ Ҳўп, боравер. Мен тайёр бўлиб, йўловчи машинада сенга ҳам бир жой олиб, қишлоғингдан олиб кетамиз. Ахир барибир Тошкентга Балиқчининг йўлидан ўтилади. Икки соатларда боришимиз мумкин, тайёрланиб тур.
~ Ҳўп.
Уйга қайтиб келсам, қайноғам катта ҳовлимизда ота-онамлар билан суҳбатлашиб, мени кутиб турган эканлар.
Уйдагилар бериб юборган 10 000 (ўн минг)ни бериб, дуолар қилишганини айтиб, кетди.
Акамнинг бир таниши машинани ҳозироқ сотиб олишга рози бўлиб, 10 000 (ўн минг) бергани учун, ота-онам ҳам ҳурсанд ҳолда, уни менга тутқазишди.
Қўлимда ўша вақтнинг ўзида яқинларимиз кўмаги билан 20 000 (йигирма минг) АҚШ доллари пайдо бўлди.

"Оддий, орзуларга тўла аёлдан ҳамиша курашга тайёр блогер бўлишгача ўтилган 15 йиллик йўл...."
(64 ~ қисм)

~ Кеча айтганимдай, бу менинг ишим эмас....
Рахмановнинг бу гапидан кейин эса, унга қайтиб пул масаласида мурожат қилиб паст келмасликка аҳд қилдим ва:
~ Унда протокол имзоланган вариантини сиздан кутиб қоламан. Соғ бўлинг, ~ деб ҳайрлашдим.
У ҳам, яна бир бора ҳужжат имзоланиб тайёр бўлгач менга беришини айтиб, ҳайрлашди.

Хокимиятдан қайтаётиб, йўл-йўлакай лойиҳачим билан янги лойиҳам ҳақида телефон орқали маслаҳатлашдим.
У эса, аввал дастлабки лойиҳа бўйича иш қилаверишим, улар асл ҳужжат бергач эса, ишчи лойиҳамни қатъийлаштиришим мумкинлигини айтиб, телеграмм орқали ажратилиши мўлжалланган ерни суратга олиб ташлаб, нималар қилишни режалаштирганимни ёзиб юборишимни айтди.
Шундай ишлар билан, музқаймоқ шаҳобчаси ва кўнгилочар мажмуалар лойиҳамни йўлга тушириш ҳаракатини бошладик.
Кейинги ҳаракат эса....
Кейинги ҳаракатда эса, маблағ топиш масаласи қатъий турарди.
Шу сабабли, яқинларим ва яхши танишларим яшовчи водийга қараб йўл олдим....

Водий томон йўлда кетар эканман, ўз ишларим билан банд бўлиб унутаёзган бир воқеа беиҳтиёр ёдимга тушиб кетди.
Бундан 4-5 йил аввал корейс миллатига мансуб бўлган яхши маклер танишим қўнғироқ қилиб қолди.
~ Алло, Фатим?
~ Да, Коля ака?
Суҳбатимиз шундай бошланиб, у ҳозирда Ўзбекистондан бутунлай кўчиб кетаётганлиги сабаб, Мирзо Улуғбек тумани марказий кўчаларидан бирида, метро бекати олдида жойлашган 2та (1та 1-хонали, 1та 2-хонали) уйларини жуда арзонга, кўтарасига сотиб юбораётганлиги учун, уларни менга олиб қўйишни, бир неча ойлардан сўнг сотиб юборсам ҳам 3-4 баробар каттароқ суммага сотишим, сира зарар қилмаслигимни айтиб, таклиф киритди.
~ Ака, қанча сўраяпсиз?
~ Фатим, ўзи эллик мингга сотмоқчи эдим, лекин сенга йигирма мингга бериб юборавераман, фақат тезлаштиришинг керак, ~ деб марказдаги иккита уй учун айтган бу нарҳи ҳақиқатдан ҳам жуда арзон эди.
~ Бўлди, ҳаракат қилиб кўраман, ~ дедиму, ўшанда ҳам шошиб водий томон йўл олдим.
Энг аввало бу зўр таклифни ота~онамга айтсам, улар ҳозирда лимонад цехларини катталаштираётганликлари учун, ҳамма маблағларини у ёққа сарфлаб бўлганларини айтдилар.
Ҳай майли дедиму, ёшлигимдан мен таниб, ягона фарзанди қизи оламдан ўтгач, "қизимга ўҳшайди" дея мени ўз қизидай яхши кўриб келган, онамнинг яқин ҳамкасб таниши, тутинган синглиси бўлган Тўлганой опанинг ёнларига йўл олдим.
Ва, у ерга боргач Коляни таклифини ўзимдан қилиб айтиб, яхши уйлар борлиги, олиб қўйсак бир неча ойдан сўнг яхшигина маблағга сотиб, сарфлаган пулимиздан 3-4 баробар кўпроқ фойда қилишимиз мумкинлигини айтиб, 20 000 (йигирма минг) АҚШ доллари миқдоридаги маблағни шерикликка сўрадим.
Тўлганой опани ҳам бу таклифим жуда қизиқтириб қолди. Ва, қилинган фойдани 50/50га бўлишга келишиб, уйларни ўз номимизга олаверишимиз мумкинлигини айтди. Чунки, у пайтларда уйларни пойтаҳтдан доимий рўйҳатсиз сотиб олиб бўлмасди.
Опадан йигирма мингни олиб, дарҳол пойтахтга қайтиб, Коля билан кўришгач, бир уйни ўзим ва бир уйни турмуш ўртоғим номига сотиб олдик.
Коля ҳам, биз ҳам ўша вақтда росмана ҳурсанд эдик.
Ва, у кетгач ўша уйлардаги квартирантларини ҳам қолдириб кетди. Улар бизлар билан шартнома қилиб, яшашни давом эттиравердилар. Тўловни эса ҳар ойда биз олиб, Тўлганой опага жўнатиб турардик.
Ўша марказдаги уйларни сотиш вақти келганлигини англаб етиб, водийга етиб боргач, албатта опа билан ҳам кўришишни ҳам ўзимга аҳд қилиб қўйдим.

Водийга, катта ҳовлимизга етиб келиб, ҳар доимги соғинчли салом аликлардан сўнг, яқинларимга бундан бир неча кунлар аввал телефон орқали сўзлаб берган Бош вазир билан бўлган учрашувимизни яна айтиб бердим.
Эшитган яқинларим бу янгиликни қалбларида ҳаяжон, кўзларида қувонч билан эшитишиб, қария ота-онам бош вазиримиз ҳақларига узундан узоқ дуолар ҳам қилдилар.

"Оддий, орзуларга тўла аёлдан ҳамиша курашга тайёр блогер бўлишгача ўтилган 15 йиллик йўл...."     
              (63 ~ қисм)
~ Билмасам..... Сутдан куйган қатиқни ҳам пуфлаб ичади дейишган доно халқимиз. Мен бу йиллар ичида кўрганларим ҳеч кимга ишонмай қўйишга олиб келган. Ўша пайтларда тўсқинлик қилганлар ҳали ҳам ўз лавозимларида.... Улардан бири ана ўша шаҳар хокими Р.Ж.Усманов...
~ Билмадиму, лекин ҳозир улар бошларини кўндага қўя олмайдиган ҳолат бўлса керак. Чунки, бош вазир шаҳсан ўзи барчасидан ҳабардор. Яна ўзингизга қаранг.... Лекин, анави қолган ташландиқ ерни ҳам бу жойингиздай гулистон қилиб қўйсангиз, биз фақат ҳурсанд бўламиз.
~ ИншаОллоҳ, жуда гўзал ва аҳолига керакли масканлардан бири қила оламиз! Бунга ақлимиз ҳам, кучимиз ҳам етади! Лекин, маблағ жиҳатидан бизда ҳозир бироз қийинчилик...
~ Хокимларга ёрдам берасизлар дедилару?! Сўранг улардан, имтиёзли кредит қилиб беришсин!
~ Бахтиёр Султановичга айтсам, "йўқ" деди....
~ Товба.... Ҳай майли, Оллоҳ ўзи мададкор бўлсин, Илоҳим. Лекин, ортга қайтманг, охиригача боринг! Биз сиз билан!
~ Раҳмат ака, борларингизга шукр.
Деярли икки соат давом этган суҳбатимиздан сўнг, маҳалла фаоллари билан илиқ ҳайрлашдик.
Турмуш ўртоғим билан миямизда чарҳ ураётган ўйларни бироз маромига келтириш, дам олиш мақсадида, биз ҳам ишхонадагилар билан ҳайрлашиб, уйга йўл олдик.

Орадан 3-4 кун вақт ўтди... 
Ва туман хокими Б.С.Рахманов туман хокимиятига чақиртириб, қўлимга бир парча қоғоз тутқазди. Уни олиб ўқиб кўрсам, бундан бир неча кунлар олдин Ўзбекистон Бош Вазири А.Н.Арипов раислигида тегишли раҳбарлар билан биргаликда кун тартибидаги масалалар борасида сайёр йиғилиш ўтказилгани ва ҳар бир мутасадди раҳбарга тегишли кўрсатмалар берилганини хатбошисида қатъий белгилаб кетилган ва  ушбу ҳужжатнинг 7-бандида Сергели тумани хокими Б.С.Рахманов, туман ДСИ бошлиғи в.б. Ф.Абдунабиев,  тадбиркорлар М.Абдулқосимов, Ф.Жўраеваларга белгилаб берилган вазифалар яъни "Халқобод" МФЙ идорасини қуриш бўйича "Увайсий" кўринишидаги замонавий лойиҳа асосида қуриш бўйича тадбиркор (М.Абдулқосимов)ни 2 ой муддатда қуриб битказиб бериш бўйича берган кафолати инобатга олинсин ва тадбиркор (Ф.Ж.Жураева)га янги қурилган савдо ва хизмат кўрсатиш дўконлари ёнини ўрнатилган тартибда давлат рўйҳатидан ўтказиб, намунавий лойиҳа асосида музқаймоқ шаҳобчасини қуриш ҳамда ушбу ҳудудни қолган қисмини кўкламзорлаштириш ишлари амалга оширилиши таъминлансин. Ушбу баённома ижросини таъминлаш Сергели туман хокими Б.Рахмановга зиммасига юклатилсин." дея  кўрсатиб ўтиб кетилган ва "ТАСДИҚЛАЙМАН" деган жойида 2017 йил 28 апрель санаси билан Тошкент шаҳар хокими Р.Усмановнинг шаҳси кўрсатилгану, лекин унинг на имзоси ва на муҳри йўқ бўлган далолатнома экан.
~ Бахтиёр Султанович, бу ерда на имзо ва на муҳр йўқку?! Бу ҳуқуқий кучга эга далолатнома эмаску?!
~ Ие сиз қанақа одамсиз ўзи?! Бош вазирнинг гапи сизга ўйинчоқми?!
~ Мен қанақа одамман айтайми?! Собиқ бош вазир, ҳатто бугунги кунда президент бўлган одамнинг протоколи айнан сизларга "ўйинчоқ" бўлганлигини кўрган одамман!
Росмана жаҳлим чиққанлигини сезган Б.Рахманов негадир бироз юмшагандай бўлиб, секин оҳангда:
~ Фотима, бўлди қилсангизчи... Бу протоколнинг наброскаси. Бош вазирга имзога киритилган. Имзоланиб чиққач, сизга ҳам берамиз. Қайсарлик қилавермай, ишни бошланг. Вазир айтганини қиладиган одам, келаман дедими, келади. Шундай экан, тайёргарлик кўришимиз керак.
~ Ҳеч бўлмаса мана буни, яъни Тошкент шаҳар хокиминикини имзоланганини берсангизлар бўларди-ю....
~ Тушунинг, бунинг имзолангани тадбиркорларга берилмайди. Бу ўзимизнинг ички, хокимлик вакиллари билан ўтказилган мажлис қарори далолатномаси. Бунга кўра, бош вазирнинг далолатномаси чиқади. Ана ўша, ҳақиқий кучга эга бўлиб, тадбиркорларга берилади.
~ Имзолангани чиққандан кейин менга ҳам бир нусҳа берасизларми?
~ Албатта! Бизда иккита калла йўқ. Бош вазир айтганини бажармасак, калламиз кетади.
~ Унда сизга ишондим. Ҳозирча мана бу берганингизни олиб, ишни бошлаб тураман. Лекин, молиявий жиҳатдан ҳақиқатдан ҳам жуда қийин аҳволдамиз....

"Оддий, орзуларга тўла аёлдан ҳамиша курашга тайёр блогер бўлишгача ўтилган 15 йиллик йўл...."     
            (62 ~ қисм)

~ Энди, бу ёғини эшитинглар. Режа бўйича очилишни қилиб, тадбиркор билан суҳбатни ўтказиб бўлган бош вазиримиз кортежига ўтириб қайтиб кетиши кўзда тутилган бўлса-да, негадир у бинодан чиқиб кетаётиб, кутиб турган кортеж тарафга йўл олмай, шарт ўнгга бурилиб, пиёда кетди. Ана ўша пайтда ёнидаги шаҳар ва туман масъулларини бир кўришингиз керак эдида... Шаҳар хокими "нима қиляпти?" дегандай бир унга қарайди, бир бунга қарайди. Кейин ҳаммаси ўзларини ўнглаб олиб, ортидан югуриб кетаверишди. Биз ҳам табиийки орқаларидан секин боравердик. Кейин шарт чапга бурилиб, сизларнинг стоянкаларингиз, биноларингизга қараб, аркангиз ёнига тўҳтаб, "бу бино қанақа бино?" деб сўрадилар. Рахманов "Болалар ва аҳолига савдо ва маиший ҳизмат мажмуаси" деди шошиб. Ўша пайтда биноингиз ва унинг ортида эккан гулларингиз қанақа гўзал кўриниб турганини бизнинг кўзларимиз билан кўрганингизда эди....
"Кимлар қурди?"
"Бир ёш тадбиркор оиламиз. "Ёш тадбиркор аёл конкурси"да аёли ғолиб бўлгани сабаб, 4 соток ер майдони бергандик!"
"Қани уларни чақирингларчи?"
Умуман режада бўлмаган нарсалар бўлиб кетаётганидан ҳаммаси шокка тушиб қолиб, нима қилишни ҳам билмай қолишганди, рости. Лекин мен роса ҳурсанд бўлдим, сингил. Бу сизларнинг шунча қилган меҳнатларингиз самарасидир! Оллоҳга шукр-ки, эътиборсиз қолдиртирмади! Битта катта раҳбарнинг эътиборини жалб қилдиртирди! Қолган воқеаларни эса, ўзларингиз гувоҳи бўлдингизлар. Суҳбатларингиз ҳам зўр бўлди. Биз сизга ишонардик! Энди нариги томонини ҳам гул-гулистон қилиб, маҳалламиз кўркига яна кўрк қўшасизлар, Худо хохласа.
~ Сайфулла ака, раҳмат. Борларингизга шукр. Аслида бизни қувончимиз бўлиши керак бўлган нарсага чин юракдан сизлар ҳам қувоняпсизлар.
~ Ие нималар деяпсиз, сингил? Биласизми авваллари бу аҳлатхоналарга айланган жойлар бизга қанча ташвиш келтирар эди?! Аҳоли бечора кеч кирса, бу томондан ҳатто юра олмасди, ахлатга келиб, ётиб олган бомжлар дастдан. Сизлар келиб тозалагандан сўнг, ўзингиз халқни бирлаштириб, ёзиб-чизиб ташқи ёритишни ҳам тўғрилатганингизлар эсингиздан чиқиб қолдими?! Зимистон ахлатга тўлган кўча ўрнида, гулистон ёруғ кўча бўлса, нега ҳурсанд бўлмаслигимиз керак экан?!
~ Раҳмат ака.
Маҳалла раиси ҳақиқатдан ҳам шу ўзи яшаб, ишлаб турган ҳудудни қаттиқ севувчи, унинг ҳар бир бурчагини ўз уйидек асровчи, аҳолисини эса, ўз фарзандидек ардоқловчи, ҳақпарвар одам эди.
~ Ака, лекин.... Ҳозир Бахтиёр Султанович келгандилар...
~ Билдик. Шунинг учун ҳам ташқарига чиқмай, сизни шу хонада кутиб ўтиргандикда. Бир табриклаб, ҳурсандчилигингизга шерик бўлиб кетайлик деб.
~ Ака, шу ерни олиш учун ҳам неччи йил югурганимни ҳеч ким билмаса ҳам, сиз яхши биласиз. Қўлимда бош вазир протоколи бўлиб туриб, шунча югурдиму.... Ҳозир эса, қўлимда ҳеч нарса йўқ. Фақатгина бош вазиримизнинг ҳеч қаерга ёзиб олинмаган лафзлари бор, ҳолос. Шу сабабли, бирор бир қоғоз беришмаса, ҳеч нарса қилмаслигимни айтдим.
~ Ие, бош вазиримизнинг гаплари ҳазил эмаску?! Камига шунча одам олдида баралла айтдилар, ҳаммамиз эшитдикку?!
~ Ака, мен қайтиб бош вазиримизни кўра оламанми, йўқми... Лекин, ҳамма жойда ҳужжат сўралади....
~ Ахир, Абдулла Ниғматович шаҳар хокими-ю, туман хокимлари ёрдам беришини, яна ўша лойиҳангизни битирганингиздан сўнг, ўзлари шаҳсан келиб, мороженное еб кетишларини айтдиларку?
~ Бошида давлатнинг минг ҳил ташвишлари турган одамнинг бизга берган бу ваъдаси эсларида қолади деб ўйлайсизми....
~ Сингил ишонмаслигингиз мумкин, лекин мана ҳаммамиздан сўранг. Бу одамни суҳбати, айтган гаплари чин қалбидан чиққанлиги ва берган ваъдасини устидан чиқишлиги шундай юз-кўзларидан кўриниб турибди. Ҳаётни, одамларни кўриб қўйган акангизга ишонинг. У одам алдамайди! Тўғрими?
~ Тўғри, биз ҳам кўриб, давлатда лавозим жиҳатдан президентдан кейин турувчи иккинчи даражали шаҳснинг бу қадар оддийлиги, самимийлигига тан бериб ҳурсанд бўлдик, рости. Баъзи бир лавозим эгалари у одамдан ибрат олса бўлар экан деб ўтирибмиз, ҳатто.

"Оддий, орзуларга тўла аёлдан ҳамиша курашга тайёр блогер бўлишгача ўтилган 15 йиллик йўл...."     
                     (61 ~ қисм)

Бироз аввал бўлган воқеаларни англаб етиш мақсадида секин аста, шалвираб кафем томон йўл олдим.
Кўз олдимда Бош вазиримиз А.Н.Ариповнинг самимий табассуми, сўзлари-ю, Р.Ж.Усмановнинг менга бақрайиб турган кўзлари сира кетмаётган эди.

Кафемиз хоначасига кирсам, ҳўжайним маҳалла фаолларимиз билан суҳбат қуриб ўтирган экан.
Мени кўришди-ю, шошиб ўрниларидан туришди.
~ Ие, ие, ана қаҳрамонимиз ҳам келдилар-у!!! Табриклаймиз!!! ~ ҳар доимги қувноқ оҳанг ва қувлик билан кутиб олди маҳалла оқсоқолимиз Сайфулла ака.
~ Раҳмат, акажон...~дедим шумшайиб.
Турмуш ўртоғим менга "ялт" айтиб қаради-ю, кайфиятим йўқолиб, шаштим сўнганлигини кўриб, "тинчликми?" дегандай имлади.
Мен эса, "эътибор берманг" деган имо билан жавоб бериб, хонадагилар билан саломлашдим. Уларнинг барчаси хурсанд ҳолда, мени табриклар эдилар.
Ва ўша хурсандчиликлари замирида табиийки Сайфулла ака менинг бу ҳолатимга эътибор ҳам бермай гапириб кетдилар:
~ Фотима, ҳозир жуда ажойиб ишлар бўлдида, ҳалигача ақлимизга сиғдира олмаяпмиз, тўғрими? ~ деди ёнидагиларга қараб.
~ Асти қўяверасиз! ~ жавоб берди Анафия опа (маҳалла маслаҳатчиси) ҳам қувноқ охангда. Қолган икки киши эса, уларнинг сўзларини маъқуллашди.
~ Бош вазиримиз ўзларингиз кўрганларингиздек, кортежда маҳалламизга келдилар. Бинони очиб бериб, уни жуда чиройли ва ходимлар учун қулай қилиб қургани учун тадбиркор Махаммаджон акага ҳам раҳмат айтдилар. Ва, унга бу ишни қилгани учун маҳалла биноси ёнидаги берилажак ерга қандай режалари борлиги ҳақида қизиққан эди, у ёпиқ спорт комплекси, бассейн қуриши ҳақида айтганди, роса ҳурсанд бўлдилар. Ва, "Бу жуда гўзал лойиҳа, у билан шаҳсан ўзим танишганман, биламан, лекин ўзингиздан ҳам бир эшитиб, раҳмат айтиб қўяй дегандим. Бу ердаги яшовчи аҳолига, уларни соғлигини тиклашларга ажойиб таклиф киритганингизлар учун, шаҳсан ўзим ташриф буюришни лозим топдим! Бундай йўналишларни кўпайтиришимиз керак. Мана шаҳар хокими ҳам, туман хокими ҳам бу лойиҳани менга тақдимот қилишганда, бу атрофда истиқомат қилувчи 10 000дан ортиқ аҳолига қандай қулай ва фойдали маскан бўлишини жўшиб айтиб бергандилар!" деди. Усманов ҳам, Рахманов ҳам вазиримизнинг сўзларидан ҳурсанд бўлиб кетишгани шундай кўриниб турарди! ~ дея раисимиз бўлган воқеликни жўшиб сўзлашда давом этаверарди.
~ Сайфулла ака, чой-пой ичмаймизми? Бу ишлар билан бўлиб, соат обед вақтидан ўтиб кетганлигини билмай ҳам қолибмизку? Мен ҳам, Фоти ҳам эрталабги нонушта билан юрибмиз, ~ деди ҳўжайним раисмизнинг гапларини бироз бўлиб.
Ҳамма бир-бирига қараб қолди....
Чунки, уларнинг ҳам аҳволи биздан кам ҳолатда эмасди.
~ Сизлару... нонушта қилибсизлар.... Биз бош вазир келишига тайёргарликлар билан, шу кунларда овқатимизни қаерга еганимизни ҳам эслай олмаймиз. Мен эрталаб ҳатто бир пиёла чой ҳам ичмаганман. Ўтмади....
~ Шундай экан, келинглар дастурхон устида, қоринни тўйғазиб ўтириб, гаплашаверамиз. Нима буюрадилар? ~ деди Мурод акам ҳазиломуз оҳангда. 
Ҳамманинг айни пайтда қорни очганлиги сезилиб қолди.
~ Ярим косадан қайноққина шўрва бўлсада, шу жойларига!
~ Есть қиламизда!
Ҳўжайним ўзимиз ва келган 4 нафар меҳмонларимиз учун дарҳол дастурхон ёздириб, иссиқ чой ва барчага шўрва келтиртирди. Мени ёшлигимдан негадир шўрвани ёқтирмаслигимни билгани учун ярим коса суйган овқатим, мастава келтиртирди.
Ва барчамиз овқатланишга ўтирдик.
~ Муроджон, ҳақиқатдан ҳам оч қолганимни энди сездим. Намунча лаззатли бўлмаса бу шўрваларингиз-а? Шу кунларда рости, нима еганимни ҳам, нима ичганлигимни ҳам билмаётган эдим. Оллоҳга шукр, юзимизни ёруғ қилиб, ташрифларни чиройли қилиб кузатиб олдик.
~ Айтманг....
Овқатланиш давомида ярим соатларча тин олиб, кейин ҳамма "қорин тўқ, ғам йўқ" ҳолатга келгач, бир пиёла иссиқ чой устида суҳбатни давом эттиравердик.

"Оддий, орзуларга тўла аёлдан ҳамиша курашга тайёр блогер бўлишгача ўтилган 15 йиллик йўл...."
(60 ~ қисм)

А.Н.Ариповнинг тик боқиб турган ва самимият билан йўғрилган кўзларига қараб, негадир қалбим жўшиб:
~ Ҳа, қила оламиз! ~ дедим қатъият билан.
~ Баракалла! Қилинглар, ўзим мароженное егани келаман! Мана раҳбарларимиз ўзлари кўз-қулоқ бўлиб, сизларга кўмаклашишади! ~ ажойиб беғаразлик ва қувонч билан айтиб, ҳўжайним елкаларига секингина бир қоқиб, далда бериб қўйди бош вазир.
Ва, барчамиз ҳайрлашдик.
А.Н.Арипов ёнимизда кутиб турган кортежига ўтирди-ю, кетди.

Орадан ярим соатларча вақт ўтиб, ишхонамизга туман хокими (ўша пайтдаги) Б.С.Рахманов келиб:
~ Фотима, қани бош вазирга айтган проектингиз?
~ Қанақа проект Бахтиёр Султанович? Мен "нима қилган бўлардингиз?" деган саволига жавоб бердим, ҳолос.
~ Ие, нима деганингиз бу?! Ахир бош вазирга "бажараман!!!" деб ваъда бердингизку?!
~ Ҳўп бажараман! Лекин, қани гарантия?! Бирор бир ҳужжат берасизларми?!
~ Қанақа гарантия?! Ўйлаб гапиряпсизми?! Ахир Бош вазирнинг ўзлари, шаҳсан(!!!) айтдиларку?! Ҳатто битгач, келишга ҳам ваъда бердиларку?!
~ Ээээ йўўўўқ.... Узр-у, Бахтиёр Султанович, русларда "пустое слово к делу не привяжешь" деган гап бор. Эртага мен "бош вазир билан шаҳсан кўришганим ва у ваъда бергани учун, ҳужжат қилиб беринглар" десам, биров менга ишонадими?! Қўлимдаги собиқ бош вазир Ш.М.Мирзиёевнинг шаҳсан имзолаган протоколи билан 4 соток ер учун 7 йил югурдиму?! Шунда ҳам менга протоколда кўрсатилган Сергели-4даги марказий ер эмас, бу ердаги ахлатхонани зўрға бердингизлару?! Шундай экан, менга бирор бир гарантия керак. Бўлмаса, ҳеч нарса қилмайман!
~ Ие, қизиқ одам экансиз?! Бизга бош вазирнинг гаплари, кўрсатмалари "ўйинчоқ" деб ўйлайсизми?! Ахир унинг кўрсатмаларини шаҳар хокими-ю, прокурор, ииб, солиқ раҳбари ва бизнинг ҳам ҳудди шундай раҳбарларимиз ўз қулоқлари билан эшитиб туришди-ю?!
~ Ҳўп, эртага бирор нарса бўлса, шу одамларни чақирсам, менга гувоҳликка ўтишадими?!
~ Қанақа гувоҳлик?! Жиннимисиз сиз?! Нима нарса бўлади?! Ҳар балони ўйлайверадими одам?!
~ Ёмонликни ўйламагунча яхшилик бўлмайди! Мен бирор бир гарантия бўлмаса, ҳеч нарса қилмайман. Бош вазиримизга эса, тадбиркор қизимизни пули йўқ экан деб қўяверинг!
~ Ҳўп, сиз бош вазирга айтган режангиз лойиҳасини тайёрланг! Мен эртага ҳужжат масаласини бирор бир йўлини ўйлаб кўраман.
~ Ҳўп, лойиҳани тайёрлайман. Лекин, яна бир бора айтиб қўяй, ҳужжатсиз ҳеч нарса қилмайман!
~ Ҳўп. Бош вазирга ҳам ишонмасангиз, билмадим.....
Шу гапидан сўнг, аслида ҳеч нарсага ишонмай қолганимнинг сабаби кимлар эканлиги, ўшалар ичида ўзи ҳам борлигини юзига шартта-шартта айтиб ташлагим келди-ю, лекин кейин ўзимни қўлга олиб:
~ Мана бу биномни қуришга 400 миллион (у пайтда 80 минг АҚШ долларига тенг) банкдан кредит олдик ва битта уйимизни сотдик. Бир тийин пулимиз қолмади. Қаердан қила оламан анави айтганларимни? Бирор бир банк ёрдам бера оладими? Ёрдам берасизларми?
~ Буларни бош вазирга ваъда беришдан олдин ўйлаш керак эди! Нима қиласиз, қандай бажарасиз бу менинг ишим эмас! Бу сизнинг муаммонгиз!
Шундай ҳар доимги талашув, тортишувли нотада туман хокими билан ҳайрлашиб, бироз аввал Бош вазир билан кўришувимдаги ҳурсандчилигимиз йўққа чиққандай бўлди гўё....

"Оддий, орзуларга тўла аёлдан ҳамиша курашга тайёр блогер бўлишгача ўтилган 15 йиллик йўл...."
(59 ~ қисм)

Тез кунлар ичида Б.С.Рахманов айтганидек, Қўйлиқ~5 мавземиз бозорчаси, кўча юзидаги ўша вақтда мавжуд бўлган барча дўконлар бизнинг бино фасад қисмидаги қаймоқранг ва жигарранг уйғунлигидаги рангларга бурканди. Ўша пайтда Сергели туманидаги деярли кўп дўконларнинг фасад қисмлари ҳам шу қаторда.
Тайёргарлик авжида бўлиб, орадан деярли 20 кун ўтиб кетганини ҳам билмай қолибмиз.
Бош вазир А.Н.Ариповнинг қачон келиши аниқ вақтини биз билмаганимиз сабаб, ҳар куни ишхонада кечгача ўтириб, у ёқ бу ёқни тозалаб, ишлаб кунни кеч қилардик.

2017 йилнинг 24 апрели....
Одатдагидай ишхонага эрта кунда келиб, орқа томонга экилган гулларимизни парваришлаб, келган бир-иккита мижозларни кузатиб ўтиргандик.
Райхон биз томонга югуриб келиб:
~ Фотима опа, Мурод ака, сизларни ташқарида чақиришяпти, ~ деди ҳаяжонланиб.
~ Ким?
~ Билмасам, кўпгина одамлар...
~ Ҳозир, ~ дедиг-у, биномиз аркасидан кўча томонга шошиб чиқиб бордик.
Ички ишлар ходимлари ва кўпгина одамлар аркамиз рўпарасидаги йўлнинг у тарафидаги пиёдалар йўлагида турган экан.
Секин улар томонга яқинлашдик.
Яқинлашгач Бош вазир А.Н.Арипов, Тошкент шаҳар хокими (ўша пайтдаги) Р.Ж.Усманов ва Сергели туман хокими (собиқ) Б.С.Рахмановлар биз томонга қараб бир нималарни гаплашиб турганини кўриб, юрагимиз бўғзимизга тиқилиб қолгудай гупиллаб уриб, эр-хотин бир-биримизга далда берган ҳолда бир қараб олиб, ёнма-ён туриб ёнларига бордик.
~ Ассалому алайкум.... Абдулла Ниғматович.... ~ дея олдим бироз овозим қалтираб. Ҳаяжондан овозим эшитилдими йўқми, ҳатто билмадим.
Негадир ҳудди бирор бир айб қилиб қўйган ёш болалардек турмуш ўртоғим иккимиз ерга қараб турардик.
Рўпарамизда турган А.Н.Арипов саломимизга алик олганидан сўнг, секин нигоҳимни уларга қаратдим.
Ва, Бош вазиримизнинг самимий жилмайиб турганлари, Тошкент шаҳар хокими Р.Ж.Усмановнинг кўзларини катта-катта очиб бизга қараб қотиб қолганини ва Б.С.Рахмановнинг кулиб турганини кўрдим.
~ Бу биноларни сизлар қурдингизларми? ~ деди А.Н.Арипов бизга бошдан оёқ қараб.
~ Ҳа......
~ Ҳм..... Айтингчи, ана бу томонга нима қилган бўлардингизлар? ~ деди А.Н.Арипов биномиз олдида йўл ёқасида турган яна 150 метр узунликдаги ахлатга тўлиб ётган жойни кўрсатиб (эсингизда бўлса, 200 метрли шундай жойдан бизга 53 метри берилганди, қолгани шундай қолганди).
Абдулла Ниғматовичнинг самимий боқиб турган кўзлари, ҳудди шундай самимий сўзлари менга қандайдир куч бериб:
~ Абдулла Ниғматович, Қўйлиқ-5 мавземиз бу жилой квартал. Атрофда 50дан ортиқ кўп қаватли уйлар бор, шу сабабли аҳоли сони ҳам анчагина. Лекин, бу атрофда одамларни чиқиб дам олиб ўтирадиган жойлари йўқ. Мен бу ерларни тозалаб, кўкламзорлаштириб, музқаймоқ шаҳобчалари-ю кўнгилочар мажмуалар қилган бўлардим.
~ Шу айтганингизни қила оласизми?
А.Н.Ариповнинг бу саволидан қотиб қолдим. Сабаби, ўзимнинг 53 метр узунликдаги жойимдан 60 машина ахлат олиб, 80 машина тоза тупроқ тўктириб тозалаттиришим учун ўша пайтда 10 000 (ўн минг) АҚШ доллари миқдорида катта пул кетганлиги, бу 150 метр жойга эса, бундан уч баробар кўпроқ яъни 30 000 (ўттиз минг) АҚШ доллари миқдоридаги маблағ фақат шу каби тозалаш ишларига кетиши мумкинлиги ўйлаб, миямда ҳисоб-китоб айланар эди.
(Ўша вақтдаги ўн минг АҚШ доллари кучини тасаввур қилишингиз учун, мисол келтираман. 2017 йилда бу пулга массивимиздан 1 хонали уй олиш мумкин бўлган бўлса, ҳозир ўша уйлар 30 000 (ўттиз минг) АҚШ доллари ҳисобида.)
~ Айтган режангизни қила оласизми? ~ Бош вазирнинг саволни қайтарганидан ҳаёлим бузилиб, у одамнинг кўзларига қарадим.
Ёнида турган Р.Ж.Усманов ҳануз қотиб турарди, Б.С.Рахманов эса, жилмайиб сал ортга чекиниб, рози бўл дегандай бош қимирлатарди.

"Оддий, орзуларга тўла аёлдан ҳамиша курашга тайёр блогер бўлишгача ўтилган 15 йиллик йўл...."
(58 ~ қисм)

Эртаси кундан маҳалламизда ободонлаштириш ходимлари-ю, хокимият ва сектор вакиллари кўпайиб кетишди.
Бирлари асфальтларни тўғрилашган, яна бирлари ҳамма ёқни тозалаган, яна бирлари уйларнинг фасад қисмларини бўяган..... Ҳамма қандайдир ишлар билан банд...

Гўзаликка, айниқса хинд киноларидаги гулларга бурканган маконларга ёшлигимдан ошнолигим туфайли, бином орқасини ўша кинолардаги каби гулларга тўла клумбаларга айлантиришни, шу маҳаллада яшовчи аҳолини, марказимизга келувчи мижозларимизнинг кўзларини қувонтиришни истаб, турмуш ўртоғим билан бозорга бориб, очилиб турган гуллардан кўпгина сотиб олдик.
Эрта баҳор апрель ойи бўлгани, бу гуллар маҳсус жойларда етиштирилгани, айнан шу кунларда уларга талаб кўплиги сабаб, уларнинг нарҳлари ҳам анча қиммат экан.
Шунга қарамай ҳам сотиб олаётганимизда, улар мавсумий яъни бир йиллик гуллар эканлиги, кейинги йилга қайтиб чиқмаслиги ҳақида сотувчидан эшитган турмуш ўртоғим:
~ Фоти, шунча қиммат нарҳда сотиб олишимизни нима кераги бор, ахир бир йил турар экан, ҳолоску? ~ деди, кетаётган, ўзи шундоқ ҳам тугаб бўлган пулларимизга ачиниб.
~ Қўяверинг, Худо хохласа янаги йилга яна олиб экамиз. Шу бир йил ичида гуллаб, ўзидан гўзаллик таратиб, кўрган инсонларга ҳузур баҳш этадиган савоби учун ҳам қилаверамиз. ИншаОллоҳ, бойиб кетганимизда бу бизга ҳеч нарса бўлмай қолади, ~ дедим ҳазиломуз оҳангда турмуш ўртоғимга кўз қисиб.

Гулларни олиб келиб, бинонинг орқа томонига ҳар ҳил шаклларда (юрак, гул шаклларида) эка бошладик.
Турмуш ўртоғим билан бу ишни бошлаб, қандай киришиб кетганимизни ҳам унутиб, кечгача экиш ишларини тугатиб бўлдик.
Орада бир маротаба овқатланишга, сув-пув ичиб олишга бироз тўҳтамаганимизни айтмасак, деярли тин олмадик.
Кечга эса, яна Сергели туман хокими Б.С.Рахманов ҳудудни айлангани келиб, бизни ишхонага ҳам келди.
Ёнига чиқдик.
~ Эҳ-ҳе!!! Даҳшату?! Автотураргоҳни ҳам, гулларни ҳам боплабсизлару?! Молодец, лекин! ~ деди ҳайратини сира яширмай.
~ Раҳмат. Ўзи шундай қилиш лойиҳамизда ҳам бор эди, кўрган бўлсангиз.... ~ бундан бир неча йиллар, ойлар аввал эшикма-эшик кўтариб юрган, ўзига ҳам бир неча маротаба таништирган дастлабки лойиҳамни эслатишга уриниб.
~ Жуда яхши! Барака топинглар!
~ Раҳмат.
~ Айтганча, нега бинонгиз фасадига ўрнатган алюкабондларингизни устидаги қоғозини олиб ташламадингизлар. Уларнинг ранги қанақа?
~ Рости, Худо хохласа очилиш қилганимизда оламиз, унгача чанг бўлмай турсин деб олмаётган эдик....
~ Қани очингларчи?
~ .........
~ Нима кўзимга қараб турибсизлар, қоғозини олинглар!
~ Бахтиёр Султанович, очилиш қачон бўлишини билмаймиз, лекин 1~июньга режалаштирганмиз, фақат.... унгача 2 ой вақт бор, балки туриб тураверсинмикан?!
~ Нима фарқи бор?! Очингларчи?! Рангини кўрай!
~ Ранги ўша лойиҳамиздаги қаймоқранг ва озгина жиггарранг штрих уйғунлашувида. Алюкабондчимдан қайси ранглар узоқ туради деб сўрасам, у ўзининг деярли асл ранглари кўпроқ туради деганди. Булар асл ранглари экан. Шунга шулардан қилдиртиргандик.
~ Ҳўп кўп гапиряпсиз, қоғозини олингчи, бир кўрайлик?!
~ Ҳўп....
Ҳўжайним фасад қисмига яқинлашиб "Алюкабонд" (ўша 2017 йилда энди оммалашишни бошлаган бренд) номли қоғозни тортди. Ва, ташқи бир бурчак тўлиқ чиқиб келди.
~ Ваҳ, намунча гўзал бу?! ~ Б.Рахманов яна ҳайратини яширмади ~ тўлиқ олиб ташлаб, фасадни очинглар. Ҳа айтганча, Фахриддин!
~ Лаббай, Бахтиёр Султанович!
~ Кўряпсанми, қандай нозик ранглар уйғунлашуви?! Бу туманга келганимдан буён аксарияти қанақадир қизил-қора, яшил-оқ светафор рангларни кўряпман. Мана, бўлар экану?! Айт, анави бозорчани ҳам, ёнидаги дўконларни ҳам шу рангларда қилишсин!
~ Ҳўп.
~ Суратга олволинглар!
Б.С.Рахманов бироз табассум ила биз билан самимий ҳайрлашгач, ортидан қараб, ўйланиб қолдим...
"Наҳот шу кунгача мен билан аризаларим устидан талашиб, тортишиб келган одам, шу даражада кўнгилли инсон бўлса.... Демак, мажбурликдан қўполлик қилар эдийкан-да....."

"Оддий, орзуларга тўла аёлдан ҳамиша курашга тайёр блогер бўлишгача ўтилган 15 йиллик йўл...."
(57 ~ қисм)
Оқсоқолнинг фаҳр ила айтган гапларидан ҳурсандчилик шукуҳи уфуриб турарди. Бундан бир неча ойлар аввал биздан сал нарироқда бошланган қурилиш ишлари лойиҳасини қизиқиб кўргандим.
Унга кўра, тадбиркор "Увайсий типидаги намунали маҳалла биноси"ни қуриб бериши эвазига, ёнидан тадбиркорлик фаолиятини давом эттириши учун ер ажратилиб берилар экан.
Ва энг биринчилардан бири бўлиб, бизнинг Қўйлиқ~5 мавзесидаги "Халқобод" МФЙ биносини бир тадбиркор қуриб бериши ва бунинг оқибатида ўзига ажратилажак маҳалла биносига ёндош ерга эса, ёпиқ турдаги спорт комплекси қурилиши кўзда тутилиб, қурилиш ишлари бошланганди.

~ Шуларни сиз қилсангиз, бўлмасмиди...
~ Ака қўйсангизчи, бунақа катта ерни менга улар бериб қўйишармиди?! 4 соток еримни 7 йил деганда зўрға олдим-у...
~ Ҳай майли, насиб. Сизга бир янгилик айтайми?
~ Албатта.
~ Шу яқин кунларда маҳалламиз биноси очилиши маросимига бош вазиримиз Абдулла Ниғматович келар эканлар.
~ Зўр-ку!
~ Шунинг учун эртадан маҳаллада тайёргарликлар бошланади. Сингил, сизлар ҳам атрофларни чиройли қилиб ўтиринглар, ҳўп?
~ Ҳўп, албатта. Биз томонларга ҳам қарармикан?
~ Қайдам... Адашмасам, кортежда тўғри келиб, тадбиркор қурган маҳалла биносини очиб, кейин унга ажратиладиган ерга протокол бериб, қайтиши конкрет режалаштирилган. Маҳаллани айланиб юрмаса керак...
~ Ҳа тўғри айтасиз. Қолаверса, бу шаҳар хокимлари-ю, туман хокимлари бизни ёнимизга у одамни яқинлаштиришмаса ҳам керак.
~ Айтманг.
Маҳалла оқсоқоли билан самимий суҳбатимиз охирида бироз мириқиб кулишиб ҳам олдик. Ва, шу суҳбатдан тез кунларда Бош вазир ҳудудга келишини ҳам билиб олдим.
Шунинг учун ахлатхона қуришга шошилиб қолишган эканда......

"Оддий, орзуларга тўла аёлдан ҳамиша курашга тайёр блогер бўлишгача ўтилган 15 йиллик йўл...."
(56 ~ қисм)

Уларнинг энг каттаси бизга орқаси билан тургани сабаб, аввалига танимадим.
Улар турган жойга бориб, саломлашдим-у, ҳалиги одам алик олиш учун мен томонга қараганида, қотиб қолдим!!!

У одамни сектор раҳбари Фахриддин ака менга таништирган бўлиб:
~ Ҳорманг Фотима. Танишинг. Сергели тумани янги хокими Бахтиёр Султанович Рахманов. Сиз билан гаплашиб олмоқчилар, ~ деди.

Бу одамни мен танир эдим.
Сабаби, курашларим охирги вақтларида у Тошкент шаҳар хокими Р.Ж.Усмановнинг қурилиш ишлари бўйича ўринбосари эди. Юқори турувчи органларга ёзган аризаларимнинг аксарияти ижро учун шу одамга келиб тушарди. Ва у билан жуда кўп тортишганлигимиз сабаб, у ҳам, мен ҳам бир-биримизни жуда яхши танирдик.
~ Ассалому алайкум....
~ Ва алайкум ассалом, ~ жавоб берди Рахманов.
~ Чақиртирган экансиз....
~ Сиз нима ўзбошимчалик қиляпсиз?! Нима ҳаққингиз бор ишчиларни ҳайдаб солишга?! Бу сизнинг ерингиз эмас! Ва унга ҳўжайинчилик қилишга ҳаққингиз йўқ!
~ Ие, Бахтиёр Султанович, нималар деяпсиз сиз?! Ахир, лойиҳамни нима эканлигини ҳеч ким билмаса ҳам, сиз яхши биласизку?! Нега ахлатхонани ҳеч кимга ҳалақит бермайдиган жойлар туриб, айнан мени биноим биқинига тиқмоқчисизлар?! Ёки бирор бир аламингиз борми?!
~ Қанақа алам?! Мени сизда ҳеч қанақа аламим йўқ!
~ Бўлмаса, нега бу ишни қилдиртиряпсиз?! Ахир бу менинг марказим фаолиятига салбий таъсир кўрсатишини, эртага ит ҳам бу ердаги кафега овқатланишга келмаслигини яхши биласиз-ку?! Шу кичкинагина жойни автотураргоҳ қилиб қўйсам, нимаси ёмон?! Ахлатхона қуришга ерлар тиқилиб ётибдику?!
~ Қаерда экан ўша сиз айтаётган, ҳеч кимга ҳалақит қилмайдиган(!!!), тиқилиб ётган ерлар?!
~ Ана, 100 метр нарида! Маҳалла билан массив ўртасида! Истасангиз кўрсатиб ҳам қўя оламан! Хокимиятни дастидан шу 7~8 йилда қаерда қандай ерлар борлигини ёд олиб юбордим, ахир!

Асабийлашиб, кўзларимдан дув-дув ёш оқаётганлинини кўрган Б.Рахманов бироз юмшагандай:
~ Ҳўп, бўлмаса сизга бир кун(!!!) муҳлат! Тезда автотураргоҳни тайёрланг! Эртага келиб кўраман! Бўлмаса, кейин мендан ўпкаламанг!
~ Ҳўп!
~ Юринг, ҳалиги айтаётган жойингизни кўрсатинг.
Улар билан ҳаммамиз биргалашиб, шу йўл ёқасида, биздан 100-150 метр наридаги ахлат идишлари йўқлиги сабаб, одамлар ўз ахлатларини олиб чиқиб, уйиб қўяётган, ахлатхона бўлишга олдиндан тайёр ташландиқ ётган жойни кўрсатиб қўйдим.
Улар ҳам ҳақиқатдан ҳам, ҳозирнинг ўзидаёқ ахлат уюми билан туриб, вазифасини бажараётганлигини кўриб, ўша ерга қуришга ишга киришиб кетишди.

Мен эса ортимга қайтиб, биномиз қурилиши давомида танишиб қолган қурувчи болларга қўнғироқ қилиб, жуда тез вақт ичида қандай қилиб, 40~50 кв.метр ёнбош ҳудудни текислаб, автотураргоҳга айлантириш мумкинлиги ҳақида маслаҳатлар олдим.
Маслаҳатлардан сўнг эса, у ерга аввалига тупроғини текислатиб, кейин тайёр бетономешалкадаги бетонни келтириб қўйиш маъқулроқлигини англаб етдим.
Сўнгра, шу куннинг ўзидаёқ, кечгача ўша ерни гўзал автотураргоҳга айлантирдик.

Кечга яқин маҳалламиз раиси ёнимга келиб:
~ Фотимахон қизим, бу ерга мусорка қурмайдиган бўлишганига роса ҳурсанд бўлдим, рости. Аввалига хокимият вакилларининг шундай ниятлари борлигини билганимдан сўнг, уларга сизни бу жойларни обод қилиш учун қилган меҳнатларингизни, аҳолининг ташландиқ ётганлигидан кечалари билан бу томонлардан юришга аввал қандай қўрққанлари, сиз гул-гулистон қилганингиздан сўнг, ҳамма сиздан миннатдор бўлганини айтиб, роса тушунтирмоқчи бўлдим, лекин.... Улар бизга қулоқ солишармиди... Яхшиямки, ўзингиз қаттиқ туриб олибсиз. Бўлмаса, маҳалланинг қоқ марказига ахлатхона ўрнатиб қўйишармиди....
~ Айтманг ака.... Мен билан курашавериб чарчашмаяпти улар ҳам.
~ Ҳаммаси яхши бўлади, Худо хохласа. Бизнинг ҳам маҳалламиз биноси битиб қолай деди, Оллоҳга шукр. Тез кунларда намунали маҳаллалардан бири бўламиз!