Чистая Энергия ӏ Sof Energiya

Безуглеродная энергетика: Узбекистан и мировые новости

Росатом Центральная Азия

Новости, исследования, интересные факты об энергетике.

Росатом Центральная Азия

Все об атомных новостях, ярких событиях и технологиях

Статистика Избранное

"Readopia" | Book Club

@Readopia_Book_Club

Гео и язык канала: Узбекистан, Узбекский

Категория: Книги

'Readopia | Online Book Club'iga xush kelibsiz😊
Hamkorlikda yangi virtual olam va kitobga bo'lgan muhabbat chegara bilmaydigan jamiyat quramiz!📚✨

Связанные каналы | Похожие каналы

Гео и язык канала

Узбекистан, Узбекский

Категория

Книги

Статистика

Избранное

Фильтр публикаций

Скрывать удаленные

Скрывать репосты

"Readopia" | Book Club

9 Feb, 17:49

📚Kitob nomi Shaytanat

✍Muallif: Tohir Malik

📝Janri : Roman.

Ushbu kitob 5 jilddan iborat boʻlib, jinoyatchilarni shaxsiy ijtimoiy hayoti haqida soʻz yuritadi. Hech bir inson ona qornidan yomon odam boʻlib tug'ilmasligi, uni achchiq hayot soʻqmoqlari jinoyat yoʻliga kirishiga majbur etishi oʻnlab misollar yordamida aks ettiriladi. Asar qora kunlar haqida yozilishidan asosiy sabab, yorig'likni barcha koʻra oladi. Lekin zulmat ortida nimalar yashiringanini, shunday jirkanch hayot ham mavjudligini anglash uchun shunday detektiv asarlar oʻqish kerakdir balkim.

2 oylik mutolaadan soʻng, hozirda asar qahramonlarining chehralari, yashayotgan uylari-yu, video barlarigacha taassurot olamimda aks etib turibdi. Asadbek, Manzura, Zaynab, Elchin, Zohid singari qahramonlarni qarindoshlarimdek miyamga oʻrnashdi. Shuni oʻzi ham asar naqadar o'tkir syujetli ekanini koʻrsatadi. "Mutolaa" ilovasiga yuklab, shu asarni eshitishini mendek hayotni yengil yelpi olib, oʻynab yurganlarga tavsiya etardim.

Readopia l Book Club 📚

18 0 0 1

"Readopia" | Book Club

5 Feb, 16:52

📚Kitob nomi: Sunniy aqidalar

✍Muallif: Shayx Muhammad Sodiq Muhammad Yusuf

Nima uchun din ustuni boʻlgan ibodatlar namoz, roʻza kabi amallarda sustkashlik qilamiz? Baʼzida namozlarimiz oʻtirib turishdan iborat mashqdan oʻzga narsa boʻlmay qoladi. Yaxshilik qilish zarurligini, ribodan, haromdan uzoqda boʻlishi kerakligini, moliyaviy ibodat hisoblanmish zakotni oʻz vaqtida chiqarish zarurligini hamma biladi. Lekin nega amal oz. Bularni sababi ishonch yoʻqligidan. Bizga shu "amallarni qil" deb buyurayotgan Zotni tanimasligimizda. Yaqiyn ilmini hosil qilmaganimizdan. Tafakkur qilsak, bizni yaratib qoʻygan Robbimiz buyruqlarini bajarmay yurishimizga sabab qolmaydi. Lekin bu tiriklikni tafakkur qilishga ojiz ekansiz, shu kitobni oʻqib, fikrlaringizni tiniqlashtirishingiz mumkin. Shuningdek borliqdagi yaratilmish jin, shayton, farishta kabilar haqida toʻliq maʼlumotni ham shu kitobni oʻqib bilib olishingiz mumkin.

Buzuq aqidaga suyanib gunohkorlar qatoridan joy olmaslik uchun ham shu kitob tavsiya qilinadi.

38 0 0 3

"Readopia" | Book Club

30 Dec 2024, 07:58

📚Asar nomi: Yonayotgan Buxoro

📝Muallif:

📝Janri: Tarixiy roman

Ushbu kitobni oʻqib tarix haqida qiziqishim yanada oshdi deb aytolaman.
Kitobni oʻqib musulmonlar naqadar buyuk kuch ekanligi, lekin bizdagi xasad, boshboshdoqlik birlasha olmaslik qanchalar ayanchli oqibatlarga olib kelganini yozuvchi juda taʼsirli qilib qalamga olgan.

Avvalo asar Chingizxon davlati qanday tuzilganligi, bu pakana otliq askarlar Xorazmshohni yurtiga qanday bostirib kirishi haqida. Chingizxon aslida bir qaroqchi ekanligini va uning beshavqatlarcha odam o'ldirishi uni nomini dunyoga "tanitgan".

Bu boshboshdoqlikni ko'rgan Asar bosh qahramonlaridan biri Temur Malikni toʻkkan achchiq koʻzyoshlarini sizni ham yigʻlatmay qolmaydi.

76 0 1 2

"Readopia" | Book Club

26 Dec 2024, 20:10

#taqriz

📚Asar: Otamdan qolgan dalalar
📖Janr: Roman
✍Muallif: Togʻay Murod

SSSR davri haqida tarix darslarida, Mustaqillik bayrami munosabati bilan, 9-may va boshqa bir qator sanalarda uyushtiriladigan tadbirlarda koʻp bora gaplashganmiz, oʻsha davr qiyinchiliklari, nohaqliklari haqida eshitganmiz. Tan olish kerakki, bilganlarimizning koʻpi notoʻgri yuritilgan siyosat, istibdod va adolatsizlik qurbonlari haqidagi statistikalar. Raqamlar esa hissiz.

Asar shu hissiz raqamlarni jonlantiradi. Bosh qahramon – Dehqonqul Aqrabovich. Bir oddiy dehqon, uning oilasi kechirgan hayot (menga uncha rangli tuyulmadi), atrofdagi shunga oʻxshash millionlab insonlar hayotidan bor-yoʻgʻi bittasining umri. Ma'nosi tortib olingan kechmish.

Oʻquvchi oʻsha davr (asar asosan 1986-1991-yillarni qamragan)da yashab qolishga intilgan birgina inson zahmati bilan tanishadi va oʻsha kitoblarda yozilgan raqamlarni eslaydi: shunga oʻxshash taqdirlarning 25mingiga bu yurt qanday chidadi? 20millioniga qanday sabr qildi?

Umuman olganda, asar yarmidan oʻtganda ham ijobiy fikrda emasdim, romanning nega buncha mashhurligini tushunmagandek boʻldim. Alal-oqibat, oxiriga kelib ravshanlashdi (Kafkadagidek his). Yozuvchining soʻzlar borasidagi mahorati, yozish uslubi "Qoʻrqma"ni eslatadi (ha, undan ancha kuchli, toʻgridan toʻgri solishtirib boʻlmaydi). Umuman olganda, oʻqib, xulosa qilishga, oʻylanishga arziydi, deb oʻylaymiz.

Readopia | Book Club📚

76 0 0 6 4

"Readopia" | Book Club

18 Dec 2024, 10:12

#iqtibos_yalangʻoch_iqtisodiyot

📌 Nimanidir haqiqiy qiymati unga erishish uchun nimadan voz kechishingiz bilan belgilanadi.

📌 Kichik qobiliyatlar oʻrtasidagi kichik tafovutlar katta pulga aylanib boraveradi.

📌Birovga ishni bajartirishni eng samarali usuli - odamlarga shu ishni bajarish uchun sabab topib berish.

📌 Pul topish vaqt talab qiladi, shunday ekan biz harid qilayotganda aslida pulni emas vaqtni sarflayapmiz.

📌Hayot farovonligi dollar va sentlarda emas, balki tirikchilik uchun qancha soat va daqiqa ishlashimiz bilan oʻlchanadi.

Readopia l Book Club 📚

81 0 0 4

"Readopia" | Book Club

18 Dec 2024, 07:57

#taqriz_yalangoch_iqtisodiyot

📚Kitob nomi: Yalangʻoch iqtisodiyot

📝Muallif: Charlz Uilan

📄Janri: ilmiy-ommabop

Baʼzi kitoblarni 100% tushunmaysiz, lekin tushungan qismingizdan oladigan foydangiz 5 ta yengil asarni oʻqib olgan manfaatingizdan koʻproq boʻladi...

Iqtisodiyot oʻzi nima? Bor resurslardan samarali foydalanib yuqori foydaga erishish hisoblanadi.

Har bir inson qiladigan ishini ortida oʻziga yetadigan qandaydir manfaat yotadi. Misol uchun, metroda poyezd yoʻliga tushib ketgan yosh qizchani qutqarish uchun oʻz jonini xatarga qoʻygan inson ham aslida oʻz manfaatlarini koʻzlaydi. Yaʼni u qilgan ishidan maʼnaviy lazzat oladi. Shunday ekan, qay yoʻlda hayotni samaraliroq oʻtkazishni anglash uchun kitobni oʻqishni tavsiya qilgan boʻlardim.

Shuningdek, mutolaa jarayonida katta gʻoyalar bilan tanishib chiqqaningizdan soʻng ular hamma joyda sizga koʻrina boshlaydi. Pirovardida esa dunyo qarashingiz anchayin kengayadi. Eslatib oʻtish joizki, kitob 1 hafta ichida oʻqilib, tokchaga taxlab qoʻyiladiganlar sirasiga kirmaydi. Miyangizda chiroq yoqqan joylarini belgilab ketib, maʼlum vaqt oraligʻida qayta shu jumlalarga koʻz yugurtirish, albatta ilmingizni yuksaltirmay qolmaydi.

Readopia | Book Club📚

77 0 0 4

"Readopia" | Book Club

21 Nov 2024, 20:38

#iqtibos

📌Hamma narsani muhit, ahli jahon murakkablashtiradi.

📌Podshohni barcha el-uluslar faqat yaxshi soʻzlar bilan tilga olishi – ushalmaydigan bir orzu.

📌Jahon sendan yuz oʻgirmasdan oldin, sen jahondan koʻngil uza bilgin.

📌Tojdorlar maqtovni suysalar, shoir ne qilsin!

📌Mashq paytida navkarni ayamang. Hozir ayasangiz, jangda magʻlub boʻlib oʻlib ketur.

📌Oʻz nafsini yenggan odamlar har qanday yogʻiyni yengishga qodirdirlar.

📌Kim oʻlar holatga yetsa,
U bilur jon qadrini.

📌Qilich bilan olingan ellar vafo qilmas ekanlar. Faqat ma'naviy zafarlar umrboqiy boʻlishini keyingi davrlar bizga koʻrsatdi.

©"Yulduzli tunlar"

Readopia | Book Club 📚

118 0 0 3

"Readopia" | Book Club

21 Nov 2024, 20:28

#taqriz

📚Asar: Yulduzli tunlar
📝Janr: Roman (tarixiy-badiiy)
✍Muallif: Primqul Qodirov

Bir ustozimning "Agar oʻzbek adabiyotidan top-10 kitoblarni sanash kerak boʻlsa, "Yulduzli tunlar"ni, albatta, birinchilardan boʻlib aytib oʻtardim", degan gaplaridan soʻng navbatdan tashqari shu asarni oʻqishga kirishdim.

Roman XX asr oʻzbek nasrining eng yorqin namunalaridan. Asarning e'tiborga molik, maqtasa arzigulik jihatlari koʻp:

– tarixiy faktlarga asoslangan ( XIV-XVI asr tarixidan qisqacha xabardorlar voqealar rivojida chalkashmaydi);
– maktab darsliklarida berilgan rangsiz ma'lumotlarni jonlantiradi;
– ortiqcha boʻrttirishlar bilan madh etmaydi: asar bosh qahramoni Bobur Mirzo xatolardan pok, zabardast shoh sifatida emas, balki kamchilik va magʻlubiyatlarini tan olib, xulosa qila oladigan oʻziga xos shaxsiyat egasi sifatida maydonga chiqadi;
– oʻrta asrlar estetikasi tiriltirilgan;
– biror voqelik, fenomen atrofida qotib qolmagan, plot izchil, boshidan oxirigacha qiziqarli.

Bizningcha, har bir oʻzbek kitobxoni umrida bir marta oʻqib qoʻyishi kerak boʻlgan kitoblardan ekanligi rost.

Readopia | Book Club 📚

91 0 0 5

"Readopia" | Book Club

14 Oct 2024, 20:31

Asarni Abdukarim Mirzayev nutqi ostida tinglash esa o’zgacha taassurot qoldiradi:

https://t.me/Halqa_Kitobi_Akrom_Malik

165 0 0 3

"Readopia" | Book Club

14 Oct 2024, 20:24

📚Asar nomi: Jangchi

📖Asar janri: Tarixiy-badiiy qissa

©️Asar muallifi: Akrom Malik

Qadim Falastin...Muso alayhissalomdan keyingi davrda quvg'indagi Bani Isroil halqi, ularga jangda boshchilik qilgan Tolut va Shamvil (a.s) va o'z nazlida shaytonga bo'ysunib Xudo bo'lishni istab qolgan zolim Jolut...

Asar 9 yoshli Roqibning hayotidagi shavqatsiz voqeliklardan boshlanadi. Ajdodlari Muso alayhissalom qavmidan bo'lgan, ammo bosib olingach dinini o'zgartirib "amon-ra"ga sig'inishni boshlagan, johiliyatdan so'ng esa yana Muso olib kelgan din aslida haqligini anglagan onasidan ayrilgan Roqib zolim Jolut malaylari qo'liga tushadi, ammo Muso alayhissalomga ergashuvchi inson tomonidan tarbiyalanib haq dinni anglab, bir jangchi o'laroq yetishadi. Ulg'ayib zolim Jolutga qarshi Bani isroil halqini jangga boshlagan Tolutning sara askarlari safiga qo'shiladi.

Asar Roqibning hayotidan hikoya qiluvchi badiiy adabiyot emas, tarixdan so'zlovchi bir manbaadir. Mashxur Tolut va Jolut qissasini o'quvchiga tanishtirish bilan birga bir jangchining yo'lini ham ko'rsatadi, o'quvchini o'z olamiga olib kirib ketadi...

Readopia | Book Club 📚

161 0 0 3

"Readopia" | Book Club

8 Oct 2024, 18:35

📚Kitob nomi: Factfullness

📝Asar muallifi: Hans Rosling Ola Rosling va Anna Rosling Ryonuld bilan birgalikda

Janri: ilmiy-ommabop

Dunyo haqida tiniq fikrlash uchun qoʻllanma hisoblangan ushbu kitob dunyoni "asl yuzini" ochib beradi.
Bu yoʻlda yozuvchi ajoyib usuldan foydalangan. Ya'ni kitob biz yashayotgan jamiyat haqidagi quiz bilan boshlanadi. Va siz prezident boʻlsangiz ham 50% oshiq savolga toʻgʻri javob topolmaysiz. So'ng esa muallif nima sababdan ko'pgina odamlar qatori siz ham bu qadar dunyo haqida dramatik tushunchalaringiz borligini birma-bir izohlaydi.
Yozuvchining abstrakt raqamlar ortidagi qiziqarli haqiqatlarni ochib berishi dunyo qarashingizni yuksaltirmay qolmaydi. Ommaviy axborot vositalari qanday qilib bizning hissiy tuyg'ularimizdan o'zining biznesini rivojlantirishda foydalanishi va bizni dramatik fikrlovchi qilib qoʻyishi tarix va hozirgi zamonni bogʻlagan misol bn tushuntirib beriladi.
Ba'zi dinimizga yod g'oyalarni hisobga olmasa kitob juda o'qishli ekan.

Readopia I Book Club 📚

142 0 1 1

"Readopia" | Book Club

29 Sep 2024, 21:26

✨Kitobdan e'tiborga molik iqtiboslar:

Haqiqat ko'z oldida yashiringan bo'lishi mumkin

Har bir tanlovning oqibati bor

Haqiqat faqat siz ishongan narsadek mustahkamdir.

Muvaffaqiyat kaliti - moslasha olish qobilyatida

Eng xavfli dushman - bu siz ko'rmaydigan dushmandir.

Readopia | Book club 📚

127 0 0 3

"Readopia" | Book Club

29 Sep 2024, 21:14

📚 Asar nomi: Raqamli qal'a

© Asar muallifi: Den Braun

O'lim barcha sirlarga oydinlik kiritadi.

Den Braun o'ziga xos uslubda yozadigan kam sonli yozuvchilardan biridir. Uning barmoq bilan sanarli asarlari bo'lishiga qaramay, barcha asarlari butun dunyoda "Bestseller" hisoblanadi. Yozuvchini birgina asarini o'qigan o'quvchini uni barcha asarlarini o'qishni niyat qilishi aniq. Asarlar shu darajada ajoyib yozilganki, ularni bir o'tirishda tugatgingiz keladi.

Bu Asar, Raqamli qal'a ni o'qishning eng jiddiy sabablaridan biri bu uning zamonaviy jamiyatga aloqadorligi. Ma'lumotlarning maxfiyligi, shifrlash va hukumat nazorati bo'yicha bahslar yoritilgan asarda o'quvchi doimo keyingi qadam nima bo'lishini taxmin qilishga urinadi. Hikoyadagi axloqiy dilemmalar bizning shaxsiy ma'lumotlarimiz qanchalik kuchli institutlar tomonidan nazorat qilayotgani haqida yetti uxlab tushingizga kirmagan narsalardan habar topasiz.

Chuqurroq mavzularga qo'shimcha ravishda, Braunning shubhali yozish mahorati sizni birinchi bobdanoq o'ziga jalb qiladi. Romanning tezkor sur'ati, murakkab syujetli burilishlar va texnologiyadan oqilona foydalanish sizni oxirigacha taxmin qilishda davom ettiradi. Bu yaxshi yaratilgan sirning hayajonini ham, murakkab, zamonaviy masalalarni o'rganishni yaxshi ko'radigan kitobxonlar uchun kitob.

Siz qaysi soha vakili bo'lishingizdan qat'i nazar asar sizni o'ziga rom eta oladi. Chunki u kelajak haqida fikrlashga undaydi, ayniqsa tanqidiy fikrlashga. Bu esa barcha uchun qiziq va mavhum mavzulardan biri.

Readopia | Book club 📚

114 0 0 3

"Readopia" | Book Club

23 Sep 2024, 17:55

📚 Asar nomi: The 30-day productivity plan

📝 Asar janri: Shaxsiy rivojlanish

© Asar muallifi: Damon Zahariades

Samaradorlik har doim insonning rivojlanish jarayonidagi eng zarur narsalardan biridir. Unga erisha olish natijalarimizni ham yangi bosqichga olib chiqadi, ishimizni sifatini oshiradi. Ammo uning ham o'ziga yarasha talablari bor.

Damon Zahariades o'zining ushbu kitobida o'quvchini 30 kun davom etadigan "chellenj"ga chaqiradi. Har kuni esa samaradorlikning yangi usul, texnikalarini o'rgatib boradi, o'quvchi esa kunma-kun samaradorlik sari yangi qadamlar qo'yadi. Muallif xozirgi kundagi samaradorlikning qotillari bo'lgan ijtimoiy tarmoqlar kabi chalg'ituvchi omillardan tortib, inson miyasini fokus uchun kerakli rejimga o'tkazishgacha kerakli texnikalarni, o'zi bilgan bilimlarni ulashadi, va uni amalda tadbiq etish uchun qo'llanmalar ham ko'rsatadi.

Readopia | Book Club 📚

115 0 0 1

"Readopia" | Book Club

18 Sep 2024, 22:10

📚 Asar nomi: Ilohiy komediya

📝 Asar janri: Drama

© Asar muallifi: Dante

Dante Aligyeri — italiyalik shoir va yozuvchi, ilohiyot mutaxassisi, siyosiy arbob hisoblanadi. U nafaqat Italiya, balki Yevropa adabiyotining asoschilaridan ham biridir. Dante asarlari yuzlab yillar o‘tganiga qaramay, hozirga qadar butun dunyoda e’tirof etib kelinadi.

Xo'sh, buning sababi nimada?

Mazkur asarda Dantening o‘ta boy fantaziyasi narigi dunyoni shunchalik aniq tasvirlab beradiki, jahon adabiyotining biror namunasi, hatto Sharq afsonalari, antik dunyo asotirlari ham unga teng kelolmaydi.

Bunday jiddiy mavzudagi asar nima uchun "Komediya" deb atalgani ham kitobxonda savol paydo qilishi mumkin. Buning sababi - o‘rta asrlarda milliy tilda yozilgan va yaxshilik bilan tugallangan har qanday asar, janridan qatʼi nazar, komediya deb atalganligidadir.

Atoqli shoir Abdulla Oripov "Ilohiy komediya"ning "Do'zax" qismini o'zbek tiliga mahorat bilan tarjima qilgan. Shoir Dante Zulmat vodiysida nimalarga duch kelgani, Ruhlar olamida qanday manzaralarni uchratgani o'quvchida katta qiziqish uyg'otishi aniq.

Mazkur asar mutolaasi orqali nima uchun "Ilohiy komediya" jahon durdonalaridan biriga aylanganiga guvoh bo'lasiz.

Readopia | Book Club 📚

124 0 0 3

"Readopia" | Book Club

16 Sep 2024, 19:40

📚 Asar nomi: A promised land

📝 Asar janri: Avtobiografiya

© Asar muallifi: Barack Obama

Amerikaning 44-prezidenti, ilk African-Amerikalik prezident Barak Obama o'zining ushbu kitobida yoshlik paytida o'zligini izlayotgan paytidan, mamlakatning eng yuqori lavozimini egallashigacha bo'lgan sayohatini zavq bilan hikoya qiladi. O'zining siyosiy bilim yig'ish jarayonini, karyerasi shakllanishini, dramatik o'zgarishlar davridagi prezidentlik davrini ajoyib tarzda tasvirlaydi, hotiralarga chuqur sho'ng'iydi.

Siyosiy mavzulardan tashqari Obama ushbu asarini shaxsiy hayoti, oilasi, motivatsiyasi, yetakchilik qiyinchiliklari haqidagi shaxsiy insaytlari bilan ham boyitgan. Asar esa o'quvchini bir insonning hayotiga va o'sha yillardagi Amerika atmosferasiga olib kirib ketadi...

Readopia | Book Club 📚

107 0 0

"Readopia" | Book Club

14 Sep 2024, 19:55

📚Asar nomi: Buyuk shaxsiyat (Muhammad (s.a.v) hayotlaridan yorqin sahifalar)

📖Asar janri: diniy-ma'rifiy

©Asar muallifi: Ali Jobir Fayfiy

Albatta, siz buyuk xulq ustidadirsiz.

Albatta, «buyuk shaxsiyat» deyilganda har bir musulmonning ko‘z o‘ngiga birinchi bo‘lib olamlarga rahmat o‘laroq yuborilgan Muhammad sollallohu alayhi vasallam keladilar. Kitobda Nabiy alayhissalomning basharning eng afzali va eng go‘zal xulqlisi sanalishlariga sabab bo‘lgan go‘zal xislatlari, aqllarni lol qoldiruvchi hikmatlari haqida so‘z boradi.

Rosululloh sollallohu alayhi vassallam da har doim go‘zal ishlar qila olish iqtidori, har qanday vaziyatda ham mehribon inson bo‘lish qudrati, bizni yuksakliklarga undaydigan noyob insoniylik bor edi.

Rosululloh sollallohu alayhi vassallam bizga shijoat quruq gap emasliginj, ichi bo‘m bo‘sh tahdid ham emasligini o‘rgatdilar. Shijoat imkon qadar o‘zingni ushlashingdir. Agar raqibing andishani otini qo'rqoq qo‘yib, haddidan oshsa, uning puch rejasini yo‘q qilib, haddini bildirib qo‘yishingdir. Agar gap bilan tanbeh berib qo‘yish mumkin bo‘lsa, u tushunadigan, unga shunchaki quruq tahdid qilmayotganingizni anglatadigan darajada gapiring. Ertaga uni nima ahvolga solishingizni tushunadigan darajada ochiq so‘zlang. Rosululloh sollallohu alayhi vassallam bizga mana shularni o‘rgatdilar, oʻzidan keyingi ummatlariga oʻchmas boylik tashlab ketdilar. U zotdan keyingi har bir musulmon kishi hayotning har jabhasida Rosululloh sallallohu alayhi vasallamning hayot yoʻllariga nazar tashlashga muhtoj.

U Zot(s.a.v) insoniylikning hamma jihatlarini o‘ziga sig‘dirgan qalb sohibi, o‘xshashi boshqa kelmaydigan, bo‘lishi ham imkonsiz shaxsiyat edilar.

Readopia Book Club 📚

103 0 0

"Readopia" | Book Club

14 Sep 2024, 05:16

📚 Asar nomi: Asya

📝 Asar janri: Qissa

© Asar muallifi: Ivan Turgenov

Ivan Turgenevning "Asya" asari rus adabiyotining mashhur va nozik novellalaridan biri hisoblanadi. Asar 1858-yilda yozilgan bo'lib, unda yoshlik va inson kechinmalari tasvirlanadi. Bosh qahramon Asya, g‘ururli, yosh, odamlar nazdida "g'alatiroq" qiz bo'lib, u o'zi uchun hayotning murakkab tomonlarini kashf etadi.

"Asya" asari bir rus yigitining Nemis shahrida bo‘lib o‘tgan voqealarini hikoya qiladi. Turgenev asarda ijtimoiy tafovutlar, insoniy munosabatlar hamda hayotning o'tkinchi ekanligini tasvirlaydi. Muallif hayotdagi imkoniyatlardan foydalanmaslikning oqibatlari haqida chuqur mulohazalar qiladi.

Readopia I Book Club 📚

82 0 0

"Readopia" | Book Club

13 Sep 2024, 22:14

"Boylik va baxt uchun 7 strategiya" kitobidan ba'zi iqtiboslar:

1. "Baxt - bu kelajak uchun qoldiradigan narsa emas, bu siz hozir uchun mo'ljallangan narsadir".

2. "Siz bir kechada boradigan joyingizni o'zgartira olmaysiz, lekin bir kechada yo'nalishingizni o'zgartirishingiz mumkin".

3. "Muvaffaqiyatga intilmaslik kerak, u siz bo'lgan odam tomonidan jalb qilinadi".

4. "Bu oson bo'lishini xohlamang, o'zingiz yaxshiroq bo'lishingizni xohlang".

5. "Motivatsiyaning o'zi etarli emas. Agar sizda ahmoq bo'lsa va siz uni rag'batlantirsangiz, endi sizda motivatsion ahmoq bor".

Ushbu iqtiboslar Rohnning shaxsiy o'sish, intizom, muvaffaqiyat va baxtga intilish haqidagi falsafasini aks ettiradi.

Readopia I Book Club 📚

71 0 0 1

"Readopia" | Book Club

13 Sep 2024, 22:09

📚 Asar nomi: "Boylik va baxt uchun 7 strategiya"

📝 Asar janri: shaxsiy rivojlanish

© Asar muallifi: Jim Ron

"Boylik va baxt uchun 7 strategiya" - bu o'quvchilarga moliyaviy muvaffaqiyat va shaxsiy muvaffaqiyatga erishish uchun amaliy qadamlarni taklif qiladigan amaliy qo'llanma.

Mashhur motivatsion ma'ruzachi Jim Ron tomonidan yozilgan kitobda odamlarga muvozanatli va mazmunli hayotni saqlab, doimiy boylik yaratishga yordam beradigan yettita asosiy strategiya o'rganiladi. Ushbu kitobda yozuvchi aynan o'zining boshidan o'tgan tajribalarini bo'lishib boradi.

Aniq maqsadlar qo'yish va intizomni rivojlantirishdan tortib vaqtni boshqarish va shaxsiy o'sishni rivojlantirishgacha, har bir strategiya o'quvchilarni o'z hayotlarini nazorat qilish, boyliklarini qurish va haqiqiy baxtga erishishga ilhomlantiradigan chuqur saboqlarni beradi.

Readopia I Book Club 📚

82 0 0 1

Показано 20 последних публикаций.

78

подписчиков

Статистика канала

Популярное в канале

📚Kitob nomi: Sunniy aqidalar ✍Muallif: Shayx Muhammad Sodiq Muhammad Yusuf Nima uchun din ust...

📚Kitob nomi Shaytanat ✍Muallif: Tohir Malik 📝Janri : Roman. Ushbu kitob 5 jilddan iborat boʻ...