2025-yil 23-yanvar kuni “O‘zkomnazorat” inspeksiyasining Buxoro viloyati hududiy shu’basi tomonidan Buxoro viloyati shahar va tuman hokimliklarining loyiha menejerlariga Davlat va xo‘jalik boshqaruvi organlarida, mahalliy davlat hokimiyati organlarida kiberxavfsizlik hamda axborot xavfsizligi bo‘yicha qo‘yiladigan talablar, ushbu sohadagi normativ hujjatlar, “Kiberxavfsizlik to‘g‘risida”gi qonunining mazmun mohiyati to‘g‘risida ma’lumot berish maqsadida seminar tashkil etildi.

Seminar davomida Markaz loyiha menejerlariga bugungi kunda axborot xavfsizligi ta’minlashga qaratilgan normativ huquqiy hujjatlar talablari va kiberxavfsizlik tushunchasi, kiber hujumlardan saqlanish choralarini ko‘rishda nimalarga e’tibor berilishi kerakligi;
- axborot tizimlari va resurslaridagi maʼlumotlarning qonunga xilof ravishda tarqatilishi, o‘g‘irlanishi, yo‘qolishi, yaxlitligining buzilishi, bloklanishi va qalbakilashtirilishining, shuningdek axborot tizimlari va resurslariga ruxsatsiz kirishning boshqa ko‘rinishlarining oldini olishi, bunday hollar aniqlanganda o‘z vaqtida tegishli choralar koʼrishi;
- axborot tizimlari va resurslariga kirish tartibi buzilganda hamda ularga ruxsatsiz kirish natijasida ushbu tizimlar hamda resurslar o‘zgartirilgan yoki yo‘q qilingan taqdirda salbiy oqibatlarni kamaytirish maqsadida ularni tezkorlik bilan tiklash choralarini ko‘rilishi yuzasidan mutaxassisilar tomonidan zaruriy tavsiyalar berildi.

Ishtirokchilar o‘zlarini qiziqtirgan va faoliyati davomida qiyinchilik tug‘dirib kelayotgan holatlar yuzasidan tegishli tartibda javoblar olishdi.