Adabiy muhit

Solishtirish - men uchun eng ahmoqona protsess. Nega alohida individ boʻlgan inson boshqasiga oʻxshashi kerak. Har kimning oʻz missiyasi, oʻz hayot yoʻli bor. Masalan, men qoʻshnimdek binoyidek, chiziqdan chiqmaydigan odam boʻlishga majbur emasman, siz ham. Bu dunyoda oʻzingizdek yashang, har qanday namuna, oʻrnaklardan voz keching. Oʻshanda oʻzingizdan, hayotingizdan qoniqish hosil qilasiz.

@QDPI_adabiy_muhiti

Tepani qarasam, bu sheʼr oldin tashlangan ekan. Baribir, yana bir bor kanalga joylashni xohladim...

Eyforiya
Eyforiya - oʻz-oʻzidan quvonish, rohatlanish. Bu his har bir insonda kamida bir marta oʻtadi. Va hammada turlicha. Masalan, kimdir biznes boshladi va darrovda katta foydaga kirdi. Ichidan nima oʻtadi deb oʻylaysiz? Albatta, kuchli eyforiya. Bilishimcha, juda koʻpchilikda eyforiya moddiy koʻrinishda namoyon boʻladi. Tabiiyki, koʻpchilik kabi menda ham bu koʻrinish mavjud, lekin maʼnaviy jihatdan "kayf qilish" oʻta kuchli.
Maktabda dars berish jarayonida baʼzan oʻquvchilarga nimanidir koʻngildagidek tushuntirsam, ularning ham mendan koʻngillari toʻlsa, yana dars oʻtishimni xohlashsa oʻta maza qilaman.
Bu - haqiqiy eyforiya.

@QDPI_adabiy_muhiti

Odam o'lg'on zebi zohirdin demas,
Kimki ondin faxr etar odam emas.
"Lisonu-t-tayr"dan.

Nasriy bayon: Chin inson oʻziga (tashqi koʻrinishi, yuz chiroyiga) bino qoʻymaydi, agar kimdir shu jihatidan faxrlanib, gʻururga berildimi, uni odam deb hisoblab boʻlmaydi.

Sharh: Insonning insonlik belgisi - eʼtiqod, iymon (albatta, shaxsiy fikr).
Chunki bu belgiga ega boʻlmaganlar hayvonlar hisoblanadi. Oʻz-oʻzidan ayonki, kishining iymon-eʼtiqodi bu botiniydir, yaʼni odamning peshonasiga: "Bu - iymonli, bu esa iymonsiz", deb yozib qoʻyilmaydi, hammasi ichimizda yashirin. Shunday ekan: "Sen koʻp ham zohiriy goʻzalligingga bino qoʻyaverma, aslida, asliyating ichingda, oʻshani qidirib topib, kamolga yetkazsang, sendan goʻzali bu olamda boʻlmaydi", demoqchidek-a Navoiy hazratlari. Haqiqatan, yuz goʻzalligi hech qachon odamlikning birlamchi mezoni boʻlmagan va boʻlmaydi ham!
Nega? Atrofga qarang, shunaqangi yuzi raso "odamlar" bor, lekin baʼzilari bilan 10 daqiqa ham gaplasha olmaysiz, chunki ichki dunyo yuzning aksi.
Xulosa. Haqiqiy oʻlchov yuz emas, qalb.

@QDPI_adabiy_muhiti

"Janub" deya atalgan ko'cha,
Akatsiya gullagan qiyg'os,
Lida degan ajoyib qizcha
Shu ko'chaga juda-juda hos.
U ko'chadan chopib o'tganda,
Derazadan ko'rinar aksi,
Chiroyli qiz, yaxshi qiz Lida!
Nimasi yaxshi ekan?
So'rang uni, qo'shni boladan,
"Kim?" deb o'sha Lida degan qiz,
Shu nom bilan uxlar u shaydo,
Shu nom bilan uyg'onar hargiz.
O'sha uyning ostonasida,
Katta qilib yozdi u bir kun,
Chiroyli qiz, Yaxshi qiz Lida!
Kim deb, o'sha Lida degan qiz
Ta'sir qilar o'tgan ketganga,
Ostonaga yozilgan bu xat,
Balki Pushkin shunday sevgandur.
Balki Geyne sevgandur shunday.
U ulg'ayib bo'ladi mashxur,
Tark etadi, o'z uyini zor.
Bu ulkan muhabbat uchun,
Kelib qolar ko'chalari tor.
Oshiqlarga yo'qdur hech sarhad,
Iymanishlar barchasi bekor.
Dunyodagi barcha yo'llarga,
O'sha qiz ismini yozadi takror.
Chiroyli qiz, Yaxshi qiz Lida!

Yaroslav Smelyakov

@QDPI_adabiy_muhiti

Yana bir yil oʻzidan goʻzal xotiralar qoldirib, qaytmas boʻlib ketyapti...
Shaxsiy hayotimni gapirib oʻtirishni yoqtirmayman, toʻgʻrisi, lekin bitta narsa aytaman, bu yil yuragimning bir parchasi, hayotimga yangi rang bergan qizalogʻim dunyoga keldi. Ota boʻlish - judayam boshqacha hissiyot.
Afsuslanmaydigan yil boʻldi, kelasi yil ham bundan-da kam boʻlmaydigan yangi sarguzashtlar, yangi taassurotlar, yangi hissiyotlar siz-u bizga hamroh boʻlsin!
Oʻzingizni, oʻzligingizni va yaqinlaringizni ehtiyot qiling!

@QDPI_adabiy_muhiti

- Kutmoqlik qachon goʻzal boʻladi?
- Ikki inson bir vaqtni kutayotganida...

"Chyota" mashi sheʼrni payti kelyapti-da. Havoda qorning nafasi izgʻib yuribdi

...Soʻzdurki, berur jonga xabar jonondin.

Alisher Navoiy

Romantik trillerning yaxshi namunasi. Hissiy ogʻriq beradigan kino ekan. Qiziqqanlar bir koʻrib qoʻyinglar

Sud istama savdoyi g'ami ishqda hargiz —
Kim, hosili savdoyi g'ami ishq ziyondir!

#Fuzuliy
Nasriy bayon:
Ey, ishq savdosiga yoʻliqqan, sen bu bozordan aslo foyda koʻzlama, chunki kim bu "bozor"ga foyda koʻzlab kirsa, albatta, ziyon koʻradi.

Sharh: bilasiz, buqalamun degan jonzot bor. Tusini har xil rangga oʻzgartirish qobiliyatiga ega. Mumtoz baytlar ham xuddi shunga oʻxshaydi, yaʼni bir paytning oʻzida turli maʼnolarni tushunasiz va, eng qizigʻi, ularning birortasi notoʻgʻri talqin hisoblanmaydi. Yuqoridagi bayt ham bunga misol boʻla oladi.

Bir oʻqishda oshiq yorining ishqida koʻp azob chekishi, unga yetishish mushkulligi, ishq savdosining turgan-bitgani gʻam-anduhdan iborat ekanligini tushunsa boʻladi.
Lekin uning tag maʼnosi yanayam goʻzalroq, mukammalroqdek. Yaʼni ishqi Iloh haqida soʻz boradi.
Allohga boʻlgan muhabbat shundayki, chin oshiq bu savdoga hech qanday foyda koʻzlamasdan kiradi, hattoki, jannatni ham koʻzlamaydi. Bunday ishq sohiblarining yagona istagi bu - Yaratgan jamoli. Boshqa hech narsa kerakmas. "Agar men Allohni sevsam, menga mana bu, mana bu narsalarni beradi", - degan maqsadda bu savdoga kirgan kishi tinimsiz ziyonda boʻlishi uqtirilmoqda. Eng aʼlo, eng pok, eng mukammal ishq - Alloh taologa boʻlgan muhabbat. Bunday oshiqlik esa, shubhasiz, evazsiz yuzaga chiqadi.