Зеленая экономика uz

4 шага Узбекистана на пути к «зелёной» экономике

Энергетические итоги 2024

Изучили отчет и собрали важные показатели

Возобновляемая энергия (виэ)

uz Гражданам частично могут возместить затраты

Статистика Избранное

Publisher.uz

Гео и язык канала: Узбекистан, Узбекский

Категория: Блоги

Tilshunos va muharrir Yorqinjon Haydarov sahifasi.
O'zim uchun qiziq mavzular -- nashriyotlar va kitoblar, til, tarix, madaniyat, ilm-fan yangiliklari, mashhur shaxslar hayoti, kundalik voqea-hodisalar haqida yozib boraman.

Связанные каналы

Гео и язык канала

Узбекистан, Узбекский

Категория

Блоги

Статистика

Избранное

Фильтр публикаций

Скрывать удаленные

Скрывать репосты

Publisher.uz

30 Mar, 07:44

Ramazon hayiti muborak bo'lsin, azizlar!

Qilgan ibodat, yaxshi amal va duolaringizni Alloh qabul qilsin!
Keyingi hayitlarga sog'-salomatlik, bag'ri butunlikda yetkazsin!

@Publisheruz

54 0 1 2

Publisher.uz

28 Mar, 20:32

Репост из: Farrux Jabborbek

Oxirgi postimga juda ko‘p munosabat bildirildi, qarab turmaymiz, yordam berishga shaymiz, degan izohlar yozildi. Elning daldasi umid bag‘ishlab, ulug‘ ayyom kunlari yana bir post qo‘yishga qaror qildim.

Yo‘ldosh Eshbek xalqimizni milliy ozodlikka boshlagan shoirlardan biri. Shunday shaxsning xor-u zorlikda yashashiga tomoshabinlik qilish bizga yarashmaydi. Eng yomoni, bu ahvol surunkali ravishda davom etmoqda. Shoir sovet davridayoq ta’qibga uchragan bo‘lsa, mustaqillik yillarida ham ro‘shnolik ko‘rmagan, 10-15 yilcha uy qamog‘ida saqlangan. Bu, tabiiyki, oilani uch-quyruqsiz muammolar zanjiriga giriftor qilgan. Ko‘pchilik ziyolilar vaziyatni oldindan yaxshi biladi (sabablarini ham), imkon qadar ko‘mak berib keladi.

Yo‘ldosh Eshbek “Yig‘layotgan qiz” timsolida butun dunyodagi barcha ezilgan mazlumlarga, hayotda ko‘p aldangan soddadillarga hamdard, hasratdosh bo‘ldi. Ne tongki, o‘zining ham qismati “yig‘layotgan qiz”ga aylanib ketdi.

Bu dunyo aslida aldoqchilardir!
Bu dunyo aslida yig‘layotgan qiz!

Biror yillar ilgari borganimda Yo‘ldosh Eshbek sobiq yotoqxonaning bir bo‘lmasida yashardi, har holda. Keyin oshxonaga ko‘chib chiqibdi. Oilaviy sharoit shuni taqozo qilgan. Kamida besh jon tiqilib kun kechirmoqda: ota, ona, o‘g‘il, qiz, nabira… Ustiga ustak, shoirni xastaliklar qiynayapti: qand kasali bor, ko‘z ko‘rmay qolgan, o‘t azob beradi… Shu holida ham ijoddan to‘xtagani yo‘q. Og‘riqlar orasida she’rlar bitadi, ulug‘ ulamolarimizdan tarjimalar qiladi (aytib turib yozdirsa kerak).

Avvalgi postim ijtimoy tarmoqda keng tarqalib, yaxshi odamlar amaliy yordam taklifi bilan chiqdi, manzilini surishtirgan ham ko‘p bo‘ldi. Menimcha, hamma uyiga borib, bezovta qilmagani durust. Xijolatli... Do‘stlar bilan kengashib, eng to‘g‘ri yo‘l plastik kartaga ko‘mak yig‘ish deb o‘yladik. Shoirning o‘zi bu haqda eshitishni ham istamadi. Shuning uchun shaxsiy karta ma’lumotlarimni e’lon qilyapman.

👉 UZCARD 5614681908452158 (Djabbarov Farrukh)

👉 HUMO 9860060102409871 (Farrukh Djabbarov)

👉 VISA 4195250040623413 (Farrukh Djabbarov)

Olganing – birovniki, berganing – o‘zingniki, deganlar. Katta elmiz, bir g‘ishtdan qo‘yib, osmono‘par minorlar tiklaganmiz. Millatim deb yashagan shoirini millatimiz yolg‘iz qo‘ymasligiga ishonaman. Imkoningiz boricha yordam qilsangiz quvonaman, imkoningiz bo‘lmasa tushunaman. Postning ko‘proq odamga yetib borishiga hissa qo‘shing 🙏

🗄Farrux Jabborbek

53 0 1 1

Publisher.uz

28 Mar, 20:08

Xalqaro fan olimpiadalari g‘oliblariga katta miqdorda pul mukofoti beriladigan bo‘ldi

● Prezident farmoniga ko‘ra, 2025-yil 1-iyundan nufuzli xalqaro fan olimpiadalari g‘olib va sovrindorlariga to‘lanadigan pul mukofotlari miqdori 5 baravarga oshiriladi.

● Farmonga ko‘ra, eng nufuzli 5 ta olimpiadada (IMO — matematika, IBO — biologiya, IChO — kimyo, IPhO — fizika, IOI — informatika) g‘olib va sovrindor bo‘lgan o‘quvchilarga quyidagicha mukofot pullari berilishi belgilandi:

🥇1-o’rin: 937 mln 500 ming so‘m (BHM 2500 baravari);

🥈2-o’rin: 562 mln 500 ming so‘m (BHM 1500 baravari);

🥉3-o‘rin: 375 mln so‘m (BHM 1000 baravari).

● Yana bir muhim yangilik shuki, farmonga ko'ra, dunyoning TOP-100 ta universitetlarida PhD qilgan yoshlarga uy olish uchun 800 mln so‘m foizsiz ssuda beriladi.

@Publisheruz

61 0 1 2

Publisher.uz

26 Mar, 13:12

Репост из: Kanada orzusi

rel='nofollow'>Алберта университети профессори Тимоти Колфилд “Ишонч иллюзияси” (The Certainty Illusion) китобида нега информацион оламимиз сершовқин, бетартиб эканига бир нечта фактларни келтирибди:

– 2025 йилгача қилинган ҳисоб-китобларга кўра, энди кунига 463 экзабайт рақамли маълумот яратилади. Бу 212,765,957 DVD'га тенг дегани.
– Тахминан йилига 2 миллионта академик мақолалар чоп этиляпти.
– Ҳар куни Google'дан 8,5 миллиард маълумот қидирилади ва минглаб янги мақолалар эълон қилинади.
– YouTube'га ҳар дақиқада қарийб 500 соатлик контент жойланади.
– Аксаримиз қўл телефонларимизни кунига юз маротабалаб текширамиз.
– Одамлар кунига 74 гигабайт маълумотни қайта ишлаши ҳисоб-китоб қилинган. Неврологлар Сабина Ҳайм ва Андреас Кейлнинг айтишича, атиги беш юз йил аввал бир ўқимишли одам умри давомида китоб ва афсона, ривоятлар орқали 74 ГБ маълумотни қабул қилган.

@chnizomiddinova

65 0 1 1 2

Publisher.uz

27 Feb, 21:08

Doʻstingizdan foydali taklif!

#hyhk3o7 promokodini kiritgan holda Mutolaa Premiumga obuna boʻling va 10% chegirmani qoʻlga kiriting.

Mutolaa Premium - 50 dan ortiq bestsellerlar hamda kitobxonlar uchun qoʻshimcha imkoniyatlar.

Hoziroq obuna boʻling!

Mutolaa ilovasini quyidagi havola orqali yuklab olishingiz mumkin:

https://qr.me-qr.com/AOXhXupG

@yoshlaragentligi tomonidan tashkil etilgan Mutolaa loyihasi. Mutolaa - o‘zbek tilidagi eng sara elektron va audiokitoblar jamlangan ilova. Mutolaa vaqti keldi! Loyiha hamkori Xalq banki. Telefon raqam: +998773590100 Admin: @mutolaaxona_admin

102 0 0

Publisher.uz

9 Feb, 09:51

Navoiydan ikkita to‘rtlik

Xalq aro yaxshiroq deding kimdur?
Eshitib, shubha ayla raf’ andin,
Yaxshiroq oni bil ulus arokim,
Ko‘prak o‘lg‘ay ulusqa naf’ andin.

”Xalq ichida yaxshirog‘i kim?” desang, gapimni eshitgin-u, undan hech shubha qilma. Xalqqa ko‘proq foydasi tekkan kishini odamlar ichida eng yaxshisi deb bil.

* * *
Bu yozuq bas kishigakim, eldin
Har ne so ‘zkim eshitti, fosh etti.
Tog‘ eshitganni der, gunohidin
Go‘yiyo Tengri oni tosh etti.

Odamlardan eshitgan gapini boshqalarga aytib yurishning o ‘zi kishiga gunoh o‘laroq yetarli bo‘ladi. Tog‘ eshitgan narsasini aytadi, ya’ni aks-sado qilib qaytaradi. Go‘yoki shu gunohi sabab Alloh uni tosh qilib qo‘ygan.

@Publisheruz

95 0 0 1

Publisher.uz

7 Feb, 14:30

Milliy kutubxonada eng koʻp soʻralayotgan 10 ta kitob

Oyina.uz Alisher Navoiy nomidagi Oʻzbekiston milliy kutubxonasida 2025-yil yanvar oyida eng koʻp buyurtma berilgan adabiyotlar roʻyxatini eʼlon qilibdi. Mana o'sha sara 10 talik:

1. “Soʻngi toʻfon” – Ahmad Lutfiy Qozonchi;
2. “Eljernonga atalgan gullar” – Deniyel Kiz;
3. “Sarmoyador” – Teodor Drayzer;
4. “Alfido” – Onur Qoplon
5. “Beparvolikning nozik sanʼati” – Mark Menson;
6. “Otamdan qolgan dalalar” – Togʻay Murod;
7. “Iymon” – Shayx Muhammad Sodiq Muhammad Yusuf;
8. “Oybolta ostidagi olomon” – Olim Toshboyev;
9. “Oʻzbekning oʻzligi” – Matyoqub Qoʻshjonov;
10. “Tarixiy Muhammadiy” – Alixontoʻra Sogʻuniy.

Roʻyxat boshida turgan asar muallifi Ahmad Lutfiy Qozonchi oʻzbek kitobxonlariga oʻzining "Saodat asri qissalari" nomli asari orqali yaxshi tanish. Bu asar oʻzbek tilida qayta-qayta nashr qilingan. U Oʻzbekistonda eng koʻp sotilgan asarlar 3 taligida boʻlsa ajablanmayman.

Koʻrib turganingizdek, roʻyxatdan "Hilol Nashr" nashriyoti asoschisi shayx Muhammad Sodiq Muhammad Yusuf hazratlari qalamiga mansub "Iymon" kitobi ham oʻrin olgan. 2024-yil dekabr oyi boshlarida "Hilol Nashr" nashriyotida "Iymon" kitobining 24-nashri bosmadan chiqqan edi.

Roʻyxat soʻngidagi Alixontoʻra Sogʻuniy qalamiga mansub "Tarixiy Muhammadiy" asari ham eng koʻp oʻqilgan siyratga oid kitoblar sirasidan hisoblanadi.

Menga qiziq yana bir jihat roʻyxatda keltirilgan kitoblarning hammasi kirill alifbosida chop etilgani boʻldi. Nashriyotlar saytlarini, kitob doʻkonlarini kuzatsangiz, sotilayotgan aksar kitob kirillchada ekanini koʻrasiz. Lotin alifbosidagi adabiyotlarga ehtiyoj yoʻqmi yo shu ehtiyojni yaratolmayapmizmi? Siz qanday fikrdasiz?

@Publisheruz

93 0 1 1 4

Publisher.uz

31 Jan, 07:10

Репост из: 𝘽𝙖𝙝𝙤𝙙𝙞𝙧 𝙄𝙨𝙠𝙖𝙣𝙙𝙖𝙧𝙤𝙫 ✍🏻

10 ЙИЛЛИК ДАРДИМ!

Ассалому алайкум, аслзода ўқирманлар. Анчадан бери бир муаммо ҳақида ёзмоқчи эдим. Бугун бир ватандошимизнинг ёзган хабари ёзишга ундади. "Салом", "Ока", "тузумисз", "иш", "бор экан", "ёрдам қилолсми", "🙋‍♂️"

Мана шу сўзларни битталаб жўнатди. Тиринг-тиринг қилиб 9 та хабар келди. Охирида одамчаси ҳам бор) Буниси копейка. Бундан дахшатлари ҳам бор. Шунчаки, "Ҳай" деб смайлик жўнатадиганлари ҳам бор. Анчадан бери ўйлайман. Инглизларда "Хат ёзиш" деган дарслар бор. "Your sincerely" "Your bir narsa" ( Сенинг қадрдониннг. Самимият ила) деб ёзиладиган хатларни ўрганганмиз!

Японларда ҳам "Хат ёзиш одоби" га ўхшаган дарслар бор. Японларнинг жўнатаётган хатларига мазза қиласиз. Ишдан ҳайдалишингиз ҳақидаги хатни ҳам тўйхатдек ёзиб беришади)
Нега бизнинг ёшлар "Хат ёзиш, бировга мурожаат қилишда нўноқ" десам, айб ўзимизда экан. Биз на мактабда, на коллежда, на университетда ўргатамиз! Уйда бўлса, болаларимизга: "Эрталабдан кечгача телефон ўйнайди, бу ҳўкиз"дан уёғига ўтмаймиз. Ҳа, энди замон ривожланиб ҳамма телефон ишлатаябдими, унинг одобларини ҳам ўргатайликда, жигарлар)

Хуллас:

1- Кимгадир пақиллатиб телефон қилиб юбориш мумкин эмас! Вақтга қаралади. Танишлик даражасига қаралади.

2- Кимгадир шақиллатиб, аудиохабар жўнатиш мумкин эмас! Ёзма бўлиши керак!

3- Кимгадир тақиллатиб видеоқўнғироқ қилиб юбориш мумин эмас! Уятли ҳолатдадир балки. Билмай кўтариб қўйса тамом.

4- Бир мартада кўтармадими, 850 марта қайта қилиш мумкин эмас!

Энди, телеграмданми, бошқа жойданми хат юбораётганда:

0-Имловий хатоларга эътиборли бўласиз. Жа филологлардек бўлмаса ҳам, ҳаракат қилганингиз сезилиши керак!

1-Салом алик қилинади.
( Саломни ўзини жўнатиб қўйиб, аликни кутиб туриш мумкин эмас!)

2- Ўзингизни таништирасиз.
( "Ўлганакан мени танимаса" деб на расми бор, на исми бор аккаунтдан ёзиш таъқиқланади. Таъқиқланиш енгил экан. Қамоқ жазоси берилади)

3- Мақсадни ёзасиз.
( Қисқа, лўнда ёзасиз. Хабарни олаётган одам севгилингиз эмаски, ичингиздагини суғуриб олишга ҳаракат қилса)

4- Якун.
( Жавобингизни кутаман мазмунида ёзасиз! Нариги тарафнинг жавоб бериш, бермаслик ихтиёрини ўзида қолдирасиз ва ичингизда "Агар дарҳол жавоб бермаса, орқасидан пақиллатиб 50 та хабар жўнатсам бепарасат про макс бўлиб қолай" деб сўз берасиз) Айтганча, хабарингизга узоқ вақт жавоб келмаса, "Бизнинг хабар нима бўлди, қози почча?" мазмунида яна бир марта хабар жўнатиш ҳуқуқингиз бор)

Масалан, "Ассалому алайкум. Фалончи Фустончиев, яхшимисиз? Мен Баҳодир Искандаровман. Озгина шахсий муаммоларим чиқиб қолган эди. Беш-бегонадан қарз сўраш яхшимасу, аммо бермасангиз бўлмайди. Онониб кетай сиздан 500$ бериб туринг.
Безовта қилганим учун узр! Малол келмаса, бўш вақтингизда жавоб берсангиз хурсанд бўлар эдим. Олдиндан раҳмат!

Хулоса қиладиган бўлсак, мактаб дарсликларимизга "Телефон одоблари" "Хат ёзиш" деган дарсларни киритиш керак. Ҳеч бўлмаганда, бир-биридан аразламайдиган жамият бўлиб, "Сени ҳам даволашади. Мени ҳам даволашади" дегандек, бир-биримизни даволашимиз керак!

Хурмат билан, ўзидан ақлли ясаб олган, Баҳодир Ниппоний)

105 0 3 2 3

Publisher.uz

30 Jan, 07:20

Репост из: G'iyosiddin Yusuf | blog

Yozish bo‘yicha tavsiyalar

1. O‘qing va kuzating. Har bir yozuvchi o‘quvchi bo‘lishiga kerak. Shuning uchun ko‘p kitob o‘qing. Hayotni har tomonlama kuzating, odamlar, voqealar va his-tuyg‘ularga e’tibor bering.

2. Sodda yozing. Fikringizni juda murakkab ifoda qilishga urinib, uni tushunarsiz qilmang. Oddiy, ravon va ma’noli so‘zlarni tanlang. O‘quvchiga gapingiz qanday ta’sir qilishini o‘ylab yozing.

3. Mulohaza qiling. Yozishdan oldin fikringizni to‘g‘ri shakllantiring. Nima yozmoqchi ekaningiz, nima uchun yozayotganingiz va bu kim uchun kerakligini aniq bilsangiz, matningiz ravon va ta’sirli chiqadi.

4.Har kuni yozing. Qancha ko‘p mashq qilsangiz, shuncha malakangiz oshadi. Hatto qisqa qayd, kundalik xotira bo‘lsa ham har kuni biror narsa yozishni odat qiling.

5. Qayta ishlang. Har qanday matnni bir marta yozish bilan tugatmang. Yozganingizni qayta-qayta o‘qing, keraksiz so‘z va jumlalarni olib tashlang. Fikringizni aniqroq va ravonroq ifoda qilishga harakat qiling.

6. O‘rinli tanqidlarni qabul qiling. Boshqalarning fikrini eshitishdan qochmang. Tanqid ijodingizni yanada rivojlantirish uchun zarur. O‘rinli tanqidlarni qabul qilib, o‘z ustingizda ishlang. Ayniqsa, hasadgo‘ylar, dushmanlar sizning kichik kamchiligingizni ham bo‘rttirib ko‘rsatadi. Siz o‘zingizga ko‘rinmagan aybni mana shunday "beminnat mikroskoplar" orqali ko‘rib, xatolaringizni tezda tuzatish bilan ag‘yorlaringizni "changingizda" qoldirib keting. Tanqidlardan aslo tushkunlikka tushmang, ortga qaytmang!

7. Ilhomni kutmang. Ilhom kelganda yozish zavqli, lekin ilhomsiz ham yozish mumkin. Dastlabki bir necha qatorni yozishga kuch topish bilan ilhomni "uyg‘otib oling".

8. Mazmunga e’tibor bering. Gaplarning chiroyli chiqishiga emas, balki ularning mazmuni qanchalik ta’sirli ekanligiga e’tibor qarating. Jimjimador so‘zlarning bir-biriga ulangani emas, ma’noli matn yaxshi matndir.

9. O‘z uslubingiz bo‘lsin. Biror yozuvchining uslubini takrorlashga intilmang. O‘z fikringiz, o‘z til va uslubingiz bo‘lsin.

10. Yozishni seving. Bu siz uchun og‘ir vazifa emas, yoqimli jarayon bo‘lsin. Yozish bilan yashang, nafasingiz kabi muhim bo‘lsin! Yozishdan zavq olishni o‘rganing, shunda ijod ham yoqimli va samarali kechadi.

@GiyosiddinYusuf

104 0 3 6

Publisher.uz

30 Jan, 07:20

Kun sayin qalami o'tkirlashib borayotgan do'stimiz G'iyosiddin Yusuf yozish ko'nikmasi bo'yicha yaxshi tavsiyalar beribdi.
Nazarimda, keltirilgan bandlar ichida shakllantirish eng qiyin bo'lgani 9-banddagi o'z uslubini shakllantirish bo'lsa kerak.
Foydalanib qoladigan joyi lekin deyisharmidi 😁👇

100 0 0 5

Publisher.uz

17 Dec 2024, 16:09

#tavsiya

Oxirgi paytlarda o'zbek tilida ham qiziqarli va foydali podkastlar ko'paydi. Shulardan biri #1000KITOB_podkasti bo'lib, oxirgi soni menga juda yoqdi. 1000KITOB loyihasini mamlakatimizda noshirlik va tarjima sohalarining rivojlanishiga, ilm-fanning ommalashishiga, jamiyatimizning umumiy darajasi yuksalishiga turtki bo'ladigan misli ko'rilmagan loyiha sifatida ko'raman. Podkastning Baxtiyor Sheraliyev, Behzod Hoshimov va Hamid Sodiq mehmon bo'lgan sonlarini ko'rishni tavsiya qilaman.

Batafsil: https://www.youtube.com/watch?v=atdM1foQgxo
https://www.youtube.com/watch?v=dPs4G8Mmwy8

@Publisheruz

#8 1000KITOB podkast: Bu kitoblar ommaga tezroq yetib borsin

Podkastimizning ushbu sonida ekspertlarimiz biologiya fanlari bo'yicha falsafa doktori Baxtiyor Sheraliyev hamda Germaniyaning Gyotingen universiteti doktoranti Izzat Sobitov mehmon bo'lishdi. Biz ular bilan loyiha, kitoblar, ilmiy ish qilish kabi mavzularda suhbatlashdik. 00:00. Tizer 01:29. Bosh...

78 0 0 2 2

Publisher.uz

30 Oct 2024, 13:10

#yangikitob

Bugun o'g'limga AsaxiyBooks'dan kitoblar sotib oldim. Ikkitasi "Dunyo daholari" turkumida nashr qilingan Muhammad Ali va Stiv Jobs haqidagi kitoblar. Rangli, rasmli, qog'ozi ham juda sifatli, muqovasi qattiq, xullas, yoshlarbop.

Muhammad Ali haqidagi kitobga ko'z yugurtirib chiqdim. Kitob qisqa-qisqa raund (bob)lardan iborat — har biri qahramon hayotining bir davrini yoki bir voqeani o'z ichiga oladi. Kitobda o'quvchini o'ylashga, o'zi uchun xulosa chiqarishga undovchi fikrlar va iqtiboslar talaygina. Xullasi kalom, menga yoqdi, o'g'limga ham yoqadi degan umiddaman.

Hozirgi gadjetlar zamonida bolalarga kitob o'qitish oson emas. O'g'limga turli kitoblar olib berib qiziqtirishga harakat qilganman. Shular orasidan "Britannika bolalar ensiklopediyasi" va Artur Konan Doylning Sherlok Xolms va uning do'sti doktor Vatson sarguzashtlari haqidagi hikoyalari unga juda yoqqan (ammo ko'pini inglizchada o'qigandi). Shuning uchun o'zimizning detektiv hikoyalarni ham o'qib ko'rsinchi degan ma'noda Omon Muxtorning "Sherlok Xolms Buxoroda yoxud sirli qo'lyozma tarixi" nomli detektiv hikoyalari to'plamini ham oldim. Ko'ramiz, ma'qul kelarmikan.

2.4k 1 4 2

Publisher.uz

25 Oct 2024, 08:05

Репост из: Najmiddin Ermatov

Икки нафар ўғлим бор: Акбар ва Алп Арслон! Шу кунларда учинчиси дунёга келгандек шодман, отини “Турон соғинчи” атадим!
“Излам” рукнида шу номдаги шеърий китобим босмадан чиқди. Бунинг учун Академнашрга, унинг раҳбари—замона жадиди Санжар Назарга, китоб муқовасини улуғвор ишлаган Баҳриддин Бозоровга ва барча нашриёт ходимларига миннатдорлик билдираман.
Сизларга ҳам бир юмиш бор: китобни сотиб олинг, совға қилинг, ўзингиз туғилган қишлоқ, ўқиган мактабларингиз кутубхоналарига улашинг! Нашриёт ва муаллифни қўллаб қувватлашнинг йўлидир бу!!!

Оnlayn buyurtma: t.me/akademsavdo

Tel: 99 433-16-77

Manzil: t.me/Akademnashr/1461
Ish vaqti: 9:00 — 18:00 (dushanba - juma)

161 0 0 1

Publisher.uz

25 Oct 2024, 08:05

#yangikitob

Akademnashr'da o'zbekning olovqalb shoiri Najmiddin Ermatovning "Turon sog'inchi" nomli to'plami nashrdan chiqibdi.

Kitob Akademnashr xalqimizga taqdim qilayotgan "Izlam" ruknining 2-fasli doirasida nashr etilibdi.

“Аkademnashr” nashriyoti

“Akademnashr” nashriyotining rasmiy kanali Мutolaa qiling! Оnlayn buyurtma: t.me/akademsavdo Tel: 99 433-16-77 Aloqa: @akademnashr_bot Manzil: t.me/Akademnashr/1461 Ish vaqti: 9:00 — 18:00 (dushanba - juma)

133 0 0 1

Publisher.uz

21 Oct 2024, 13:56

Bugun ona tilimiz bayrami – o‘zbek tiliga davlat tili maqomi berilgan kun.
Til – millatimiz ruhi, millat sifatida mavjudligimiz ramzidir.
Ikki yil avval tilimiz va alifbomiz haqida fikrlarimni bildirgan edim. Kuzatsam, bugun ularning ba’zilari amalga oshirilibdi. O‘zbek tilida kitoblar nashr etish orqali tilimiz rivojiga hissa qo‘shayotganimdan faxrlanaman.

@Publisheruz

«Давлат тили: 33 йиллик жавобсиз савол». Фақат 21 октябрдагина эсланадиган муаммолар

Далат тили ҳақидаги қонун қабул қилинганига 33 йил бўлди. Аввалига қадамлар дадил ташланди, кейинчалик эса қонун қайта-қайта таҳриланадиган, вазифалар ортга суриладиган, сал ўтиб амалга ошмайдиган бўлиб қолди. «Газета.uz» 21 октябрдагина эсланадиган ўзбек

143 0 0 5

Publisher.uz

31 Aug 2024, 18:57

Bayram muborak, azizlar!

178 0 1 4

Publisher.uz

12 Aug 2024, 13:47

Репост из: “Аkademnashr” nashriyoti

Shu kunlarda nafaqat yurtdoshlarimiz, balki butun jahon sport ixlosmandlarining e'tibori Parij shahriga qaratilgan. Mazkur atmosferaga hamohang tarzda, Parijda joylashgan muhtasham Fransiya milliy kutubxonasiga "sayohat" qilamiz.

▪️Fransiya milliy kutubxonasi 1461-yilda tashkil etilgan.

▪️Hozirgi paytda kutubxonada 42 milliondan ziyod kitob, jurnal, gazeta va boshqa turli qo'lyozmalar saqlanadi.

▪️Kutubxonada 2300 nafar xodim faoliyat yuritadi.

▪️Byudjeti 254 mln yevroni tashkil etadi; direktor Lourens Engel, 58 yoshda.

📚 @akademnashr

Youtube | Instagram | Facebook | Twitter

115 0 1 5

Publisher.uz

8 Aug 2024, 13:41

Репост из: Alisher Sadullaev

🏆 O’zbekistonlik yosh shaxmatchilarimiz dunyoda tengsiz!

⚡️Toshkent shahrida bo'lib o'tgan o'smirlar o’rtasidagi rapid va blits bo'yicha jahon chempionatida 🇺🇿O’zbekiston terma jamoasi umumjamoa hisobida medallar soni bo’yicha 1-o’rinni egalladi:

Jami - 30 ta medal:

🥇8 ta oltin
🥈11 ta kumush
🥉11 ta bronza

@alisher_sadullaev

147 0 0 5

Publisher.uz

10 Jul 2024, 12:39

Репост из: Hilol Nashr

#maʼlumot

✨ «Hadis va Hayot» silsilasidagi barcha juzlar va ularning nomi:

1-juz: Muqaddima
2-juz: Islom va Iymon kitobi
3-juz: Niyat, Ixlos va Ilm kitobi
4-juz: Poklik kitobi
5-juz: Namoz kitobi-1
6-juz: Namoz kitobi-2
7-juz: Namoz kitobi-3
8-juz: Zakot kitobi
9-juz: Roʻza kitobi
10-juz: Haj va hmra kitobi
11-juz: Savdo, ziroat va vaqf kitobi
12-juz: Faroiz va vasiyat kitobi
13-juz: Nikoh, taloq va idda kitobi
14-15-juzlar: Qasamlar, nazrlar va ov kitobi
16-17-juzlar: Taom, sharob va libos kitobi
18-juz: Tib va dam kitobi
19-juz: Olamlarga rahmat Paygʻambar
20-juz: Anbiyolar qissasi
21-juz: Abu Bakr va Umar roziyallohu anhumo
22-juz: Usmon va Ali ibn Abu Tolib roziyallohu anhumo
23-juz: Jannat bashorat berilganlar va ahli bayt
24-juz: Peshqadamlar roziyallohu anhum
25-juz: Nubuvvat xonadoni xonimlari
26-juz: Ansorlar roziyallohu anhum
27-juz: Ahyorlar va diyorlar fazli
28-juz: Tafsir kitobi
29-juz: Tafsir, tush va masallar kitobi
30-juz: Qurʼon fazilatlari kitobi
31-juz: Jihod va gʻazotlar
32-juz: Fitnalar va Qiyomat alomatlari kitobi
33-juz: Qiyomat, jannat va doʻzax
34-juz: Yaxshilik va axloq kitobi
35-juz: Duolar, zikrlar, istigʻfor va tavba
36-juz: Zuhd va raqoiqlar kitobi
37-juz: Adab kitobi
38-juz: Haddlar kitobi
39-juz: Amirlik va qozilik kitobi

Sizga silsilaning eng yoqqan juzi qaysi? Izohda yozib qoldiring 😊

@hilolnashr

169 0 4 4

Publisher.uz

27 Jun 2024, 12:48

Oyina.uz Elbekning 1923-yil “Turkiston” gazetasining qator sonlarida e’lon qilingan lug‘atidan namunalar beribdi. Unda arab, fors va rus tillaridan o‘zlashgan so‘zlarning sof turkiycha shakllari keltirilgan.

Lug‘atda berilgan so‘zlarni o‘qib tilimizda ishlatiladigan so‘zlar qanchalik o‘zgarib ketganini ko‘rishingiz mumkin. E’tibor qilsangiz, lug‘atda keltirilgan so‘zlarning 50 foizi hozirgi kunda og‘zaki nutqda ishlatilmaydi, ba’zilari she’riyatda, nasriy asarlarda ishlatiladi xolos.

Tilga qiziquvchi har qanday inson uchun bu lug‘at qiziq bo‘lsa kerak. Tekshirib ko‘rin-chi, siz ulardan qanchasini bilar va so‘zlashuvda ishlatar ekansiz.

@Publisheruz

185 0 1 5

Показано 20 последних публикаций.

165

подписчиков

Статистика канала

Популярное в канале

Алберта университети профессори Тимоти Колфилд “Ишонч иллюзияси” (The Certainty Illusion) китоб...

Xalqaro fan olimpiadalari g‘oliblariga katta miqdorda pul mukofoti beriladigan bo‘ldi ● Preziden...

Ramazon hayiti muborak bo'lsin, azizlar! Qilgan ibodat, yaxshi amal va duolaringizni Alloh qabul...

Oxirgi postimga juda ko‘p munosabat bildirildi, qarab turmaymiz, yordam berishga shaymiz, degan i...