Ishga mukkasidan ketish kasallikmi? 🤔Savol: Dadam faqat ishlaydi, ishdan kelishi bilan yana uyda ham ish bilan band. Bizga va uyni og‘ir ishlariga vaqti yo‘q. Barcha santexnika ishlari, bozor-o‘char, hammasi onamni bo‘ynida. Xatto uyda biron texnika buzilsa xam, ustaniyam onam topadi, kerak bo‘lsa tuzatib xam qo‘yadi. To‘g‘ri xozir pul topish, oilani boqish osonmas. Lekin…. Aytingchi, bu tabiiy holmi yoki?
🥸Ishga mukkasidan ketish kasallikdir. Xa, xa, aynan kasallik! Noximiyaviy qaramlikning bir turi bo‘lib, shaxs xayotining deyarli barcha qismi ish bilan o‘tib ketishidir (trudogolizm).
🔼Trudogolizmda ish xayotning mazmunini tashkil etadi. Insonni ishining natijasi umuman qiziqtirmaydi, ish jarayoni uchun tinmay mehnat qiladi. Aniq vazifalarni bajarishga kirishadi, mayda detallarga juda e’tibor beradi, ideal darajaga yetkazishga xarakat qiladi.
🔽Trudogolizm kasalligiga uchragan shaxsni na oila, na dam olish, na kundalik yumushlar va na do‘stlar qiziqtiradi. Bunday shaxsni xobbisi bo‘lsa xam ish bilan bog‘liq bo‘ladi.
⁉️Erkak trudogoliklar ayollarga nisbatan 2 baravar ko‘proq.
🧤Trudogolizm sabablari:
✅Asosiy sababi bolalik davri bilan bog‘liq. Bolalikda ish - hayot mazmuni ekani va o‘z burch-vazifalarini juda a’lo darajada bajarishga urinish kerakligi uqtirilaversa, u kelajakda trudogolizmga chalinishi mumkin.
🗣️Yana bir sabab-alkogolizm bilan kasallangan otaning borligi. Bunday otani ko‘rgan, u chiqargan janjallar guvohi bo‘lgan farzand, otasining aksi, umuman ichmaydigan insonga aylanishni istab, tunu-kun ishlashga qaror qiladi.
🗣️Shaxsiy hayotida yorqin lahzalar bo‘lmagan va shaxsiy hayoti omadsiz bo‘lgan yoki yolg‘iz yashaydigan inson o‘zini ishga bag‘ishlaydi. Ishida yutuqlarga erishgan sayin, shaxsiy hayotidagi ko‘ngilsizliklar unutilaveradi. Shaxsiy hayotda xaqiqiy munosabatlar o‘rnatishdan ko‘ra, ishda omad qozonishga sho‘ng‘ib ketadi. Shunday qilib, trudogolizm xayotiy muammolarini xal etishdan qochish usuli sifatida rivojlanadi.
✔️Trudogolizmning belgilari:
✅Fikrlashning tizimliligi
✅Qaysarlik
✅Omadsizlik qo‘rquvi
✅Mayda ishlarga o‘ta e’tiborlilik
✅Ishdan boshqa xech narsaga qiziqmaslik
✅Doim ish xaqida o‘ylash
✅Muayyan qaror qabul qilish qiyinligi
✅Ishdan tashqari xolatda yoki navbatdagi vazifa tugashi oldidan xavotir, ta’sirchanlik oshishi
✅Navbatdagi ish vazifa nihoyalaganda, tezda keyingi topshiriq olish xaqida o‘ylash
✅Bajarilgan ishdan so‘ng, xech qanday xursandchilik xissining yo‘qligi
✅O‘ziga va qilayotgan ishiga nisbatan o‘ta talabchanlik
✅Dam olishni dangasalik deb bilish
🔜Trudogoliklarning tasnifi:
-O‘zi uchun trudogolik - ishiga mukkasidan ketishni oqlashga urinmaydi
-O‘zgalar uchun trudogolik - doimiy ish bilan bandligini moddiy, oilaviy ahvolini yaxshilash bilan tushuntiradi
-Omadli trudogolik-trudogolizm belgilari bilan karyerada cho‘qqilarga erishish
-Trudogolik - omadsiz -vazifani mayda qismlarini bajarish bilan band bo‘lib, asosiy maqsadga erisha olmaydi
-Yashirin trudogolik - o‘z ishiga mukkasidan ketganligini sezib atrofidagilarga ishga qiziqishi yo‘qligini «namoyon» qiladi.
🔴Trudogolizm oqibatlari:
📊Barcha boshqa turdagi qaramliklar (alkogolizm, narkomaniya, internet qaramligi, toksikomaniya va b.) kabi inson hayotiga salbiy ta’sir etadi. Trudogolik shaxs hayotdan to‘laligicha baxra ololmay, uning faqat «ish bilan bog‘liq qismi»dangina xuzurlanadi. Oilaviy baxt dam olish zavqi, sayoxatlardan xuzurlanish kabi sezgilar unga begona
🔗Trudogolizm sog‘liqqa ta’sir etadi: ish bilan bog‘liq bo‘lgan doimiy charchash, xavotir va xayajonlanish surunkali charchash, yurak qon-tomir va oshqozon kasalliklariga olib keladi.
⚙️Ishda muammolar yuzaga kelsa, ruhiy buzilishlar-depressiya va uyqusizlik yuzaga kelishi mumkin.
📊Trudogolizm oiladagi jiddiy ziddiyatlarga olib kelishi mumkin. Chunki o‘z erlik, otalik vazifasini umuman bajarmaydigan erkak (ayol) bilan yashash juda qiyin.
🌈Trudogolizmni davolash:
Xayotdan qochishning bir ko‘rinishi bo‘lgani uchun uni davolab qo‘yuvchi sehrli dori yo‘q. Sabablarini yo‘qotish va psixoterapiya bilan davolanadi.
📱
https://t.me/Psixoterapevtuz
