Как сделать платный канал?

Платная подписка и донаты для канала вместе с Tribute

Создай свой платный канал

Сделай вход на свой Telegram канал платным

Донаты в Telegram

Принимайте донаты бесплатно, без лимитов и комиссий.

Статистика Избранное

PSIXODIAGNOSTIKA

@Psixodiagnostika

Гео и язык канала: Узбекистан, Узбекский

Категория: Психология

PSIXOLOGIYANI BIZ BILAN O'RGANING
YAGONA ILMIY PSIXOLOGIK KANAL
YOU TUBE kanal: https://bit.ly/3qvEaI1
Psixologik testlar, trening materiallari: @PsixologiyaBaza
Admin: Psixolog Azamat Baxriddinov @az_uz
Donate uchun:
https://tirikchilik.uz/azuz

Связанные каналы | Похожие каналы

Гео и язык канала

Узбекистан, Узбекский

Категория

Психология

Статистика

Избранное

Фильтр публикаций

Скрывать удаленные

Скрывать репосты

PSIXODIAGNOSTIKA

22 Jun, 10:07

Psixologlar faoliyatini litsenziyalashning muhim sabablari

1.Professional standartlarni taʼminlash: Litsenziyalash jarayoni orqali psixologlar professional standartlarga javob berishini taʼminlanadi. Bu jarayon orqali faqat tegishli bilim, koʻnikma va malakaga ega shaxslarga psixolog sifatida ishlashga ruxsat beriladi.

2.Bemorlar va mijozlar xavfsizligini taʼminlash: Litsenziyalash psixologlarning mijozlar bilan ishlashda xavfsiz va etikal meʼyorlarga rioya qilishini kafolatlaydi. Bu mijozlarning himoyasini taʼminlaydi va notoʻgʻri amaliyotlardan saqlaydi.

3.Sifat nazorati: Litsenziyalash organlari psixologlar faoliyatini nazorat qiladi va ular tomonidan koʻrsatilayotgan xizmatlarning sifatini tekshirib boradi. Bu orqali xizmatlarning yuqori darajada boʻlishi kafolatlanadi.

4.Ishonchni taʼminlash: Litsenziyalangan psixologlar jamiyatda yuqori darajadagi ishonchga ega boʻladi. Bu mijozlarning psixologik xizmatlarga boʻlgan ishonchini oshiradi va yordam soʻrashga ragʻbatlantiradi.

5.Yuridik himoya: Litsenziyalash organlari psixologlarga yuridik masalalarda yordam koʻrsatadi va ularning huquqlarini himoya qiladi. Bu, ayniqsa, bemorlar va mijozlar, bilan bogʻliq nizolarda muhim ahamiyatga ega.

Xullas, faoliyatni litsenziyalash orqali psixologik xizmatning sifati yanada oshadi. Shuningdek, mamlakatimizda psixologiya fani rivojlanishiga ham katta hissa qoʻshadi.

Buyogʻi endi deputatlarimizga bogʻliq. Tezlashtiramiz hurmatli deputatlar

®️ Psixologiya

692 0 7 3 27

PSIXODIAGNOSTIKA

21 Jun, 21:05

Yuqoridagi xabarni ijtimoiy tarmoqlarda koʻrgan yoki oʻqigan boʻlsangiz kerak.

Ushbu holatga mutaxassis sifatida oʻz fikrlarimni bildirmoqchiman.

Yuqoridagi holatni amalga oshirgan erkak jinsidagi shaxsni, katta ehtimol bilan jinsiy deviatsiyadan aziyat chekayotgan bemor deb baholashimiz mumkin. Holat boʻyicha qoʻshimcha maʼlumotlarda keltirilishicha ushbu erkak bundan oldin ham ayollarning kiyimlari surunkali ravishda kiyib yurishga harakat qilgan. Bu esa shaxsda "Transvestik fetishizm" alomatlari mavjudligini koʻrsatadi.

APA (Amerika Psixiatriya Assotsiatsiyasi)ning DSM—5 (Ruhiy kasalliklar diagnostikasi va statistik qoʻllanmasi, Beshinchi nashr) qoʻllanmasiga asosan "Transvestik fetishizm" parafiliya sifatida tasniflanadi.

Transvestik fetishizm — bu ayollarning kiyimiga nisbatan haddan tashqari jinsiy yoki erotik qiziqish bor deb hisoblangan erkaklarga qoʻllaniladigan psixiatrik tashxis boʻlib, bunda qiziqish koʻpincha avtoerotik xatti-harakatlarda ifodalanadi. Ya'ni, shaxs ayollarning kiyimini kiyish orqali oʻzida jinsiy qoʻzgʻalishni his etishi mumkin.

®️ Psixologiya

781 0 5 13 23

PSIXODIAGNOSTIKA

18 Jun, 16:05

01:00

Видео недоступно для предпросмотра

Смотреть в Telegram

Marafonchilarga salomlar 😂😂😂

1.3k 0 16 26

PSIXODIAGNOSTIKA

17 Jun, 11:59

#Kashfiyot
#Ozimizda
#Bizda

Odaming qarorlari, affermatsiya, yangi ustanovkalar ishlashi boʻyicha olamshumul kashfiyot qilindi.

Izlanishlarga koʻra, ong kanali toza boʻlsa, atrofingizda “radavoy va karmik” bloklar boʻlmasa, odamning qarorlari, affermatsiya, yangi ustanovkalari ishlar ekan.
Va bularning barchasi ONG TRANSFORMATSIYASI kursi asosida ishlab chiqilgan.

Kursni 888888 soʻmga sotib oling va qarorlaringiz, affermatsiya va yangi ustanovkalaringizni ishlatishni oʻrganing.

😂😂😂😂

®️ Psixologiya

1.3k 0 2 11 21

PSIXODIAGNOSTIKA

17 Jun, 11:42

#Kashfiyot
#Chet_elda

Neurofeedback texnologiyasi.

Neurofeedback texnologiyasi orqali insonlar o'zlarining miyasidagi faoliyatni real vaqtda kuzatish va nazorat qilish imkoniyatiga ega bo'ldilar. Bu texnologiya orqali miya to'lqinlari va faoliyatini o'zgartirish, stress, depressiya va boshqa psixologik muammolarni davolash imkoni ishlab chiqildi.

®️ Psixologiya

1.1k 0 6 7

PSIXODIAGNOSTIKA

17 Jun, 11:00

Afsuski bizning jamiyatda baʼzi ota-onalarimiz firibgarlik yoki korrupsiya harakatlarini uddaburonlik deb bolalarga singdirib qoʻyishadi. Misol uchun, “Qoʻliga oʻsha uch-toʻrt soʻm pulini berganingda, ishingni hal qilib berardi”, “Toʻxta tanishim bor, oʻshanga telefon qilsam navbatsiz kirib ketasan, kutib oʻtirmaysan”, “Biror ishonchli bahona qilsang kirgizvorardi…” kabi gaplarni hozir ham eshitib turamiz yoki, balki oʻzimiz ham shu gaplarni ishlatarmiz.

Firibgarlar psixologiyasi

Oʻtgan 2023-yil davomida jami 18492 ta firibgarlik jinoyatlari roʻyxatga olingan boʻlib, respublika boʻyicha sodir etilgan jami (104096)...

917 0 5 7

PSIXODIAGNOSTIKA

16 Jun, 09:20

OʻZBEK XALQ MAQOLLARINING PSIXOLOGIK TILGA TARJIMASI

Tarki odat amri mahol — Addiksiyadan qutilish qiyin

Ona qilsa zoʻrlikni, bola tortar xoʻrlikni — Destruktiv tarbiya autodestruktiv axloqni keltirib chiqaradi

Jahl kelsa, aql ketar — Kayfiyatning intellektga taʼsiri kuchli

Birovga kesak otsang, u senga tosh otadi — Agressiya, agressiyani keltirib chiqaradi

Bilmas tabib jon olar — Soxta psixologlar oʻldiradi 😂

Betimning qalini, jonimning huzuri — Empatiyasizlik maza

Boʻydoqning koʻzi koʻr — Jinsiy garmonlar kuchli taʼsir qiladi

Telbaning terisi qalin — Shizofrenlarda pushaymonlik hissi boʻlmaydi

Bukrini goʻr tuzatar — Xarakterni oʻzgartirish qiyin

Yana variantlar bo'lsa izohda kutaman

®️ Psixologiya

1.5k 0 53 4 32

PSIXODIAGNOSTIKA

14 Jun, 21:56

Psixologik operatsiyalar tarixda koʻplab misollar bilan toʻla. Masalan, Ikkinchi jahon urushi davrida Germaniya va Ittifoqchilar tarafidan koʻplab psixologik operatsiyalar oʻtkazilgan. Hozirgi zamonaviy urushlarda esa internet va ijtimoiy tarmoqlar orqali dezinformatsiya, propaganda keng koʻlamda qoʻllaniladi. Psixologik operatsiyalarda axborot texnologiyalari va ommaviy axborot vositalarining ahamiyati tobora ortib bormoqda.

®️ Psixologiya

Psixologik operatsiyalar

Psixologik operatsiya (PSYOP) – bu dushman yoki raqibning ruhiyatiga taʼsir etish orqali ularni zaiflashtirish, ularning qarshilik...

1.2k 0 8 8

PSIXODIAGNOSTIKA

12 Jun, 16:02

ChatGPT sun'iy intellektining men haqimdagi fikri 😂

1.6k 0 6 15 39

PSIXODIAGNOSTIKA

9 Jun, 16:03

Tajribasiz yoki soxta psixolog hayot uchun xavfli

Hozirgi kunda baʼzi bir “psixologlarda” ilmiylikdan yiroq bo‘lgan faoliyat bilan shug‘ullanishdan tashqari, o‘zlari o‘ylab topgan va ilmiy asoslanmagan “g‘alati” texnikalarni bechora mijozlarga qo‘llash hollari ham uchrab turibdi.

Misol uchun: kecha kuni bir tanishim o‘z ukasining axloqidan nolib qoldi. Tanishimning aytishicha, uning ukasi bir oy davomida “psixolog” qabuliga borgan. “Psixolog” esa mijozga "kim nima desa yo‘q deb javob qaytar, ota-ona va qarindoshlar illyuziya, bu hayotda faqat sen borsan" kabi mazmundagi tavsiyalarni bergan. Natijada, mijoz yaʼni tanishimning ukasi, o‘z xulq-atvorida kuchli agressiyani namoyon etib, ota-onasi va aka-ukalarini bevosita inkor eta boshlagan. Hozirda tanishimning ukasi o‘zi yolg‘iz yashamoqda ekan.

Afsuski OTMda yaxshi o‘qimagan bir (tormoz) psixologni deb tanishimning oilasida xotirjamlik yo‘qolgan.

P.S. Hurmatli bo‘lajak psixologlar, talabalar! Agar kasbiy jihatdan o‘zingizga ishonch yetishmasa albatta shogirdlikka tushing, o‘zingizga tajribali ustoz toping.

3.7k 1 18 44

PSIXODIAGNOSTIKA

5 Jun, 11:32

Baʼzi manyaklarda psixoz alomatlari, boshqalarida ogʻir bipolyar buzilish tashxisi aniqlangan. Biroq, juda kam sonli manyaklar qonuniy ravishda aqldan ozgan yoki ruhiy kasal deb hisoblangan. Yaʼni aksar manyaklar oʻz vahshiyliklarini maʼlum motiv asosida va bilib amalga oshiradi.

Manyaklar (seriyali qotillar) ruhiy kasalmi?

Seriyali qotil (manyak) — bu maʼlum vaqt davomida bir qator qotilliklarni amalga oshiradigan shaxs, odatda har bir qotillik orasida...

1.9k 0 12 4 11

PSIXODIAGNOSTIKA

3 Jun, 13:48

BBC, CNN, MChJ, TNT, BJQ, XYZ larning xabar berishicha: Baʼzi bir mashhur soxta psixologlar, “psixogenetiklar”, ezoteriklar, oʻz nomlarini oqlash maqsadida oliy taʼlimning psixologiya yoʻnalishlarida sirtqi taʼlim shaklida, bakalavr diplomini olish uchun oʻqishayotgan ekan 😂😂😂😂

®️ Psixologiya

2.1k 0 8 38 44

PSIXODIAGNOSTIKA

3 Jun, 13:33

Bu ancha oldin boʻlishi kerak edi. Lekin, hechdan koʻra kech.

Xursandman!

Aytgancha, soxta psixologlar (yaʼni "psixogenetiklar", parapsixologlar, ong osti mutaxassislari, numerologlar, chakrashunoslar, kvant psixologlar, ezoteriklar, qalbshunoslar, energologlar) qalaysizlar, yuribsizlarmi, nima gaplar, koʻrinmay ketdinglar. Sizlardan men hol-ahvol soʻramasam yana kim soʻraydi 😂

®️ Psixologiya

1.9k 0 5 8 26

PSIXODIAGNOSTIKA

3 Jun, 13:23

Репост из: Shaxnoza Xolmaxamatova

Узоқ ва қизғин тортишувлар, мунозаралар ва муҳокамалардан сўнг психологик ёрдам кўрсатишни тартибга солишга қаратилган “Аҳолига психологик ёрдам кўрсатиш тўғрисида”ги қонун лойиҳаси ишлаб чиқилди.

Жойларда ўтказилаётган учрашув ва мулоқотларда 2 ёки 3 ойлик шубҳали курсларни тамомлаган шахслар ўзларини “психолог” деб таништириб, одамларнинг қимматли вақти ва маблағини “ўғирлаётганлиги”, бу масалани қонун билан тартибга солиш заруратига оид масала тез-тез кўтарилиб турганди.

Кўп миллионли аудиторияни ўзида жамлаётган ижтимоий тармоқларни ҳам кузатдик: ҳақиқатдан ҳам, 5-6 та рисолани варақлаб чиқиб, одамларнинг ишончига кириб, уларнинг руҳий, маънавий дунёсига дахл қилаётган “психолог”лар кўпайганини кўриб турибмиз.

Бу мавзуда илгари ҳам ўз фикримни билдиргандим: психологлар фаолиятига оид қонунчиликни такомиллаштириш шарт ва зарур.

Қонунчилик палатасидаги бир гуруҳ ҳамкасбларимиз билан ҳамкорликда масалани чуқурроқ ўргандик, мутахассислар, экспертлар билан қайта-қайта учрашиб, муҳокамалар ўтказдик.

Бир неча ойлик муттасил изланишлардан сўнг Адлия вазирлиги билан ҳамкорликда “Аҳолига психологик ёрдам кўрсатиш тўғрисида”ги қонун лойиҳасини ишлаб чиқдик ва тез орада лойиҳани Палатага киритишни режалаштирмоқдамиз.

Демоқчи бўлганим, ҳозирча илк ва муҳим қадам қўйилди, психологлар фаолиятига оид ҳуқуқий асос яратилади. Қонун лойиҳасида акс эттирилаётган нормалар ва уларнинг мазмун-мақсадига кейинроқ тўхталиб ўтаман.

@Shaxnoza_Xolmaxamatova

1.6k 0 17 2 31

PSIXODIAGNOSTIKA

2 Jun, 19:20

01:36

Видео недоступно для предпросмотра

Смотреть в Telegram

Seriyali qotil (manyak) hibsga olingandan soʻng, har doim savol tugʻiladi: bu odam qanday qilib manyakka aylandi? Javob, tugʻilishdan to voyaga yetgunga qadar shaxsning rivojlanishida yotadi.

Xususan, insonning xulq-atvoriga hayotiy tajribalar, shuningdek, maʼlum psixologik, biologik omillar taʼsir qiladi.

®️ Psixologiya

1.7k 0 11 10

PSIXODIAGNOSTIKA

30 May, 21:44

#sarkazm

ayni kunlarda, ba'zi bir odamlarga (ezoterik, qalbshunos va "psixogenetiklar"ga) ushbu savolni juda bergim kelyaptida... 😂

®️ Psixologiya

2k 0 13 6 46

PSIXODIAGNOSTIKA

23 May, 19:28

Bir lahzalik koʻz ilgʻashida ushbu rasmda qizil rang bordek koʻrinadi. Aslida rasmda qizil rang yoʻq.

Bu shunchaki moviy, qora va oq rangli nuqtalar kompozitsiyasidan hosil boʻlgan rasm.

Eng qizigʻI bizning koʻzimiz qizil rangni ilgʻagandek boʻladi.

Xoʻsh nima deb oʻylaysiz? Nega koʻzimiz yoʻq rangni ham koʻrmoqda?

Fikrlaringizni izohda kutaman.

®️ Psixologiya

2.7k 0 11 9 10

PSIXODIAGNOSTIKA

22 May, 14:34

Antisotsial shaxsiyat buzilishi boʻlgan odamda:

• boshqalarning huquqlarini ekspluatatsiya
qilish, manipulyatsiya qilish yoki buzish (masalan ayollarning erkinlik va shaxsiy huquqlarini cheklash)

• boshqa odamlarning qaygʻulariga nisbatan tashvish, afsuslanish yoki achinmaslik (masalan, oʻta sovuqqonlik va befarqlik, “bizning” yoki “bizniki” kabi hislarning shakllanmaganligi)

• oʻzini masʼuliyatsiz tutish va oddiy ijtimoiy xatti-harakatlarga eʼtiborsizlik koʻrsatish (masalan, isteʼmol axlatlarini uchragan joyga tashlab ketish, ekologiya va tabiatga zarar yetkazish)

• uzoq muddatli munosabatlarni saqlab qolishda qiyinchiliklarga duch kelish (masalan, xotinbozlik va yengil tabiatlilik)

• gʻazabini nazorat qila olmaslik (masalan, jamoat joylarida dahanaki janjallashish, urishish, mushtlashish, soʻkinib haqoratlash)

• aybdorlikning yoʻqligi yoki xatolaridan saboq olmaslik (firibgarlik, odamlarni aldash)

• hayotidagi muammolar uchun boshqalarni ayblash (masalan, oʻzini bilimsizligida butun bir taʼlim tizmi yoki ota-onasi va boshqalarni ayblash)

• qonunni qayta-qayta buzish (avtomobil haydaganda yoki piyodalikda yoʻl harakati qoidalariga amal qilmaslik, korrupsiyani paydo boʻlishida figurant boʻlish) holatlari koʻp kuzatiladi

Yuqorida koʻrsatib oʻtilgan belgilardan 3 tasi siz yoki kimdadir kuzatilsa, demak oʻsha shaxsda antisotsial shaxsiyat buzilishi mavjud.

ANTISOTSIAL SHAXSLAR JAMIYATDA YASHASHNI QIYINLASHTIRADI!

®️ Psixologiya

2.3k 0 20 1 14

PSIXODIAGNOSTIKA

16 May, 08:36

BILIM LAʼNATI

Oliy taʼlimda oʻqib yurgan davrimda, bir Akademik ustozimiz bor edi. Hamma uni hurmat qilar edi. Lekin u oʻtgan darslarni juda koʻpchilik kursdoshlarim tushunishga qiynalar yoki umuman tushunmas edi. Ustozimiz esa bizni tushunmaslikda aniqrogʻi tushunishni xohlamaslikda ayblar edilar.

Bunaqangi holatlarga siz ham guvoh boʻlsangiz kerak. Buni psixologiyada Bilim laʼnati (Curse of knowledge) effekti deb nomlanadi va bu kognitiv chalkashlikni bir turi hisoblanadi.

Bilim beruvchi yaʼni ustoz, bilim oluvchilarni xuddi oʻzidek tajribaga ega emasligini inobatga olmasdan dars oʻtadi. Natijada bilim oluvchilar hech narsaga tushunmaydilar. Ustozlar aslida, “eng sodda usulda tushuntiryapman” deb oʻylashlari va talabalarning tushunmasligi, ushbu effektni yuzaga keltiradi.

Demak, agar talabalar OTMda kimnidir darsini ommaviy ravishda tushunmasalar, bu yerda bilim laʼnati effekti yuzaga kelmoqda.

Yodda tuting: Birorta ham dars yoki mavzuni tushunmasligingiz, bilim laʼnati effekti degani emas. Bunday vaziyatda katta ehtimol bilan sizning, bilish faoliyatingizda kamchiliklar bor.

®️ Psixologiya

2.8k 1 26 4 36

PSIXODIAGNOSTIKA

13 May, 19:46

#Psixologik_Test

Rasmdagi 👆 yovvoyi hayvonlardan birini tanlang va oʻzingiz haqingizda, oʻzingiz bilmagan narsalarni bilib oling!

JAVOBLAR👇

Agar siz sher, yoʻlbars, karkidon, tuya, fil, tulkini tanlagan boʻlsangiz: Siz oʻylaysiz “hozir xarakterim haqida bilvolaman” deb. Yoʻq! Bunaqa narsalar psixologiyada mavjud emas. Oʻzingiz oʻylab koʻring, men sizni tanlagan hayvoningizga qarab, qanday qilib siz haqida aytib beraman. Hattoki sizni yuzingizni ham koʻrmaganman-ku.

Mabodo shunaqa testlarni internetda koʻrib qolsangiz, ishonmang. Yana qaysidir psixolog sizga shunaqa koʻrinishdagi testlarni bersa bilingki, oʻsha psixolog bilimsiz!

Shuningdek, “Shakllardan birini tanlang”, “Ranglardan birini tanlang”, “Hayolingizga bir hayvonni keltiring” kabi mazmundagi testlar ham hech qanday ilmiy asosga ega emas.

Ushbu testni doʻstlaringiz bilan ulashing, ular ham xarakteri haqida bilib olsin 😂😂😂

®️ Psixologiya

2.7k 0 36 4 50

Показано 20 последних публикаций.

2 845

подписчиков

Статистика канала

Популярное в канале

Tajribasiz yoki soxta psixolog hayot uchun xavfli Hozirgi kunda baʼzi bir “psixologlarda” ilmiyl...

BBC, CNN, MChJ, TNT, BJQ, XYZ larning xabar berishicha: Baʼzi bir mashhur soxta psixologlar, “psi...

#sarkazm ayni kunlarda, ba'zi bir odamlarga (ezoterik, qalbshunos va "psixogenetiklar"ga) ushbu ...

Baʼzi manyaklarda psixoz alomatlari, boshqalarida ogʻir bipolyar buzilish tashxisi aniqlangan. Bi...

Bu ancha oldin boʻlishi kerak edi. Lekin, hechdan koʻra kech. Xursandman! Aytgancha, soxta psix...